ⴱⵓⵓⵖⴰⵍⵉ ⵢⴻⵙⵜⴻⵇⴱⴻⵍ ⴰⵙⴰⴼⴰⵔⵉ ⵏ ⵜⴻⴳⴷⵓⴷⴰ ⵜⴰⵄⵔⴰⴱⵜ ⵜⴰⵙⴰⵀⵔⴰⵡⵉⵜ ⵜⴰⴷⴰⵎⵓⴽⵔⴰⵜⵉⵜ ⴷⵉ ⴷⵣⴰⵢⵔ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵃⵏ), ⵎⴰⵙⵙ ⵉⴱⵔⴰⵀⵉⵎ ⴱⵓⵓⵖⴰⵍⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⴰⵙⴰⴼⴰⵔⵉ ⵏ ⵜⴻⴳⴷⵓⴷⴰ ⵜⴰⵄⵔⴰⴱⵜ ⵜⴰⵙⴰⵀⵔⴰⵡⵉⵜ ⵜⴰⴷⴰⵎⵓⴽⵔⴰⵜⵉⵜ ⴷⵉ ⴷⵣⴰⵢⵔ.

ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ (ⴰⵃⵏ), ⵎⴰⵙⵙ ⴱⵔⴰⵀⵉⵎ ⴱⵓⵓⵖⴰⵍⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⵏ ⵜⵍⴰⵜⵉⵏ, ⴰⵙⴰⴼⴰⵔⵉ ⵏ ⵜⴻⴳⴷⵓⴷⴰ ⵜⴰⵄⵔⴰⴱⵜ ⵜⴰⵙⴰⵀⵔⴰⵡⵉⵜ ⵜⴰⴷⴰⵎⵓⴽⵔⴰⵜⵉⵜ ⴷⵉ ⴷⵣⴰⵢⵔ, ⵎⴰⵙⵙ ⵅⴰⵜⵔⵉ ⴰⴷⵓⵀ ⵅⴰⵜⵔⵉ, ⴰⵎ ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵙⵇⴰⵎⵓ.

ⵙ ⴷⴷⴰⵡ ⵏ ⵡⵓⵍⵖⵓ-ⵏⵏⵉ, ⵙⵏⴰⵜ ⵏ ⵜⴰⵎⵉⵡⵉⵏ-ⴰⴳⵉ ⵎⵎⴻⵙⵍⴰⵢⴻⵏⵜ ⵖⴻⴼ ⵜⵉⵛⴻⴽⴽⵉⵔⵉⵏ ⵏ ⵜⴻⴳⵎⴰⵜ ⵉ ⵉⵊⴻⵎⵄⴻⵏ ⵙⵉⵏ ⵏ ⵡⴻⴳⴷⵓⴷⴻⵏ ⴰⵣⴻⴷⴷⵉⴳⴻⵏ, ⴷ ⵡⴰⵎⴻⴽ ⴰⵔⴰ ⵙⵏⴻⵔⵏⵉⵏ ⴰⵎⵄⵉⵡⴻⵏ ⴷ ⵓⵎⵢⵓⵏ ⴳⴰⵔ ⵙⵏⴰⵜ ⵏ ⵜⵓⴷⴷⵙⵉⵡⵉⵏ ⵏ ⵓⵙⵙⴻⵏⵣⵉ (ⵃⴰⵔⵍⵉⴰⵎⴻⵏⵜⵙ), ⵉⵡⴰⴽⴽⴻⵏ ⴰⴷ ⴷ-ⴳⵍⵓⵏ ⵙ ⵍⴼⴰⵢⴷⴰ ⵉ ⵜⴻⵎⵙⴰⵍ ⵉ ⴷ-ⵢⴻⵄⵏⴰⵏ ⵙⵏⴰⵜ ⵏ ⵜⵎⵓⵔⴰ ⴷ ⵓⵙⴻⴳⵀⴻⴷ ⵏ ⵍⵊⴻⵀⴷ ⴳⴰⵔ ⵢⴻⵖⵍⴰⵏⴻⵏ.

ⵎⴰⵙⵙ ⴱⵓⵓⵖⴰⵍⵉ ⵉⵄⴰⵡⴻⴷ ⵢⴻⵙⵙⴻⴹⵎⴰⵏ ⴱⴻⵍⵍⵉ ⴷⵣⴰⵢⵔ ⵜⴻⵟⵟⴻⴼ ⴷⴻⴳ ⵔⵔⴰⵢ-ⵉⵙ ⵉ ⵜⴰⵢⴻⵛⵍⴰⵏⵜ (ⴼⴻⵔⵎⴻ) ⵉ ⵓⵄⵉⵡⴻⵏ ⵏ ⵍⵃⴻⵇⵇ ⵏ ⵡⴻⴳⴷⵓⴷ ⴰⵙⴰⵀⵔⴰⵡⵉ ⵉⵡⴰⴽⴽⴻⵏ ⴰⴷ ⵢⴻⵅⵜⵉⵔ ⴰⴱⵔⵉⴷ-ⵉⵙ, ⵙ ⵓⵇⴰⴷⴻⵔ ⵏ ⵜⵓⵍⵎⵉⵣⵜ ⵜⴰⴳⵔⴰⵖⵍⴰⵏⵜ ⴷ ⵔⵔⴰⵢⴰⵜ ⵏ ⵜⵓⴷⴷⵙⴰ ⵏ ⵍⴻⵊⵏⴰⵙ ⵢⴻⴷⴷⵓⴽⵍⴻⵏ.

ⵙⴻⴳ ⵢⵉⴷⵉⵙ-ⵉⵙ, ⴰⵙⴰⴼⴰⵔⵉ ⴰⵙⴰⵀⵔⴰⵡⵉ ⵉⵛⴻⴽⴽⴻⵔ ⴰⵎⴰⵀⵉⵍ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵙ ⵜⴰⴷⴷⵉⴱⵍⵓⵎⴰⵙⵉⵜ ⵜⴰⴱⴰⵔⵍⴰⵎⴰⵏⵜ, ⵢⴻⵏⵏⴰ-ⴷ ⴱⴻⵍⵍⵉ ⴰⴱⴰⵔⵍⴰⵎⴰⵏ ⴰⵙⴰⵀⵔⴰⵡⵉ ⵢⴻⵜⵜⴰⴼⴷⴻⵔ ⴰⵟⴰⵙ ⵙⴻⴳ ⵜⵎⵓⵙⵏⵉ ⵜⴰⵣⵣⴰⵢⵔⵉⵜ, ⵍⴰⴷⵖⴰ ⴷⴻⴳ ⵓⵃⵔⵉⵛ ⵏ ⵓⵙⵙⴻⵏⵣⵉ ⴷ ⵓⵙⵉⵎⴰⵢ ⵏ ⵓⵏⴰⴳⵔⴰⵡ ⵏ ⵍⵇⴰⵏⵓⵏ.