ⴽⵔⴰⴹ (03) ⵏ ⵢⵉⵎⴷⴰⵏⴻⵏ ⵎⵎⵓⵜⴻⵏ, ⵢⵉⵡⴻⵏ ⵏⵏⵉⴹⴻⵏ ⵉⵊⴻⵔⵔⴻⵃ ⴷⴻⴳ ⵓⴽⵙⴰⵔ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⵉⴹ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵔⵉⴷ ⴰⵎⴻⵇⵇⵔⴰⵏ ⴰⴳⵎⵓⴹ-ⴰⵎⴰⵍⵓ, ⴷⴻⴳ ⵜⵖⵉⵡⴰⵏⵜ ⵏ ⵍⴰⵔⴻⴱⵄⵟⴰⵛ, ⵜⴰⵎⵏⴰⵟ ⵏ ⴱⵓⵎⵔⴷⴰⵙ, ⴰⴽⴽⴻⵏ ⵉ ⴷ-ⵢⵓⵙⴰⵏ ⴷⴻⴳ ⵡⴰⵍⵖⵓ ⵏ ⵍⵃⵉⵎⴰⵢⴰ ⵜⴰⵎⴰⴷⴰⵏⵜ.
ⵡⴰⵍⵖⵓ ⵏ ⵜⵖⴻⵍⵜ ⵏ ⵢⵉⵙⴰⵍⵍⴻⵏ ⵢⴻⵏⵏⴰ-ⴷ ⴱⴻⵍⵍⵉ ⴰⴽⵙⴰⵔ-ⴰⴳⵉ ⵢⴻⴹⵔⴰ-ⴷ ⵖⴻⴼ ⵜⵎⴻⵔⵡⴰⵢⵜ (22:00) ⵏ ⵢⵉⴹ, ⵉⵎⵉ ⵜⴻⴼⴼⴻⵖ ⵢⵉⵡⴻⵜ ⵏ ⵜⵜⵓⵎⵓⴱⵉⵍ ⵏ ⵍⵅⴻⴷⵎⴰ ⵖⴻⴼ ⵓⴱⵔⵉⴷ ⴷⴻⴳ ⵜⴻⵎⵏⴰⵟ ⵏ "ⵡⵍⴰⴷ ⵡⴰⵍⵉ" ⴷⴻⴳ ⵍⴰⵔⴻⴱⵄⵟⴰⵛ, ⴷⴻⴳ ⵓⴱⵔⵉⴷ ⵉⵜⴻⴷⴷⵓⵏ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴷⴻⴳ ⵓⴽⵙⴰⵔ-ⴰⴳⵉ, ⵎⵎⵓⵜⴻⵏ ⴽⵔⴰⴹ ⵏ ⵢⵉⵔⴳⴰⵣⴻⵏ ⵉⵎⵉⵔⴻⵏ ⴽⴰⵏ, ⵜⴻⵊⴻⵔⵔⴻⵃ ⵢⵉⵡⴻⵜ ⵏ ⵜⵎⴻⵜⵜⵓⵜ. ⵡⵉⴷ ⵎⵎⵓⵜⴻⵏ ⵡⵡⵉⵏ-ⵜⴻⵏ ⵖⴻⵔ ⵓⵙⴳⵏⴰⴼ (ⵙⴱⵉⵜⴰⵔ) ⵏ ⵜⵏⵉⵢⴰ (Thénia), ⵎⴰ ⴷ ⵜⵎⴻⵜⵜⵓⵜ-ⵏⵏⵉ ⴼⴽⴰⵏ-ⴰⵙ ⵍⴻⵄⵏⴰⵢⴰ ⵏ ⵜⴰⵣⵡⴰⵔⴰ ⵓⵇⴱⴻⵍ ⴰⴷ ⵜⵜ-ⴰⵡⵉⵏ ⵖⴻⵔ ⵢⵉⵡⴻⵏ ⵓⵙⴳⵏⴰⴼ. ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴰⵍⵍⵓ, ⵜⵓⴷⴻⵔⵜ-ⵉⵙ ⵓⵔ ⵜⴻⵍⵍⵉ ⴷⴻⴳ ⵓⵎⵉⵞⵉ (ⵍⴻⵅⵟⴻⵔ).
