ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ ⵜⵉⵙ ⵚⴰ (7) ⵏ ⵓⵎⵙⴰⵙⴻⵢ, ⵉ ⴷ-ⵢⴻⵡⵡⵉⵏ ⵖⴻⴼ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵜⵉⵣⵉⵡⵉⵏ ⵉⵄⵍⴰⵢⴻⵏ (ⵜⵉⵙⵙⴻⵎⵙⵉⵍⵜ, ⵜⵢⴰⵔⴻⵜ, ⵍⴶⴻⵍⴼⴰ, ⵍⴻⵖⵡⴰⵟ ⴷ ⵡⵍⴰⴷ ⵊⴻⵍⵍⴰⵍ), ⴷⴻⴳ ⵓⵏⵏⴰⵔ ⵏ ⵓⵙⴼⵓⵍⴻⵍ ⵏ ⵜⴻⵎⵍⵉⵍⵉⵢⵉⵏ ⵏ ⵜⵎⴻⵏⵏⴰⵟ ⵉ ⵉⵜⴻⴷⴷⵓⵏ ⵉ ⵢⴻⵅⴷⴻⵎ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⵜⵉⵎⵍⵉⵍⵉⵜ-ⴰⴳⵉ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴻⵜⵏⵉⵢⴻⵏ — ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⵏ ⵜⵡⵉⵍⴰⵢⵉⵏ-ⴰⴳⵉ ⴷ ⵢⵉⴼⴰⵙⵙⴻⵏ-ⵏⵙⴻⵏ ⵏ ⵓⵜⵉⴽⵏⵉⴽ.
ⴰⵀⵉⵍ ⵏ ⵓⴷⵉⵡⴻⵏⵏⵉ ⴷⴻⴳ-ⵙ ⴰⵟⴰⵙ ⵏ ⵢⵉⵙⵓⴽⴰ, ⴳⴰⵔ-ⴰⵙⴻⵏ ⴰⵙⴰⵜⵉⴳ ⵏ ⵜⵉⴷⴷⵢ ⵏ ⵢⵉⵙⴻⵏⴼⴰⵔⴻⵏ ⵉ ⵉⵜⴻⴷⴷⵓⵏ ⵉ ⴷ-ⵉⵜⵜⵓⵊⴻⵔⵔⴷⴻⵏ ⴷⴻⴳ ⵡⴰⵀⵉⵍ ⵏ ⵓⵙⴻⴳⴳⴰⵙ 2026, ⴷ ⵓⵇⴻⵔⴷⴻⵛ ⵏ ⵢⵉⵙⵙⵓⵎⵔⴻⵏ (ⵒⵔⵓⵒⵓⵙⵉⵜⵉⵓⵏⵙ) ⵉⵎⴰⵢⵏⵓⵜⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 2027, 2028 ⴷ 2029. ⴷⴰⵖⴻⵏ ⵙⴻⵃⵔⴻⵙⴻⵏ ⵖⴻⴼ ⵓⵙⵎⴻⴷ ⵏ ⵢⵉⵢⴻⵙⴽⵉⵔⴻⵏ ⵎⴻⵕⵕⴰ ⵢⴻⵄⵏⴰⵏ ⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ (ⵙⵜⵔⵓⵛⵜⵓⵔⴰⵏⵜⵙ) ⴷⴻⴳ ⵢⵉⵏⵏⴰⵔⴻⵏ ⵏ ⵓⵃⵔⵉⵛ-ⴰⴳⵉ, ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⴰⵔⵔⴰⵢⵜ ⵏ ⵓⵣⴻⵟⵟⴻⴹ ⴷ ⵓⵙⴻⵍⴽⴻⵎ ⴷ ⵓⵙⵓⴷⴷⴻⵙ ⵏ ⵢⵉⵙⴻⵏⴼⴰⵔⴻen.
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵢⵉⵡⴻⵜ ⵏ ⵜⵙⴻⵎⵎⵓⵏⵜ ⵏ ⵜⴻⵎⵍⵉⵍⵉⵢⵉⵏ ⵏ ⵓⵎⵙⴰⵙⴻⵢ ⵉ ⵢⴻⴱⴷⴰⵏ ⴰⵙⵙ ⵏ 19 ⵎⴰⵢⵓ 2026, ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ ⵜⴰⴳⴳⴰⵔⴰ ⵏ ⴷⴷⵓⵕⵜ-ⴰⴳⵉ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ.
ⵉⵙⵡⵉ ⵏ ⵜⴻⵎⵍⵉⵍⵉⵢⵉⵏ-ⴰⴳⵉ ⴷ ⵜⴰⵎⵓⵖⵍⵉ ⵜⵓⵙⵔⵉⴷⵜ ⴷⴻⴳ ⵡⴰⵏⵏⴰⵔ ⵖⴻⴼ ⵡⴰⴷⴷⴰⴷ ⵏ ⵢⵉⵙⴻⵏⴼⴰⵔⴻⵏ ⵏ ⵓⵏⵏⴰⵔ ⴷ ⵓⵙⴱⴰⴷⵓ ⵏ ⵜⵓⴽⴽⵉⵙⵉⵡⵉⵏ ⵏ ⵢⵉⵎⴰⵍ ⵙ ⵍⵇⴻⴷⴷ.
ⴰⵔⵏⵓ ⵖⴻⵔ
