ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴻⵇⴼ, ⵎⴰⵙⵙ ⵢⵓⵓⵛⴻⴼ ⴱⴻⵍⵎⴻⵀⴷⵉ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵜⵉⵖⵉⵎⵉⵜ ⵏ ⵓⵙⴻⵏⵄⴻⵜ (orientation) ⵉ ⵓⵇⴻⵔⴷⴻⵛ ⴷ ⵓⵙⴼⵓⵍⴻⵍ ⵏ ⵡⴰⵟⴰⵙ ⵏ ⵜⴻⵎⵙⴰⵍ ⵉⵛⵓⴷⴷⴻⵏ ⵖⴻⵔ ⵜⵉⴷⴷⵢ ⵏ ⵓⵏⵏⴰⵔ, ⴳⴰⵔ-ⴰⵙⴻⵏⵜ ⴰⵀⴻⴳⴳⵉ ⵏ ⵓⵖⴻⵔⴱⴰⵣ ⵏ ⵍⵇⴻⵔ'ⴰⵏ ⵏ ⵓⵏⴻⴱⴷⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵎⴰⵙⵙ ⴱⴻⵍⵎⴻⵀⴷⵉ ⵢⴻⵙⵙⴻⵍⵡⴰⵢ ⴷⴻⴳ ⵓⴱⵉⵕⵓ ⵏ ⵜⵏⴻⵀⵍⴰⴼⵜ, ⵙ ⵜⵉⵍⵉⵜ ⵏ ⵓⵎⴰⵏⴰⵢ ⴰⵎⴰⵜⵓ, ⵢⵉⵎⴹⴻⴱⴱⵔⴻⵏ ⵏ ⵜⵏⴻⵀⵎⵍⴰⵜ ⵜⴰⵍⴻⵎⵎⴰⵙⵜ, ⴰⵎⵙⴻⴳⵍⴰⵡⴰⵢ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⵃⴻⴶ ⴷ ⵍⵄⵓⵎⵔⴰ, ⴰⵎⵙⴻⴳⵍⴰⵡⴰⵢ ⵏ ⵓⵙⵉⵔⴻⵎ ⴰⵖⴻⵍⵏⴰⵡ ⵏ ⵍⵡⴻⵇⴼ ⴷ ⵣⵣⴰⴽⴰⵜ, ⴷ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵎⵓⵙⵏⵉ ⵜⴰⵖⴻⵍⵏⴰⵡⵜ ⵏ ⵢⵉⵙⵓⴼⴼⴻⵖⴻⵏ ⵏ ⵢⵉⵏⵙⴻⵍⵎⴻⵏ "ⴻⵍ-ⴰⵙⵔ", ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵉ ⵓⵇⴻⵔⴷⴻⵛ ⵏ ⵜⴻⵎⵙⴰⵍ ⵢⴻⵄⵏⴰⵏ ⵜⵉⴷⴷⵢ ⵏ ⵓⵏⵏⴰⵔ-ⴰⴳⵉ.
ⴷⴻⴳ ⵓⵏⵏⴰⵔ-ⴰⴳⵉ, ⵇⴻⵔⴷⵛⴻⵏ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵜⴻⵎⵙⴰⵍ ⵢⴻⵄⵏⴰⵏ ⵜⴰⵔⵇⵎⵉⵜ (numérisation), ⵜⴰⴳⵔⴰⵢⵜ ⵏ ⵓⵙⴻⴳⴳⴰⵙ ⵏ ⵓⵙⵉⵍⴻⵖ, ⴰⵀⴻⴳⴳⵉ ⵏ ⵓⵖⴻⵔⴱⴰⵣ ⵏ ⵍⵇⴻⵔ'ⴰⵏ ⵏ ⵓⵏⴻⴱⴷⵓ, ⴷ ⵓⵎⴰⵀⵉⵍ ⵏ ⵡⴰⵎⵎⴰⵙ ⴰⴷⴻⵍⵙⴰⵏ ⵏ ⵢⵉⵏⵙⴻⵍⵎⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⴼⵓⵍⴻⵍ ⵏ ⵓⵙⵓⴼⴼⴻⵖ ⵏ ⵜⵉⵙⵉⵏⵓⵏ "ⵜⴰⴱⵔⴰⵜⵜ ⵏ ⵜⵎⴻⵣⴳⵉⴷⴰ" ⴷ "ⵉⴷⵍⴻⵙ ⵏ ⵢⵉⵏⵙⴻⵍⵎⴻⵏ".
ⴰⵔⵏⵓ ⵖⴻⵔ
