ⴷ ⴰⴳⴻⵏⵙⴰⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵏⴰⵙⵔⵉ ⵢⴻⴷⵔⴻⵡ ⴷⴻⴳ ⴷⴰⵡⵀⴰ ⴷⴻⴳ ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵜⵉⵙ ⵙⴻⵏⵜ ⵏ ⵓⵙⵏⴻⴳⵎⵓ ⵉⵏⵎⴻⵜⵜⵉ

ⵢⴻⴷⵔⴻⵡ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣⵣⵓⵣ ⵏⴰⵙⵔⵉ, ⴷ ⴰⴳⴻⵏⵙⴰⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵙⴻⴳ ⵡⴰⵙⵙ ⵏ ⵓⵙⵉⵏⴰⵙ ⴷⴻⴳ ⴷⴰⵡⵀⴰ (ⵇⴰⵟⴰⵔ) ⴷⴻⴳ ⵍⴻⵇⴷⵉⵛⴰⵜ ⵏ ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵜⵉⵙ ⵙⴻⵏⵜ ⵏ ⵓⵙⵏⴻⴳⵎⵓ ⵉⵏⵎⴻⵜⵜⵉ, ⴰⵎⵎⴻⴽ ⵉ ⴷ-ⵢⴻⴱⴷⴻⵔ ⵓⵍⵖⵓ ⵏ ⵓⵙⴻⵇⵇⴰⵎⵓ ⴷⴻⴳ ⵡⴰⵙⵙ ⵏ ⵓⵙⵉⵏⴰⵙ.

ⵢⴻⵙⵙⴻⴳⵣⵉ-ⴷ ⵓⵖⴱⴰⵍⵓ ⴱⴻⵍⵍⵉ, ⴷ « ⴰⵙⴻⴳⴱⴰⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ , ⵢⴻⴷⵔⴻⵡ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣⵣⵓⵣ ⵏⴰⵙⵔⵉ ⴷⴻⴳ ⵍⴻⵇⴷⵉⵛⴰⵜ ⵏ ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵜⵉⵙ ⵙⴻⵏⵜ ⵏ ⵓⵙⵏⴻⴳⵎⵓ ⵉⵏⵎⴻⵜⵜⵉ, ⴰⴷ ⵢⵉⵍⵉⵏ ⴷⴻⴳ ⵜⴰⵎⴰⵏⴻⵖⵜ ⵏ ⵇⴰⵟⴰⵔ ⴷⴰⵡⵃⴰ ⵙⴻⴳ 4 ⵎⵖⵉⵔ 6 ⵡⴻⵎⴱⴻⵔ 2025.

ⵎⴰⵙⵙ ⵏⴰⵙⵔⵉ ⴰⴷ ⵢⵉⵍⵉ ⵜⴳⴰⵔⴰ-ⵏⵏⴻⵙ ⵎⴰⵙⵙ ⴰⴱⴷⴻⵍⵀⴰⵇ ⵙⴰⵉⵀⵉ, ⴰⵏⴻⵖⵍⴰⴼ ⵏ ⵓⵎⴰⵀⵉⵍ ⴷ ⵓⵙⴻⵅⴷⴻⵎ ⴷ ⵓⵙⴻⵏⴽⵉⴷ ⵉⵏⵎⴻⵜⵜⵉ, ⵎⴰⵙⵙ ⵀⴰⴱⵉⴱ ⴷⵓⴰⵇⵉ, ⴰⵙⴻⵍⵡⴰⵢ ⵏ ⵜⵙⴻⵇⵇⵉⵎⵜ ⵏ ⵜⴷⴰⵡⵙⴰ ⴷ ⵢⵉⵡⴻⵥⵍⴰ ⵉⵏⵎⴻⵜⵜⵉⵢⴻⵏ ⴷ ⵓⵎⴰⵀⵉⵍ ⴷ ⵓⵙⴻⵏⴽⵉⴷ ⴰⵖⴻⵍⵏⴰⵡ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵜⴳⴰⵔⴰ ⵏ ⵎⴰⵙⵙ ⵉⵙⵍⴰⵎ ⴷⴰⵀⵎⵔⵉ ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴽⵉⴷ ⵉⵏⵎⴻⵜⵜⵉ ⴷⴻⴳ ⵓⵖⵍⵉⴼ ⵏ ⵓⵎⴰⵀⵉⵍ, ⴷ ⵎⴰⵙⵙ ⵏⴰⴷⵉⵔ ⴽⵓⴰⴷⵔⵉⴰ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ ⵏ ⵢⵉⵅⴻⴷⴷⴰⵎⴻⵏ ⵢⴻⵜⵜⴻⵙⵍⵉⴽⴻⵏ.

ⵜⴰⵇⴰⵛⵓⵛⵜ-ⴰⵢⴰ ⵜⴰⵏⵎⴰⴹⴰⵍⵜ ⵏ ⵓⵙⵏⴻⴳⵎⵓ ⵉⵏⵎⴻⵜⵜⵉ ⵜⴻⵎⵎⵓⴳ ⵉⵍⵎⴻⵏⴷ ⵏ ⵜⵏⴻⵖⵙⵓⵜⵉⵏ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ 78/261 ⴷ 78/318, ⵉⵙⵡⵉ-ⵏⵏⴻⵙ ⴷ ⵜⴰⵏⴻⵟⵟⴼⵜ ⵏ ⵡⵓⴳⵓⵔⴻⵏ ⴷ « ⴰⵃⴱⴰⵙ ⵏ ⵡⵓⴳⵓⵔⴻⵏ ⴷ ⵓⵄⴰⵡⴻⴷ ⵏ ⵓⵙⵙⴻⴱⴷⴻⴷ ⵏ ⵓⵍⵖⵓ ⵏ ⴽⵓⵒⴻⵏⵀⴰⴳⴻⵏ ⵖⴻⴼ ⵓⵙⵏⴻⴳⵎⵓ ⵉⵏⵎⴻⵜⵜⵉ ⴷ ⵡⴰⵀⵉⵍ ⵏ ⵜⵉⴳⴰⵡⵜ ⴷ ⵓⵙⵙⴻⴹⵔⵓ-ⵏⵙⴻⵏⵜ, ⴷ ⵓⵙⴻⴹⵔⴻⵡ ⵏ ⵜⵉⵡⵜⵉⵍⵉⵏ ⵏ ⵓⵙⵏⴰⵙ ⵏ ⵓⵖⴰⵡⴰⵙ ⵏ 2030.