ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵓⵏⵏⴰⵔ ⵏ ⵜⵡⵉⵍⴰⵢⵉⵏ ⵏ ⵡⴰⵎⵎⴰⵙ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⵜⵉⴷⴷⵢ ⵏ ⵢⵉⵙⴻⵏⴼⴰⵔⵔⴻⵏ ⵉ ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵀⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵏ ⵜⵎⴻⵏⵏⴰⵟ ⵉ ⵢⴻⴱⵖⴰⵏ ⵓⵎⵙⴰⵙⴻⵢ , ⵉ ⴷⴻⴳ ⵜⵜⴻⴽⴽⴰⵏ ⵢⵉⵎⴻⵏⴻⵀⵍⵉⵢⴻⵏ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⵏ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ, ⵜⵉⵒⴰⵣⴰ, ⴱⵓⵎⴻⵔⴷⴰⵙ, ⵜⵓⴱⵉⵔⴻⵜ, ⵄⵉⵏ ⴻⴷⴷⵉⴼⵍⴰ, ⵍⴻⴱⵍⵉⴷⴰ ⴷ ⵍⴻⵎⴷⵉⵢⴰ, ⵙ ⵜⴰⵎⴰ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵀⵍⴰⴼⵜ, ⵜⴻⵡⵡⵉ-ⴷ ⵖⴻⴼ ⵓⵙⴰⵜⵉⴳ ⵏ ⵜⵉⴷⴷⵢ ⵏ ⵢⵉⵙⴻⵏⴼⴰⵔⵔⴻⵏ ⵉ ⵉⵜⴻⴷⴷⵓⵏ ⴷⴻⴳ ⵓⵣⴻⵏⵣⵉⵖ ⵏ ⵡⴰⵀⵉⵍ ⵏ ⵓⵙⴻⴳⴳⴰⵙ 2026. ⴷⴰⵖⴻⵏ, ⵇⴻⵔⴷⵛⴻⵏ ⵢⵉⵙⵓⵎⴻⵔⴻⵏ ⵉⵎⴰⵢⵏⵓⵜⴻⵏ ⵉ ⵢⵉⵙⴻⴳⴳⴰⵙⴻⵏ 2027, 2028 ⴷ 2029, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵀⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⵙⵎⴻⴷ ⵏ ⵢⴰⴽⴽ ⵜⵎⵓⵀⴰⵍ ⵢⴻⵄⵏⴰⵏ ⵉⵙⴻⵏⴼⴰⵔⵔⴻⵏ ⵉⵕⴻⵙⵙⴰⵏⴻⵏ ⴷⴻⴳ ⵓⵏⵏⴰⵔ ⵏ ⵓⵙⵏⴻⴼⵍⵉ ⵏ ⵓⵣⴻⵟⵟⴰ ⵏ ⵢⵉⴱⴻⵔⴷⴰⵏ, ⴰⵙⵉⵣⵣⴻⴷ-ⵏⵙⴻⵏ ⴷ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ.
ⴷⴰⵖⴻⵏ, ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⵖⴻⴼ ⵓⵙⵉⵣⴷⴻⴳ ⵏ ⴰⵎⵓⴷⴷⵓ ⵏ ⵓⵙⵙⴻⵜⵎⴻⵔ ⵏ ⵓⵏⵏⴰⵔ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵏⴼⴰⵄ ⵏ ⵜⴰⵔⵔⴰⵢⵉⵏ ⵏ ⵓⵙⴼⵓⵍⴻⵍ ⴷ ⵓⵙⴻⵍⴽⴻⵎ ⴷ ⵓⵚⴻⴳⴳⴻⵎ ⵏ ⵡⴰⵀⵉⵍⴻⵏ ⵏ ⵢⵉⵙⴻⵏⴼⴰⵔⵔⴻⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵜⵜⵡⴰⵃⵙⴻⴱ ⴷ ⵜⴰⵎⴻⵏⵣⵓⵜ ⴷⴻⴳ ⵢⵉⵡⴻⵜ ⵏ ⵜⵙⴻⵎⵎⵓⵏⵜ ⵏ ⵜⴻⵎⵍⵉⵍⵉⵢⵉⵏ ⵏ ⵜⵎⴻⵏⵏⴰⵟ ⴰⵔⴰ ⵢⵉⴷⵓⵎⴻⵏ ⴰⵔⵎⵉ ⴷ 3 ⵢⵓⵏⵢⵓ ⵉ ⴷ-ⵉⵜⵜⴻⴷⴷⵓⵏ. ⵉⵙⵡⵉ-ⵉⵙ ⴷ ⵜⴰⵎⵓⵖⵍⵉ ⵖⴻⴼ ⵡⴰⴷⴷⴰⴷ ⵏ ⵢⵉⵙⴻⵏⴼⴰⵔⵔⴻⵏ ⵏ ⵓⵏⵏⴰⵔ ⴷ ⵓⵀⴻⴳⴳⵉ ⵏ ⵜⵓⴽⴽⵉⵙⵉⵡⵉⵏ ⵏ ⵢⵉⵎⴰⵍ ⵙ ⵢⵉⵡⴻⵏ ⵏ ⵓⴱⵔⵉⴷ ⵏ ⵓⵙⵏⴻⴼⵍⵉ ⵉⵡⴻⵣⵏⴻⵏ ⵉ ⴷ-ⵢⴻⵔⵔⴰⵏ ⵜⴰⵎⴰⵡⵜ ⵉ ⵡⴰⵢⴻⵏ ⵉⵙⵓⵜⵜⵓⵔ ⵓⵙⵉⵣⴷⴻⴳ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ.
ⴰⵔⵏⵓ ⵖⴻⵔ
