ⴷⵣⴰⵢⴻⵔ ⵜⴻⵙⵙⴰⵥⴻⵔ ⵙ « ⵜⴷⵓⵙⵉ » ⵉⵔⴽⴰⴹⴻⵏ ⵢⴻⵜⵜⴽⴻⵎⵎⵉⵍⴻⵏ ⵏ ⵓⵢⵓⵏ ⴰⵚⴻⵀⵢⵓⵏⵉ ⵎⴳⴰⵍ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ

ⵜⴻⵙⵙⴰⵥⴻⵔ ⴷⵣⴰⵢⴻⵔ ⵙ « ⵜⴷⵓⵙⵉ », ⴰⵙⵙ ⵏ ⵓⵢⵏⴰⵙ (ⵍⴻⵜⵏⵉⵢⴻⵏ) ⴷⴻⴳ ⵏⴻⵡ ⵢoⵔⴽ, ⴰⵔⴽⴰⴹⴻⵏ ⵢⴻⵜⵜⴽⴻⵎⵎⵉⵍⴻⵏ ⵎⴳⴰⵍ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ ⴷⴻⴳ ⵜⴻⵙⴼⵉⴼⵜ ⵏ ⵖⴻⵣⵣⴰ, ⵙⵖⵓⵔ ⵓⵢⵓⵏ ⴰⵚⴻⵀⵢⵓⵏⵉ, ⴰⵎ ⵡⴰⴽⴽⴻⵏ ⵉ ⴷ-ⵜⴳⴻⵔ ⵜⵉⵖⵔⵉ ⵉ ⵢⵉⴱⴷⴰⵎⵎⴰⵙⴻⵏ ⴰⴽⴽⴻⵏ ⴰⴷ ⴷ-ⴷⴷⵎⴻⵏ ⴰⴽⴰⵜⴻⵏ ⴷ ⵜⵙⴻⴽⴽⵉⵔⵉⵏ ⵜⵉⴷⴻⵖⵢⴰⵏⵉⵏ ⵉ ⵓⵃⵔⴰⵣ ⵏ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ.

ⵢⴻⴱⴷⴻⵔ-ⴷ ⵓⴳⴻⵏⵙⴰⵙ ⵏ ⴷⵣⴰⵢⴻⵔ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎⴰⵔ ⴱⴻⵏⴷⵊⴰⵎⴰ, ⴷⴰⴽⴽⴻⵏ ⴷⴻⴳ 40 ⵏ ⵡⵓⵙⵙⴰⵏ ⵙⴻⴳ ⵡⴰⵙⵎⵉ ⵉ ⵢⵓⴷⴻⴼ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ ⵖⴻⵔ ⵓⵙⴻⵍⴽⴻⵎ, ⵓⴷⴻⴳ ⵢⵉⵡⴻⵏ ⵏ ⵓⵔⴽⴰⴹ ⵓⴼⴹⵉⵃ ⵎⴳⴰⵍ ⵓⵎⵜⴰⵡⴰ-ⴰ ⵢⴻⵏⵖⴰ ⵓⵢⵓⵏ ⴰⵚⴻⵀⵢⵓⵏⵉ ⵓⴳⴰⵔ ⵏ 300 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ ⴰⵟⴰⵙ ⵏ ⵢⵉⴳⴻⵔⴷⴰⵏ ⴷ ⵜⵙⴻⴷⵏⴰⵏ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴷⵣⴰⵢⴻⵔ « ⵜⴻⵙⵙⴰⵥⴻⵔ ⵙ ⵜⴷⵓⵙⵉ ⵉⵏⵟⴰⴳⴻⵏ-ⴰ ⵉⵎⵥⵉⵡⴰⵏⴻⵏ ⵢⴻⵔⵏⵓ ⵡⴻⵔɛⴰⴷ ⵜⵜⴽⴻⵎⵎⵉⵍⴻⵏ ».

ⵉⵍⵎⴻⵏⴷ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵉ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵢⵢⵓⵔ ⵖⴻⴼ « ⵜⴻⴳⵏⵉⵜ ⴷⴻⴳ ⵡⴻⴳⵎⵓⴹ ⴰⵍⴻⵎⵎⴰⵙ, ⵍⴰⴷⵖⴰ ⵜⴰⵎⵙⴰⵍⵜ ⵏ ⴼⴰⵍⴻⵙⵟⵉⵏ », ⴰⵏⵎⴰⵣⴰⵍ ⴱⴻⵏⴷⵊⴰⵎⴰ ⵢⴻⵙⵎⴻⴽⵜⵉ-ⴷ ⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ-ⴰ ⴷⴰⴽⴽⴻⵏ « ⴰⴽⴰⵍ ⴰⴼⴰⵍⴻⵙⵟⵉⵏⵉ ⵢⴻⵜⵜⵡⴰⵡⴻⴷⴳⴻⵏ ⵡⴻⵔɛⴰⴷ-ⵉⵜ ⴷ ⴰⴼⵔⴰⴳ ⵏ ⵓⵙⵉⵣⵣⴻⵍ ⵏ ⵢⵉⴷⴰⵎⵎⴻⵏ ».

ⵢⴻⵔⵏⴰ-ⴷ ⴷⴰⴽⴽⴻⵏ ⵙⴻⴳ ⵍⵓⴱⵏⴰⵏ ⴰⵔⵎⴰ ⴷ ⵙⵓⵔⵢⴰ, ⵔⵏⵓ-ⴰⵙ ⵖⴻⵣⵣⴰ ⴷ ⵓⴳⴻⵎⵎⴰⴹ ⵓⵜⵔⵉⵎ, ⴰⵢⵓⵏ ⴰⵚⴻⵀⵢⵓⵏⵉ ⵢⴻɛⴼⴻⵙ ⵖⴻⴼ ⵡⴰⴽⴽ ⵉⵎⵜⴰⵡⴰⵢⴻⵏ ⵢⴻⵔⵏⴰ ⵢⴻⵙⵙⵓⵔⴻⴼ ⵉⴱⴷⴰⵎⵎⴰⵙⴻⵏ ⴷ ⵢⵉⴷⵉⵙⴰⵏ ⵉ ⴹⴻⵎⵏⴻⵏ ⴰⵖⵡⴰⵙ ⵏ ⵜⴰⵍⵡⵉⵜ.

ⵉⴱⴻⴳⴳⴻⵏ-ⴷ ⴷⴰⵖ ⵙ ⵓⵙⵃⵉⵙⵙⴻⴼ-ⵏⵏⴻⵙ ⵖⴻⴼ ⵓⵔⴽⴰⴹ ⵏ ⵓⵢⵓⵏ ⴰⵚⴻⵀⵢⵓⵏⵉ « ⵡⴰⵔ ⴰⵡⴻⴷⴷⴻⴱ » ⵉ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ, ⵓⵍⴰ ⵎⴰ ⵢⴻⵍⵍⴰ ⵣⵉⴽ ⵢⴻⵇⴱⴻⵍ ⴰⵙⵓⵎⴻⵔ-ⴰ ⴰⵎⴰⵔⵉⴽⴰⵏⵉ.

ⵢⴻⵏⵏⴰ-ⴷ: « ⵏⴻⵙⵙⴰⵔⴰⵎ ⵙⴻⴳ ⵢⵉⴱⴷⴰⵎⵎⴰⵙⴻⵏ ⴷ ⵢⵉⴷⵉⵙⴰⵏ ⵉ ⴹⴻⵎⵏⴻⵏ ⴰⵖⴰⵡⴰⵙ ⵏ ⵜⴰⵍⵡⵉⵜ ⴰⴽⴽⴻⵏ ⴰⴷ ⴷⴷⵎⴻⵏ ⴰⴽⴰⵜⴻⵏ ⴷ ⵜⵙⴻⴽⴽⵉⵔⵉⵏ ⵜⵉⴷⴻⵖⵢⴰⵏⵉⵏ ⵙ ⵓⴷⴻⵎ ⵓⵏⵚⵉⴱ ⵉ ⵓⵃⵔⴰⵣ ⴷ ⵓⵎⴻⵙⵜⴻⵏ ⵏ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ, ⴷ ⵓⵎⵉⵔⴻⵡ ⵏ ⵓⵏⵡⴷⴰⴳ ⴰⵔⵣⴰⴽ ⵏ ⴷ ⵓⵃⴻⴱⴱⴻⵕ ⵏ ⵢⵉⵎⵉⵔⵡⴻⵏ-ⵏⵏⴻⵙ ».

ⵎⵉ ⴷ-ⵢⵓⵜⵍⴰ ⵖⴻⴼ ⵜⴻⴳⵏⵉⵜ ⵜⴰⵎⴷⴰⵏⴰⵏⵜ ⴷⴻⴳ ⵖⴻⵣⵣⴰ, ⵉⵡⴻⴽⴽⴻⴷ-ⴷ ⵓⵏⵎⴰⵣⵓⵍ-ⴰ ⴰⴷⵣⴰⵢⵔⵉ ⴷⴰⴽⴽⴻⵏ ⴰⵢⵓⵏ ⴰⵚⴻⵀⵢⵓⵏⵉ ⵡⴻⵔɛⴰⴷ ⵢⴻⵜⵜⵃⴻⵜⵜⵉⵎⴻ-ⴷ ⵖⴻⴼ ⵢⵉⵎⴻⵣⴷⴰⵖⴻⵏ ⵜⵉⴳⵏⴰⵜⵉⵏ ⵜⵉⵎⴷⴰⵏⴰⵏⵉⵏ ⵢⵓɛⵕⴻⵏ ⵙ ⵡⴰⵟⴰⵙ.

ⵎⵉ ⴷ-ⵜⵇⴻⵔⵔⴻⴱ ⵜⵙⴻⵎⵀⵓⵢⵜ ⵏ ⵜⴻⴳⵔⴻⵙⵜ ⵜⴰⵙⴻⵎⵎⴰⴹⵜ, ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴷ ⵉⴳⵉⵎⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵖⴻⵣⵣⴰ ⵓⵔ ⵙɛⵉⵏ ⴰⵔⴰ ⴰⵅⵅⴰⵎ, ⵢⴻⵔⵏⴰ ⵢⴻⵏⵏⴰ-ⴷ « ⵜⴻⴷⴷⵔⴻⵏ ⴷⴻⴳ ⵢⵉⵇⵉⴹⵓⵏⴻⵏ ⵉ ⵢⴻⵇⵇⴻⵔⵚⴻⵏ ⵢⴻⵔⵏⴰ ⵞⵞⵓⵔⴻⵏ ⴷ ⵎⴻⴷⴷⴻⵏ, ⵜⵉⵖⴰⵡⵙⵉⵡⵉⵏ ⴷ ⵜⵡⴰⵣⴻⵔ-ⵏⵙⴻⵏ ⴱⴻⵣⴳⴻⵏ, ⵢⴻⵔⵏⴰ ⵜⴰⵔⵡⴰ-ⵏⵙⴻⵏ ⵜⵜⴻⵔⴳⵉⴳⵉⵏ ⵙⴻⴳ ⵓⵙⴻⵎⵎⵉⴹ ⵢⴻⵔⵏⵉ ⵜⴻⵙⵙⵓⵏ ⵖⴻⴼ ⵡⴰⴽⴰⵍ ⵢⴻⵍⵍⴰ ⵛⴰ ⵏ ⴰⴷ ⵟⵟⵙⴻⵏ ».

ⴷⴻⴳ ⵡⴰⵜⵜⴰⵍ-ⴰ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵜⴰⵙⵍⴼⴰⵡⵜ-ⴰ ⵏ ⵓⵙⴻⵀⵔⴻⵙ ⵓⵔ ⵜⴻⵇⵇⵉⵏ ⴰⵔⴰ ⴽⴰⵏ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ ⵉ ⵢⴻⵜⵜⵡⴰⵙⵙⵓⵜⵍⴻⵏ » ⵢⴻⵔⵏⴰ « ⵜⴰⴳⵏⵉⵜ-ⴰ ⴷ ⵜⴰⵎⵉⵀⴰⵡⵜ ⵙ ⵢⵉⵡⴻⵏ ⵏ ⵡⴰⵣⴰⵍ ⴷⴻⴳ ⵉ ⴷⴻⴳ ⵢⴻⵍⵍⴰ ⵓⴳⴻⵎⵎⴰⴹ ⵓⵜⵔⵉⵎ, ⵎⴰⵏⵉ ⵉ « ⵍⴰ ⵏⴻⵜⵜⵡⴰⵍⵉ ⴰⵏⵏⴻⵔⵏⵉ ⴷ ⵓⵙⴻⵎⵖⴻⵔ ⵓⵔ ⵢⴻⴹⵔⵉⵏ ⴰⵔⴰ ⴰⵎ ⵏⴻⵜⵜⴰ ⵣⵉⴽ ⴷⴻⴳ ⵓⵏⵖⴰⵢ ⵙⵖⵓⵔ ⵢⵉⵎⴻⵀⵔⴰⵙⴻⵏ, ⵜⴰⵙⴻⵍⴼⴰⵡⵜ ⵏ ⵜⴻⴽⵔⵉⴹⵜ ⴷ ⵜⵔⴻⵎⵎⴰⵖⵜ ⵢⴻⵜⵜⵡⴰⴷⴻⵀⵍⴻⵏ ⴷ ⵢⴻⵜⵜⵡⴰⵃⴻⵔⵣⴻⵏ ⵙⵖⵓⵔ ⵢⵉⵖⴰⵍⵍⴻⵏ ⵏ ⵓⵏⵡⴷⴰⴳ ⴰⵚⴻⵀⵢⵓⵏⵉ ».

ⵢⴻⵙⵙⴻⴳⵣⴰ-ⴷ ⴷⴰⴽⴽⴻⵏ « ⵉⵎⴻⵀⵔⴰⵙⴻⵏ-ⴰ ⵉⵎⵥⴻⵔⵉⵖⴼⴻⵏ ⵙⵙⴻⵔⵖⴻⵏ ⴰⵅⵅⴰⵎⴻⵏ, ⵜⵉⵎⴻⵙⴳⵉⴷⵉⵡⵉⵏ ⴷ ⵜⵥⴻⴳⵡⴰ ⵏ ⵓⵣⴻⵎⵎⵓⵔ, ⵙⵙⵓⵣⵔⴻⵏ ⵜⴰⵔⴻⵎⵎⴰⵖⵜ ⴷ ⵜⵓⴳⴷⵉ  ⴳⴰⵔ ⵢⵉⵎⴻⵣⴷⴰⵖⴻⵏ ⵉⴷⵉⴳⴰⵏⴻⵏ, ⵢⴻⵔⵏⴰ ⵜⵜⴰⴽⵔⴻⵏ ⴰⴽⴰⵍⴻⵏ », ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⵉⵊⵔⵉⵎⵉⵏ-ⴰ « ⵓⴷⴼⴻⵏⵜ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵓⵙⵙⵉⵣⴷⴻⴳ ⴰⵡⵉⵔⵉ ⵢⴻⵍⵍⴰⵏ ⵉⵙⵡⵉ ⵏ ⵜⵓⴽⴽⵙⴰ ⵏ ⵓⵙⴻⵏⴼⴰⵔ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⴰⵡⵉⵎⴰⵍ ».

ⵉⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴱⴻⵏⵊⴷⴻⵎⴰ ⴷⴰⴽⴽⴻⵏ « ⵜⴰⵡⴰⵖⵉⵜ ⵜⴰⵎⴻⵇⵔⴰⵏⵜ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⵜⴻⵙⵙⴻⴼⴽ ⴰⴽⴰⵜⴻⵏ ⴷ ⵜⵙⴻⴽⴽⵉⵔⵉⵏ ⵜⵉⴽⵎⴰⵎⵉⵏ ⵙⴻⴳ ⵢⵉⴷⵉⵙ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ».

ⵢⴻⵙⵙⵓⵜⴻⵔ-ⴷ « ⴰⵎⵉⵔⴻⵡ ⴰⴷⴻⵜⵜⴰⵏ ⵉⵍⵎⴻⵏⴷ ⵏ ⵓⵃⵔⴰⵣ ⵏ ⵓⵎⵜⴰⵡⴰ ⵏ ⵓⵙⴻⴱⴷⴻⴷ ⵏ ⵢⵉⵎⴻⵏⵖⵉ », ⵢⴻⵔⵏⴰ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⴰⵢⴰ ⵢⴻⵙⵙⴻⴼⴽ ⴰⴷ ⵢⵉⵍⵉ ⴷ « ⵜⵓⵣⵡⵉⵔⵜ ⵜⴰⴷⴻⵖⵢⴰⵏⵜ ⵢⴻⵔⵏⴰ ⵙ ⵜⵖⴰⵡⵍⴰ ».