ⵎⵎⴻⵜⵍⴰⵏ ⴰⵙⴻⵍⵡⴰⵢ ⵏ ⵜⵜⴰⴳⴷⵓⴷⴰ, ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴰⵏⴻⵖⵍⴰⴼ ⵏ ⵓⵡⴰⵏⴽ, ⴰⵏⴻⵖⵍⴰⴼ ⵏ ⵢⵉⵖⵓⵣⴰⵏ ⴷ ⵍⵎⵄⴰⴷⴻⵏ, ⵎⵓⵃⴰⵎⴻⴷ ⵄⴻⵔⵇⴰⴱ, ⵢⴻⵜⵜⴻⴽⴽⴰ ⵡⴰⵙⵙ-ⴰ ⵏ ⵍⴰⵔⴱⴻⵄⴰ ⴷⴻⴳ ⵓⵍⴷⴰⵢ ⵏ ⵓⵎⴰⴼⵔⴰⵣ ⴰⴳⵔⴰⵖⵍⴰⵏ ⵏ ⵍⵎⵄⴰⴷⴻⵏ ⴷ ⵢⵉⵖⵓⵣⴰⵏ "ⵙⵉⵎⵉⴽⴰ ⵜⵛⴰⴷ 2026", ⵉ ⴷ-ⵢⴻⵍⵍⴰⵏ ⴷⴷⴰⵡ ⵜⵣⴻⵍⵡⵉⵜ ⵏ ⵓⵙⴻⵍⵡⴰⵢ ⵏ ⵜⵛⴰⴷ, ⵎⵓⵃⴰⵎⴻⴷ ⵉⴷⵔⵉⵙ ⴷⵉⴱⵉ ⵉⵜⵏⵓ, ⵙⴻⴳ 21 ⴰⵔ 23 ⵢⴻⵏⵏⴰⵢⴻⵔ 2026, ⴷⵉ ⵜⵎⴰⵏⴰⵖⵜ ⵏ'ⴷⵊⴰⵎⴻⵏⴰ.
ⵓⵍⴷⴰⵢ ⴰⴷⴻⵙⵜⵓⵔⵉ ⵢⴻⵍⵍⴰ-ⴷ ⵙ ⵜⵣⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⵛⴰⴷ, ⴰⵍⴰⵎⴰⵢ ⵀⴰⵍⵉⵏⴰ. ⵙⵉ ⵢⵉⴷⵉⵙ ⵏ ⵍⴻⵣⵣⴰⵢⴻⵔ, ⵃⴹⴻⵔⵏ ⴷⴰⵖⴻⵏ: ⴰⵏⴻⵖⵍⴰⴼ ⵏ ⵜⵎⴳⵓⵔⵉ , ⵢⴰⵃⵢⴰ ⴱⴻⵛⵉⵔ, ⴷ ⵓⵏⴻⵖⵍⴰⴼ ⵏ ⵜⴼⴰⵙⴰ ⴷ ⵜⴼⴰⵙⵉⵡⵉⵏ ⵜⵉⵎⴰⵢⵏⵓⵜⵉⵏ, ⵎⵓⵔⴰⴷ ⵄⴻⴷⵊⴰⵍ, ⴰⴽⴽⴻⴷ ⵉⵙⴻⵍⵡⴰⵢⴻⵏ ⵉⵎⴰⵜⵓⵜⴻⵏ ⵏ ⵜⵙⵔⵉⵎⵉⵏ ⵙⵓⵏⴰⵟⵔⴰⴽ, ⵏⴰⴼⵟⴰⵍ, ⴷ ⴳⵉⵛⴰ (GICA).
ⴷⴻⴳ ⵡⴰⵡⴰⵍ-ⵉⵙ ⵉ ⴷ-ⵢⴻⴼⴽⴰ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵜⴻⴱⴱⵓⵓⵏⴻ, ⵄⴻⵔⵇⴰⴱ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⴷ "ⵉⵏⴻⴱⴳⵉ ⵏ ⵍⵇⴻⵔⵎⴰ" ⴷⴻⴳ ⵜⵎⴻⴽⵇⵔⴻⵏⵜ-ⴰⴳⵉ, ⵡⴰⵢⵉ ⵢⴻⵜⵜⴱⴻⵢⵢⵉⵏ-ⴷ ⴰⴽⴽⴻⵏ ⵜⴻⵍⵍⴰ ⵜⴻⴱⵖⴰ ⴰⴷ ⵜⴻⵙⵏⴻⵔⵏⵉ ⴰⵎⵢⴻⵄⵡⴻⵏ ⴳⴰⵔ ⵜⵎⵓⵔⴰ ⵏ ⵜⴼⵔⵉⵇⵜ . ⵢⴻⵏⵏⴰ-ⴷ ⴱⴻⵍⵍⵉ ⴰⵣⴻⴽⴽⴰ ⵏ ⵜⴼⵔⵉⵇⵜ ⴰⴷ ⵢⴻⵜⵜⵓⴱⵏⵓ ⵙ ⵢⵉⴼⴰⵙⵙⴻⵏ ⵏ ⵡⴰⵔⵔⴰⵡ-ⵉⵙ.
ⴰⵙⴻⵍⵡⴰⵢ ⵏ ⵜⵜⴰⴳⴷⵓⴷⴰ ⵢⴻⵙⵙⴻⴽⵏ-ⴷ ⴱⴻⵍⵍⵉ ⵜⴰⴼⵔⵉⵇⵜ ⵜⴻⵙⵄⴰ ⵜⵉⴳⴻⵎⵎⵉⵢⵉⵏ ⵜⵉⴳⴰⵎⴰⵏⵉⵏ ⵎⵓⵇⵇⵔⴻⵏ, ⵍⴰⵎⴻⵄⵏⴰ ⴰⵙⴻⵏⴼⴰⵔ ⴰⵎⴻⵇⵇⵔⴰⵏ ⴷ ⴰⵎⴻⴽ ⴰⵔⴰ ⵜⴻⵏ-ⵏⴻⵙⵙⴻⴼⵔⴻⴷ ⵉⵡⴰⴽⴽⴻⵏ ⴰⴷ ⴷ-ⴳⵍⵓⵏ ⵙ ⵜⵏⴻⴼⵍⵉⵜ ⵜⴰⴷⴰⵎⵙⴰⵏⵜ ⴷ ⵜⵎⴻⵜⵜⵉⵜ ⵉ ⵢⵉⴳⴷⵓⴷⴻⵏ ⵏ ⵜⴼⵔⵉⵇⵜ.
ⴷⴰⵖⴻⵏ, ⵢⴻⵙⵙⴻⴽⵏ-ⴷ ⵜⴰⵔⵎⵉⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵢⵉⵖⵓⵣⴰⵏ ⴷ ⵍⵎⵄⴰⴷⴻⵏ, ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵀⴻⵢⵢⴰ ⴰⴷ ⵜⴻⴱⴹⵓ ⵜⴰⵎⵓⵙⵏⵉ-ⵙ ⴷ ⵜⵎⵓⵔⴰ ⵏ ⵜⴼⵔⵉⵇⵜ, ⵍⴰⴷⵖⴰ ⴷⴻⴳ ⵓⵙⵏⵓⴱⴱⴻⵛ, ⵜⵉⴼⴰⵔⵉⵏ , ⴷ ⵓⵙⵍⴻⴳⴳⴻⵏ .
ⵜⴻⵔⵣⴻⴼⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵢⴻⵏⵏⴻⵔⵏⵉ ⵓⴷⵉⵡⴻⵏ ⴳⴰⵔ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵃⵔⵉⵛ-ⴰⴳⵉ, ⴷ ⵓⵙⴽⴰⵏ ⵏ ⵜⴳⵏⴰⵜⵉⵏ ⵏ ⵓⵙⴻⴼⵔⴻⴷ ⵏ ⵜⴼⴰⵙⴰ ⴷ ⵍⵎⵄⴰⴷⴻⵏ ⴷⴻⴳ ⵜⵛⴰⴷ ⴷ ⵜⴼⵔⵉⵇⵜ ⴰⴽⴽ.
ⴰⵔⵏⵓ ⵖⴻⵔ
