ⴷⴻⴳ ⵓⵣⴻⵏⵣⵉⵖ ⵏ ⵓⵙⴼⵓⵍⴻⵍ ⵏ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ ⵉⵎⴻⵇⵇⵔⴰⵏⴻⵏ ⵏ ⵓⵏⵏⴰⵔ, ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵉ ⵓⵇⴻⵔⴷⴻⵛ ⵏ ⵡⴰⴷⴷⴰⴷ ⵏ ⵓⴱⵔⵉⴷ ⵉⵣⴻⴳⵔⴻⵏ ⵜⴰⵏⴻⵥⵔⵓⴼⵜ. ⴷⴰⵖⴻⵏ, ⵡⴰⵍⴰⵏ ⵍⵇⴻⴷⴷ ⵏ ⵓⵀⴻⴳⴳⵉ ⵉ ⵓⵙⵙⴻⵔⵔⴻⵙ ⵏ ⵓⵙⴻⵏⴼⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵣⵣⴰⵢⴻⵔ–ⵜⴰⵎⴻⵏⵖⴰⵙⵜ ⴷⴻⴳ ⵢⵉⵃⵔⵉⵛⴻⵏ-ⵉⵙ ⵏ ⵍⴻⵖⵡⴰⵟ, ⵖⴻⵔⴷⴰⵢⴰ, ⵍⴻⵎⵏⵉⵄⴰ, ⵉⵏ ⵚⴰⵍⴰⵃ ⴷ ⵜⴰⵎⴻⵏⵖⴰⵙⵜ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵎⵓⵖⵍⵉ ⵏ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵀⵎⴰⵍⵜ ⵜⴰⵍⴻⵎⵎⴰⵙⵜ, ⴷ ⵓⵎⴰⵏⴰⵢ ⴰⵎⴰⵜⵓ ⵏ ⵜⴻⵙⵇⴰⵎⵓⵜ ⵏ ⵜⵓⵇⵇⵏⴰ ⵏ ⵓⴱⵔⵉⴷ ⵉⵣⴻⴳⵔⴻⵏ ⵜⴰⵏⴻⵥⵔⵓⴼⵜ, ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⵏ ⵜⵡⵉⵍⴰⵢⵉⵏ ⵏ ⵓⵏⵥⵓⵍ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⴱⵔⵉⴷ ⵉⵣⴻⴳⵔⴻⵏ ⵜⴰⵏⴻⵥⵔⵓⴼⵜ, ⵉⵎⴰⵙⴰⵢⴻⵏ ⵏ ⵓⵏⵏⴰⵔ ⴷⴻⴳ ⵜⵡⵉⵍⴰⵢⵉⵏ ⵙⵏⴻⴽⴷⴻⵏ-ⴷ ⵉⵙⴻⵏⴽⴻⴷⴷⴻⵏ ⵉⵜⵉⴽⵏⵉⴽⴻⵏ ⵍⵇⴰⵢⴻⵏ ⵖⴻⴼ ⵡⴰⴷⴷⴰⴷ ⵏ ⵢⵉⴼⴻⵔⴷⵉⵙⴻⵏ ⵢⴻⵎⴳⴰⵔⴰⴷⴻⵏ, ⴷ ⵓⵙⵡⵉⵔ ⵏ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵏ ⵓⵃⵔⴰⵣ ⴷ ⵓⵙⵎⴰⵢⵏⵓⵜ. ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵓⵎⵢⴻⵛⵛⴻⵔ ⴷ ⵜⵎⵓⵔⵜ ⵏ ⵜⵛⴰⴷ ⴷⴻⴳ ⵓⵏⵏⴰⵔ ⵏ ⵓⵀⴻⴳⴳⵉ ⵏ ⵓⴱⵔⵉⴷ-ⴰⴳⵉ, ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⴰⵣⴰⵍ-ⵉⵙ ⵉ ⵜⵎⴻⵏⵏⴰⵟ ⴷ ⵜⴻⴼⵔⵉⵇⵜ ⵎⴻⵕⵕⴰ.
ⴷⴻⴳ ⵜⴰⵍⵍⵉⵜ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵓⴼⵙⵉⵙ ⴷⴻⴳ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⴷ ⵓⵙⵎⴻⴷ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵡⴰⴽⵓⴷⴻⵏ ⵉⵕⴻⵙⵙⴰⵏⴻⵏ, ⵙ ⵓⵟⵎⴰⵏ ⵏ ⵜⵖⴰⵔⴰ ⴷ ⵓⵇⴰⴷⴻⵔ ⵏ ⵡⴰⴽⵓⴷ. ⵉⵙⵔⴻⵚ ⵜⴰⵎⴰⵡⵜ ⵖⴻⴼ ⵡⴰⵣⴰⵍ ⴰⵙⵔⴰⵜⵉⴷⵊⵉ ⵏ ⵓⴱⵔⵉⴷ-ⴰⴳⵉ ⵉ ⵓⵙⴷⴻⴳⴳⴻⵔ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ ⴷ ⵓⵙⴻⴶⵀⴻⴷ ⵏ ⵜⵓⵇⵇⵏⴰ ⴳⴰⵔ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵀⴻⴳⴳⵉ ⵏ ⵓⴱⵔⵉⴷ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵣⵣⴰⵢⴻⵔ–ⵜⴰⵎⴻⵏⵖⴰⵙⵜ, ⴰⵏⴻⵖⵍⴰⴼ ⵢⴻⴱⴷⴻⵔ-ⴷ ⵍⵎⴻⴶⵀⵓⴷⴰⵜ ⵉ ⵜⵙⴻⴷⴷⴻⵔ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⴻⵣⵔⴰⵡⵉⵏ ⴷ ⵓⵙⴼⵓⵍⴻⵍ ⵏ ⵓⵙⵙⴻⵜⵎⴻⵔ ⴷⴻⴳ ⵙⵙⴻⴽⴽⴰ ⵏ ⵓⵣⵣⴰⵍ, ⵙ ⵓⵎⵙⴰⵙⴻⵢ ⴷ ⵍⵡⴰⵍⴰⵜ ⴷ ⵢⵉⵎⴻⵏⴻⵀⵍⵉⵢⴻⵏ ⵏ ⵜⵡⵉⵍⴰⵢⵉⵏ ⵢⴻⵄⵏⴰⵏ ⵜⴰⵎⵙⴰⵍ. ⵉⵙⵡⵉ ⵏ ⵡⴰⵏⵏⴻⵛⵜⴰ ⴷ ⵓⴼⵔⵓⵔⴻⵢ ⵏ ⵢⴰⴽⴽ ⵡⵓⴳⵓⵔⴻⵏ ⵏ ⵡⴰⵏⵏⴰⵔ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⴰⵙⵉⵣⴷⴻⴳ ⵏ ⵓⵎⵙⵉⴷ ⴷ ⵓⴱⴻⴷⴷⴻⵍ ⵏ ⵜⵣⴻⵟⵟⵉⵡⵉⵏ ⵏⵏⵉⴹⴻⵏ, ⵉⵡⴰⴽⴽⴻⵏ ⴰⴷ ⵢⴻⴱⴷⵓ ⵓⵙⴱⴻⴷⴷⵉ ⵏ ⵜⵉⴷⴻⵜ.
ⴷⴻⴳ ⵜⴰⴳⴳⴰⵔⴰ, ⵙⵏⴻⴽⴷⴻⵏ-ⴷ ⴰⵙⴻⵏⴽⴻⴷ ⵍⵇⴰⵢⴻⵏ ⵖⴻⴼ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵏ ⵓⵙⵉⵣⴷⴻⴳ ⵏ ⵓⴱⵔⵉⴷ ⴷⴻⴳ ⵓⵃⵔⵉⵛ-ⵏⵏⵉ, ⴰⵏⵉⴷⴰ ⴰⵏⴻⵖⵍⴰⴼ ⵢⴻⴼⴽⴰ ⵜⵓⵔⴰⴹ ⵉⵕⴻⵙⵙⴰⵏⴻⵏ ⵉⵡⴰⴽⴽⴻⵏ ⴰⴷ ⵜⵜⵓⴽⴽⵉⵙⴻⵏ ⵢⴰⴽⴽ ⵡⵓⴳⵓⵔⴻⵏ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ, ⵉ ⵓⵟⵎⴰⵏ ⵏ ⵜⴰⵣⵡⴰⵔⴰ ⵏ ⵜⵉⴷⴻⵜ ⴷⴻⴳ ⵓⵙⴻⵏⴼⴰⵔ-ⴰⴳⵉ ⴰⵙⵔⴰⵜⵉⴷⵊⵉ.
ⴰⵔⵏⵓ ⵖⴻⵔ
