ⵉⵙⴻⵡⴻⵇ-ⴷ ⵓⵅⵅⴰⵎ ⴰⵖⴻⵍⵏⴰⵡ ⵏ ⵜⴻⴳⵏⴰⵡⵜ ⴷⴻⴳ ⵢⵉⵡⴻⵏ ⵡⵓⵍⵖⵓ ⵓⵣⵣⵉⴳ ⴰⵙⵙ-ⴰ ⵏ ⵍⵃⴻⴷ, ⴰⴷ ⴷ-ⵢⴻⵡⵡⴻⵜ ⵡⴻⴷⴼⴻⵍ ⴷ ⵢⵉⴳⴻⴼⵔⴰⵏ ⴰⴽⴽⴻⴷ ⵡⴰⴹⵓ ⵉ ⵢⴻⵣⵎⵔⴻⵏ ⴰⴷ ⵉⵄⴻⴷⴷⵉ 80 ⴷ 90 ⴽⵎ/ⵙ ⵖⴻⴼ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵓⵅⵅⴰⵎ-ⴰ.
ⵢⴻⵔⵏⴰ ⵢⴻⵏⵏⴰ-ⴷ ⵓⵅⵅⴰⵎ-ⴰ ⴷⴻⴳ ⵡⵓⵍⵖⵓ-ⵉⵙ ⵢⴻⵡⵡⵉⵏ ⴰⵡⴻⵚⵚⵉ ⵏ ⵓⵙⵡⵉⵔ ⵡⵉⵙ ⵙⵉⵏ ⵖⴻⴼ ⵜⴽⴰⵔⴹⴰ ⵏ ⵜⵎⵓⵖⵍⵉ, ⴷ ⴰⴽⴽⴻⵏ ⵍⵇⵉⵙ ⵏ ⵢⵉⴳⴻⴼⵔⴰⵏ ⴰⵔⴰ ⴷ-ⵢⴻⵡⵡⵜⴻⵏ ⴰⴷ ⵢⵉⵍⵉ ⴳⴰⵔ 20 ⵎⵎ ⴷ 30 ⵎⵎ, ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ 15 ⵎⴻⵖⵔⴻⵙ 2026 ⴰⵔ 12:00 ⵏ ⵡⴰⵙⵙ.
ⵢⴻⵔⵏⴰ-ⴷ ⵓⵖⴱⴰⵍⵓ-ⴰ ⴱⴻⵍⵍⵉ ⵍⵡⵉⵍⴰⵢⴰⵜ ⵢⴻⵄⵏⴰⵏ ⴷ ⵜⵉⴳⴰⴷ: ⵜⵉⵣⵉ ⵡⴻⵣⵣⵓ, ⵜⵓⴱⵉⵔⴻⵜ, ⴱⴳⴰⵢⴻⵜ, ⵊⵉⴳⴻⵍ, ⵙⴽⵉⴽⴷⴰ, ⵄⴻⵏⵏⴰⴱⴰ, ⵟⵟⴰⵔⴻⴼ, ⴱⵓⵔⴵ ⴱⵓⵄⵔⵉⵔⵉⴵ, ⵙⵟⵉⴼ, ⵎⵉⵍⴰ, ⵇⵙⴻⵏⵟⵉⵏⴰ, ⴳⴰⵍⵎⴰ, ⵙⵓⵇ ⴰⵀⵔⴰⵚ, ⵜⴱⴰⵜⴻⵏⵜ, ⵓⴳⴰⴼⴰ ⵏ ⵅⴻⵏⵛⴻⵍⴰ, ⵓⵎ ⵍⴻⴱⵡⴰⵇⵉ, ⵓⴳⴰⴼⴰ ⵏ ⵜⴱⴻⵙⵙⴰ. ⴰⴽⴽⴻⵏ ⴷⴰⵖⴻⵏ ⵉ ⴷ-ⵢⴻⵡⵡⵉ ⵡⵓⵍⵖⵓ-ⴰ ⴰⵡⴻⵚⵚⵉ ⵏⵏⵉⴹⴻⵏ ⵏ ⵓⵙⵡⵉⵔ ⵡⵉⵙ ⵙⵉⵏ ⵖⴻⴼ ⵡⴰⴹⵓ ⴰⵔⴰ ⴷ-ⵉⵀⵓⴱⴱⴻⵏ ⵙⴻⴳ ⵓⴳⴰⴼⴰ ⵖⴻⵔ ⵓⴳⴰⴼⴰ ⵓⵜⵔⵉⵎ ⵙ ⵜⴰⵣⵣⵍⴰ ⵢⴻⵍⵍⴰⵏ ⴳⴰⵔ 60 ⴷ 70 ⴽⵎ/ⵙ, ⵢⴻⵣⵎⴻⵔ ⴰⴷ ⵢⴰⵡⴻⴹ ⵏⴻⵖ ⴰⴷ ⵉⵄⴻⴷⴷⵉ ⵜⵉⴽⵡⴰⵍ 80 ⴷ 90 ⴽⵎ/ⵙ ⴰⵎ ⵜⵉⵢⵉⵜⵉⵡⵉⵏ ⴷⴻⴳ ⵍⵡⵉⵍⴰⵢⴰⵜ-ⴰ: ⵜⵍⴻⵎⵙⴰⵏ, ⵙⵉⴷⵉ ⴱⴻⵍⵄⴻⴱⴱⴰⵙ, ⵙⵄⵉⴷⴰ, ⵜⵢⴰⵔⴻⵜ, ⵜⵉⵙⵙⴻⵎⵙⵉⵍⵜ.
ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⵉⵡⴻⵚⵚⴰ-ⴷ ⵓⵅⵅⴰⵎ ⴰⵖⴻⵍⵏⴰⵡ ⵏ ⵜⴻⴳⵏⴰⵡⵜ ⵖⴻⴼ ⵓⵛⴻⵕⵛⵓⵔ ⵏ ⵡⴻⴷⴼⴻⵍ ⴷⴻⴳ ⵢⵉⵎⴻⴹⵇⴰⵏ ⵉⵄⵍⴰⵢⴻⵏ ⵖⴻⴼ 900 ⴷ 1000 ⵏ ⵍⵎⵉⵜⵔⴰⵜ, ⵍⵇⵉⵙ-ⵉⵙ ⴰⴷ ⵢⵉⵍⵉ ⴳⴰⵔ 5 ⴷ 15 ⵙⵎ ⴷⴻⴳ ⵢⴰⵍ ⵢⵉⵡⴻⵜ ⵙⴻⴳ ⵜⴱⴰⵜⴻⵏⵜ, ⵅⴻⵏⵛⴻⵍⴰ, ⵜⴱⴻⵙⵙⴰ, ⵓⵎ ⵍⴻⴱⵡⴰⵇⵉ, ⵙⵓⵇ ⴰⵀⵔⴰⵚ, ⴳⴰⵍⵎⴰ, ⵇⵙⴻⵏⵟⵉⵏⴰ, ⵎⵉⵍⴰ, ⵙⴽⵉⴽⴷⴰ.
ⴰⵢⴰ ⴷ ⴰⵢⴻⵏ ⴰⵔⴰ ⵢⴻⴱⴷⵓⵏ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ 15 ⵎⴻⵖⵔⴻⵙ 2026 ⵖⴻⴼ 03:00, ⴰⴷ ⵉⴽⴻⵎⵎⴻⵍ ⴰⵍⴰⵎⵎⴰ ⴷ ⴰⵣⴻⴽⴽⴰ ⵏ ⵍⴻⵜⵏⴰⵢⴻⵏ 16 ⵎⴻⵖⵔⴻⵙ 2026 ⵖⴻⴼ 09:00 ⴷⴻⴳ ⵍⵡⵉⵍⴰⵢⴰⵜ ⵏ ⵜⵉⵣⵉ ⵡⴻⵣⵣⵓ, ⵜⵓⴱⵉⵔⴻⵜ, ⴱⵓⵔⴵ ⴱⵓⵄⵔⵉⵔⵉⴵ, ⵙⵟⵉⴼ, ⴱⴳⴰⵢⴻⵜ, ⵊⵉⴳⴻⵍ.
ⴰⵔⵏⵓ ⵖⴻⵔ
