ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⵖⵍⴰⴼ ⵏ ⵓⵡⴰⵏⴰⴽ, ⴰⵏⵖⵍⴰⴼ ⵏ ⵜⵎⵙⴰⵍ ⵏ ⴱⴻⵔⵔⴰ ⴷ ⵜⵖⵔⴻⵎⵜ ⴷⵉ ⴱⴻⵔⵔⴰ ⵎⴰⵙⵙ ⴰⵃⵎⴻⴷ ⵄⴻⵟⵟⴰⴼ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⵖⵍⴰⴼ ⵏ ⵜⵎⵙⴰⵍ ⵏ ⴱⴻⵔⵔⴰ ⵏ ⵜⴳⴷⵓⴷⴰ ⵏ ⴱⵓⵔⵜⵓⵯⴰⵍ, ⵎⴰⵙⵙ ⴱⴰⵡⵍⵓ ⵔⴰⵏⵊⵉⵍ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵢⵉⵏⵖⵍⴰⴼⴻⵏ ⵙⵙⴰⵡⵍⴻⵏ ⴷⴻⴳ ⵜⵣⵡⴰⵔⴰ ⵡⴰⵃⴷ-ⵙⴻⵏ, ⵎⴱⴰⵄⴻⴷ ⵙⵙⴻⵎⵖⴻⵔⵏ ⵜⵉⵎⵙⵍⴰⵢⵉⵏ ⴷ ⵜⵔⴰⴱⵄⵉⵏ-ⵏⵙⴻⵏ. ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵜⴻⵊⵊⴰ-ⵜⴻⵏ ⴰⴷ ⵡⴰⵍⵉⵏ ⴰⵎⴻⴽ ⵉⵜⴻⴷⴷⵓ ⵓⵎⵢⴻⵍⵍⴻⵍ ⴳⴰⵔ ⵍⵣⵣⴰⵢⴻⵔ ⴷ ⴱⵓⵔⵜⵓⵯⴰⵍ. ⵙⵙⴻⴽⵜⴰⵏ-ⴷ ⵍⴰⴷⵯⴰ ⴱⴻⵍⵍⵉ ⴰⵙⴻⴳⴳⴰⵙ ⵉⵄⴻⴷⴷⴰⵏ ⵜⴻⵎⵎⵓⴽⵜⴻⵙ-ⴷ 50 ⵏ ⵢⵉⵙⴻⴳⴳⴰⵙⴻⵏ ⵏ ⵜⵎⴷⵓⴽⴽⵍⵉ ⴳⴰⵔ-ⴰⵙⴻⵏ ⴷ 20 ⵏ ⵢⵉⵙⴻⴳⴳⴰⵙⴻⵏ ⵏ ⵜⵎⴰⵖⵓⵏⵜ ⵏ ⵍⵊⴰⵔⴰⵏ ⵢⴻⵍⵀⴰⵏ ⴷ ⵓⵎⵢⴻⵍⵍⴻⵍ.
ⵙⵙⴰⵡⵍⴻⵏ ⴷⴰⵖⴻⵏ ⵖⴻⴼ ⵡⴰⵎⴻⴽ ⴰⵔⴰ ⵙⵊⴻⵀⴷⴻⵏ ⵜⵉⵎⴷⵓⴽⴽⵍⵉ-ⵏⵙⴻⵏ ⴷⴻⴳ ⵎⴰⵕⵕⴰ ⵢⵉⵃⵔⵉⵛⴻⵏ, ⵓⵇⴱⴻⵍ ⴰⴷ ⴷ-ⵜⵉⵍⵉ ⵜⵉⵎⵍⵉⵍⵉⵜ ⵜⵓⵏⵏⵉⴳⵜ ⵜⵉⵙ ⵚⴹⵉⵚⵜ (06) ⴳⴰⵔ ⵍⵣⵣⴰⵢⴻⵔ ⴷ ⴱⵓⵔⵜⵓⵯⴰⵍ.
ⵙⴻⴳ ⵍⵊⵉⵀⴰ ⵏⵏⵉⴹⴻⵏ, ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴱⴷⴻⵍⵏ ⵢⵉⴷⴻⴽⵔⵉⵡⴻⵏ ⵖⴻⴼ ⵜⵎⵉⵙⴰⵍ ⵏ ⵓⵎⴰⴹⴰⵍ ⴷ ⵜⵎⴻⵏⵏⴰⴹⵜ. ⵙⵙⴰⵡⵍⴻⵏ ⵍⴰⴷⵯⴰ ⵖⴻⴼ ⵜⵎⵙⴰⵍⵜ ⵏ ⴼⴰⵍⴰⵙⵟⵉⵏ, ⵍⵃⴰⵍⴰ ⵏ ⵜⵎⴻⵏⵏⴰⴹⵜ ⵏ ⵙⵙⴰⵃⴻⵍ ⴷ ⵜⵚⴻⵃⵔⴰ ⵜⵓⵜⵔⵉⵎⵜ, ⴰⴽⴽⴻⵏ ⴷⴰⵖⴻⵏ ⴷ ⵓⵎⵢⴻⵍⵍⴻⵍ ⴳⴰⵔ ⵜⵎⵓⵔⴰ ⵏ ⵢⵉⵔⵉ ⵏ ⵍⴻⴱⵃⴻⵔ.
ⴰⵔⵏⵓ ⵖⴻⵔ
