ⵜⴻⵙⵙⴻⴽⵏⴻⴷ ⵜⵏⴻⵀⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷⵓⵓⴷⴰ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴰⵣⴰⵍ ⵏ ⵓⵎⴰⵀⵉⵍ ⵏ ⵓⵏⴰⵥⵓⵔ ⴷⴻⴳ ⵓⵃⵔⴰⵣ ⵏ ⵜⵓⵎⴰⵏⵉⵜ ⵜⴰⵖⴻⵍⵏⴰⵡⵜ, ⵓⵕⵓⵚⵓ ⵏ ⵡⴰⵣⴰⵍⴻⵏ ⵏ ⵜⵉⵍⵉⵍⵉⵜ ⴷ ⵓⵃⵔⴰⵣ ⵏ ⵜⵎⴻⴽⵜⵉ ⵜⴰⵎⴻⵣⴷⴰⵢⵜ.
ⵜⵏⴻⵀⵍⴰⴼⵜ, ⴷⴻⴳ ⵢⵉⵡⴻⵜ ⵏ ⵜⴻⴱⵔⴰⵜⵜ ⵉ ⴷ-ⵜⵓⵣⴻⵏ ⵉ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵥⵓⵔ ⵉ ⴷ-ⵢⴻⵜⵜⴰⵙⴻⵏ ⴷⴻⴳ 8 ⵢⵓⵏⵢⵓ ⵏ ⵢⴰⵍ ⴰⵙⴻⴳⴳⴰⵙ, ⵜⴻⵙⵙⴻⵏⴽⴰⴷ (ⵉⵙⵍⴻⵎ-ⴷ) ⵙ ⵡⴰⵢⴻⵏ ⵉ ⴷ-ⴼⴽⴰⵏ ⵢⵉⵏⴰⵥⵓⵔⴻⵏ ⵍⴻⵣⵣⴰⵢⵔⵉⵢⴻⵏ, ⵙⴻⴳ ⵜⵙⵓⵜⴰ ⵖⴻⵔ ⵜⴰⵢⴻⴹ, ⵙⴻⴳ ⵜⵓⵛⵛⵉⵜ ⵉⵕⴻⵙⵙⴰⵏ ⵉ ⵉⵄⴰⵡⵏⴻⵏ ⴷⴻⴳ ⵓⵃⵓⴷⴷⵓ ⵖⴻⴼ ⵜⵓⵎⴰⵏⵉⵜ ⵏ ⵜⵎⵓⵔⵜ ⴷ ⵓⵙⴰⵍⵉ ⵏ ⵙⵙⵢⵉⴼⴰ ⵏ ⵍⴻⵣⵣⴰⵢⴻⵔ ⴷⴻⴳ ⵢⴰⴽⴽ ⵉⵎⵣⴰⵔⴰⴳⴻⵏ ⵉⴷⴻⵍⵙⴰⵏⴻⵏ ⴷ ⵢⵉⵥⵓⵔⴰⵏⴻⵏ.
ⵜⴻⵏⵏⴰ-ⴷ ⴱⴻⵍⵍⵉ ⴰⵏⴰⵥⵓⵔ ⴰⵣⵣⴰⵢⵔⵉ ⵢⴻⵍⵍⴰ ⴷ "ⵉⵏⴰⴳⵉ ⵖⴻⴼ ⵢⵉⴱⴻⴷⴷⵉⵍⴻⵏ ⵏ ⵜⵎⴻⵜⵜⵉ-ⵉⵙ ⴷⴻⴳ ⵢⴰⴽⴽ ⵜⴰⵍⵍⵉⵢⵉⵏ, ⵓ ⴷ ⴰⵄⴻⵙⵙⴰⵙ ⵏ ⵜⵎⴻⴽⵜⵉ ⵜⴰⵖⴻⵍⵏⴰⵡⵜ; ⵢⴻⵍⵍⴰ ⴷ ⴰⵎⵙⵉⵡⴻⵍ ⴰⵎⴻⵇⵇⵔⴰⵏ ⵖⴻⴼ ⵢⵉⵙⴰⵔⴰⵎⴻⵏ, ⵍⵇⴻⵕⵃ ⴷ ⵜⵉⵔⴳⴰ ⵏ ⵓⵖⵔⴻⴼ", ⴰⵢⴰⴳⵉ ⵙ ⵓⴱⵔⵉⴷ ⵏ ⵜⴻⵣⵍⵉⵜⵜ, ⴰⵎⴻⵣⴳⵓⵏ, ⵙⵙⵉⵏⵉⵎⴰ, ⵜⴰⵙⴻⴽⵍⴰ, ⵜⵉⵥⵓⵔⵉⵡⵉⵏ ⵏ ⵓⵙⵓⵏⵏⴻⵖ ⴷ ⵓⴳⴻⵔⵔⵓⵊ ⴰⵖⴻⵔⴼⴰⵏ.
ⴱⴻⵏⴷⵓⵓⴷⴰ ⵜⴻⵙⵙⴻⵏⴽⴰⴷ, ⴷⴻⴳ ⵜⴰⴳⵏⵉⵜ-ⴰⴳⵉ, ⵜⴰⵎⴻⴽⵜⵉ ⵏ ⵢⵉⵏⴰⵥⵓⵔⴻⵏ ⵉ ⵢⴻⵏⴶⴰⴼⴻⵏ, ⵉ ⴷ-ⵢⴻⴶⴶⴰⵏ "ⴰⴳⴻⵔⵔⵓⵊ ⴷ ⵢⵉⵎⴰⵀⵉⵍⴻⵏ ⵉ ⵉⵙⴱⴻⴷⴷⴻⵏ ⵉⵙⵎⴰⵡⴻⵏ-ⵏⵙⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⵎⴻⴽⵜⵉ ⵜⴰⵎⴻⵣⴷⴰⵢⵜ ⵓ ⵃⴻⵔⵣⴻⵏ ⵜⴰⵎⴰⴳⵉⵜ ⵜⴰⴷⴻⵍⵙⴰⵏⵜ ⵜⴰⵖⴻⵍⵏⴰⵡⵜ".
ⵜⴻⴱⴷⴻⵔ-ⴷ ⴽⵔⴰ ⵏ ⵢⵉⵏⴰⵥⵓⵔⴻⵏ ⵉ ⴷ-ⵢⴻⴼⴼⵖⴻⵏ ⵉⴹⴻⵍⵍⵉ ⵙⴻⴳ ⵓⵏⵏⴰⵔ ⵏ ⵓⵥⴰⵡⴰⵏ, ⵙⵙⵉⵏⵉⵎⴰ ⴷ ⵓⵎⴻⵣⴳⵓⵏ, ⴰⵎ ⴰⴱⴷⴻⵍⵎⴰⴶⵉⴷ ⵎⴻⵙⴽⵓⵓⴷ, ⴰⴱⴷⴻⵍⵀⴰⵎⵉⴷ ⵅⴻⵎⵎⴰⵔ, ⴽⴰⵎⴻⵍ ⵣⴻⵔⴰⵔⴰ, ⴰⵏⵉⵙ ⴷⵊⴰⴰⴷ, ⵏⵓⵓⴱⵍⵉ ⴼⴰⴷⵀⴻⵍ, ⴱⴰⵢⴰ ⴱⵓⵓⵣⴰⵔ (ⴱⵉⵢⵓⵓⵏⴰ), ⴼⴰⵓⵓⵣⵉ ⵚⴰïⵞⵀⵉ ⴷ ⵡⵉⵢⴰⴹ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵙⴼⴻⴳⴳⴻⵔ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵏⴰⵥⵓⵔ, ⵜⵏⴻⵀⵍⴰⴼⵜ ⵜⵡⴰⵍⴰ-ⵜⵜ ⴷ ⵜⴰⴳⵏⵉⵜ "ⵉ ⴷ-ⵢⴻⵎⵎⴰⵍⴻⵏ ⵜⴰⵎⵓⵖⵍⵉ ⵉ ⵢⴻⵔⵔⴰⵏ ⵉⴷⵍⴻⵙ ⴷ ⵍⵍⵙⴰⵙ ⵉⵕⴻⵙⵙⴰⵏ ⴷⴻⴳ ⵓⵙⴱⴻⴷⴷⵉ ⵏ ⵍⴻⵣⵣⴰⵢⴻⵔ ⵜⵉⵎⵔⴰⵏⵜ, ⵉ ⵢⵓⵎⵏⴻⵏ ⵙ ⵓⵎⴻⵣⵔⵓⵢ-ⵉⵙ ⵓ ⵜⴻⵍⴷⵡⵉ ⵖⴻⵔ ⵢⵉⵎⴰⵍ-ⵉⵙ".
ⵙⴻⴳ ⵜⵎⵓⵖⵍⵉ-ⴰⴳⵉ ⵉⵕⴻⵙⵙⴰⵏ — ⵉ ⴷ-ⵢⴻⵔⵏⴰ ⵓⵙⵉⵡⴹ — "ⵓⵡⴰⵏⴰⴽ ⴰⵣⵣⴰⵢⵔⵉ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⴷ ⵉⴽⴻⵎⵎⴻⵍ ⴷⴻⴳ ⵓⴷⴻⴳⴳⴻⵔ ⵏ ⵓⵏⵏⴰⵔ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ, ⵉⵎⵉ ⵢⴻⵥⵔⴰ ⴱⴻⵍⵍⵉ ⵉⵖⵍⴰⵏⴻⵏ ⵉⵎⴻⵇⵇⵔⴰⵏⴻⵏ ⵜⵜⵡⴰⴱⵏⵓⵏ ⵙ ⵜⵉⴽⵜⵉ, ⵜⴼⵓⵍⴽⵉⵜ ⴷ ⵓⵙⵏⵓⵍⴼⵓ".
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵜⴻⵙⵙⴻⴽⵏⴻⴷ ⴱⴻⵍⵍⵉ ⵜⴰⵏⴻⵀⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ "ⵜⴻⵜⵜⴽⴻⵎⵎⵉⵍ ⴷⴻⴳ ⵓⵙⴻⵍⴽⴻⵎ ⵏ ⵜⵙⵔⴻⵟ-ⵉⵙ ⵉ ⵢⴻⴱⵖⴰⵏ ⴰⴷ ⵜⴻⵙⵙⴻⴶⵀⴻⴷ ⴰⵎⴽⴰⵏ ⵏ ⵓⵏⴰⵥⵓⵔ, ⴰⴷ ⵜⵃⵔⴻⵣ ⵢⵉⵣⴻⵔⴼⴰⵏ-ⵉⵙ ⵓ ⴰⴷ ⵜⴻⵙⵙⴻⴼⴰⵍⵉ ⵜⴻⴳⵏⴰⵜⵉⵏ ⵏ ⵓⵎⴰⵀⵉⵍ-ⵉⵙ, ⵓ ⴰⴷ ⵜⴼⵓⵍⴻⵍ ⵜⵉⵣⴻⵎⵎⴰⵔ ⵏ ⵢⵉⵍⴻⵎⵣⵢⴻⵏ", ⵙ ⵜⴰⵎⴰ ⵏ ⵓⵙⴰⵜⵉⴳ ⵏ ⵓⴳⴻⵔⵔⵓⵊ ⴰⴷⴻⵍⵙⴰⵏ ⴰⵖⴻⵍⵏⴰⵡ. ⴰⵢⴰⴳⵉ ⴰⴷ ⵢⴻⵔⵔ ⵉⴷⵍⴻⵙ ⴷ "ⵍⴶⴻⵀⴷ ⵢⴻⵙⵏⴻⵔⵏⴰⵢⴻⵏ ⵜⵓⵇⵇⵏⴰ ⵏ ⵜⵎⴻⵜⵜⵉ, ⵢⴻⵙⵔⴻⵚⴰⵢⴻⵏ ⴰⵣⴰⵍⴻⵏ ⵏ ⵜⴰⵏⵉⵜ ⵓⵖⵔⵉⵎ (citoyenneté), ⵓ ⵢⴻⵙⵏⴻⵔⵏⴰⵢ ⵍⵀⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴰⴹⴰⵍ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⵏⴻⵀⵍⴰⴼⵜ ⵜⴻⵙⵙⴻⴽⵜⵉ-ⴷ ⵜⴰⵎⴰⵙⵉⵜ (responsabilité) ⵏ ⵓⵏⴰⵥⵓⵔ ⵉ "ⵓⵔ ⵏⴻⵣⵎⵉⵔ ⴰⴷ ⵏⴻⴱⴹⵓ ⵖⴻⴼ ⵜⵎⴰⵙⵉⵜ-ⵉⵙ ⵣⴷⴰⵜ ⵏ ⵜⵎⵓⵔⵜ-ⵉⵙ, ⴰⵎⴻⵣⵔⵓⵢ-ⵉⵙ ⴷ ⵜⵎⴻⵜⵜⵉ-ⵉⵙ", ⵜⴻⵙⵙⵉⵡⴻⵍ ⵉⵡⴰⴽⴽⴻⵏ "ⴰⴷ ⵉⴽⴻⵎⵎⴻⵍ ⴷⴻⴳ ⵓⵡⵡⵉ ⵏ ⵜⴻⴱⵔⴰⵜⵜ-ⴰⴳⵉ ⵙ ⵔⵔⵓⵃ ⵏ ⵜⵓⵛⵛⵉⵜ, ⴰⵙⵏⵓⵍⴼⵓ ⴷ ⵏⵏⴻⴼⵅⴰ ⵙ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴷⴻⵎ ⴰⴷⴻⵍⵙⴰⵏ ⵉⵡⴻⵣⵏⴻⵏ ⵉ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ".
ⴰⵔⵏⵓ ⵖⴻⵔ
