ⴰⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵢⴻⵙⵙⴻⵍⵡⴰⵢ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵜⵉⵖⵉⵎⵉⵢⵉⵏ ⵏ ⵓⵎⴰⵀⵉⵍ ⵉ ⵓⵙⴼⵓⵍⴻⵍ ⵏ ⵜⵉⴷⴷⵉ ⵏ ⵢⵉⵎⴰⵀⵉⵍⴻⵏ ⵏ ⵓⵣⴰⴳ ⵏ ⵓⵖⵍⴰⴷ ⵏ ⵓⴳⵎⵓⴹ ⴷⴻⴳ ⵓⵃⵔⵉⵛ ⴳⴰⵔ ⴱⵓⵛⴻⴳⴳⵓⴼ – ⵙⵓⵇ ⴰⵀⵔⴰⵙ – ⴷⵔⴻⵄⴰ, ⵉ ⵉⵡⴻⵣⵏⴻⵏ 121 ⴽⵎ, ⴰⵎ ⴰⴽⴽⴻⵏ ⵉ ⴷ-ⵢⴻⵍⵍⴰ ⵓⵙⴼⵓⵍⴻⵍ ⵏ ⵢⵉⵎⴰⵀⵉⵍⴻⵏ ⵏ ⵓⵙⵏⴻⵔⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵉ ⵍⴼⵓⵙⴼⴰⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵢⴻⵍⵍⴰ-ⴷ ⴷⴻⴳ ⵜⵖⵉⵎⵉⵜ-ⴰⴳⵉ ⵏ ⵓⵙⴼⵓⵍⴻⵍ ⵏ ⵓⵣⴰⴳ ⵏ ⵓⵖⵍⴰⴷ, ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⴻⵣⵔⴰⵡⵉⵏ ⴷ ⵓⵙⴼⵓⵍⴻⵍ ⵏ ⵓⵙⵙⴻⵜⵎⴻⵔ ⴷⴻⴳ ⵙⵙⴻⴽⴽⴰ ⵏ ⵓⵣⵣⴰⵍ (ANESRIF), ⴷ ⵢⵉⵎⴹⴻⴱⴱⵔⴻⵏ ⵏ ⵜⵙⵏⵓⵔⴻⴼⵜ, ⴰⵎⵙⴻⴳⵍⴰⵡⴰⵢ ⵏ ⵓⵙⴻⵏⴼⴰⵔ, ⵉⵎⴰⵙⵍⴰⴷⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⴱⴻⴷⴷⵉ ⵜⴰⵖⴻⵍⵏⴰⵡⵉⵏ, ⵓⴱⵉⵕⵓ ⵏ ⵓⵣⴻⵟⵟⴻⴹ ⴷ ⵓⵙⴼⵓⵍⴻⵍ, ⴷ ⵓⵎⵛⴻⴷⴷⵉ ⴰⵎⴱⴻⵔⵔⴰⵏⵉ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⴼⴽⴰⵏ-ⴷ ⵉⵙⴻⵏⴽⴻⴷⴷⴻⵏ ⵉⵜⵉⴽⵏⵉⴽⴻⵏ ⵍⵇⴰⵢⴻⵏ ⵖⴻⴼ ⵜⵉⴷⴷⵉ ⵏ ⵢⵉⵎⴰⵀⵉⵍⴻⵏ ⴷⴻⴳ ⵓⵃⵔⵉⵛ-ⴰⴳⵉ, ⵉ ⵢⴻⵙⵄⴰⵏ ⵜⴰⵔⴰⴽⴰⵍⵜ (ⵜⴻⵔⵔⴰⵉⵏ) ⵉⵡⴻⵄⵔⴻⵏ, ⵍⴰⴷⵖⴰ ⴷⴻⴳ ⵢⵉⵎⵓⴽⴰⵏ ⴳⴰⵔ ⴱⵓⵛⴻⴳⴳⵓⴼ – ⵄⵉⵏ ⵙⵉⵏⵓⵔ (72 ⴽⵎ) ⴷ ⵄⵉⵏ ⵙⵉⵏⵓⵔ – ⴷⵔⴻⵄⴰ (49 ⴽⵎ).
ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵎⴻⵕⵕⴰ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵉ ⵏ ⵢⵉⵎⴰⵀⵉⵍⴻⵏ, ⴷ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⴳⴰⵔ ⵢⵉⴽⵓⴱⴰⵔ ⵎⴻⵕⵕⴰ ⴷ ⵓⵇⴰⴷⴻⵔ ⵏ ⵡⴰⵀⵉⵍ ⵏ ⵓⵎⴰⵀⵉⵍ, ⵉⵡⴰⴽⴽⴻⵏ ⴰⴷ ⴷ-ⵢⴻⴼⴼⴻⵖ ⵓⵙⴻⵏⴼⴰⵔ ⴷⴻⴳ ⵡⴰⴽⵓⴷⴻⵏ ⵉⵕⴻⵙⵙⴰⵏ ⵉ ⴷ-ⵜⵜⵓⵏⴻⵎⵍⴻⵏ ⴷⴻⴳ ⵢⵉⴳⵔⴰⵡⴻⵏ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉ ⵉ ⵜⵉⵔⵣⵉ ⵏ ⵡⴰⵏⵏⴰⵔ ⵏ ⴷⴷⵓⵕⵜ ⵉ ⴷ-ⵉⵜⵜⴻⴷⴷⵓⵏ, ⴰⵏⴻⵖⵍⴰⴼ ⵢⴻⵙⵙⴻⵍⵡⴰⵢ ⵜⵉⵖⵉⵎⵉⵜ ⵏ ⵓⵙⴼⵓⵍⴻⵍ ⵏ ⵓⵙⵏⴻⵔⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵢⴻⵄⵏⴰⵏ ⵍⴼⵓⵙⴼⴰⵜ, ⵉ ⴷⴻⴳ ⵢⴻⵍⵍⴰ ⵓⵙⴱⴻⴷⴷⵉ ⵏ ⵢⵉⵡⴻⵏ ⵏ ⵓⵕⵚⵉⴼ ⵏ ⵢⵉⵎⵉⵏ ⴷⴻⴳ ⵓⵙⴻⵏⴼⴰⵔ ⵏ ⵍⴼⵓⵙⴼⴰⵜ ⵢⴻⴷⴷⵓⴽⴽⵍⴻⵏ (PPI). ⴷⴻⴳ-ⵙ ⵜⵜⴻⴽⴽⵉⵏ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵓⵙⴱⴻⴷⴷⵉ ⵏ ⵜⵓⴷⴷⵙⵉⵡⵉⵏ ⵏ ⵢⵉⵙⴰⴳⵏⴻⵏ (ANRIP), ⵉⵎⴹⴻⴱⴱⵔⴻⵏ-ⵉⵙ, ⴰⵎⵙⴻⴳⵍⴰⵡⴰⵢ ⵏ ⵓⵙⴼⵓⵍⴻⵍ ⵏ ⵓⵙⴻⵏⴼⴰⵔ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⵓⵙⵏⵉⵡⵉⵏ ⵏ ⵓⵙⴱⴻⴷⴷⵉ ⵜⴰⵖⴻⵍⵏⴰⵡⵉⵏ ⴷ ⵓⵎⵛⴻⴷⴷⵉ ⴰⵎⴱⴻⵔⵔⴰⵏⵉ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵡⴰⵍⴰⵏ ⴰⵎⴻⴽ ⵉ ⵉⵜⴻⴷⴷⵓ ⵓⵙⴻⵏⴼⴰⵔ ⴷⴻⴳ ⵢⵉⵎⵓⴽⴰⵏ-ⵉⵙ ⵎⴻⵕⵕⴰ, ⵍⴰⴷⵖⴰ ⵙⴻⵍⴷ ⵜⵉⵔⵣⵉ ⵏ ⵡⴰⵏⵏⴰⵔ ⵉ ⵢⴻⵅⴷⴻⵎ ⵓⵏⴻⵖⵍⴰⴼ ⴷⴻⴳ 3 ⵎⴻⵖⵔⴻⵙ ⵢⴻⵣⵔⵉⵏ. ⵉⵙⵙⴻⵃⵔⴻⵙ ⵖⴻⴼ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⴷ ⵓⵙⴻⴶⵀⴻⴷ ⵏ ⵓⵙⴻⵏⴼⴰⵔ ⵙ ⵡⴰⵍⵍⴰⵍⴻⵏ ⵏ ⵢⵉⵍⵍⴻⵍ ⴷ ⵡⵉⴷ ⵏ ⵍⵇⴰⵄⴰ ⵉⵡⴰⴽⴽⴻⵏ ⴰⴷ ⴼⵓⴽⴽⴻⵏⵜ ⵜⵓⴷⴷⵙⵉⵡⵉⵏ ⴷⴻⴳ ⵡⴰⴽⵓⴷ ⵉ ⴷ-ⵉⵜⵜⵓⵏⴻⵎⵍⴻⵏ.
ⴰⵔⵏⵓ ⵖⴻⵔ
