ⵍⴻⵣⵣⴰⵢⴻⵔ - ⵜⵉⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ ⵜⴱⴻⵔⵔⴻⵃ-ⴷ ⵡⴰⵙⵙ-ⴰⴳⵉ ⵏ ⵍⴻⵜⵏⴰⵢⴻⵏ ⴷⴻⴳ ⵓⵓⵍⵖⵓ-ⵉⵙ, ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴻⵣⴷⴰⵖ ⵏ ⴱⴻⵔⵔⴰ ⵢⴻⵍⵍⴰⵏ ⴷⴻⴳ ⵢⵉⵔ ⵍⵉⵃⴰⵍⴰ ⵏⴻⵖ ⵡⵉⴷ ⵓⵔ ⵏⴻⵙⵄⵉ ⴰⵔⴰ ⵍⴻⴽⵡⴰⵖⴻⴹ ⵏ ⵍⵇⴰⵏⵓⵏ, ⵉⵡⴰⴽⴽⴻⵏ ⴰⴷ ⵔⵣⵓⵏ ⵖⴻⵔ ⵜⵉⴳⴳⴻⵏⵙⴰⵙ ⵏ ⴷⴷⵉⴱⵍⵓⵎⴰⵙⵉⵜ ⴷ ⵜⵇⴻⵏⵙⵓⵍⵉⵢⵉⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⵎⵓⵔⴰ ⵉ ⴷⴻⴳ ⵣⴻⴷⵖⴻⵏ. ⴰⵢⴰ ⵉⵡⴰⴽⴽⴻⵏ ⴰⴷ ⵙⵄⴻⴷⴷⴻⵏ ⵜⴰⵎⵙⴰⵍⵜ-ⵏⵙⴻⵏ (ⵔⴻⴳⵓⵍⴰⵔⵉⵙⴰⵜⵉⵓⵏ) ⵢⴻⵔⵏⴰ ⴰⴷ ⴼⴽⴻⵏ ⵢⵉⴽⴰⵔⴰⵎⴻⵏ (ⴷⵓⵙⵙⵉⴻⵔⵙ) ⵉ ⴷ-ⵢⴻⵙⵙⵓⵜⵓⵔ ⵍⵇⴰⵏⵓⵏ, ⵎⴻⵄⵏⴰ ⵉⵍⴰⵇ ⵓⵔ ⴷ-ⵓⵖⴰⵍⴻⵏ ⴰⵔⴰ ⵖⴻⵔ ⵅⴻⴷⴷⵉⵎ ⵏ ⵡⴰⵢⴻⵏ ⵉ ⵎⴳⴰⵍ ⵍⵇⴰⵏⵓⵏ ⵉ ⵅⴻⴷⵎⴻⵏ ⵣⵉⴽ.
ⴷⴻⴳ ⵡⴰⵢⴻⵏ ⵉ ⴷ-ⵢⴻⵏⵏⴰ ⵍⴱⵉⵢⴰⵏ: "ⵉⵍⵎⴻⵏⴷ ⵏ ⵔⵔⴰⵢ ⵏ ⵓⵙⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵉ ⴷ-ⵢⴻⴼⴽⴰⵏ ⵍⴰⵎⴻⵔ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵍⵉ ⵓⵙⵙⴻⴳⴳⴻⵎ ⵏ ⵍⵉⵃⴰⵍⴰ ⵏ ⵢⵉⵎⴻⵣⴷⴰⵖ ⵏ ⴱⴻⵔⵔⴰ ⵉⵃⵓⵣⴰ ⵍⵇⴰⵏⵓⵏ ⵏⴻⵖ ⴷⴷⴰⴱⵟⴰ ⴷⴻⴳ ⵜⴻⵎⵙⴰⵍ ⵜⵉⴼⵙⴰⵙⵉⵏ ⵉ ⵉⵛⵓⴷⴷⴻⵏ ⵖⴻⵔ ⵏⵏⵉⵢⴰ ⵏ ⵜⵎⴻⵜⵜⵉ (ⵓⵔⴷⵔⴻ ⵒⵓⴱⵍⵉⵛ), ⵜⵉⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵔⵔⴰ ⵜⴱⴻⵊⵊⴻⵏ-ⴻⴷ ⴱⴻⵍⵍⵉ ⵢⴻⵣⵎⴻⵔ ⵉⵎⴷⴰⵏⴻⵏ-ⴰⴳⵉ ⴰⴷ ⵙⵙⴻⴳⴳⵎⴻⵏ ⵍⵉⵃⴰⵍⴰ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⴰⵡⴹⴻⵏ ⵖⴻⵔ ⵜⵎⵓⵔⵜ ⵙ ⵡⴰⵡⴰⵍ ⵏ ⵍⵇⴰⵏⵓⵏ."
ⵉⵡⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⵓⴳⴻⵎⵎⵓ-ⴰⴳⵉ, ⵜⵉⵏⴻⵖⵍⴰⴼⵜ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴷⴰⵏⴻⵏ-ⴰⴳⵉ ⵉⵡⴰⴽⴽⴻⵏ ⴰⴷ ⵔⵣⵓⵏ ⵖⴻⵔ ⵜⵇⴻⵏⵙⵓⵍⵉⵢⵉⵏ ⵉⵡⴰⴽⴽⴻⵏ ⴰⴷ ⴽⴼⵓⵏ ⵜⴰⵎⵙⴰⵍⵜ-ⵏⵙⴻⵏ, ⵎⴻⵄⵏⴰ ⵉⵍⴰⵇ ⴽⴰⵏ ⵓⵔ ⴷ-ⵓⵖⴰⵍⴻⵏ ⴰⵔⴰ ⵖⴻⵔ ⵡⴰⵢⴻⵏ ⵉ ⵅⴻⴷⵎⴻⵏ. ⵜⵉⵏⴻⵖⵍⴰⴼⵜ ⵜⴻⵔⵏⴰ-ⴷ ⵜⴻⵏⵏⴰ-ⴷ ⴱⴻⵍⵍⵉ ⴷⴷⵓⵍⴰ ⵜⴻⴱⵖⴰ ⴰⴷ ⵜⴻⵃⵔⴻⵣ ⵜⴰⵔⴱⴰⵄⵜ ⵏ ⴱⴻⵔⵔⴰ ⵢⴻⵔⵏⴰ ⴰⴷ ⴷ-ⵜⴻⴼⴽ ⵜⴰⵍⵍⴰⵍⵜ ⵉ ⵢⵉⵙⴰⵔⴰⵎⴻⵏ-ⵏⵙⴻⵏ ⵉⵍⵎⴻⵏⴷ ⵏ ⵍⵓⵎⵓⵕⴰⵜ ⵏ ⵢⵉⵎⴹⴻⴱⵔⴻⵏ ⵏ ⵍⵄⴰⵍⵉ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
