ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴳⵓⵔⵉ-ⴷ ⵓⴷⴻⵎ ⵉ ⴷ-ⵢⴻⵙⵙⵎⴰⵀⵉⵏ ⵢⵉⵎⴰⵏ-ⵏⵏⴻⵙ ⴱⴻⵍⵍⵉ ⴷ ⴰⵡⵏⴻⵜⵍⴰⵢ ⵙ ⵢⵉⵙⴻⵎ ⵏ ⵜⴷⵓⴽⵍⵉ ⵜⴰⵕⵓⴼⵉⵜ ⵜⴰⵙⴳⵓⵔⵉ ⵢⴻⵏⵏⴰ-ⴷ ⴷⴻⴳ-ⵙ ⴱⴻⵍⵍⵉ ⴱⵔⵓⴽⵙⴻⵍ (ⵜⴰⴷⵓⴽⵍⵉ ⵜⴰⵕⵓⴼⵉⵜ) ⵜⴻⴹⴼⴻⵔ ⵜⵓⴳⵏⴰ ⵙ ⵍⵇⴻⵔⴱ ⵢⴻⵔⵏⵉ ⵜⴻⵃⵡⴰⵊ ⴰⴷ ⵜⵥⴻⵔ ⵍⴰⴱⴰⵙ ⵏ ⵜⴻⴼⵜⴰⵔ ⵖⴻⴼ ⵡⴰⵙⵓⵏ ⴷ ⵢⵉⵙⵡⴰⵏ ⴷ ⵍⴰⵙⴰⵙ ⵏ ⵡⴰⵣⴰⵏ ⵏ ⴷⵣⴰⵢⴻⵔ ⵉ ⵜⴰⵢⵓⵏⵉⵏ-ⵏⵏⴻⵙ ⵜⵉⵔⴻⴷⵙⴰⵏⵉⵏ ⴷⴻⴳ ⵏⵉⵊⵉⵔ, ⴷ ⴰⴼⴻⵔⴷⵉⵙ ⵙⴻⴳ ⵓⵙⵏⴰⵙ ⵏ ⵓⵎⵜⴰⵡⴰ ⴰⴷⵣⴰⵢⵔⵉ ⴰⵏⵉⵊⵉⵔⵉ ⴷⴻⴳ ⵜⴰⵖⵓⵍⵜ ⵜⴰⵔⴻⴷⵙⴰⵏⵜ.
ⵙ ⵡⴰⵢ-ⴰ, ⵡⴻⴽⴽⴷⴻⵏ-ⴷ ⵇⵍⵉ ⵏ ⵜⵉⵖⴱⵓⵍⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ ⴱⴻⵍⵍⵉ ⵓⴷ ⵎⵓⴳⴳⴻⵏ ⵛ ⵉⵙⵓⵔⵉⴼⴻⵏ-ⴰⵢⴰ ⵖⴻⴼ ⵢⵉⴷⵓⴱⴰ ⵉⴷⵣⴰⵢⵔⵉⵢⴻⵏ, ⵢⴻⵔⵏⵉ ⵓⴷ ⵢⴻⵜⵜⵡⴰⴽⵍⴻⵙ ⴰⴽⴽⴻⴷ ⴰⵙⵓⵜⴻⵔ ⵏ ⵓⵙⴻⴳⵣⵉ, ⵏⵉⵖ ⴰⵙⵓⵜⴻⵔ ⵓⵏⵚⵉⴱ, ⵏⵉⵖ ⴰⵎⴱⴻⴷⴷⴻⵍ ⴰⴷⵉⴱⵍⵓⵎⴰⵜⵉ ⵉⵡⴰⵜⴰⵏ ⵎⴰⵜⵜⴰ ⵉ ⴷ-ⵢⴻⵇⵇⴰⵔ ⵓⴷⴻⵎ-ⴰⵢⴰ.
ⴷ ⴰⵙⴻⴳⵣⵉ ⴰⴷ ⵉⴱⴻⴷⴷⵍⴻⵏ ⵜⴰⵖⵓⵔⵉ ⵏ ⵜⴻⵙⴳⵓⵔⵉ-ⴰⵢⴰ, ⵎⴰ ⵜⵜⵡⴰⴹⴼⵔⴻⵏ ⵉⵙⵓⵔⵉⴼⴻⵏ-ⴰⵢⴰ ⴷⴻⴳ ⵜⵉⴷⴻⵜ, ⴷⵣⴰⵢⴻⵔ ⴰⴷ ⵙⴻⵏ-ⵜⴻⴳⴳⴰⵎ, ⵖⴻⴼ ⵍⵙⴰⵙ ⵉⴱⴰⵏⴻⵏ, ⴷⴻⴳ ⵉ ⴷ-ⵍⵍⴰⵏ ⴷ ⴰⴷⴰⴼ ⵓⵔ ⵢⴻⵜⵜⵡⴰⵇⴱⴰⵍⴻⵏ ⵛ ⴷⴻⴳ ⵢⵉⵡⴻⵥⵍⴰ ⵏ ⵓⴳⴻⵏⵙⵓ ⴷ ⵜⵏⴻⵖⵙⵓⵜⵉⵏ ⵏ ⵜⵏⴰⵢⴰ ⵏ ⵓⵡⴰⵏⴰⴽ ⴰⵎⵣⴰⵔⵓⴳ.
ⵎⴰⵎⵎⴻⴽ ⵏⴻⵣⵎⴻⵔ ⴰⵏ ⵏⴻⵙⵙⴻⴳⵣⵉ ⴱⴻⵍⵍⵉ ⵡⴰⵢ-ⴰ ⵢⴻⵍⵍⴰⵏ ⵢⴻⵇⵇⴰⵔ ⵖⴻⴼ ⵢⵉⵎⴰⵏ-ⵏⵏⴻⵙ ⴱⴻⵍⵍⵉ ⴷ ⴰⵡⵏⴻⵜⵍⴰⵢ ⴰⵕⵓⴼⵉ, ⵢⴻⵣⵎⴻⵔ ⴰⴷ ⵢⴻⴱⴷⴻⵔ ⵉⵙⵓⵔⵉⴼⴻⵏ ⵓⴷ ⵢⴻⵎⵎⵓⴳⴻⵏ ⵛ ⵙⴻⴳ ⵣⵉⴽ, ⵢⴻⵜⵜⴱⴰⵏ ⴱⴻⵍⵍⵉ ⵜⴰⵙⴳⵓⵔⵉ ⵏ ⴰⵏⵡⴰⵔ ⴻⵍ ⴰⵏⵓⵏⵉ, ⵏⴻⵜⵜⴰ ⴷⴻⴳ ⵡⴰⵜⵜⴰⵍ-ⴰⵢⴰ, ⵓⴷ ⵢⴻⵜⵜⵄⴻⴷⴷⴰ ⵛ ⵙⴻⴳ ⵜⴰⵔⵊⴰⵜⵉⵏ.
ⴷⴻⴳ ⵓⵏⴰⴷⵉ ⴷⴻⴳ ⵍⵙⴰⵙ ⵏ ⵓⵙⴻⵔⴽⵉⵙ-ⴰⵢⴰ, ⴷ ⵜⵎⴻⵏⵜⴰⵍ ⵜⵉⴷⴻⵜⵜⴰⵏⵉⵏ ⵢⴻⵍⵍⴰⵏ ⴷⴻⴼⴼⵉⵔ-ⵏⵏⴻⵙ, ⵢⴻⵍⵍⴰⵏ ⵓⴷ ⵢⴻⵣⵎⵉⵔ ⵛ ⴰⴷ ⵜⴻⵏ-ⵢⴻⴼⴼⴻⵔ, ⵜⵜⴱⴰⵏⴻⵏ ⵢⵉⵙⵡⴰⵏ ⵏ ⴻⵍ ⴰⵏⵓⵏⵉ ⵏ ⵍⴰⵚⴻⵍ ⴰⴼⵕⴰⵏⵙⵉ-ⴰⵎⴻⵔⵔⵓⴽⵉ.
ⵎⴰⵛⴰ ⵙ ⵎⴰⵜⵜⴰ ⵏ ⵜⵖⴰⵔⴰ ⵉ ⴷ-ⵢⵓⵜⵍⴰ ⵓⴷⴻⵎ-ⴰⵢⴰ? ⵙ ⵢⵉⵙⴻⵎ ⵏ ⵎⴻⵏⵀⵓ ⵉ ⴷ-ⵢⵓⵜⵍⴰ? ⵖⴻⴼ ⵎⴰⵜⵜⴰ ⵏ ⵍⵙⴰⵙ ⴰⵙⵓⴷⴰⵏ ⵢⴻⵣⵎⴻⵔ ⴰⴷ ⵢⵓⵄⴰ ⵖⴻⴼ ⵜⴷⵓⴽⵍⵉ ⵜⴰⵕⵓⴼⵉⵜ ⵉⵙⵓⵔⵉⴼⴻⵏ ⵢⴻⵍⵍⴰⵏ ⵓⴷ ⵜⴻⵏ-ⵉⴳⵉ ⵛ ⵜⴳⴰⵔⴰ ⵏ ⴷⵣⴰⵢⴻⵔ?.
ⵎⴰⵜⵜⴰ ⵢⴻⵍⵍⴰⵏ ⴷⴻⴼⴼⵉⵔ ⵏ ⵜⵓⵜⵍⴰⵢⵜ ⵖⴻⴼ ⵢⵉⵙⵓⵜⵔⴻⵏ ⵏ ⵓⵙⴻⴳⵣⵉ ⵓⴷ ⵢⴻⵍⵍⵉⵏ ⴷⴻⴳ ⵜⵉⴷⴻⵜ, ⵢⴻⵙⵄⴰⵏ ⵉⵙⵡⵉ ⵏ ⵓⴱⴻⵢⵢⴻⵏ ⴱⴻⵍⵍⵉ ⵜⵉⵙⵓⴷⴰ ⵜⵉⵕⵓⴼⵉⵢⵢⵉⵏ ⵃⵡⴰⵊⴻⵏ ⴰⴷ ⴰⵡⵉⵏ ⵉⵙⴻⴳⵣⵉⵢⴻⵏ ⵙ ⵖⴻⵔ ⴷⵣⴰⵢⴻⵔ ⵖⴻⴼ ⵓⵏⵎⵉⵔⴻⴳ-ⵏⵏⴻⵙ ⴰⵖⴻⵍⵍⵉⵙⴰⵏ ⵜⴳⴰⵔⴰ ⵏ ⵏⵉⵊⵉⵔ?
ⵜⴰⵙⴳⵓⵔⵉ-ⴰⵢⴰ ⵢⴻⵜⵜⵡⴰⵔⵓⵏ, ⵢⴻⵎⵎⵓⴳⴳⴻⵏ ⴱⴰⵛ ⴰⴷ ⵢⵉⵍⵉ ⴷ ⵜⵉⵔⵉⵔⵜ ⵖⴻⴼ ⵓⵙⴻⵇⵙⵉ ⵏ ⵓⵏⴻⵖⵎⴰⵙ ⴰⴼⵕⴰⵏⵙⵉ, ⵢⴻⵙⵙⴻⴳⴳⴷⴻⵔ ⴰⵡⴻⴽⴽⴻⴷ ⵖⴻⴼ ⵓⵖⴰⵡⴰⵙ ⵉⵎⵙⵓⴷⴷⴻⵙ, ⵢⴻⵍⵍⴰⵏ ⵢⴻⵔⵡⴻⵍ ⵙⴻⴳ ⵓⴽⴰⵜⴰⵔ ⵏ ⵓⵙⴻⵇⵙⵉ ⴷ ⵜⵉⵔⵉⵔⵜ ⵜⴰⵖⵎⵉⵙⴰⵏⵜ ⵜⴰⵎⴻⵍⵙⵉⵜ, ⵢⴻⵜⵜⴻⴼⵔⴻⵏ ⴷⴻⴳ-ⵙ ⵜⴰⵎⴻⵖⵙⵉⵡⵜ ⵜⴰⴼⵔⴰⵏⵙⵉⵜ ⵖⴻ ⵜⴻⵢⵢⵉⵜⴰ ⵏ ⴷⵣⴰⵢⴻⵔ, ⴷⴻⴳ ⵉ ⵜⴻⵍⵍⴰ ⴼⵕⴰⵏⵙⴰ ⵓⵔ ⵜⴻⵣⵎⵉⵔ ⵛ ⴰⴷ ⵜⴻⴳⵣⵉ ⴰⵎⵀⴰⵣ ⴰⴽⴻⵍⵙⴻⵔⵜⴰⵏ ⵢⴻⵙⵙⴻⵎⵔⴰⵙⴻⵏ ⵜⵏⴰⵢⴰ ⵏ ⵢⵉⵡⴰⵏⴰⴽⴻⵏ ⵉⴼⵔⵉⵇⵉⵢⴻⵏ, ⴰⴽⴽⴻⴷ ⴰⵄⴰⵡⴻⴷ ⵏ ⵓⵙⵓⴷⴷⴻⵙ ⵏ ⵜⵉⵙⵉⵙⵜⴻⵍⵜ ⴷⴻⴳ ⵜⴻⵎⵏⴰⴹⵜ ⵏ ⵓⵙⴰⵃⴻⵍ, ⴷ ⵜⵖⴰⵡⵙⴰ ⵢⴻⵜⵜⴱⴻⵢⵢⴰⵏⴻⵏ ⵉⵎⵉⵔ-ⴰ ⴱⴻⵍⵍⵉ ⴱⴰⵔⵉⵙ ⵜⴻⵃⵡⴰⵊ ⴰⴷ ⵜⵓⵄⴰ ⵉⵎⵢⴻⵏⴽⴰⴼⴻⵏ-ⵏⵏⴻⵙ ⵖⴻⵔ ⵓⵏⵔⴰⵔ ⴰⵕⵓⴼⵉ, ⴷⴻⴳ ⵓⵙⵙⵉⵙ ⵏ ⵡⴰⵎⵎⴰⴷ ⵏ ⵜⵙⵓⴷⴰ ⵏ ⵜⴷⵓⴽⵍⵉ ⵜⴰⵕⵓⴼⵉⵜ, ⴷⴻⴳ ⵉ ⵜⴻⵃⵡⴰⵊ ⴰⴷ ⵜⴻⵙⵙⴳⴻⵄⵎⴻⵔ ⴰⵙⵓⵏ-ⵏⵏⴻⵙ ⵏ ⵓⵎⵢⴻⵏⴽⴰⴼ-ⵏⵏⴻⵙ ⵎⴳⴰⵍ ⴷⵣⴰⵢⴻⵔ.
== ⴰⵙⴰⵃⴻⵍ, ⴷ ⴰⴷⴻⴷⴷⵉ ⵢⴻⵍⵍⴰⵏ ⵓⵔ ⵜⴻⵣⵎⵉ ⵛ ⴱⴰⵔⵉⵙ ⴰⴷ ⵜⴻⵙⵙⴳⵓⵏⴼⵓ ==
ⵖⴻⴼ ⵓⴳⵣⵓⵢ ⵏ ⵜⵓⴳⵏⴰ-ⴰⵢⴰ, ⵢⴻⵍⵣⴻⵎ ⴰⴷ ⵏⵓⵖⵍⴰ ⵖⴻⵔ ⵜⵉⵍⴰⵡⵜ ⵜⴰⴽⴻⵍⵙⴻⵔⵜⴰⵏⵜ ⵏ ⵜⴻⵎⵏⴰⴹⵜ ⵏ ⵓⵙⴰⵃⴻⵍ, ⴼⵕⴰⵏⵙⴰ ⵜⴻⵅⵚⴻⵔ ⵜⴰⴷⵓⵙⵉ-ⵏⵏⴻⵙ ⴷⴻⴳ ⵜⴻⵎⵏⴰⴹⵜ-ⴰⵓⴰ, ⵡⴰⵢ-ⴰ ⵙⴻⴳ ⵢⵉⵍⴽⴰⵜⴻⵏ ⵉⴽⴻⵍⵙⴻⵔⵜⴰⵏⴻⵏ ⵉ ⴷ-ⵢⴻⴹⵔⴰⵏ ⴷⴻⴳ ⵍⴰⴱⴰⵙ ⵏ ⵢⵉⵡⴰⵏⴰⴽⴻⵏ ⵏ ⵓⵙⴰⵃⴻⵍ ⴱⴻⴷⴷⵍⴻⵏ ⵉⵎⵏⴻⴽⵏⵉⵢⴻⵏ ⵉ ⴷ-ⵢⴻⵇⵇⵉⵎⴻⵏ ⵙⴻⴳ ⵜⴰⵍⵍⵉⵜ ⴷⴻⴳ ⵉ ⵜⴻⵙⵄⴰ ⴱⴰⵔⵉⵙ ⴰⴷⴰⴱⵓ ⴰⵎⴻⵇⵇⵕⴰⵏ ⵖⴻⴼ ⵓⵎⵓⵔ ⵙⴻⴳ ⵓⵎⴻⵏⵥⴰⵡ ⴰⴼⵔⵉⵇⵉ.
ⴰⵎⵀⴰⵣ-ⴰⵢⴰ ⵢⴻⵜⵜⴱⴻⵢⵢⴰⵏ ⵜⴰⵎⴻⵖⵙⵉⵡⵜ ⵜⴰⵎⴻⵇⵇⵕⴰⵏⵜ ⵏ ⵢⵉⵡⴰⵏⴰⴽⴻⵏ ⵉⴼⵔⵉⵇⵉⵢⴻⵏ ⴷⴻⴳ ⵜⵡⴰⵄⵉⵜ ⵏ ⵓⴷⴰⴱⵓ ⵖⴻⴼ ⵜⵍⴻⵎⵎⵉⵥⵉⵏ-ⵏⵙⴻⵏ ⵜⵉⵙⵏⵓⴷⴷⵙⴰⵏⵉⵏ ⴷ ⵓⴱⴻⵢⵢⴻⵏ ⵏ ⵢⵉⴱⵍⴰⴳⴻⵏ ⵉⵡⴰⵜⴰⵏ ⵉⴷⵓⴱⴰ-ⵏⵙⴻⵏ.
ⵜⴳⴰⵔ ⵏ ⵡⴰⵢ-ⴰ, ⴰⴷ ⵜⴻⵇⵇⵉⵎ ⴷⵣⴰⵢⴻⵔ, ⵉⵍⵎⴻⵏⴷ ⵏ ⵓⵙⵎⴻⵍ-ⵏⵏⴻⵙ ⴰⴽⴰⵍⴰⵏ ⴷ ⵜⵉⵔⵎⵉⵜ-ⵏⵏⴻⵙ ⵜⴰⵖⴻⵍⵍⵉⵙⴰⵏⵜ ⴷ ⵡⴰⵙⵙⴰⵖⴻⵏ-ⵏⵏⴻⵙ ⵉⵎⴻⵣⵔⵓⵢⴰⵏⴻⵏ ⵜⴳⴰⵔⴰ ⵏ ⵢⵉⵡⴰⵏⴰⴽⴻⵏ ⵏ ⵜⴻⵍⵎⵏⴰⴹⵜ, ⴷ ⴰⵙⴻⴳⴱⴰⵔ ⴰⵎⴻⵇⵇⵔⴰⵏ ⴷⴻⴳ ⵓⵙⵉⵍⴻⵖ-ⴰⵢⴰ ⴰⵎⴰⵢⵏⵓ, ⵢⴻⵔⵏⵉ ⵢⴻⵜⵜⴱⴰⵏ ⴱⴻⵍⵍⵉ ⵜⴰⵎⵍⵉⵍⵜ-ⴰⵢⴰ ⵜⴰⴳⴻⵍⵍⵓⵢⴰⵏⵜ ⴷ ⵏⴻⵜⵜⴰⵜ ⵉ ⴷ-ⵢⴻⵙⵙⴻⵇⵍⴰⵇⴻⵏ ⵇⵍⵉ ⵏⵡⴰⵙⵓⵏⴻⵏ ⵉⴼⵔⴰⵏⵉⵙⵢⴻⵏ, ⵢⴻⵍⵍⴰⵏ ⵜⵜⴻⵇⵇⵍⴻ ⵙ ⵓⵣⴳⴻⵏ ⵏ ⵜⵉⵟⵟ ⵖⴻⵔ ⵎⴰⵜⵜⴰ ⵉ ⵜⴻⵜⵜⴻⴳ ⴷⵣⴰⵢⴻⵔ ⵙⴻⴳ ⵜⴰⵎⴰ ⵏ ⵓⵙⴻⴳⴷⴻⵔ ⵏ ⵡⴰⵙⵙⴰⵖⴻⵏ-ⵏⵏⴻⵙ ⵜⴳⴰⵔⴰ ⵢⵉⵎⴻⵄⵛⴰⵔ-ⵏⵏⴻⵙ ⴷⴻⴳ ⵓⵙⴰⵃⴻⵍ, ⵍⴰⴷⵖⴰ ⴰⵍⴷ ⴰⴷ ⵎⴰⵀⵣⴻⵏ ⴰⵙⵙⴰⵖⴻⵏ-ⴰⵢⴰ ⴱⴻⵔⵔⴰ ⵉ ⵡⴰⵏⵏⴰⵡⴻⵏ ⵏ ⵜⴷⵓⵙⵉ ⵢⴻⵎⵎⵉⵔⴻⵏ.
ⵢⴻⵜⵜⴱⴰⵏ ⴱⴻⵍⵍⵉ ⵜⴰⵎⵓⵖⵍⵉ ⵏ ⴷⵣⴰⵢⴻⵔ ⵜⴻⴳⴳⵓⵔ ⵉⵍⵎⴻⵏⴷ ⵏ ⵢⵉⵎⴻⵥⵍⴰ-ⵏⵏⴻⵙ ⵉⴳⴻⵍⵍⵓⵢⴰⵏⴻⵏ, ⵎⴻⴱⵍⴰ ⵎⴰ ⵜⴻⵣⵎⴻⵔ ⴱⴰⵔⵉⵙ ⴰⴷ ⵜⵃⴻⵜⵜⴻⵎ ⵜⴰⵙⵡⴰⵙⵜ-ⵏⵏⴻⵙ, ⵙ ⵖⴻⵔ ⵇⵍⵉ ⵏ ⵢⵉⵎⴰⵙⴰⵢⴻⵏ ⵉⴼⵕⴰⵏⵙⵉⵢⴻⵏ, ⵜⵓⵖⴰⵍ ⵖⴻⵔ-ⵙⴻⵏ ⴷ ⵜⵖⴰⵡⵙⴰ ⵓⵔ ⵜⴻⵜⵜⵡⴰⵃⵎⴰⵍ ⵛ.
== ⴰⵏⵎⵉⵔⴻⴳ ⴰⴷⵣⴰⵢⵔⵉ-ⴰⵏⵉⵊⵉⵔⵉ ⵢⴻⵄⵏⴰ ⴽⴰⵏ ⵙⴻⵏ ⵏ ⵢⵉⵡⴰⵏⴰⴽⴻⵏ-ⴰⵢⴰ==
ⴰⵙⵉⵡⴻⴹ ⵏ ⵜⴰⵢⵓⵏⵉⵏ ⵜⵉⵔⴻⴷⵙⴰⵉⵏ ⵜⵉⴷⵣⴰⵢⵔⵉⵢⵉⵏ ⵖⴻⵔ ⵏⵉⵊⵉⵔ ⴰⵡⵎⴰⵜ, ⵉⵍⵎⴻⵏⴷ ⵏ ⵓⵙⵓⵜⴻⵔ ⵏ ⵢⵉⴷⵓⴱⴰ ⵉⵏⵉⵊⵉⵔⵉⵢⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⵜⴰⵡⴰ ⴰⵙⵉⵏⴷⵉⵙⴰⵏ, ⵏⴻⵜⵜⴰ ⴷ ⴰⵙⴻⵏⵜⴻⵍ ⴰⵙⵉⵏⴷⵉⵙⴰⵏ ⴰⵃⴻⵔⴼⵉ, ⵢⴻⵇⵇⴻⵏ ⵖⴻⵔ ⵡⴰⵙⵙⴰⵖⴻⵏ ⵏ ⵜⵏⴰⵢⴰ ⵊⴰⵔ ⵢⵉⵡⴰⵏⴰⴽⴻⵏ.
ⴷⴻⴳ ⵉ ⴷ ⵙⵄⴰⵏ ⴷⵣⴰⵢⴻⵔ ⴷ ⵏⵉⵊⵉⵔ ⵜⵍⴰⵙⴰ ⵊⴰⵔ-ⴰⵜⵙⴻⵏ, ⴷ ⵢⵉⵎⴻⵥⵍⴰ ⵉⵖⴻⵍⵍⵉⵙⴰⵏⴻⵏ, ⴷ ⵜⵎⵓⵖⵍⵉⵡⵉⵏ ⵜⵓⴱⵍⵉⴳⵉⵏ, ⵔⵏⵉⵏ ⵜⵜⵇⴰⴱⴰⵍⴻⵏ ⵜⵉⵙⴻⵏⵜⵉⵏ ⵉⵎⵉⵣⴰⵜⴻⵏ ⵢⴻⵜⵜⵄⴻⴷⴷⴰⵏ ⵖⴻⴼ ⵓⵙⴰⵃⴻⵍ, ⵢⴻⵔⵏⵉ ⵓⴷ ⵜⵜⵔⴰⵊⴰⵏ ⵛ ⵜⵉⵏⴻⵖⵙⵓⵜⵉⵏ ⵏ ⴱⵔⵓⴽⵙⴻⵍ ⵏⵉⵖ ⴱⴰⵔⵉⵙ ⵖⴻⴼ ⵓⴽⴻⵢⵢⴻⵍ ⵏ ⵢⵉⵎⵉⵣⴰⵜⴻⵏ ⵉⵎⴻⵇⵇⵔⴰⵏⴻⵏ ⴷⴳ ⵊⴰⵔ-ⴰⵜⵙⴻⵏ.
ⵉⵍⵎⴻⵏⴷ ⵏ ⵡⴰⵢ-ⴰ, ⴷ ⵜⵖⴰⵡⵙⴰ ⵜⴰⵡⴻⵔⴷⴰⵏⵉⵜ ⴰⴷ ⵜⴻⵔⴳ ⵜⴻⵙⴳⵓⵔⵉ ⵏ ⵜⵙⴻⵔⴽⴰⵙ ⵢⴻⵍⵍⴰⵏ ⵙⵙⴻⵏⴷⴹⴻⵏ-ⵜⵜ ⵉ ⵜⵙⵓⴷⵓⵜ ⵜⴰⵕⵓⴼⵉⵜ, ⵢⴻⵜⵜⴱⴻⵢⵢⴰⵏⴻⵏ ⴱⴻⵍⵍⵉ ⴰⵏⵎⵉⵔⴻⴳ-ⴰⵢⴰ ⵢⴻⵃⵡⴰⵊ ⵉⵙⴻⴳⵣⵉⵢⴻⵏ, ⵎⴰⵏⵉ ⵓⴷ ⵢⴻⵜⵜⵡⴰⴽⵍⴻⵙ ⵛ ⵜⴰⵔⵔⴰⵢⵜ ⵜⵓⵏⵚⵉⴱⵜ ⵖⴻⴼ ⵓⵙⴻⵏⵜⴻⵍ-ⴰⵢⴰ ⵉ ⴷⵣⴰⵢⴻⵔ.
ⵉⵍⵎⴻⵏⴷ ⵏ ⵡⴰⵢ-ⴰ, ⴰⴷ ⵜⴽⴻⵎⵎⴻⵍ ⴷⵣⴰⵢⴻⵔ ⴷⴻⴳ ⵡⴰⵙⵙⴰⵖⴻⵏ-ⵏⵏⴻⵙ ⵜⴳⴰⵔⴰ ⵏ ⵢⵉⵏⴻⴱⵍⴰⴳⴻⵏ-ⵏⵏⴻⵙ ⵖⴻⴼ ⵍⵙⴰⵙ ⵏ ⵢⵉⵎⴻⵥⵍⴰ-ⵏⵏⴻⵙ ⵉⵖⴻⵍⵏⴰⵡⴻⵏ ⴷ ⵢⵉⵎⵉⵔⵡⴻⵏ-ⵏⵏⴻⵙ, ⵢⴻⵔⵏⵉ ⵓⵔ ⵜⴻⵃⵡⵉⵊ ⵛ ⴰⴽⴽⴻⴷ ⴰⵙⴻⴳⵣⵉ ⵉⵉ ⵢⵢⴰⵢ ⵢⴻⵍⵍⴰⵏ ⵃⵡⴰⵊⴻⵏ ⴰⴷ ⴽⴻⵔⴼⴻⵏ ⵜⵉⵙⴻⵏⵜⴰⵢⵉⵏ-ⵏⵏⴻⵙ ⵜⵉⴳⴻⵍⵍⵓⵢⴰⵏⵉⵏ, ⴰⵛⴽⵓ ⴰⵡⴻⵔⴷⵉⵏ ⵏ ⵜⴻⵙⴳⵓⵔⵉ-ⴰⵢⴰ ⵢⴻⵙⵄⴰ ⵉⵙⵡⴰⵏ ⵓⴷ ⵢⵍⵀⵉⵏ ⵛ, ⴰⴷ ⵜⴻⵇⵇⵉⵎ ⵜⵉⵛⵜ ⵏ ⵜⵉⴷⴻⵜ : ⴰⵣⴰⵔⵓⴳ ⵏ ⴷⵣⴰⵢⴻⵔ ⵢⴻⵅⴹⴰ ⴷ ⴰⴳⴳⴰⵣ ⵏ ⵓⵙⴽⴰⵙⵉ, ⴷ ⵜⵏⴰⵢⴰ ⵜⴰⵖⴻⵍⵏⴰⵡⵜ ⵜⴻⵅⴹⴰ ⴷ ⴰⵙⵎⴰⴷⴻⵔ ⴰⴷⵉⴱⵍⵓⵎⴰⵜⵉ, ⴷ ⵓⵏⵎⵉⵔⴻⴳ ⵜⴳⴰⵔⴰ ⵏ ⵢⵉⵡⴰⵏⴰⴽⴻⵏ ⵏ ⵢⵉⴷⵉⵙ, ⵢⴻⵅⴹⴰ ⴷ ⴰⴼⵔⴰⵏ ⴰⴷ ⵢⴰⵙⴻⵏ ⵙ ⵖⴻⴼ ⵢⵉⵖⴰⵍⵍⴻⵏ ⵉⵡⴻⵔⴷⴰⵏⵉⵢⴻⵏ.
ⴰⵔⵏⵓ ⵖⴻⵔ
