ⵉⵙⵉⵡⴹ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷ ⵓⴷⴻⴳⴳⴻⵔ-ⵉⵙ ⵏ ⵏⴻⵢⵢⴰ ⵉ ⵢⴰⴽⴽ ⵉⵎⴰⵀⵍⴰⵏⴻⵏ ⵉⵅⴻⴷⴷⵎⴻⵏ ⵙ ⵜⵓⵛⵛⵉⵜ ⴷⴻⴳ ⵜⴻⵡⵕⵉⵛⵉⵏ ⵏ ⵓⵏⵏⴰⵔ. ⴰⵢⴰⴳⵉ ⴷ ⴰⵙⴰⵜⵉⴳ ⵏ ⵍⵎⴻⴶⵀⵓⴷⴰⵜ-ⵏⵙⴻⵏ ⴷ ⵓⵙⵜⴻⵏⵢⵉ ⵙ ⵓⵎⴰⵀⵉⵍ ⵉⵕⴻⵙⵙⴰⵏ ⵉ ⵅⴻⴷⴷⵎⴻⵏ ⵢⵉⵎⴰⵀⵍⴰⵏⴻⵏ ⴷⴻⴳ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉⵎⴰⵢⵏⵓⵜⴻⵏ, ⵉ ⵢⴻⵍⵍⴰⵏ ⴷ ⵍⵍⵙⴰⵙ ⵉ ⵓⴱⵔⵉⴷ ⵏ ⵓⵙⴱⴻⴷⴷⵉ ⴷ ⵓⵙⵏⴻⴼⵍⵉ ⴷⴻⴳ ⵜⵎⵓⵔⵜ-ⵏⵏⴻⵖ.
ⴰⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴷⵊⴻⵍⵍⴰⵓⵓⵉ, ⵢⴻⵏⵏⴰ-ⴷ ⴷⴻⴳ ⵜⴰⵍⵍⵉⵜ ⵏ ⵓⵙⵉⵡⴻⴹ ⵏ ⵜⴻⴱⵔⴰⵜⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ — : "ⴰⵙⵙ-ⴰ, ⵙ ⵢⵉⵖⴰⵍⵍⴻⵏ-ⵏⵡⴻⵏ ⴰⵃⴻⵔⵔⵉⵢⴻⵏ, ⵜⴻⵜⵜⴱⵉⵏⵓⵎ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵎⴳⴰⵔⴰⴷⴻⵏ, ⵢⴻⵔⵏⴰ ⵜⴻⵜⵜⵉⴷⵓⵙⴻⵎ ⵙ ⵜⵉⴷⵉⴽⵜ (ⵄⴰⵔⵇ ⴻⵍ ⵊⴰⴱⵉⵏ) ⵓⴷⴻⵎ ⵏ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ ⵉⴶⴻⵀⴷⴻⵏ, ⴰⵔⴰ ⵢⴰⵡⴻⴹⴻⵏ ⴰⵎⴽⴰⵏ-ⵉⵙ ⵉⵕⴻⵙⵙⴰⵏ ⴳⴰⵔ ⵜⵎⵓⵔⴰ."
ⴰⵏⴻⵖⵍⴰⴼ ⵉⵙⵔⴻⵚ-ⴷ ⴷⴰⵖⴻⵏ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ — ⵖⴻⴼ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉ ⵉⵙⵙⵓⵜⵜⵓⵔⴻⵏ ⵏⴼⴰⵄ ⴰⵎⴻⵇⵇⵔⴰⵏ ⴷ ⵓⴽⴻⵎⵎⴻⵍ ⵏ ⵓⵎⴰⵀⵉⵍ ⵙ ⵜⵉⴷⴷⵢ ⵉⵄⵍⴰⵢⴻⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵏ ⵍⴼⵓⵙⴼⴰⵜ ⵍⴰⴷⵖⴰ ⴷ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⵏ ⵓⵏⵏⴰⵔ ⵙ ⵓⵎⴰⵜⴰ. ⵢⵉⵙⴻⵏⴼⴰⵔⴻⵏ-ⴰⴳⵉ ⴰⴷ ⴷ-ⵍⴹⴻⵏ ⵉ ⵜⵎⵓⵔⵜ-ⵏⵏⴻⵖ ⵉⵎⵓⴽⴰⵏ ⵉⴼⴰⵣⴻⵏ, ⵓ ⴰⴷ ⴷ-ⵎⵍⴻⵢ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵉ ⴷⴻⴳ ⴰⵔⴰ ⵜⵓⵖⴰⵍ ⵍⴻⵣⵣⴰⵢⴻⵔ ⴷ ⵍⴶⴻⵀⴷ ⴰⴷⴰⵎⵙⴰⵏ ⵉ ⴷ-ⵉⵜⵜⴻⴷⴷⵓⵏ.
ⵉⵡⴰⴽⴽⴻⵏ ⴰⴷ ⴷ-ⵜⵜⵓⵡⴰⵅⴻⴷⵎⴻⵏⵜ ⵜⵓⵔⴰⴹ ⵏ ⵎⴰⵙⵙ ⴰⵙⴻⵍⵡⴰⵢ, ⴰⵏⴻⵖⵍⴰⴼ ⵉⵙⵙⵉⵡⴻⵍ ⴷⴻⴳ ⵜⴰⴳⴳⴰⵔⴰ ⵏ ⵓⵙⵉⵡⴹ ⵉ "ⵢⵉⵎⴰⵀⵍⴰⵏⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵓⵏⵏⴰⵔ ⵉⵡⴰⴽⴽⴻⵏ ⴰⴷ ⵙⴻⴶⵀⴷⴻⵏ ⵍⴻⴱⵖⵉ-ⵏⵙⴻⵏ, ⵓ ⴰⴷ ⵙⵏⴻⵔⵏⵉⵏ ⵍⵎⴻⴶⵀⵓⴷⴰⵜ-ⵏⵙⴻⵏ ⵙ ⵓⵎⴰⵀⵉⵍ ⵏ ⵢⵉⴹ ⴷ ⵡⴰⵙⵙ, ⵉⵡⴰⴽⴽⴻⵏ ⴰⴷ ⵜⵜⵓⵙⴱⴻⴷⴷⴻⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⵉ ⴷ-ⵉⵀⴻⵢⵢⴰⵏ ⵉ ⵓⵙⴻⵎⵔⴻⵙ ⵏ ⵍⴼⵓⵙⴼⴰⵜ ⵏ 'ⴱⵍⴰⴷ ⴻⵍ ⵀⴰⴷⴱⴰ', ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵢⴻⴱⴷⵓ ⵓⴼⴰⵔⵉⵙ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ, ⵉ ⵓⵙⵉⵍⴻⴽ ⵏ ⵜⵎⵓⵖⵍⵉ ⵜⴰⴷⴰⵎⵙⴰⵏⵜ ⵜⴰⵎⴻⵇⵇⵔⴰⵏⵜ ⵏ ⵜⵎⵓⵔⵜ-ⵏⵏⴻⵖ."
ⴰⵔⵏⵓ ⵖⴻⵔ
