ⵉⵙⴻⵍⵍⴻⵎ ⵜⵏⴻⵀⵍⴰⴼⵜ ⵏ ⵜⴰⵡⵏⵏⴰⴹⵜ ⴷ ⵜⵖⴰⵔⴰ ⵏ ⵜⵓⴷⴻⵔⵜ, ⵎⴰⵙⵙⴰ ⴽⴰⵓⵓⵜⴻⵔ ⴽⵔⵉⴽⵓⵓ, ⵉ ⵎⴰⵙⵙ ⴰⵍⵄⴻⵇⵉⴷ ⵎⴰⵉⵣⴰⵎⴰ ⴰⴱⴷⵓⵓⵍⴰⵢⴻ, ⴰⵏⴻⵖⵍⴰⴼ ⵏ ⵜⴰⵡⵏⵏⴰⴹⵜ, ⵜⵉⴷⴷⴰⵙ ⵏ ⵡⴰⵎⴰⵏ ⴷ ⵓⵙⵉⵣⴷⴻⴳ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵙⵏⴻⴽⴷⴻⵏ ⵢⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⴷ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷⴻⴳ ⵓⵏⵏⴰⵔ ⵏ ⵜⴰⵡⵏⵏⴰⴹⵜ ⴷ ⵜⵎⵓⵉⵣⴻⴳⵜ ⵏ ⵜⵓⴷⴻⵔⵜ (biodiversité), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⵉⵍⵍⴰⵏ ⵉⴹⴻⵍⵍⵉ ⵏ ⵜⵜⵍⴰⵜⴰ ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵏ ⵜⴰⵡⵏⵏⴰⴹⵜ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ. ⵇⴻⵔⴷⵛⴻⵏ ⴷⴰⵖⴻⵏ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⵙ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵣⴷⴰⵢⴻⵏ ⵉ ⴷ-ⵢⴻⵜⵜⴰⵡⴹⴻⵏ ⵉ ⵢⵉⴱⴻⴷⴷⵉⵍⴻⵏ ⵏ ⵜⴰⵡⵏⵏⴰⴹⵜ ⵏ ⵜⵓⵔⴰ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵉⴱⴻⴷⴷⵉⵍⴻⵏ ⵏ ⵓⵏⴻⴳⵎⴰⵔ (climat) ⴷ ⵓⵙⵏⴻⴼⵍⵉ ⵏ ⵜⴷⴰⵎⵙⴰ ⵜⵓⵣⵣⴰⵢⴰⵏⵜ
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵉⵔⵣⵉ ⵉ ⵜⴳⴰ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵢⵉⵏⴻⵖⵍⴰⴼⴻⵏ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ ⵖⴻⵔ ⵍⴻⵣⵣⴰⵢⴻⵔ. ⴷⴻⴳ-ⵙ, ⵎⴰⵙⵙⴰ ⵜⵏⴻⵀⵍⴰⴼⵜ ⵜⴻⵙⵙⴻⴽⵏⴻⴷ-ⴷ ⵢⵉⵙⵏⵉⵢⴰⵍⴻⵏ ⵏ ⵓⵎⵢⴻⵛⵛⴻⵔ ⴷ ⵏⵏⵉⴶⴻⵔ ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⵉⵚⵓⵕⵉ (désertification) ⵙ ⵜⵎⵓⵖⵍⵉ ⵏ ⵜⵉⵔⵎⵉⵜ ⵜⴰⵣⵣⴰⵢⵔⵉⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵜⵏⴻⵀⵍⴰⴼⵜ ⵏ ⵜⴰⵡⵏⵏⴰⴹⵜ ⵜⵎⴻⵙⵍⴰⵢ-ⴷ ⵖⴻⴼ ⵓⵙⴻⵏⴼⴰⵔ ⵏ ⵓⵄⴰⵡⴻⴷ ⵏ ⵓⵣⵉⵣⵣⴻⴷ ⵏ ⵓⵙⴰⴷⴷ ⴰⵣⴻⴳⵣⴰⵡ ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ ⴷⴻⴳ ⵓⵙⴻⴳⴳⴰⵙ ⵏ 2023, ⵉ ⵜ-ⵢⴻⵔⵔⴰⵏ ⴷ ⴰⵙⴻⵏⴼⴰⵔ ⵏ ⵜⴰⵡⵏⵏⴰⴹⵜ ⵉⵕⴻⵙⵙⴰⵏ.
ⴽⵔⵉⴽⵓⵓ ⵜⴻⵏⵏⴰ-ⴷ ⴱⴻⵍⵍⵉ ⵙⵏⴰⵜ ⵏ ⵜⴰⵎⵉⵡⵉⵏ ⵜⵜⵀⴻⴳⴳⵉⵏⵜ ⵉ ⵢⵉⵡⴻⵜ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ ⴷⴻⴳ ⵓⵏⵏⴰⵔ ⵏ ⵜⴰⵡⵏⵏⴰⴹⵜ ⵉ ⵓⴷⴻⴳⴳⴻⵔ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵙ ⵓⵎⵓⴱⴱⴰⴷⴷⴻⵍ ⵏ ⵜⵉⵔⵎⵉⵜ ⵜⴰⵣⵣⴰⵢⵔⵉⵜ ⴷⴻⴳ ⵓⵏⵏⴰⵔ ⵏ ⵜⵎⵓⵉⵣⴻⴳⵜ ⵏ ⵜⵓⴷⴻⵔⵜ.
ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰⴼ ⵏ ⵏⵏⵉⴶⴻⵔ ⵉⵙⵙⴻⴽⵏⴻⴷ ⴰⵣⴰⵍ ⵏ ⵓⵙⴰⵍⵉ ⵏ ⵓⵎⵢⴻⵛⵛⴻⵔ ⴷ ⵍⴻⵣⵣⴰⵢⴻⵔ ⴷⴻⴳ ⵓⵏⵏار ⵏ ⵜⴷⴰⵎⵙⴰ ⵜⵓⵣⵣⴰⵢⴰⵏⵜ ⴷ ⵓⵙⴻⴷⴱⴻⵔ ⵏ ⵢⵉⴹⵓⵎⵎⴰⵏ ⴷ ⵓⵏⴼⴰⵄ ⵙⴻⴳ ⵜⵎⵓⵖⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵏⵏⴰⵔ-ⴰⴳⵉ. ⵙⴻⵍⴷ ⵎⵉ ⴷ-ⵢⴻⵎⵍⴰ ⵜⵉⴷⴷⵢ ⵉⴶⴻⵀⴷⴻⵏ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⴷⴻⴳ ⵜⴰⵍⵍⵉⵜ-ⴰⴳⵉ ⵜⴰⵏⴻⴳⴳⴰⵔⵓⵜ, ⵎⴰⵉⵣⴰⵎⴰ ⵉⵙⵔⴻⵚ ⴱⴻⵍⵍⵉ ⵜⵓⴽⴽⵉⵙⵜ ⵏ ⵡⴻⴼⵀⴰⵎ ⴰⵔⴰ ⴷ-ⵢⵉⵍⵍⵉⵏ ⴰⴷ ⴷ-ⵜⴻⴼⴽ ⴰⴼⵓⴷ ⴰⵎⴻⵇⵇⵔⴰⵏ ⵉ ⵓⵎⵢⴻⵛⵛⴻⵔ ⵏ ⵜⴰⵡⵏⵏⴰⴹⵜ ⵏ ⵙⵉⵏ.
ⴰⵔⵏⵓ ⵖⴻⵔ
