ⵢⴻⵔⴻⵯⴰⵏ (ⴰⵕⵎⵉⵏⵢⴰ) – ⵉⴳⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⵉⵎⵡⴰⵙ, ⵜⵉⵏⴰⵡⵜ ⵉ ⵢⵉⵎⴻⴷⵔⴰⵡⴻⵏ ⵏ ⵜⵇⴰⵛⵓⵛⵜ ⵏ ⵢⵉⵎⴹⴻⴱⴱⵔⴻⵏ ⵏ ⵓⵙⴰⵔⴰⴳ ⵡⵉⵙ 17 ⵏ ⵢⵉⴷⵉⵙⴰⵏ ⵏ ⵜⴻⵎⵢⴰⵇⵇⴰⵏⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ (ⵛoⵒ17) ⴷ-ⵢⴻⵜⵜⵉⵍⵉⵏ ⴷⴻⴳ ⵜⵎⴰⵏⴻⵖⵜ ⵜⴰⵕⵎⵉⵏⵉⵜ ⵏ ⵢⴻⵔⴻⵯⴰⵏ, ⵢⴻⵔⵏⵓ ⵢⴻⵖⵔⴰ-ⵜⵜ-ⵉⴷ ⵙ ⵢⵉⵙⴻⵎ-ⵏⵏⴻⵙ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵎⴰⵙⵙ ⴰⵣoⵓⵣ ⵏⴰⵙⵔⵉ. ⴷ ⵜⴰ ⵉ ⴷ ⵜⴰⵙⵓⵇⵇⵉⵜ-ⵏⵏⴻⵙ ⵙⵖⵓⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ:
« ⵙ ⵢⵉⵙⴻⵎ ⵏ ⵢⵓⵛ ⴰⵎⴰⵍⵍⴰⵢ ⴰⵎⵏⴰⵀⴰⵖ,
ⵜⴰⵍⴻⵎⵎⵉⵃⵜ ⴷ ⵜⴰⵍⵡⵉⵜ ⵖⴻⴼ ⵓⵎⴰⵣⵓⵏ-ⵏⵏⴻⵙ ⴰⵀⴰⴳⴳⴰⵕ ⴰⴽⴽ
ⵎⴰⵙⵙ ⴰⵙⴻⵍⵡⴰⵢ,
ⵜⵉⴼⴰⵣⵉⵢⵉⵏ-ⵏⵡⴻⵏ, ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ ⵉⵏⴻⵎⵖⵓⵔⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ,
ⵎⴰⵙⵙⴰⵡⴰⵜ ⴷ ⵎⴰⵙⵙⴰⵡ,
ⴷⴻⴳ ⵜⵍⴻⵎⵎⵓⵥⵜ-ⴰ ⵜⵓⵎⵎⵉⵔⵜ, ⵙ ⵜⴻⴹⵔⵉ ⴰⵔⴰ ⵙⵏⴻⵎⵎⵔⴻⵖ ⵙⴻⴳ ⵡⵓⵍ ⵜⴰⴳⴷⵓⴷⴰ ⵏ ⴰⵕⵎⵉⵏⵢⴰ, ⴰⵎⴰ ⴷ ⴰⵏⴰⴱⴰⴹ, ⴰⵎⴰ ⴷ ⴰⵖⵔⴻⴼ, ⵖⴻⴼ ⵓⵔⵎⴰⵙ ⴰⵣⴻⵇⵇⴰⵍ ⴷ ⵜⵙⴻⵎⴳⵓⵔⵉⵜ ⵜⴰⵏⴰⴽⴽⴰⴼⵜ. ⵖⵙⴻⵖ ⴷⴰⵖ ⴰⴷ ⴷ-ⴰⵎⵍⴻⵖ ⵜⴰⵙⵏⴻⵜⵍⴰ ⵜⴰⵙⵍⴻⴽⵎⴰⵏⵜ ⵏ ⵜⴻⵎⵢⴰⵇⵇⴰⵏⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵖⴻⴼ ⵡⵓⵙⵙⵉⵙⴻⵏ ⵉⴽⴰⵢⴰⵢⴻⵏ ⵉⵍⵎⴻⵏⴷ ⵏ ⵓⵙⵎⴰⵍ ⵏ ⵜⵥⴻⵔⴳⴻⴷⴷⵉⵙⵜ.
ⵢⴻⵍⵍⴰ-ⴷ ⵓⵙⴰⵔⴰⴳ-ⵏⵏⴻⵖ, ⴰⵙⵙ-ⴰ, ⴷⴻⴳ ⵡⴰⵜⵜⴰⵍ ⴰⴳⵔⴰⵖⵍⴰⵏ ⵎⴰⵏⵉ ⵎⵎⴻⵏⴷⴰⴳⴻⵏⵜ ⵜⴻⵣⵖⴰⵏ ⵜⵉⵡⴻⵏⵏⴰⴹⴰⵏⵉⵏ ⴷ ⵜⴰⴽⴰⵢⵜ ⵜⴰⵏⴻⵔⵏⴰⵢⵜ ⵙ ⵜⴹⵓⵍⵍⵉⵜ ⵏ ⵓⵣⴻⴷⴷⵉ ⵏ ⵓⵎⵏⴻⴽⵏⵉ ⴳⴰⵔ ⵢⵉⵙⵓⵖⵏⴻⵏ ⵏ ⵓⵏⴻⴳⵎⵓ ⴰⴷⴰⵎⵙⴰⵏ ⴷ ⵓⵃⵔⴰⵣ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ, ⵙ ⵓⵍⵙⵉⵖⴻⵔ ⵏ ⵢⵉⵏⴻⴳⵏⴰⴹⴻⵏ ⴷ ⵡⴰⵎⵎⴰⴷ ⴰⵎⴻⵖⵥⴰⵏ ⴷ ⵡⵓⵏⵣⵉ ⵏ ⵜⴻⵖⴱⵓⵍⴰ.
ⴰⵙⴰⵔⴰⴳ ⵡⵉⵙ 17 ⵏ ⵢⵉⴷⵉⵙⴰⵏ ⵏ ⵜⴻⵎⵢⴰⵇⵇⴰⵏⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ (ⵛoⵒ17) ⵉⵍⴰ ⵜⵉⵅⵅⵓⵜⴻⵔⵜ ⴷ ⵜⴰⵖⴻⵜⵜⴰⵙⵜ ⵉⵎⵉ ⵉ ⴷ-ⵢⴻⵜⵜⴳⴻⵏⵙⵉⵙ ⵜⴰⴽⴽⴰⵢⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⴽⵜⴰⵣⴻⵍ ⵏ ⵓⴼⴰⵔⴰ ⴷ-ⵢⴻⵍⵍⴰⵏ ⴷⴻⴳ ⵓⵙⴻⴹⵔⵓ ⵏ ⵓⴽⴰⵜⴰⵔ ⴰⵏⵎⴰⴹⴰⵍ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵏ ⴽⵓⵏⵎⵉⵏⴳ-ⵎoⵏⵜⵔⴻⴰⵍ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⴹⵔⵓ ⵏ ⵢⵉⵙⵓⵖⴰⴷ ⴷ-ⵢⴻⵜⵜⵡⴰⵙⴻⴱⴹⴻⵏ ⵙⴻⴳ-ⴰ ⵖⴻⵔ 2030 ⴷ ⵡⴰⵍⵍⵓⵙ ⵏ ⵓⵙⵡⴰⵜⵉ ⵏ ⵜⴽⵓⴽⴻⵍⵜ ⵙ ⵓⵣⴳⴰⵔ ⵙⴻⴳ ⵡⴰⵏⵏⵓⴼ ⵏ ⵢⵉⵎⵉⵔⵡⴻⵏ ⵖⴻⵔ ⵡⵉⵏ ⵏ ⵓⵙⴻⴹⵔⵓ ⴰⵙⴻⵎⴷⴰⵢ.
ⵎⴰⵙⵙ ⴰⵙⴻⵍⵡⴰⵢ,
ⴷⴷⴰⵡ ⵓⵍⵡⴰⵢ ⴰⵎⵙⴰⴼⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵜⴻⵜⵜⵎⴰⵀⴰⵍ ⴷⵣⴰⵢⴻⵔ ⵙ ⵢⵉⵎⴻⴽ ⴷ ⵓⵔⵎⵉⴷ ⴰⴽⴽⴻⵏ ⴰⴷ ⵜⴻⵃⵔⴻⵣ ⵜⴰⴱⴰⵖⵓⵔⵜ ⵜⴰⵖⴻⵔⵙⵉⵡⴰⵏⵜ ⴷ ⵜⵏⴻⵎⵖⵉⵜ ⵉ ⵜⵍⴰ ⵖⴻⴼ ⵍǧⴰⵍ ⵏ ⵜⵓⴳⴳⵣⵉⵡⵉⵏ ⴰⵎ ⵓⵔⵎⵓⴷ ⴰⵍⵙⴰⵏ ⴷ ⵜⵡⵓⵖⴰ ⵜⵉⴳⴰⵎⴰⵏⵉⵏ ⴰⵎ ⵓⵏⵏⴻⵥⵔⴻⴼ, ⵜⵉⵎⵓⵔⵖⵉⵢⵉⵏ ⵏ ⵜⵥⴻⴳⵡⴰ ⴷ ⵓⵏⴼⴰⵍ ⴰⵏⴻⵣⵡⴰⵏ.
ⵉⵍⵎⴻⵏⴷ ⵏ ⵡⴰⵢⴰ, ⴷⵣⴰⵢⴻⵔ ⵜⴻⵙⵙⴻⴹⵔⴰⵢ-ⴷ ⵉⵎⵉⵔⵡⴻⵏ-ⵏⵏⴻⵙ ⵉⴳⵔⴰⵖⵍⴰⵏⴻⵏ ⵙ ⵓⵙⵎⴰⵔ ⴷ ⵓⵙⴻⵔⵙⵉ ⵏ ⵜⴻⵙⵏⵓⴷⴷⴻⵙⵜ-ⵏⵏⴻⵙ ⵜⴰⵖⴻⵍⵏⴰⵡⵜ ⴷ ⵓⵖⴰⵡⴰⵙ-ⵏⵏⴻⵙ ⵏ ⵜⵉⴳⴰⵡⵜ ⴰⵖⴻⵍⵏⴰⵡ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴹⴰ ⵜⴰⵙⵏⵓⴷⵔⴰⵏⵜ ⵉ ⵜⴰⵍⵍⵉⵜ ⵏ 2025-2030 ⴷⴻⴳ ⵓⴽⴰⵜⴰⵔ ⵏ ⵜⴻⵎⵢⴰⴷⴰⵙⵜ ⵜⴰⴷⵔⴰⵡⴰⵏⵜ ⵢⴻⵙⵙⴰⵡⴹⴻⵏ ⵖⴻⵔ ⵓⵙⴱⴰⴷⵓ ⵏ 24 ⵏ ⵢⵉⵙⵓⵖⴰⴷ ⵉⵖⴻⵍⵏⴰⵡⴻⵏ ⴷ 93 ⵏ ⵡⴰⴽⴰⵜⴻⵏ ⵏ ⵓⵙⴻⴹⵔⵓ ⵙ ⵜⴻⵎⵢⴰⵎⴰⵥⵜ ⴷ ⵓⴽⴰⵜⴰⵔ ⴰⵏⵎⴰⴹⴰⵍ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ.
ⵜⴰⵎⵓⵔⵜ-ⵉⵏⵓ ⵜⴻⵙⵙⴻⴹⵔⴰ-ⴷ ⴷⴰⵖ ⴰⵏⴻⴳⴳⴻⵣ ⴷ ⴰⵖⴰⵔⴰⵏ ⴷⴻⴳ ⵓⵙⴷⵓⵙⵓ ⵏ ⵓⵎⴻⵙⵜⴻⵏ ⴷ ⵓⵃⵔⴰⵣ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵙ ⵓⵙⵉⵀⵔⴻⵡ ⵏ ⵓⵥⴻⴹⵡⵓ-ⵏⵏⴻⵖ ⵏ ⵡⴰⵙⵓⵏⴻⵏ ⵢⴻⵜⵜⵡⴰⵎⵎⴻⵙⵜⵏⴻⵏ ⵉⵎⵉ ⴰⵙⵙ-ⴰ, ⵏⵍⴰ 24 ⵏ ⵡⴰⵙⵓⵏⴻⵏ ⵢⴻⵜⵜⵡⴰⵙⵎⵓⵏⴻⵏ ⵢⴻⵔⵏⵓ ⵍⵍⴰⵏ ⴷⴻⴳ-ⵙⴻⵏ ⵢⵉⵏⴻⴳⵏⴰⴹⴻⵏ ⵉⵡⵍⴰⵍⴻⵏ, ⵉⵏⴻⵥⴳⵉⵢⴻⵏ, ⵉⴷⵔⴰⵔⴰⵏⴻⵏ, ⵉⵏⵣⴰⵡⴰⵖⴻⵏ ⴷ ⵢⵉⵏⵉⵔⴰⵏⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵟⵟⴻⴼ ⵜⵎⵓⵔⵜ-ⵉⵏⵓ ⴷⴻⴳ ⵓⵙⴰⵍⵇⴻⵢ ⵏ ⵜⵎⵓⵙⵙⵏⵉ ⵏ ⵜⴳⴻⵎⵎⵉ ⵜⴰⵙⵏⵓⴷⵔⴰⵏⵜ, ⵙ ⵡⵓⴷⴷⵓⵏ ⵏ ⵡⵓⴳⴰⵔ ⵏ 27.000 ⵏ ⵜⵍⴻⵎⵙⵉⵏ ⵜⵉⵎⵓⴷⴷⵉⵔⵉⵏ ⴰⵔ ⴰⵙⵙ-ⴰ, ⴳⴰⵔ-ⴰⵙⴻⵏⵜ 8.500 ⵏ ⵜⵍⴻⵎⵙⵉⵏ ⵜⵉⵏⴻⵎⵖⵉⵢⵉⵏ ⴷ 18.000 ⵏ ⵜⵍⴻⵎⵙⵉⵏ ⵜⵉⵖⴻⵔⵙⵉⵡⴰⵏⵉⵏ.
ⴷⵣⴰⵢⴻⵔ ⵜⴻⵜⵜⴽⴻⵎⵎⵉⵍ ⴷⴰⵖ ⵜⴻⵜⵜⴻⴷⴷⴻⵎ ⴰⴽⴰⵜⴻⵏ ⵢⴻⵙⵙⴻⴼⴽⴻⵏ ⵉ ⵡⴰⴽⴰⵣ ⴷ ⵓⵃⵔⴰⵣ ⵏ ⵢⵉⴼⴻⵔⴳⴰⵏ ⵉⴷⴻⵍⵙⴰⵏⴻⵏ ⵎⴰⵏⵉ ⵜⴻⵍⵍⴰ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⴷ ⵜⴰⵢⵉⵡⵏⴰⵏⵜ ⴷ ⵜⴳⴻⵎⵎⵉ ⵜⴰⵙⴻⵏⵣⴽⴰⵏⵜ ⴷ ⵜⵎⴻⵣⵔⵓⵢⴰⵏⵜ ⵏ ⵜⴰⵍⵙⴰ, ⵢⴻⵔⵏⵓ ⴷ ⴰⵢⴰ ⵉ ⵢⴻⵙⵙⴰⵀⴻⵔⵡⴻⵏ ⵉⴳⴻⵔ ⵏ ⵡⴰⵡⵡⴰⴷ ⴰⵖⴻⵍⵏⴰⵡ ⵖⴻⵔ ⵓⵎⴻⵍⵢⵓⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵉⵎⴽⵓⵥⴻⵏ. ⵏⵏⵉⴳ ⵡⴰⵢⴰ, ⵙ ⵓⵙⴷⵓⵇⵇⴻⵙ ⵏ ⵡⵓⴳⴳⵓⴳ ⴰⵣⴻⴳⵣⴰⵡ ⴷⴻⴳ ⵜⵊⵓⵎⵎⴰ ⵏ 4,7 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ, ⵢⴻⵔⵏⵓ ⵙ ⵢⵉⵙⴻⵎ-ⵏⵏⴻⵙ ⴷ ⴰⴳⴰⴷⵉⵔ ⵎⴳⴰⵍ ⵜⵡⴰⵥⵉⵜ ⵏ ⵢⵉⵊⴷⵉ, ⵜⴰⵎⵓⵔⵜ-ⵉⵏⵓ ⵜⴻⵙⵙⴻⴼⵔⴰⵢ ⴰⴷ ⵜⴻⵙⴷⵓⵙ ⵜⴰⴷⵓⵍⵉ ⵜⴰⵏⴻⵎⵖⵉⵜ ⴷ ⵜⵏⴻⵥⴳⵉⵜ ⵢⴻⵔⵏⵓ ⴰⴷ ⵜⴻⵃⵔⴻⵣ ⵢⴻⵔⵏⵓ ⴰⴷ ⵜⵚⴻⴳⴳⴻⵎ ⵉⵏⴻⴳⵏⴰⴹⴻⵏ ⴷⴻⴳ ⵓⴽⴰⵜⴰⵔ ⵏ ⵜⴻⵎⵢⴰⴷⴰⵙⵜ ⵢⴻⵏⵏⵓⵎⵎⴷⴻⵏ ⵢⴻⵙⴷⵓⴽⴽⵍⴻⵏ ⵜⵉⵎⵎⵓⵏⵣⴻⴳⵜ ⵜⴰⵡⴻⵏⵏⴰⴹⴰⵏⵜ ⴷ ⵜⴻⵏⵎⴻⵜⵜⵉⵜ ⴷ ⵢⵉⵏⴰⵍⴽⴰⵎⴻⵏ ⵉⴷⴰⵎⵙⴰⵏⴻⵏ ⵉⵍⵎⴻⵏⴷ ⵏ ⵜⵖⴻⵔⴼⵉⵡⵉⵏ ⵜⵉⴷⵉⴳⴰⵏⵉⵏ.
ⵉⵍⵎⴻⵏⴷ ⵏ ⵓⵙⴻⴽⵎⴻⵎ ⵏ ⵜⵎⵓⵖⵍⵉ-ⵏⵏⴻⵖ ⵉⵍⵎⴻⵏⴷⵏ ⵏ ⵓⵃⵔⴰⵣ ⵏ ⵜⴻⵖⴱⵓⵍⴰ ⵜⵉⵊⵉⵏⴰⵏⵉⵏ ⴷ ⵜⴳⴻⵎⵎⵉ ⵜⴰⵏⴻⵎⵖⵉⵜ, ⵏⴻⵔⵥⴻⵎ ⵜⴰⴱⴰⵏⴽⴰ ⵜⴰⵖⴻⵍⵏⴰⵡⵜ ⵏ ⵜⴻⵢⴼⴰⵙ ⵢⴻⵍⵍⴰⵏ ⴷ ⴰⵙⵓⵔⵉⴼ ⴰⵎⴰⵢⵏⵓ ⴷⴻⴳ ⵓⴽⴰⵍⴰ ⵏ ⵓⵙⴻⴹⵔⵓ ⵏ ⵓⵏⴻⴳⵎⵓ ⴰⴽⴻⵔⵔⴰⵣⴰⵏ ⵓⵏⵣⵉⴳ ⴷ ⵓⵙⴷⵓⵙⵓ ⵏ ⵜⵖⴻⵍⵍⵉⵙⵜ ⵜⴰⵏⵓⵞⵞⵉⵜ. ⵏⵛⴰⵔ-ⴷ ⴷⴰⵖ ⴰⵙⴻⵏⴼⴰⵔ ⵏ ⵓⵙⴰⵍⴰⵢ ⴰⵖⴻⵍⵏⴰⵡ ⴰⵡⴻⵏⵏⴰⴹⴰⵏ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵉⵍⵎⴻⵏⴷ ⵏ ⵓⵙⵓⵜⴻⴳ ⵏ ⵜⴳⴻⵎⵎⵉ ⵜⴰⴳⴰⵎⴰⵏⵜ ⵏ ⵜⵎⵓⵔⵜ.
ⵎⴰⵙⵙ ⴰⵙⴻⵍⵡⴰⵢ,
ⴷⵣⴰⵢⴻⵔ ⵜⵓⴽⵉ ⵀⵓⵍⵍⴰⵏ ⴷⴰⴽⴽⴻⵏ ⵜⵉⵜⵜⵡⴰⴼⵍⴻⵙⵜ ⵏ ⵓⴽⴰⵜⴰⵔ ⴰⵏⵎⴰⴹⴰⵍ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵏ ⴽⵓⵏⵎⵉⵏⴳ-ⵎoⵏⵜⵔⴻⴰⵍ ⴰⴷ ⴷ-ⵜⴱⴰⵏ ⵙ ⵓⵙⴻⴹⵔⵓ ⵏ ⵜⵉⴳⴰⵡⵉⵏ ⴷⴻⴳ ⵓⵏⵔⴰⵔ, ⵎⴰⵛⵉ ⵙ ⵓⵙⴻⵖⵔⴻⵜ ⵏ ⵢⵉⵎⵉⵔⵡⴻⵏ ⴷⴻⴳ ⵢⵉⵏⵎⵓⴳⵔⴻⵏ ⵉⴳⵔⴰⵖⵍⴰⵏⴻⵏ. ⵜⴻⵏⵥⴰ ⴷⴰⵖ ⵀⵓⵍⵍⴰⵏ ⵙ ⵓⵃⵔⴰⵣ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵉⵍⵎⴻⵏⴷ ⵏ ⵜⵙⵓⵜⵡⵉⵏ ⵜⵉⵏⵉⵎⵉⵔⵉⵏ ⴷ ⵜⵡⵉⵎⴰⵍⵉⵏ ⵙ ⵜⴻⵎⵙⴻⵜⵍⴻⵍⵜ ⵜⴰⴳⵔⴰⵖⵍⴰⵏⵜ ⴰⵔⴰ ⵉⵣⴻⵎⵔⴻⵏ ⴰⴷ ⵜⵇⴰⴱⴻⵍ ⵉⵇⵛⵉⵔⵔⵡⴻⵏ ⵢⴻⵍⵍⴰⵏ, ⵍⴰⴷⵖⴰ ⴰⵣⴻⴷⴷⵉ ⵏ ⵡⴰⵎⵎⴰⴽⴻⵏ ⵏ ⵓⵙⴻⴹⵔⵓ ⵢⴻⵙⵙⴻⴼⴽⴻⵏ ⵉ ⵜⵎⵓⵔⴰ ⵢⴻⵜⵜⵏⴻⴳⵎⵓⵏ ⵍⴰⴷⵖⴰ ⴰⵙⵉⴷⵔⴻⵎ ⴰⵎⵓⴷⵔⴰⵡ ⴰⵔⴰ ⵢⴻⴷⴷⵓⵏ ⴷ ⵢⵉⵎⵉⵔⵡⴻⵏ ⵉⵖⴻⴼ ⴷ-ⵢⴻⵍⵍⴰ ⵓⵎⵜⴰⵡⴰ, ⴰⵙⴷⵓⵙⵓ ⵏ ⵢⵉⴽⴻⵜⵜⵓⵔⴻⵏ, ⴰⵙⴻⴽⴽⵉ ⵏ ⵜⴻⵙⵏⴰⵜⵡⵉⵍⵜ ⴷ ⵓⵙⵓⴳⴳⴻⵍ ⵏ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ ⵙ ⵜⵓⴷⴷⵎⴰ ⵏ ⵜⵍⴻⵎⵙⵉⵡⵉⵏ ⴷ ⵜⵓⵣⵡⵉⵔⵉⵏ ⵜⵉⵖⴻⵍⵏⴰⵡⵉⵏ ⵢⴻⵎⴳⵉⵔⵔⴷⴻⵏ ⴷⴻⴳ ⵜⵙⵓⴹⴻⵏⵜ.
ⴷⴻⴳ ⵜⴻⴳⵔⴰⵡⵜ, ⴷⵣⴰⵢⴻⵔ ⵜⴻⵜⵜⴰⵍⴻⵙ ⵜⴻⵜⵜⵡⴻⴽⴽⵉⴷ-ⴷ ⴰⵎⵉⵔⴻⵡ-ⵏⵏⴻⵙ ⵉⵍⵎⴻⵏⴷ ⵏ ⵢⵉⵙⵓⵖⴰⴷ ⵏ ⵜⴻⵎⵢⴰⵇⵇⴰⵏⵜ ⴷ ⵓⴽⴰⵜⴰⵔ-ⵏⵏⴻⵙ ⴰⵏⵎⴰⴹⴰⵍ. ⵏⴻⵙⵙⴰⵔⴰⵎ ⴷⴰⴽⴽⴻⵏ ⵉⵎⴰⵀⵉⵍⴻⵏ ⵏ ⵓⵙⴰⵔⴰⴳ-ⵏⵏⴻⵖ ⴰⴷ ⵙⵙⵉⵡⴹⴻⵏ ⵖⴻⵔ ⵢⵉⴳⵎⵓⴹⴻⵏ ⴷ ⵉⴽⵎⴰⵎⴻⵏ ⴰⵔⴰ ⵢⴻⵙⴷⵓⵙⴻⵏ ⵜⴰⵎⵙⴻⵜⵍⴻⵍⵜ ⴷ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ ⵉⵍⵎⴻⵏⴷ ⵏ ⵓⵎⴻⵙⵜⴻⵏ ⵏ ⵜⴻⵏⴹⴰ ⴷ ⵓⵙⴻⴹⵔⵓ ⵏ ⵓⵏⴻⴳⵎⵓ ⵓⵏⵣⵉⴳ ⵉ ⵡⴰⴽⴽ ⵡⵉⴷ ⵉ ⵜⴻⵔⵣⴰ ⵜⴻⵎⵙⴰⵍⵜ.
ⵙⵏⴻⵎⵎⵉⵔⴻⵖ-ⴽⴻⵏ ⵖⴻⴼ ⵜⴳⴻⵔⵔⴰⵡⵜ-ⵏⵡⴻⵏ ⵜⵓⵃⴷⵉⵇⵜ ».
ⴰⵔⵏⵓ ⵖⴻⵔ
