ⴰⵍⵢⵉ ⵏ ⵡⴰⵎⴰⵏ ⴷ ⵡⴰⴷⴼⴻⵍ ⵉ ⴷ-ⵢⴻⵔⵔⴰⵏ ⴰⵟⴰⵙ ⵏ ⵢⵉⴱⴻⵔⴷⴰⵏ ⵎⴻⴷⵍⴻⵏ ⴷⴻⴳ ⵜⵡⵉⵍⴰⵢⵉⵏ ⵏ: ⵜⵉⵣⵉ ⵡⴻⵣⵣⵓ, ⵜⴱⵓⵡⵉⵔⵜ, ⴷⵊⴻⵍⴼⴰ, ⵍⴻⴱⵍⵉⴷⴰ, ⵜⵍⴻⵎⵙⴻⵏ ⴷ ⵖⴻⵍⵉⵣⴰⵏ, ⵉⵍⵎⴻⵏⴷ ⵏ ⵓⵙⵉⵡⵔⴻⵖ ⵉ ⴷ-ⵜⴻⵙⵙⵓⴼⴻⵖ ⵜⵏⴰⴹⴰⵜ ⵏ ⵍⴷⴰⵔⴽ ⴰⵖⴻⵍⵏⴰⵡ (ⴳⴻⵏⴷⴰⵔⵎⴻⵔⵉⴻ) ⴰⵙⵙ-ⴰ ⵏ ⵍⵃⴻⴷⴷ.
ⴰⵙⵉⵡⵔⴻⵖ-ⴰⴳⵉ ⵉⵏⵏⴰ-ⴷ ⴱⴻⵍⵍⵉ ⴰⵙⴰⵍⵉ ⵏ ⵡⴰⴷⴼⴻⵍ ⵉⵎⴷⴻⵍ ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 33 ⵉ ⵢⴻⵣⴷⵉⵏ ⵜⵉⵣⵉ ⵡⴻⵣⵣⵓ ⴷ ⵜⴱⵓⵡⵉⵔⵜ, ⴷⴻⴳ ⵜⴻⵎⵏⴰⴹⵜ ⵏ ⴰⵙⵓⵍ (ⴰⵜ ⴱⵓ ⵎⴰⵀⴷⵉ) ⴷ ⵓⴽⵓⴽⴰⵔ (ⴱⵛⵍⵓⵍ).
ⵍⵍⴰⵏⵜ ⴷⴰⵖⴻⵏ ⵜⵙⴻⴱⴱⴰ ⵏⵏⵉⴹⴻⵏ: ⴰⵍⵢⵉ ⵏ ⵡⴰⵎⴰⵏ ⵉⵎⴷⴻⵍ ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 1 ⵉ ⵢⴻⵣⴷⵉⵏ ⴷⵊⴻⵍⴼⴰ ⴷ ⵍⴻⵖⵡⴰⵟ, ⴷⴻⴳ ⵜⵉⵍⵉⵡⴰ ⵏ ⵡⴰⵙⵉⴼ ⵏ ⴻⵍ ⵎⵉⵜ (ⵀⴰⵙⵙⵉ ⴱⴰⵀⴱⴰⵀ).
ⵢⴻⵎⴷⴻⵍ ⴷⴰⵖⴻⵏ ⵓⴱⵔⵉⴷ ⵏ ⵜⴰⵡⵉⵍⴰⵢⵜ ⵓⵟⵟⵓⵏ 110 ⴳⴰⵔ ⵍⴻⴱⵍⵉⴷⴰ ⴷ ⵜⵉⴱⴰⵣⴰ, ⴷⴻⴳ ⵡⴰⵎⵎⴰⵙ ⵏ ⴱⴻⵏ ⵀⴰⵎⴷⴰⵏⵉ (ⴱⴻⵏ ⵅⵍⵉⵍ). ⵎⴰ ⴷ ⴰⴱⵔⵉⴷ ⵏ ⵜⴰⵡⵉⵍⴰⵢⵜ ⵓⵟⵟⵓⵏ 52 ⴳⴰⵔ ⵖⴻⵍⵉⵣⴰⵏ ⴷ ⵎⴻⵙⵜⵖⴰⵏⴻⵎ ⵉⵎⴷⴻⵍ ⴷⴻⴳ ⵜⴰⴷⴷⴰⵔⵜ ⵏ ⵚⴰⵍⴰⵃⵉⴰ (ⴱⵏⵉ ⵣⴻⵏⵜⵉⵙ).
ⴷⴻⴳ ⵜⴰⵡⵉⵍⴰⵢⵜ ⵏ ⵜⵍⴻⵎⵙⴻⵏ, ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 22 ⴳⴰⵔ ⵜⵉⵔⵏⵉ ⴷ ⵙⴻⴱⴷⵓ ⵢⴻⵎⴷⴻⵍ ⴷⴻⴳ ⵜⴰⴷⴷⴰⵔⵜ ⵏ ⵜⴻⵍⵍ ⵜⵉⵔⵏⵉ, ⵉⵍⵎⴻⵏⴷ ⵏ ⵡⴰⵎⴰⵏ ⵉ ⴷ-ⵢⵓⵍⵉⵏ. ⴷⴻⴳ ⵜⴰⴳⴳⴰⵔⴰ, ⵍⴷⴰⵔⴽ ⴰⵖⴻⵍⵏⴰⵡ ⵉⵏⵏⴰ-ⴷ ⴱⴻⵍⵍⵉ ⵜⵓⵣⵣⵢⴰ ⴷⴻⴳ ⵢⵉⴱⴻⵔⴷⴰⵏ ⵏⵏⵉⴹⴻⵏ ⵜⴻⵍⵍⴰ ⴷ ⵜⴰⵎⴰⴳⵏⵓⵜ (ⵏⵓⵔⵎⴰⵍ), ⵓ ⵏⴻⵙⵙⵓⵜⵓⵔⴻⵏ ⵉ ⵡⵉⴷ ⵉⵙⴻⵇⴷⴰⵛⴻⵏ ⴰⴱⵔⵉⴷ "ⴰⴷ ⵃⴰⴷⵔⴻⵏ ⵎⵍⵉⵃ".
ⴰⵔⵏⵓ ⵖⴻⵔ
