ⵜⵜⴻⴷⴷⵓⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⵜⴻⵎⵍⵉⵍⵉⵢⵉⵏ ⵏ ⵓⵎⵙⴰⵙⴻⵢ ⴷ ⵜⵉⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉⵡⴰⴽⴽⴻⵏ ⴰⴷ ⵜⵜⵓⵣⵔⴻⵏ ⵓ ⴰⴷ ⵜⵜⵓⵙⴼⵓⵍⴻⵏ ⵓⵀⴻⴳⴳⵉⵢⴻⵏ ⵢⴻⵄⵏⴰⵏ ⵜⴰⵍⵍⵉⵜ ⵏ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ.
ⵢⵓⵔⴰ-ⴷ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ: "ⵙ ⵜⵎⵓⵖⵍⵉ ⵖⴻⵔ ⵜⴰⵍⵍⵉⵜ ⵏ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ ⵏ ⵓⵙⴻⴳⴳⴰⵙ 2026 ⵉ ⴷ-ⵉⵜⴻⵇⵇⵔⴻⴱⴻⵏ, ⵜⵜⴻⴷⴷⵓⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⵜⴻⵎⵍⵉⵍⵉⵢⵉⵏ ⵏ ⵓⵎⵙⴰⵙⴻⵢ ⴷ ⵜⵉⴼⴼⵖⵉⵡⵉⵏ ⵏ ⵡⴰⵏⵏⴰⵔ ⵉ ⵓⵙⴼⵓⵍⴻⵍ ⵏ ⵜⵉⴷⴷⵢ ⵏ ⵓⵀⴻⴳⴳⵉ ⴷ ⵓⵣⴻⵟⵟⴻⴹ ⵏ ⵢⵉⵙⵡⵉⵔⴻⵏ ⵏ ⵓⵙⵓⴷⴷⴻⵙ ⴷ ⵜⵍⵓⵊⵉⵢⵙⵜⵉⴽⵜ ⵢⴻⵜⵜⵡⴰⵙⴻⵔⵙⴻⵏ. ⴰⵢⴰⴳⵉ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵢⴻⵄⵏⴰⵏ ⴰⵣⴰⵍ ⵏ ⵓⵟⵎⴰⵏ ⵏ ⵓⵙⵓⴷⴷⴻⵙ ⵉⵕⴻⵙⵙⴰⵏ ⵉ ⵓⵎⴻⵣⵔⴰⵢ-ⴰⴳⵉ ⴰⵖⴻⵍⵏⴰⵡ".
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ: "ⵜⵉⵎⵍⵉⵍⵉⵢⵉⵏ-ⴰⴳⵉ ⵏⵏⴰⵏ-ⴷ ⵖⴻⴼ ⵢⵉⵙⵡⵉⵔⴻⵏ ⵉⵏⴻⴳⴳⵓⵔⴰ ⵏ ⵓⵀⴻⴳⴳⵉ ⴷ ⵓⵙⴻⴶⵀⴻⴷ ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ ⴷ ⵓⵚⴻⴳⴳⴻⵎ, ⴷ ⵓⵣⴻⵟⵟⴻⴹ ⵏ ⵡⴰⵀⵉⵍⴻⵏ ⵏ ⵓⵣⵓⵏⴻⵢ ⴷ ⵓⵙⵉⵍⴻⵖ ⵏ ⵢⵉⴼⴰⵙⵙⴻⵏ ⵏ ⵓⵎⴰⵀⵉⵍ, ⵙ ⵓⵙⴰⵜⵉⴳ ⵏ ⵓⵙⵡⵉⵔ ⵏ ⵓⵀⴻⴳⴳⵉ ⴷⴻⴳ ⵜⵖⵉⵡⴰⵏⵜⵉⵏ ⴷ ⵜⴷⴰⵢⵔⵉⵏ, ⴷ ⵓⴼⵔⵓⵔⴻⵢ ⵏ ⵢⴰⴽⴽ ⵓⵅⵓⵚⵚⵓ ⵉ ⴷ-ⵉⵜⵜⵡⴰⵊⴻⵔⵔⴷⴻⵏ".
ⴷⴻⴳ ⵓⵏⵏⴰⵔ-ⴰⴳⵉ, ⵓⵖⴱⴰⵍⵓ-ⵏⵏⵉ ⵉⵙⵙⴻⴽⵏⴻⴷ ⴱⴻⵍⵍⵉ: "ⵉⵙⵔⴻⵚ-ⴷ ⵓⵇⴻⵔⴷⴻⵛ ⵖⴻⴼ ⵓⴽⴻⵎⵎⴻⵍ ⵏ ⵓⵎⵙⴰⵙⴻⵢ ⵏ ⵡⴰⵏⵏⴰⵔ ⴳⴰⵔ ⵢⵉⵏⵏⴰⵔⴻⵏ ⵎⴻⵕⵕⴰ ⵢⴻⵄⵏⴰⵏ ⵜⴰⵎⵙⴰⵍⵜ-ⴰⴳⵉ, ⴷ ⵓⵙⴻⵎⵔⴻⵙ ⵏ ⵢⵉⴳⴻⵔⵔⵔⵓⵊⴻⵏ ⵏ ⵜⴰⵍⵙⴰ ⴷ ⵡⴰⵍⵍⴰⵍⴻⵏ ⵏ ⵍⵍⵙⴰⵙ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵉ ⵢⵉⵎⴻⵙⵜⵉⵔⴻⵏ (ⵛⴰⵏⴷⵉⴷⴰⵜⵙ) ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ".
ⵙ ⴷⴷⴰⵡ ⵏ ⵡⴰⵢⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ: "ⴷⴻⴳ ⵜⴰⵎⴰ ⵏ ⵜⵎⴰⵏⴻⴳⵜ ⴷ ⵓⵙⵓⴷⴷⴻⵙ, ⵜⵜⴻⴷⴷⵓⵏ ⵜⵎⵓⵀⴰⵍ ⵏ ⵓⵃⵔⴰⵣ ⵏ ⵡⴰⵎⵎⴰⵙⴻⵏ ⵏ ⵓⴽⴰⵢⴰⴷ ⴷ ⵜⴰⵡⵏⵏⴰⴹⵜ-ⵏⵙⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⵎⴻⴷ ⵏ ⵢⵉⵎⵜⴰⵡⴰⵏ ⵢⴻⵄⵏⴰⵏ ⵓⵣⵓⵏⴻⵢ ⵏ ⵢⵉⵙⴻⵏⵜⴰⵍ ⵏ ⵢⵉⴽⴽⴰⵢⴰⴷⴻⵏ ⴷ ⵓⵃⵔⴰⵣ-ⵏⵙⴻⵏ, ⵙ ⵓⵇⴰⴷⴻⵔ ⵏ ⵍⵎⴰⵏ ⴷ ⵜⵉⴷⴷⵢ ⵢⴻⵍⵀⴰⵏ ⵏ ⵓⵎⴰⵀⵉⵍ-ⴰⴳⵉ ⴰⵖⴻⵍⵏⴰⵡ".
"ⴷⴰⵖⴻⵏ, ⵉⵀⴻⴳⴳⵉⵢⴻⵏ-ⴰⴳⵉ ⵏⵏⴰⵍⴻⵏ ⴰⵙⴼⵓⵍⴻⵍ ⵏ ⵢⵉⵎⴻⵥⵍⴰ ⵏ ⵓⵣⵓⵏⴻⵢ, ⵓⵞⵞⵉ ⴷ ⵓⵖⵓⵎⵎⵓ ⴰⵙⴰⴼⴰⵔⴰⵏ, ⵙ ⵓⴶⴶⴰⵍ ⵏ ⵜⵙⴻⴷⴷⴰⵔⵉⵏ ⵜⴰⵜⵉⴽⵏⵉⴽⵉⵏ ⴷ ⵜⵉⴷ ⵏ ⵜⴰⵣⵣⵉⵜ ⴷⴻⴳ ⵜⴰⵣⵣⵍⴰ ⵉ ⵓⴼⵔⵓⵔⴻⵢ ⵏ ⵢⴰⵍ ⵜⴰⴳⵏⵉⵜ ⵏ ⴷⴷⵉⵇ, ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⴷ ⵜⵍⵓⵊⵉⵢⵙⵜⵉⴽⵜ ⵉⴼⴰⵣⴻⵏ ⵉ ⵢⵉⴽⴽⴰⵢⴰⴷⴻⵏ ⵓⵏⵚⵉⴱⴻⵏ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
