ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⴷ ⵢⵉⵖⴰⵍⴰⴷⴻⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⵉⵙⴻⵍⵍⴻⵎ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵜⴻⴳⵔⵓⵎⵎⴰ ⵜⴰⵇⴰⵔⵉⵜ "Power International Holding", ⵎⴰⵙⵙ ⵎⵓⴰⵜⴰⵣ ⴰⵍ-ⵅⴰⵢⵢⴰⵜ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵎⵎⴻⵙⵍⴰⵢⴻⵏ ⵖⴻⴼ ⵜⵣⴻⵎⵎⴰⵔ ⵏ ⵓⵎⵢⴻⵛⵛⴻⵔ, ⵜⴰⴷⵓⴽⵍⵉ ⴷ ⵓⵙⵙⴻⵜⵎⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⴷⵔⴰⵏ-ⴷ ⴷⴻⴳ-ⵙ ⵓⵎⴰⵙⵓⵏ ⵏ ⵜⵎⵓⵔⵜ ⵏ ⵇⴰⵜⴰⵔ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⴰⴱⴷⵓⵍⴰⵣⵉⵣ ⴰⵍⵉ ⴰⵍ-ⵏⴰⴰⵎⴰ, ⴷ ⵓⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ, ⵎⴰⵙⵙ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⵣⴻⵎⵎⴰⵔ ⵏ ⵓⵎⵢⴻⵛⵛⴻⵔ ⴷ ⵓⵙⵙⴻⵜⵎⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⵙ ⵍⴻⴽⵎⴰⵍ-ⵉⵙ, ⴰⵎ ⴰⴽⴽⴻⵏ ⵉ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵙⵓⵏⴰⵜⵔⴰⵛⵀ ⴷ ⵜⴻⴳⵔⵓⵎⵎⴰ "Power International Holding" ⴷⴻⴳ ⵜⴻⵎⴳⵓⵔⵉ ⵏ ⵍⵒⴻⵜⵔⵓⵍ ⴷ ⵍⴳⴰⵣ, ⵍⴰⴷⵖⴰ ⴷⴻⴳ ⵓⵙⵏⴻⴼⵍⵉ ⵏ ⵢⵉⴳⴰⵔⵔⵓⵊⴻⵏ, ⴰⵏⴰⴷⵉ, ⵓⵙⵏⵉⵔⴻⵎ ⴷ ⵓⴼⴰⵔⵉⵙ ⵏ ⵢⵉⵎⴻⵔⵢⴰⵏ ⴷⴻⴳ ⵍⴻⵣⵣⴰⵢⴻⵔ.
ⴷⴰⵖⴻⵏ, ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⵖⴻⴼ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ ⴰⵎⴻⵣⵣⵓⵍⴰⵏ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⵏⴻⵣⵣⵓⵜ ⵏ ⵍⴳⴰⵣ ⵏ ⵍⵒⵒⴻⵜⵔⵓⵍ ⵢⴻⵍⵍⴰⵏ ⴷ ⵙⵙⵉⵍ (ⴳⵒⵍ) ⴷ ⵓⵣⵓⵏⴻⵢ ⵏ ⵢⵉⵎⴻⵔⵢⴰⵏ, ⵎⴻⴱⵍⴰ ⵎⴰ ⵏⴻⵜⵜⵓ ⵜⴰⵔⵔⴰⵢⵉⵏ ⵜⵉⵎⴰⵢⵏⵓⵜⴻⵏ ⵏ ⵜⴷⵓⴽⵍⵉ ⴷⴻⴳ ⵢⴰⴽⴽ ⵢⴻⵙⵡⵉⵔⴻⵏ ⵏ ⵜⴻⵎⴳⵓⵔⵉ ⵏ ⵍⵒⴻⵜⵔⵓⵍ ⴷ ⵍⴳⴰⵣ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵔⴽⴰⴱ ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴷ ⴰⵃⵔⵉⵛ ⵏ ⵓⴱⵔⵉⴷ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵇⴰⵜⴰⵔ, ⵉⵙⵔⴻⵚ-ⴷ ⴰⵣⴰⵍ ⵏ ⵓⵙⴱⴻⴷⴷⵉ ⵏ ⵜⴷⵓⴽⵍⵉ ⵉⵕⴻⵙⵙⴰⵏ ⵖⴻⴼ ⵏⴼⴰⵄ ⵏ ⵢⴰⵍ ⵜⴰⵎⴰ.
ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵙⴻⴼⵀⴻⵎ-ⴷ ⵉⵙⵓⴽⴰ ⵏ ⵡⴰⵀⵉⵍⴻⵏ ⵏ ⵓⵙⵏⴻⴼⵍⵉ ⵏ ⵓⵏⵏⴰⵔ-ⴰⴳⵉ, ⴰⵎ ⴰⴽⴽⴻⵏ ⵉ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⵏ ⵢⵉⵎⴻⵔⵢⴰⵏ ⴷⴻⴳ ⵍⴻⵣⵣⴰⵢⴻⵔ ⴷ ⵡⴰⵎⴻⴽ ⵉ ⴷ-ⵉⵜⵜⴰⴽ ⵜⵉⵣⴻⵎⵎⴰⵔ ⴷ ⵍⴼⴰⵢⴷⴰⵜ ⵉ ⵢⵉⵙⵙⴻⵜⵎⴰⵔⴻⵏ. ⵉⵙⵓⵜⵜⴻⵔ ⴷⴻⴳ ⵜⴻⴳⵔⵓⵎⵎⴰ ⵜⴰⵇⴰⵔⵉⵜ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉ ⴷⴻⴳ ⵓⵙⵉⵡⴻⵍ ⵉ ⵓⴼⵔⴰⵏ ⵏ ⵢⵉⵙⴻⵏⴼⴰⵔⴻⵏ ⴰⵔⴰ ⴷ-ⵢⴻⴼⴼⴻⵖ ⵍⴻⵣⵣⴰⵢⴻⵔ ⴷⴻⴳ ⵡⴰⴽⵓⴷ ⵉ ⴷ-ⵉⵜⵜⴻⴷⴷⵓⵏ.
ⵙⴻⴳ ⵜⴰⵎⴰ-ⵙ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⴻⴷⴱⴻⵔ ⵏ ⵜⴻⴳⵔⵓⵎⵎⴰ ⵜⴰⵇⴰⵔⵉⵜ ⵉⵙⵙⴻⴽⵏⴻⴷ-ⴷ ⵍⴻⴱⵖⵉ ⵏ ⵜⵙⵏⵓⵔⴻⴼⵜ-ⵉⵙ ⵉ ⵓⵙⴻⴶⵀⴻⴷ ⵏ ⵢⵉⵙⵙⴻⵜⵎⴰⵔⴻⵏ-ⵉⵙ ⴷⴻⴳ ⵍⴻⵣⵣⴰⵢⴻⵔ, ⵉⵙⵍⴻⵎ-ⴷ ⵙ ⵍⵇⴻⴷⴷ ⵏ ⵜⴻⴳⵏⵉⵜ ⵏ ⵓⵙⵙⴻⵜⵎⴻⵔ "ⵉⴼⴰⵣⴻⵏ" ⴷ ⵜⵣⴻⵎⵎⴰⵔ ⵉ ⴷ-ⵉⵜⵜⴰⴽ ⵓⵏⵏⴰⵔ ⵏ ⵢⵉⵎⴻⵔⵢⴰⵏ. ⵉⵙⵙⴻⴽⵏⴻⴷ-ⴷ ⴷⴰⵖⴻⵏ ⵜⵓⵛⵛⵉⵜ ⵏ ⵜⴻⴳⵔⵓⵎⵎⴰ-ⵙ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵙⵓⵏⴰⵜⵔⴰⵛⵀ ⴷⴻⴳ ⵢⵉⵏⵏⴰⵔⴻⵏ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ.
ⴰⵔⵏⵓ ⵖⴻⵔ
