ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴰⵔⴼⴰⵏ ⴰⵖⴻⵍⵏⴰⵡ ⵉⴱⵔⴰⵀⵉⵎ ⴱⵓⵖⴰⵍⵉ ⵢⴻⵎⵓⴳⴻⵔ ⵍⴻⵎⵇⴷⴻⵎ ⴰⴼⵉⴷⵉⵔⴰⵍⵉ ⵏ ⵜⵎⵓⵔⵜ ⵔⵓⵙⵙ ⴷⵉ ⵍⴻⵣⵣⴰⵢⴻⵔ ⵎⴰⵙⵙ ⴰⵍⵉⴽⵙⵉ ⵙⵓⵍⵓⵎⴰⵜⵉⵏ ⵙ ⵓⵏⴻⵃⴷⵓⵔ ⵏ ⵓⵙⴻⵍⵡⴰⵢ ⵏ ⵓⴳⵔⴰⵡ ⵏ ⵜⴻⴳⵎⴰⵜ ⴰⴱⴰⵔⵍⴰⵎⴰⵏⵉ ⴳⴻⵔ ⵍⴻⵣⵣⴰⵢⴻⵔ ⴷ ⵔⵓⵙ ⵄⴰⴱ ⵙⵍⴰⵎ ⴱⴻⵛⴰⵖⴰ
ⴰⵏⴻⵛⵜⴰ ⵢⴻⵍⵍⴰⴷ ⴰⵍⵎⴻⵏⴷ ⵏ ⵜⴻⵎⵍⵉⵍⵉⵜ ⴳⴻⵔ ⵎⴰⵙⵙ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴰⵔⴼⴰⵏ ⴰⵖⴻⵍⵏⴰⵡ ⴰⵍⵎⴻⵏⴷ ⵏ ⵜⴻⴳⵎⴰⵜ ⵢⴻⵥⴹⴰⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⴰⴽⴽⴻⵏ ⴷⴰⵖ ⵉⴷ ⵢⴻⵍⵍⴰ ⵡⴰⵢⴰ ⵉ ⵓⵔⴻⵚⵚⵉ ⵏ ⵡⴰⵙⵙⴰⵖⴻⵏ ⴷⵉ ⵜⴰⵖⵓⵍⵉⵏ ⵢⴻⵎⴳⴰⵔⴰⴷⴻⵏ
ⵎⴰⵙⵙ ⴱⵓⵖⴰⵍⵉ ⵢⴻⵏⵏⴰⴷ ⴷ ⴰⴽⴽⴻⵏ ⴰⵙⴰⵖⴻⵏ ⵏ ⵍⴻⵣⵣⴰⵢⴻⵔ ⴷ ⵜⵎⵓⵔⵜ ⵏ ⵔⵓⵙⵙ ⵖⵣⴰⵏ ⴷⴻⴳ ⵓⵎⴻⵣⵔⵓⵢ ⵍⴻⵇⵇⴰⵢⴻⵏ ⵙ ⵜⴷⵓⴽⵍⴰ ⵜⴰⵙⵓⴱⵢⴰⵜⵉⵜ ⴰⵔ ⵜⵓⵔⴰ ⴰⵎ ⴰⴽⴽⴻⵏ ⵉ ⵜⴻⵍⵍⴰ ⵔⵓⵙ ⵜⴱⴻⴷ ⵖⴻⵔ ⵜⴰⵎⴰ ⵏ ⵍⴻⵣⵣⴰⵢⴻⵔ ⴷⵉ ⵜⴰⵍⵍⵉⵜ ⵏ ⵓⵛⴻⵏⴳⵓ ⴷ ⴷⴻⴼⵉⵔ ⵏ ⵜⵉⵎⵓⵏⴻⵏⵜ ⵓ ⵜⵉⵔⵣⴰ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⵉⴳⴷⵓⴷⴰ ⵖⴻⵔ ⵎⵓⵙⴽⵓ ⴷ ⵜⴱⵓⵜ ⵏ ⵜⵉⴽⵛⵉ ⵏ ⵡⵓⴷⴻⵎ ⴰⵎⴰⵢⵏⵓⵜ ⵉ ⵡⴰⵙⵙⴰⵖⴻⵏ
ⴰⵍⵎⴻⵏⴷ ⵏ ⵡⴰⵢⴰ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵢⴻⵏⵏⴰⴷ ⴰⴷ ⵢⵉⵍⵍⵉ ⵓⵔⴻⵚⵚⵉ ⵏ ⵡⴰⵙⵙⴰⵖⴻⵏ ⴷⵉ ⵜⴰⵖⵓⵍⵜ ⵏ ⵜⴷⴰⵎⵙⴰ ⴰ ⵍⴰⴷⵖⴰ ⴷⵉ ⵙⴰⵀⴷ ⴰⵎⴰ ⴷⴻⴳ ⵓⵙⵏⴻⵄ ⴷ ⵜⴼⴻⵍⴰⵃⵜ ⴷ ⵜⵓⵙⵏⴰ ⴷ ⵡⵓⴳⴻⵔ
ⵎⴰⵙⵙ ⴱⵓⵖⴰⵍⵉ ⵢⴻⵡⵡⵉⴷ ⴰⵡⴰⵍ ⵖⴻⴼ ⵡⴰⵙⵙⴰⵖⴻⵏ ⵉⴱⴰⵔⵍⴰⵎⴰⵏⵉⵢⴻⵏ ⴳⴻⵔ ⵓⵙⵇⴰⵎⵓ ⴰⵖⴰⵔⴼⴰⵏ ⴰⵖⴻⵍⵏⴰⵡ ⴷ ⵓⵙⵇⴰⵎⵓ ⴷⵓⵎⴰ ⵏ ⵔⵓⵙ ⵓ ⵜⵉⵔⵣⴰ ⴰⴳⵉ ⴷ ⵜⴱⵓⵜ ⵉ ⵡⴰⵢⴰ
ⵎⴰⵙⵙ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴰⵔⴼⴰⵏ ⴰⵖⴻⵍⵏⴰⵡ ⵢⴻⵡⵡⵉⴷ ⴰⵡⴰⵍ ⵖⴻⴼ ⵜⴻⵎⵍⵉⵍⵉⵜ ⵏ ⵜⴻⵏⵣⵓⵜ ⴳⴻⵔ ⵜⵎⵓⵔⴰ ⵜⴻⴼⵔⵉⵇⵜ ⵉ ⵜⵙⴻⴷⴷⴰ ⵍⴻⵣⵣⴰⵢⴻⵔ ⴷⴻⴳ ⵡⵓⵙⵙⴰⵏ ⵢⴻⵣⵔⵉⵏ ⴰⴷⵢⴻⵙⵄⵓ ⵍⴻⵡⵀⵉ ⵉ ⵍⴻⵎⵄⴰⵡⵏⴰ ⴷ ⵜⵎⵓⵔⵜ ⵏ ⵔⵓⵙ ⴰⴽⴽⴻⵏ ⴷⴰⵖ ⴷ ⵢⴻⵡⵡⵉ ⴰⵡⴰⵍ ⵖⴻⴼ ⵍⴰⵎⴰⵏ ⴷⴻⴳ ⴰⵢⴻⵏ ⵢⵛⵓⴷⴻⵏ ⵜⴰⵍⵓⴼⵜ ⵏ ⵜⵏⴻⵥⵔⵓⴼⵜ ⵓⵎⴰⵍⵓ
ⵙⵉ ⵜⴰⵎⴰ ⵉⵏⴻⵙ ⵎⴰⵙⵙ ⵍⴻⵎⵇⴷⴻⵎ ⵏ ⵔⵓⵙ ⵢⵙⴱⴻⴳⵏⴻⴷ ⵍⴻⴱⵖⵉ ⵉⵏⴻⵙ ⵉ ⵓⵔⴻⵚⵚⵉ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴰⵎⴰ ⵙⵉ ⵜⴰⵎⵎⴰ ⵏ ⵜⵙⴰⵔⵜⵉⵜ ⴷ ⵜⴷⴰⵎⵙⴰ ⴷ ⵜⵄⴻⵙⴽⵔⵉⵜ ⵓ ⵢⴻⵏⵏⴰⴷ ⵍⴻⵣⵣⴰⵢⴻⵔ ⴷ ⴰⵛⵔⵉⴽ ⵎⴻⵇⵔⴻⵏ ⵉ ⵜⵎⵓⵔⵜ ⵉⵙ
ⵎⴰⵙⵙ ⵍⴻⵎⵇⴷⴻⵎ ⵢⴻⵏⵏⴰⴷ ⴷ ⴰⴽⴽⴻⵏ ⴰⵎⵜⴰⵡⴰ ⴰⴱⴰⵔⵍⴰⵎⴰⵏⵉ ⴳⴻⵔ ⵍⴻⵣⵣⴰⵢⴻⵔ ⴷ ⵔⵓⵙ ⵓⵔ ⵢⴻⵙⵄⵉ ⵜⵉⵍⵍⴰⵙ ⵙⵉⵎⴰⵍ ⵢⴻⵊⵓⵊⵓⴳ ⵓ ⵢⴻⵜⵜⵏⴰⵔⵏⵉ
ⴰⵔⵏⵓ ⵖⴻⵔ
