ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ-ⵉⵙ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵙⴻⵏⴷⵓⵇ ⵏ ⵜⴻⴷⵔⵉⵎⵜ ⴰⴳⵔⴻⵖⵍⴰⵏ (FMI), ⵙ ⵜⵎⵓⵖⵍⵉ ⵏ ⵓⵇⴻⵔⵔⵓ ⵏ ⵜⵎⴰⵣⴰⵏⵜ ⵏ ⵓⵙⴻⵏⴷⵓⵇ ⵖⴻⵔ ⵍⴻⵣⵣⴰⵢⴻⵔ, ⵎⴰⵙⵙ ⵛⵀⴰⵔⴰⵍⴰⵎⴱⵓⵙ ⵜⵙⴰⵏⴳⴰⵔⵉⴷⴻⵙ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵢⵉⵎⵛⴻⵡⵡⴻⵔⴻⵏ ⵉ ⵉⵜⴻⴷⴷⵓⵏ ⴳⴰⵔ ⵓⵙⴻⵏⴷⵓⵇ ⴷ ⵍⴻⵣⵣⴰⵢⴻⵔ ⵙ ⵓⵇⴰⴷⴻⵔ ⵏ ⵓⵎⴰⴳⵔⴰⴷ ⵡⵉⵙ ⴽⵓⵣ (4) ⵏ ⵓⵎⵜⴰⵡⴰ ⵏ ⵓⵙⴱⴻⴷⴷⵉ-ⵉⵙ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵢⵉⵎⴻⵔⵢⴰⵏ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, "ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⴼⴽⴰ-ⴷ ⵢⵉⵡⴻⵏ ⵏ ⵓⵙⴻⵏⴽⴻⴷ ⵍⵇⴰⵢⴻⵏ ⵖⴻⴼ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵙⵏⴻⴼⵍⵉ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷⴻⴳ ⵍⴻⵣⵣⴰⵢⴻⵔ, ⴷ ⵢⵉⵙⵏⵉⵢⴰⵍⴻⵏ ⵏ ⵍⵍⵙⴰⵙ ⴷ ⵡⵉⴷ ⵏ ⵓⵙⵓⴷⴷⴻⵙ ⵉ ⵢⴻⵣⵔⴰ ⵓⵏⵏⴰⵔ ⵉ ⵓⵙⴻⴶⵀⴻⴷ ⵏ ⵓⵙⵙⴻⵜⵎⴻⵔ ⴷ ⵓⵙⵏⴻⵔⵏⵉ ⵏ ⵜⴷⵓⴽⵍⵉⵡⵉⵏ ⵜⵉⴳⵔⴰⵖⵍⴰⵏⵉⵏ".
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵏⴻⴽⵏⴻⴷ ⵉⵎⴻⵏⴷⴰⵢⴻⵔⴻⵏ (indicateurs) ⵉⵕⴻⵙⵙⴰⵏⴻⵏ ⵏ ⵜⵉⴷⴷⵢ ⵏ ⵓⵏⴰⴷⵉ ⴷ ⵓⴼⴰⵔⵉⵙ, ⴷ ⵡⴰⵀⵉⵍⴻⵏ ⵏ ⵓⵙⵏⴻⴼⵍⵉ ⵏ ⵢⵉⴳⴰⵔⵔⵓⵊⴻⵏ ⵏ ⵍⵒⴻⵜⵔⵓⵍ ⴷ ⵍⴳⴰⵣ. ⵉⵙⵔⴻⵚ ⴷⴰⵖⴻⵏ ⵖⴻⴼ ⵍⵎⴻⴶⵀⵓⴷⴰⵜ ⵉ ⵓⵡⴻⵣⵣⵉ ⵏ ⵜⵣⴻⵎⵎⴰⵔ ⵏ ⵓⴼⴰⵔⵉⵙ ⴷ ⵓⴱⴻⴷⴷⴻⵍ ⵉⵡⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵇⵇⵉⵎ ⴷ ⴰⵎⵎⵓⵔⴻⵢ ⵉⵕⴻⵙⵙⴰⵏ ⵏ ⵜⵎⴻⵔⵔⵉ ⴷⴻⴳ ⵓⵙⵡⵉⵔ ⵏ ⵜⵎⴻⵏⵏⴰⵟ ⴷ ⵡⵉⵏ ⴰⴳⵔⴻⵖⵍⴰⵏ.
ⵎⴰⵙⵙ ⴰⵔⴽⴰⴱ ⵉⵀⴻⴷⴷⴻⵔ-ⴷ ⴷⴰⵖⴻⵏ ⵖⴻⴼ ⵓⵙⴻⵍⴽⴻⵎ ⵏ ⵡⴰⵀⵉⵍ ⵏ ⵢⵉⵙⵙⴻⵜⵎⴰⵔⴻⵏ ⵏ ⴷⴰⵅⴻⵍ ⴷ ⵡⵉⴷ ⵏ ⴱⴻⵕⵕⴰ, ⵍⴰⴷⵖⴰ ⵙ ⵢⵉⵙⴻⵏⴼⴰⵔⴻⵏ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷ ⵜⵎⵓⵙⵏⵉⵡⵉⵏ ⵏ ⵓⵎⴰⴹⴰⵍ. ⵉⵙⵔⴻⵚ ⵜⴰⵎⴰⵡⵜ ⵖⴻⴼ ⵡⴰⵣⴰⵍ ⵏ ⵓⵙⵉⵡⴻⵍ ⵉ ⵓⴼⵔⴰⵏ ⵏ ⵢⵉⵙⴻⵏⴼⴰⵔⴻⵏ ⵉⴳⵔⴰⵖⵍⴰⵏⴻⵏ ⵉ ⵓⴷⴻⴳⴳⴻⵔ ⵏ ⵓⵙⵙⴻⵜⵎⴻⵔ ⴷ ⵜⵉⵜⵉⴽⵏⵓⵍⵓⴶⵉⵢⵉⵏ ⵜⵉⵎⴰⵢⵏⵓⵜⴻⵏ.
ⴷⴻⴳ ⵓⵣⴻⵏⵣⵉⵖ ⵏ ⵓⴱⴻⴷⴷⴻⵍ ⵏ ⵜⵎⴻⵔⵔⵉ ⴷ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⵍⵎⴻⴶⵀⵓⴷⴰⵜ ⵏ ⵍⴻⵣⵣⴰⵢⴻⵔ ⵉ ⵓⵙⴰⴷⴻⵔ ⵏ ⵛⵛⴰⵎⵉ ⵏ ⵍⴽⴰⵕⴱⵓⵏ (empreinte carbone) ⵏ ⵜⴻⵎⴳⵓⵔⵉ ⵏ ⵍⵒⴻⵜⵔⵓⵍ ⴷ ⵍⴳⴰⵣ, ⵙ ⵓⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵏ ⵓⵃⴻⴱⴱⵓⵙ ⵏ ⵜⵉⵙⵓⴼⴼⵉⵢⵉⵏ ⵏ ⵍⴳⴰⵣ ⴰⵎⵉⵜⴰⵏ ⴷ ⵓⵃⵔⴰⵣ ⵏ ⵍⴽⴰⵕⴱⵓⵏ.
ⴷⴰⵖⴻⵏ, ⵎⵎⴻⵙⵍⴰⵢⴻⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵏ ⵓⵃⵔⴰⵣ ⵏ ⵜⴰⵡⵏⵏⴰⴹⵜ ⴷ ⵓⵙⵏⴻⵔⵏⵉ ⵏ ⵏⴼⴰⵄ ⵏ ⵜⵎⴻⵔⵔⵉ, ⴷ ⵡⴰⵀⵉⵍⴻⵏ ⵏ ⵓⵙⵏⴻⴼⵍⵉ ⵏ ⵍⵀⵉⴷⵔⵓⴶⵉⵏ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⵉ ⵓⵟⵎⴰⵏ ⵏ ⵢⵉⵡⴻⵏ ⵏ ⵓⵣⴻⵏⵣⵉⵖ ⵏ ⵜⵎⴻⵔⵔⵉ ⵉ ⵉⵜⴻⴷⴷⵓⵏⴰⵏⴻⵖⵍⴰⴼ ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⴰⵀⵉⵍ ⵏ ⵓⵙⵉⵙⵀⴻⵍ ⵏ ⵡⴰⵎⴰⵏ ⵏ ⵢⵉⵍⵍⴻⵍⵉ ⵓⵟⵎⴰⵏ ⵏ ⵜⵎⴰⵏⴻⴳⵜ ⵏ ⵡⴰⵎⴰⵏ ⴷⴻⴳ ⵜⵎⵓⵔⵜ.
ⵙⴻⴳ ⵜⴰⵎⴰ-ⵙ, ⴰⵇⴻⵔⵔⵓ ⵏ ⵜⵎⴰⵣⴰⵏⵜ ⵏ ⵓⵙⴻⵏⴷⵓⵇ ⵏ ⵜⴻⴷⵔⵉⵎⵜ ⴰⴳⵔⴻⵖⵍⴰⵏ ⵉⵙⴰⵜⵉⴳ ⴰⵙⴻⵏⴽⴻⴷ ⵏ ⵓⵏⴻⵖⵍⴰⴼ, ⵉⵙⵍⴻⵎ-ⴷ ⵙ ⵍⵎⴻⴶⵀⵓⴷⴰⵜ ⵏ ⵍⴻⵣⵣⴰⵢⴻⵔ ⵉ ⵓⵙⵏⴻⴼⵍⵉ ⵏ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷ ⵓⵙⴻⴶⵀⴻⴷ ⵏ ⵜⵣⴻⵎⵎⴰⵔ-ⵉⵙ ⵉ ⵓⵙⵙⴻⵜⵎⴻⵔ.
ⴰⵔⵏⵓ ⵖⴻⵔ
