ⴰⴷ ⵜⵉⵍⵍⵉ ⵜⵙⴻⵍⴼⴰⵡⵜ ⵜⴰⵖⴻⵍⵏⴰⵡⵜ ⵏ ⵓⴼⵙⴰⴷ ⵎⴳⴰⵍ ⵏ ⵓⴽⵔⴰⴼ ⵏ ⵢⵉⴳⴻⵔⴷⴰⵏ ⵙ ⵡⴰⵙⵙ-ⴰ ⵏ 30 ⵡⴰⵎⴱⴻⵔ ⴰⵍⵍⴰⵎⴰ ⴷⴻⴳ ⵢⴰⵍ ⵉⵍⵎⵓⵙⵙⴻⵏ ⵏ ⵜⵓⵊⵢⴰ ⵏ ⵜⵎⵓⵔⵢⵜ
ⵜⴰⵙⴻⵍⴼⴰⵡⵜ ⵏ ⵓⴼⵙⴰⴷ ⵜⴻⵙⵙⵏⵉⵛⵉ 4.425.502 ⵏ ⵢⵉⴳⴻⵔⴷⴰⵏ ⵢⴻⵙɛⴰⵏ ⴳⴰⵔ ⵙⵉⵏ ⵏ ⵡⴰⵢⵢⵓⵔⴻⵏ ⴷ 59 ⵏ ⵡⴰⵢⵢⵓⵔⴻⵏ (5 ⵏ ⵢⵉⵙⴻⴳⴳⴰⵙⴻⵏ ⴰⵍⴰ ⵢⵉⵡⴻⵏ ⵏ ⵡⴰⵙⵙ), ⴷ ⵜⴰⴳⴳⴰⵢⵜ ⵉ ⵣⴻⵎⵔⴻⵏ ⴰⴷ ⴰⴹⵏⴻⵏ ⴰⵟⴰⵙ, ⴰⵢⴰ ⴷⴻⴳ 274 ⵏ ⵜⵙⵓⴷⴰ ⵜⵉⵏⴰⴳⴷⵓⴷⵉⵏ ⵏ ⵜⴰⴷⴰⵡⵙⴰ ⵜⴰⵎⴻⵏⵣⵓⵜ ⵜⴰⵎⴰⴷⵓⵙⵜ.
ⴰⴷ ⵜⴻⵜⵜⵡⴰⵙⵓⴷⴷⴻⵙ ⵜⵙⴻⵍⴼⴰⵡⵜ ⵏ ⵓⴼⵙⴰⴷ ⴷⴻⴳ ⴽⵔⴰⴹ ⵏ ⵜⴰⵍⵍⵓⵙⵉⵏ : ⵜⴰⵍⵍⵓⵙⵜ ⵜⴰⵎⴻⵣⵡⴰⵔⵓⵜ ⴰⴷ ⴷ-ⵜⵉⵍⵉ ⵙⴻⴳ 30 ⵡⴰⵎⴱⴻⵔ ⴰⵔ 6 ⴷⵓⵊⴻⵎⴱⴻⵔ 2025, ⵜⵉⵙ ⵙⵏⴰⵜ ⵙⴻⴳ 21 ⴰⵔ 27 ⴷⵓⵊⴻⵎⴱⴻⵔ 2025, ⵎⴰ ⴷ ⵜⴰⵍⵍⵓⵙⵜ ⵜⵉⵙ ⴽⵔⴰⴹⵜ ⴰⴷ ⴷ-ⵜⵉⵍⵉ ⵙ ⵜⴳⴻⵣⵣⴰⵢⵜ ⵏ (ⵉⵒⵯ), ⵙⴻⴳ 25 ⴰⵔ 31 ⵢⴻⵏⵏⴰⵢⴻⵔ 2026.
ⵉⵡⴻⴽⴽⴻⴷ-ⴷ ⵡⴻⵖⵍⵉⴼ ⵏ ⵜⴷⴰⵡⵙⴰ ⴷⴰⴽⴽⴻⵏ ⴰⴽⴽ ⵉⴳⴻⵔⴷⴰⵏ ⵢⴻⵍⵍⴰⵏ ⴷⴻⴳ ⵜⴰⴳⴳⴰⵢⵜ-ⴰ ⵉ ⵢⴻⵜⵜⵡⴰⵙⵏⵉⵛⴻⵏ ⵇⵇⵏⴻⵏ ⴰⴽⴽ ⵖⴻⵔ ⵜⴰⵍⵍⵓⵙⵉⵏ-ⴰ ⴰⴽⴽⴻⵏ ⵎⴰ ⵍⵍⴰⵏ, ⴳⴰⵔ-ⴰⵙⴻⵏ ⵉⴳⴻⵔⴷⴰⵏ ⵢⴻⵍⵍⴰⵏ ⴳⵉⵏ ⵣⵉⴽ ⴰⴼⵙⴰⴷ-ⵏⵙⴻⵏ ⴰⵕⵓⵜⵉⵏⵉ ».
ⵜⴻⵙⵙⴻⴳⵣⴰ-ⴷ ⴷⴰⴽⴽⴻⵏ ⵜⴰⵙⴻⵍⴼⴰⵡⵜ-ⴰ ⵜⵓⵙⴻ-ⴷ ⴷⴻⴼⴼⵉⵔ ⵎⴰ « ⴽⴻⵍⵙⴻⵏ-ⴷ ⵜⵉⵊⵕⴰ ⵢⴻⵜⵜⵡⴰⴼⴻⵔⵇⴻⵏ ⵏ ⵓⵏⴼⴰⴼⴰⴷ ⵢⴻⵎⵎⴻⴹⵔⴰⵏⴻⵏ ⵏ ⵓⴽⵔⴰⴼ ⵏ ⵢⵉⴳⴻⵔⴷⴰⵏ ⵢⴻⵇⵇⵏⴻⵏ ⵖⴻⵔ ⵜⴻⵍⵎⴻⵙⵜ ⵜⵉⵙ 2 (ⵯⴷⵒⵯ2) ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ, ⵜⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⵎⵙⴰⵍⵜ-ⴰ « ⵓⵔ ⵢⴻⵜⵜⵃⴰⵣ ⴰⵔⴰ ⴰⴳⴻⵔⴷⴰⵙ ⵉ ⵜⴻⵡⵡⵉ ⴷⵣⴰⵢⴻⵔ ⴷ ⵜⴰⵎⵓⵔⵜ ⵉⴷⴻⴳ ⵓⵔ ⵜⴻⵙɛⵉ ⴰⵔⴰ ⴰⵏⴼⴰⴼⴰⴷ ⵏ ⵓⴽⵔⴰⴼ ⵏ ⵢⵉⴳⴻⵔⴷⴰⵏ ⵙⴻⴳ ⵓⵙⴻⴳⴳⴰⵙ ⵏ 2016 ».
ⵢⴻⵜⵜⵡⴰⵖⵜⴻⵙ ⴷⴰⵖ « ⴰⵙⵎⴻⵎⵎⵉ ⵏ ⵓⴼⵙⴰⴷ ⵙ ⵢⵉⵎⵉ ⵖⴻⵔ ⵜⵎⵓⵖⵍⵉ ⵏ ⵜⴰⵎⵍⵉⵍⵜ-ⵏⵏⴻⵙ ⴷ ⵜⵖⴻⵍⵍⵉⵙⵜ-ⵏⵏⴻⵙ ⵎⴳⴰⵍ ⵜⵙⵓⵜⴰ ⵢⴻⵎⵎⴻⴹⵔⴰⵏⴻⵏ, ⴰⵢⴰ ⵖⴻⴼ ⵉⴷⵉⵙ ⵏ ⵜⴳⴻⵣⵣⴰⵢⵜ ⵏ (ⵉⵒⵯ).
ⴰⵔⵏⵓ ⵖⴻⵔ
