ⵜⴻⴱⴱⴻⵔⵔⴻⵃ-ⴷ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴳⴻⵏⵙⴰⵏⵉⵏ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ (WAIPA) ⴱⴻⵍⵍⵉ ⴰⴳⵔⴰⵡ-ⵉⵙ ⴰⵎⴰⴹⵍⴰⵏ ⵡⵉⵙ 30 ⵏ ⵓⵙⴻⴼⵔⴻⴽ ⴰⴷ ⴷ-ⵢⵉⵍⵉ ⴷⵉ ⴶⵉⵏⴼ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⴳⴻⵏⵙⴰⵏⵜ ⵜⴰⵣⵣⴰⵢⵔⵉⵜ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ (AAPI).
ⴷⴻⴳ ⵡⴰⵍⵖⵓ-ⴰⴳⵉ, ⵏⵏⴰⵏ-ⴷ: "ⵜⴰⵎⴻⴽⵜⵉ ⵏ 30 ⵉⵙⴻⴳⴳⴰⵙⴻⵏ ⵏ ⵓⵙⴷⵓⴽⴽⴻⵍ ⵏ ⵔⵔⴰⵚ ⵍⵎⴰⵍ ⴷ ⵜⴻⴳⵏⴰⵜⵉⵏ, ⵜⴻⴱⴱⴻⵔⵔⴻⵃ-ⴷ ⵜⵓⴷⴷⵙⴰ (WAIPA) ⴱⴻⵍⵍⵉ ⴰⴳⵔⴰⵡ-ⵉⵙ ⴰⵎⴰⴹⵍⴰⵏ ⵡⵉⵙ 30 ⴰⴷ ⴷ-ⵢⵉⵍⵉ ⴷⴻⴳ ⵡⴰⴳⴳⵓⵔⴻⵏ ⵉ ⴷ-ⵉⵜⵜⴻⴷⴷⵓⵏ ⴷⵉ ⴶⵉⵏⴼ (ⵙⵡⵉⵙ), ⵙ ⵓⵎⵢⴻⵍⵍⵉ ⴷ ⵓⵅⵅⴰⵎ ⵏ ⵢⵉⴳⵔⴰⵡⴻⵏ ⵏ ⴶⵉⵏⴼ ⴷ ⵜⵏⴻⴱⴱⴰⴹⵜ ⵏ ⵜⵓⴷⴷⵙⴰ ⵉ ⵜⴻⵜⵜⴻⵟⵟⴻⴼ ⵜⴳⴻⵏⵙⴰⵏⵜ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ ⵏ ⴽⵓⵡⵉⵜ (KDIPA)."
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵢⴰ, ⴰⵍⵖⵓ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ "ⴰⴳⵔⴰⵡ-ⴰⴳⵉ ⴰⴷ ⴷ-ⵢⵓⵖⴰⵍ ⵖⴻⵔ ⴶⵉⵏⴼ — ⵜⴰⵎⴷⵉⵏⵜ ⴰⵏⴷⴰ ⵉ ⴷ-ⵜⴻⵍⴰⵍ ⵜⵓⴷⴷⵙⴰ-ⴰⴳⵉ ⴷ ⵡⴰⵏⴷⴰ ⵢⴻⵍⵍⴰ ⵓⵅⵅⴰⵎ-ⵉⵙ ⵓⴷⴷⵉⵎ. ⵜⴻⵍⴰⵍ-ⴷ ⴷⴰ ⴷⴻⴳ ⵓⵙⴻⴳⴳⴰⵙ 1995 ⵙ ⵓⵛⴻⴳⴳⴻⵄ ⵏ ⵓⴳⴰⵔ ⵏ 59 ⵏ ⵜⴳⴻⵏⵙⴰⵏⵉⵏ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ, ⵙ ⵓⵎⵢⴻⵍⵍⵉ ⴷ ⵓⴳⵔⴰⵡ ⵏ ⵍⵎⵉⵍⴰⵍ ⵢⴻⴷⴷⵓⴽⴽⵍⴻⵏ ⵉ ⵜⵏⴻⵣⵎⵉ ⴷ ⵓⵙⵏⴻⴼⵍⵉ (UNCTAD)."
ⵙⴻⴳ ⵡⴰⵙⵎⵉ ⵉ ⴷ-ⵢⴻⴱⴷⴰ, ⴰⴳⵔⴰⵡ ⴰⵎⴰⴹⵍⴰⵏ ⵏ ⵓⵙⴻⴼⵔⴻⴽ (WIC) ⵢⴻⵔⵔⴰ-ⴷ ⵉⵎⴰⵏ-ⵉⵙ ⴷ ⴰⵎⴻⵣⴳⵓⵏ ⴰⵎⴰⴹⵍⴰⵏ ⴰⵎⴻⵇⵇⵔⴰⵏ ⵉ ⵓⵎⵢⴻⵄⵡⴻⵏ ⴷ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ. ⵢⴻⵙⴷⴻⴽⴽⴻⵍ-ⴷ ⵜⵉⴳⴻⵏⵙⴰⵏⵉⵏ, ⵉⵎⴰⵡⴰⵙⴻⵏ, ⵡⵉⴷ ⵉⵔⴻⵙⵔⵙⴻⵏ ⵍⵇⴰⵏⵓⵏ, ⵉⵎⴰⵙⴰⵢⴻⵏ ⵏ ⵜⵏⴻⵣⵣⵓⵜ, ⴷ ⵡⵉⴷ ⵉⵡⵉⵏ ⴰⵔⵔⴰⵣ ⵏ ⵏⵓⴱⴻⵍ, ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜⵉⵏ ⵉ ⵓⴱⴻⴷⴷⴻⵍ ⵏ ⵓⵙⴻⴼⵔⴻⴽ ⴷⴻⴳ ⵓⵎⴰⴹⴰⵍ.
ⵜⴻⵏⵏⴰ-ⴷ ⵜⴳⴻⵏⵙⴰⵏت ⴷⴻⴳ ⵡⴰⵍⵖⵓ-ⵉⵙ, ⴱⴻⵍⵍⵉ ⵜⵉⴳⴻⵏⵙⴰⵏⵉⵏ ⵏ ⵓⵙⵏⴻⵔⵏⵉ ⵏ ⵓⵙⴻⴼⵔⴻⴽ ⵓⵖⴰⵍⴻⵏ ⴷ ⵢⵉⴼⴻⵔⴷⵉⵙⴻⵏ ⵏ ⵓⵙⵜⵔⴰⵜⵉⴊⵉ — ⴹⴻⴼⴼⵔⴻⵏⵜ ⴰⵢⴻⵏ ⵉⵜⵜⴻⴹⵔⵓⵏ ⴷⴻⴳ ⵓⵎⴰⴹⴰⵍ, ⵜⵜⴰⴽⴻⵏⵜ ⵉⵡⴻⵚⵚⵉⵡⴻⵏ ⵉ ⵜⵏⴻⴱⴱⴰⴹⵉⵏ, ⴷ ⵓⴹⴼⴰⵔ ⵏ ⵢⵉⵎⵙⴻⴼⵔⴻⴽ (investisseurs) ⵉⵡⴰⴽⴽⴻن ⴰⴷ ⴷ-ⴰⵡⵉⵏ ⵉⵎⴻⴽⴰⵏ ⵏ ⵓⵅⴻⴷⴷⵉⵎ, ⵜⵜⵉⴽⵏⵓⵍⵓⴊⵉⵢⵉⵏ ⴷ ⵓⵙⵏⴻⴼⵍⵉ ⴰⴷⴰⵎⵙⴰⵏ.
ⵜⴰⵥⵔⵉⴳⵜ-ⴰⴳⵉ ⵜⵉⵙ 30 ⴰⴷ ⴷ-ⵜⴰⵡⵉ ⵖⴻⴼ ⵓⴱⴻⴷⴷⴻⵍ ⴰⴷⵉⴊⵉⵜⴰⵍ, ⴰⵙⵏⴻⴼⵍⵉ ⵏ ⴷⵉⵎⴰ, ⴷ ⵓⴱⴻⴷⴷⴻⵍ ⵏ ⵢⵉⵙⵙⴻⴽⴽⵡⵉ ⵏ ⵓⵙⴻⵎⵎⴻⵜ ⴷ ⵜⵙⴻⵔⵜⵉⵜ ⵜⴰⵎⴰⴹⵍⴰⵏⵜ.
ⴷⴻⴳ ⵢⵉⵙⴻⴳⴳⴰⵙⴻⵏ ⵉⵄⴻⴷⴷⴰⵏ, ⴰⴳⵔⴰⵡ-ⴰⴳⵉ ⵢⴻⴳⵍⴰ-ⴷ ⵙ ⵢⵉⴳⵎⴰⴹ ⵢⴻⵍⵀⴰⵏ. ⵜⵉⵎⵍⵉⵍⵉⵢⵉⵏ gar tkebbaniyin (B2B) ⴷⴻⴳ ⵜⵥⵔⵉⴳⵉⵏ ⵜⵉⵏⴻⴳⴳⵓⵔⴰ ⴳⵍⴰⵏ-ⴷ ⵙ ⵓⴳⴰⵔ ⵏ ⵢⵉⵡⴻⵏ (01) ⵎⵍⵢⴰⵔ ⵏ ⴷⴷⵓⵍⴰⵔ ⵏ ⵜⴻⴳⵏⴰⵜⵉⵏ ⵏ ⵓⵙⴻⴼⵔⴻⴽ.
ⴰⵔⵏⵓ ⵖⴻⵔ
