ⵙ ⵓⵍⴷⴰⵢ ⵏ ⵢⵉⵎⴰⵖⵉⵍⴻⵏ ⵉⵎⴻⵇⵇⵔⴰⵏⴻⵏ, ⴰⵎ ⴳⴰⵔⴰ ⴷⵊⴻⴱⵉⵍⴻⵜ (ⵜⵉⵏⴷⵓⴼ) ⴷ ⵜⴰⵍⴰ ⵃⴻⵎⵣⴰ ⴰⵎⵉⵣⵓⵔ (ⴱⴳⴰⵢⴻⵜ) ⴷⵉ ⵡⵓⵙⵙⴰⵏ-ⴰ ⵉⵄⴻⴷⴷⴰⵏ, ⴷ ⵓⵔⴰⵊⵓ ⵏ ⵓⵙⴻⵏⴼⴰⵔ ⵏ ⵍⴼⵓⵙⴼⴰⵜ ⴷⴻⴳ ⵓⴳⵎⵓⴹ ⵏ ⵜⵎⵓⵔⵜ, ⵍⴻⵣⵣⴰⵢⴻⵔ ⵜⴻⵙⵙⴻⴽⵔⴻⵙ ⵜⵉⵔⵙⴰⵍ ⵏ ⵓⴱⴻⴷⴷⴻⵍ ⵏ ⵡⵓⴷⴻⵎ ⴷⴻⴳ ⵓⵙⵏⴻⴼⵍⵉ-ⵢⴻⵙ. ⴰⵢⴰ ⵢⴻⵎⵎⴰⵍ-ⴷ ⵜⴰⵏⴻⴽⵔⴰ ⵜⴰⵃⴻⵇⵇⴰⵏⵉⵜ ⴷⴻⴳ ⵓⵃⵔⵉⵛ ⵏ ⵢⵉⵎⴰⵖⵉⵍⴻⵏ ⴰⵔ ⴰⴷ ⵢⴻⴳⵍⵓⵏ ⵙ ⵓⵙⵏⴻⵔⵏⵉ ⴰⵎⴻⵇⵇⵔⴰⵏ ⵉ ⵢⵉⵎⴰⵍ ⵏ ⵜⵎⵓⵔⵜ.
ⴰⴱⴻⴷⴷⴻⵍ-ⴰⴳⵉ ⵢⵓⵙⴰ-ⴷ ⴷⴻⴳ ⵜⵎⵓⵖⵍⵉ ⵜⴰⵙⵜⵔⴰⵜⵉⵊⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵉⵡⴰⴽⴽⴻⵏ ⴰⴷ ⵢⴻⵔⵔ ⵍⵔⴻⵣⵇ ⵏ ⵜⵎⵓⵔⵜ, ⵍⴰⴷⵖⴰ ⵉⵎⴰⵖⵉⵍⴻⵏ, ⴷ ⵍⵍⵙⴰⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ ⵉ ⵓⴱⴻⵏⵏⵉ ⵏ ⵢⵉⵎⴰⵍ ⵢⴻⴼⵙⴰⵏ ⵉ ⵜⵙⵓⵜⵡⵉⵏ ⵉ ⴷ-ⵉⵜⵜⴻⴷⴷⵓⵏ. ⵜⴰⵎⵓⵖⵍⵉ-ⵢⴰ ⵜⴻⴱⵏⴰ ⵖⴻⴼ ⵓⵙⵏⴻⴼⵍⵉ ⵏ ⵜⴰⴷⴰⵎⵙⴰ ⴷ ⵓⵙⴻⵅⴷⴻⵎ ⵓⵥⵔⵉⴼ ⵏ ⵍⵔⴻⵣⵇ ⵉⵡⴰⴽⴽⴻⵏ ⴰⴷ ⵜⴻⵊⵀⴻⴷ ⵜⵎⵓⵏⴻⵏⵜ ⵜⴰⴷⴰⵎⵙⴰⵏⵜ ⵜⴰⵖⴻⵍⵏⴰⵡⵜ.
ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵓⵟⴰⵙ ⵏ ⵜⵎⴻⴳⵏⵉⵡⵉⵏ ⴱⴻⵍⵍⵉ ⴰⵙⴻⴼⵔⴻⴽ ⵏ ⵡⴰⵏⴰⴽ (L'État) ⴷⴻⴳ ⵓⵃⵔⵉⵛ-ⴰ ⵏ ⵢⵉⵎⴰⵖⵉⵍⴻⵏ ⵢⴻⵙⵄⴰ ⵉⵙⵡⵉ ⴰⴷ ⵢⴻⵔⵙ ⵍⵍⵙⴰⵙ ⴰⵎⴰⵢⵏⵓ ⵉ ⵜⴰⴷⴰⵎⵙⴰ, ⵉⵡⴰⴽⴽⴻⵏ ⴰⴷ ⵏⴻⴼⴼⴻⵖ ⵙⴻⴳ ⵓⴱⵔⵉⴷ ⵏ ⵓⵙⴻⵅⴷⴻⵎ ⵏ ⵢⵉⵡⴻⵏ ⴽⴰⵏ ⵏ ⵍⵔⴻⵣⵇ (petrol).
ⴰⵙⴻⴳⴳⴰⵙ ⵏ 2026: ⴰⵙⴻⴳⴳⴰⵙ ⵏ ⵢⵉⵎⴰⵖⵉⵍⴻⵏ
ⴰⵙⴻⴳⴳⴰⵙ ⵏ 2026, ⴰⵔ ⴰⴷ ⵢⴻⵍⵉⵏ ⴷ ⵜⴰⵎⴻⴽⵜⵉ ⵜⵉⵙ 60 ⵏ ⵓⵙⵖⴻⵍⵏⴻⵜ ⵏ ⵢⵉⵎⴰⵖⵉⵍⴻⵏ (6 ⵎⴰⵢⵓ 1966), ⴰⴷ ⵢⵉⵍⵉ ⴷ ⴰⵙⴻⴳⴳⴰⵙ ⵏ ⵢⵉⵎⴰⵖⵉⵍⴻⵏ ⵙ ⵜⵉⴷⴻⵜ. ⴰⵢⴰ ⵙ ⵓⴱⴷⵓ ⵏ ⵓⵙⴻⵅⴷⴻⵎ ⵏ ⵓⵎⴰⵖⵉⵍ ⴰⵎⴻⵇⵇⵔⴰⵏ ⵏ ⵓⵣⵣⴰⵍ ⴷⴻⴳ ⴳⴰⵔⴰ ⴷⵊⴻⴱⵉⵍⴻⵜ, ⴷ ⵓⵍⴷⴰⵢ ⵏ ⵓⴱⵔⵉⴷ ⵏ ⵜⵎⴰⵛⵉⵏⵜ ⵏ ⵓⵣⵣⴰⵍ ⴳⴰⵔ ⴳⴰⵔⴰ ⴷⵊⴻⴱⵉⵍⴻⵜ-ⵜⵉⵏⴷⵓⴼ-ⴱⴻⵛⵛⴰⵔ.
ⴰⵎⴰⵖⵉⵍ ⵏ ⵡⴰⵎⵉⵣⵓⵔ (ⴱⴳⴰⵢⴻⵜ): ⵍⵍⵙⴰⵙ ⵏ ⵜⵎⴻⴳⵔⵉ ⵜⴰⵖⴻⵍⵏⴰⵡⵜ
ⴰⵙⴻⵏⴼⴰⵔ ⵏ ⵓⵎⴰⵖⵉⵍ ⵏ ⵓⵣⵉⵏⴽ ⴷ ⵓⵍⵉⴷ (rrsas) ⴷⴻⴳ ⵡⴰⵎⵉⵣⵓⵔ ⴷ ⵜⴰⵍⴰ ⵃⴻⵎⵣⴰ ⴷ ⵢⵉⵡⴻⵏ ⵙⴻⴳ ⵢⵉⵎⴰⵖⵉⵍⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵜⵎⴻⵏⵏⴰⴹⵜ. ⵍⵔⴻⵣⵇ-ⵉⵙ ⵢⴻⵡⵡⴻⴹ 53 ⵎⵍⵢⵓⵏ ⵏ ⵟⵟⵓⵏ. ⴰⵙⴻⵏⴼⴰⵔ-ⴰⴳⵉ ⴰⴷ ⴷ-ⵢⴻⴼⴽ ⵓⴳⴰⵔ ⵏ 700 ⵏ ⵢⵉⵎⴻⴽⴰⵏ ⵏ ⵓⵅⴻⴷⴷⵉⵎ ⵙ ⵡⵓⴷⴻⵎ ⵓⵙⵔⵉⴷ, ⴷ 4000 ⵏ ⵢⵉⵎⴻⴽⴰⵏ ⵏⵏⵉⴹⴻⵏ ⵙ ⵡⵓⴷⴻⵎ ⴰⵔⵓⵙⵔⵉⴷ.
ⵍⴼⵓⵙⴼⴰⵜ: ⵍⴻⵣⵣⴰⵢⴻⵔ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵍⵍⵓⵏ ⵏ ⵍⵖⵓⴱⴰⵔ
ⴷⴻⴳ ⵓⵃⵔⵉⵛ ⵏ ⵍⴼⵓⵙⴼⴰⵜ (ⵜⴻⴱⴻⵙⵙⴰ), ⵍⴻⵣⵣⴰⵢⴻⵔ ⴰⴷ ⵜⵓⵖⴰⵍ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴰⴹⴰⵍ ⴷⴻⴳ ⵓⵙⴻⵍⵍⵓⵏ ⵏ ⵍⵖⵓⴱⴰⵔ (engrais). ⴰⵙⴻⵏⴼⴰⵔ-ⴰⴳⵉ ⴰⴷ ⵢⴻⵔⵔ ⴰⴼⴰⵔⴻⵙ ⵙⴻⴳ 2,5 ⵎⵍⵢⵓⵏ ⵏ ⵟⵟⵓⵏ ⴰⵔ 10,5 ⵎⵍⵢⵓⵏ ⵏ ⵟⵟⵓⵏ ⵢⴰⵍ ⴰⵙⴻⴳⴳⴰⵙ. ⴰⵢⴰ ⴰⴷ ⵢⴻⵔⵔ ⵍⵎⵉⵔⵙⴰ ⵏ ⵄⴻⵏⵏⴰⴱⴰ ⴷ ⵜⴰⴳⴻⵏⵙⴰⵏⵜ ⵜⴰⵎⴰⴹⵍⴰⵏⵜ ⵉ ⵓⵙⴻⵍⵍⵓⵏ ⵏ ⵢⵉⵎⴰⵖⵉⵍⴻⵏ.
ⴰⵔⵏⵓ ⵖⴻⵔ
