ⴰⵏⴻⵖⵍⴰⴼ ⵏ ⵓⵙⵡⴰ, ⵎⴰⵙⵙ ⵜⴰⵒⴰ ⴷⴻⵔⴱⴰⵍ, ⵢⴻⵔⵣⴰ-ⴷ ⴰⵙⵙ-ⴰ ⵏ ⵜⵜⵍⴰⵜⴰ ⵉⵡⴰⴽⴽⴻⵏ ⴰⴷ ⵉⵡⴰⵍⴰ ⴰⵖⴱⴻⵍ ⵉ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉ ⴷⴻⴳ ⵓⴱⴰⴷⵓ ⴰⵎⴻⵇⵇⵔⴰⵏ ⵏ ⵓⵙⴰⵡⴰⴹ ⵏ ⵡⴰⵎⴰⵏ ⵏ ⵜⴰⵇⵙⴻⴱⵜ - ⵜⴰⵎⴻⵜⴰⵏⵜ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⵏ ⵍⴻⴱⵒⴻⵔ ⴷⵉ ⵔⴰⵙ ⴷⵊⵉⵏⴻⵜ 1 ⴷ 2 ⴷ ⵜⵉⵏ ⵏ ⵛⵓⵔⵙⵓ ⴷⵉ ⴱⵓⵎⴻⵔⴷⴻⵙ.
ⴰⵏⴻⵖⵍⴰⴼ ⵉⵡⴰⵍⴰ ⴰⵖⴱⴻⵍ ⵉ ⴷ-ⵢⴻⵍⵍⴰⵏ ⴷⴻⴳ ⵓⴱⴰⴷⵓ ⵉ ⵉⵍⴰⵏ 2000 ⵎⵎ ⵏ ⵍⵇⴻⵟⴻⵔ ⴷⴻⴳ ⵜⵏⴻⴷⴷⴰⵙⵜ ⵏ ⴱⵓⴷⵡⴰⵡ. ⵎⴰⵙⵙ ⴷⴻⵔⴱⴰⵍ ⵉⵙⴻⴱⴷⴻⴷ ⴷⴰⵊⴻⵏ ⵖⴻⴼ ⵢⴰⴽⴽ ⴰⵍⵍⴰⵍⴻⵏ ⴷ ⵢⵉⵎⴷⴰⵏⴻⵏ ⵉ ⴷ-ⵢⴻⵜⵜⵡⴰⵒⴻⴳⴳⴰⵏ ⵉⵡⴰⴽⴽⴻⵏ ⴰⴷ ⵙⵙⴻⴳⴳⵎⴻⵏ ⴰⵖⴱⴻⵍ-ⴰⴳⵉ ⵙ ⵓⵖⴰⵡⴰⵍ.
ⴷⴻⴳ ⵓⵙⴻⴳⵣⵉ ⵉ ⵙ-ⴷ-ⵢⴻⵜⵜⵓⵏⴻⴼⴽⴻⵏ, ⴰⵏⴻⵖⵍⴰⴼ ⵢⴻⴼⴽⴰ ⵉⵎⵓⵕⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵖⴰⵡⴰⵍ ⴷⴻⴳ ⵍⴻⵇⴷⵉⵛ. ⵉⵡⴻⴽⴽⴻⴷ-ⴷ ⴱⴻⵍⵍⵉ ⴰⵖⴱⴻⵍ-ⴰⴳⵉ "ⵓⵔ ⴷ-ⵢⴻⵡⵡⵉ ⴰⵔⴰ ⵛⵛⵡⴰⵍ ⴷⴻⴳ ⵓⵙⴰⵡⴰⴹ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵉ ⵍⵎⵓⵡⴰⵟⵏⵉⵏ, ⵖⴻⴼ ⵍⵊⴰⵍ ⵏ ⵜⵉⵙⵓⵏⴹⴰⴼ ⵏ ⵓⵒⴻⴳⴳⵉ ⵉ ⴷ-ⵢⴻⵜⵜⵡⴰⵟⵟⴼⴻⵏ".
ⴷⴻⴳ ⵜⴰⴳⴳⴰⵔⴰ, ⵉⵡⴻⴽⴽⴻⴷ-ⴷ ⵖⴻⴼ ⵍⵇⵉⵎⴰ ⵏ ⵓⵏⵢⴻⵍⵍⴻⵍ ⴳⴻⵔ ⵜⵙⵓⴷⴷⵡⵉⵏ ⵎⴻⵔⵔⴰ ⴰⵍⴰⵎⵎⴰ ⴼⴼⵓⴽⴽⴻⵏ ⵍⴻⵇⴷⵉⵛⴰⵜ-ⴰⴳⵉ.
ⴰⵔⵏⵓ ⵖⴻⵔ
