ⵜⴻⴳⴳⴰ ⵜⴰⵏⴻⵖⵍⴰⴼⵜ ⵏ ⵓⵙⵍⴻⵖⵎⵓ ⴷ ⵓⵏⴻⴳⵎⵓ ⵏ ⵜⵎⵓⵙⵏⵉⵡⵉⵏ, ⵎⴰⵙⵙⴰ ⵏⴰⵙⵉⵎⴰ ⵉⵔⵃⴰⴱ, ⴰⵙⵙ ⵏ ⵡⴰⵢⵏⴰⵙ, ⴰⵍⴷⴰⵢ ⵏ ⵢⵉⵡⴻⵜ ⵏ ⵜⴳⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵍⴻⵖⵎⵓ ⵏ ⵓⵙⵎⴰⵢⵏⵓ ⵓⵇⴱⴻⵍ ⵜⴰⵔⴼⵓⴷⵜ . ⴰⵢⴰ ⵢⴻⴷⴷⵓ-ⴷ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵎⵍⴻⵍ ⵏ ⵢⵉⵇⴻⴷⴷⴰⵛⴻⵏ ⴷ ⵓⵙⵏⴻⵔⵏⵉ ⵏ ⵜⵎⵓⵙⵏⵉⵡⵉⵏ ⵏ ⵓⵙⴻⵍⵎⴻⴷ ⵉ ⵢⵉⵇⴻⴷⴷⴰⵛⴻⵏ ⵏ ⵓⵃⵔⵉⵛ-ⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵎⴰⵡⴰⵙⵜ.
ⵎⴰⵙⵙⴰ ⵉⵔⵃⴰⴱ ⵜⴻⴽⴽⴻⴷ ⴱⴻⵍⵍⵉ ⴰⵙⵍⴻⵖⵎⵓ-ⴰⴳⵉ ⴷ ⵡⴰⵍⵍⴰⵍ ⴰⵙⵜⵔⴰⵜⵉⵊⵉ ⵉⵡⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⴰⵇⴻⴷⴷⵉⵛ ⴷⴳ ⵡⴰⵅⵅⴰⵎⴻⵏ ⵏ ⵓⵙⵍⴻⵖⵎⵓ. ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⴷⴷⵓⵏ ⴷ ⵓⵙⵏⴻⴼⴻⵍ ⴰⵜⵉⴽⵏⵓⵍⵓⵊⵉ ⴷ ⵓⵙⵍⵓⵖⵓ ⵏ ⵜⵎⵓⵙⵏⵉ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⵙⵏⵓⵍⴼⵓ ⴷ ⵜⵎⵇⴰⵡⵍⴰⵏⵜ ⵉ ⵢⴻⵃⵡⴰⵊ ⵓⴳⴰⴷⴰⵣ ⵏ ⵓⵇⴻⴷⴷⵉⵛ ⴷ ⵓⵏⴻⴳⵎⵓ ⵢⴻⵜⵜⴽⴻⵎⵎⵉⵍⴻⵏ.
ⵜⴻⵏⵏⴰ-ⴷ ⴱⴻⵍⵍⵉ ⵜⵉⴳⵏⵉⵜ-ⴰ ⵜⴻⴷⴷⵓ-ⴷ ⴷⴳ ⵓⵙⵎⴰⵢⵏⵓ ⴰⵎⴰⵜⴰⵢ ⵏ ⵓⵃⵔⵉⵛ-ⴰ, ⵍⴰⴷⵖⴰ ⵉⵎⵉ ⴰⵣⴰ ⴷ 16 ⵏ ⵢⵉⴼⴰⵏ (16.000) ⵏ ⵢⵉⵇⴻⴷⴷⴰⵛⴻⵏ ⵡⵡⵉⵏ ⵜⴰⵔⴼⵓⴷⵜ ⵜⵓⵥⵍⴰⵢⵜ. ⴰⵙⵍⴻⵖⵎⵓ ⵢⴻⵜⵜⴽⴻⵎⵎⵉⵍⴻⵏ ⴷ ⴰⵢⴻⵏ ⵢⴻⵊⵀⴷⴻⵏ ⵉⵡⴰⴽⴽⴻⵏ ⴰⴷ ⵢⴻⵍⵀⵓ ⵓⴼⴰⵔⴻⵙ ⵏ ⵓⵙⵍⴻⵖⵎⵓ.
ⵜⴰⵏⴻⵖⵍⴰⴼⵜ ⵜⴻⵖⵔⴰ ⵉ ⵢⵉⵏⴻⵎⵀⴰⵍⴻⵏ ⵏ ⵢⵉⵅⵅⴰⵎⴻⵏ ⵏ ⵓⵙⵍⴻⵖⵎⵓ ⴰⴷ ⵃⴻⵔⵣⴻⵏ ⵙ ⵡⵓⴷⵎ ⴰⴷⵉⴳⴰⵏ ⵜⵉⴳⵏⵉⵜ-ⴰ, ⵢⴻⵔⵏⴰ ⴰⴷ ⴹⴻⵎⵏⴻⵏ ⴰⴷ ⵜⵉⵍⵉ ⵜⵖⴰⵔⴰ ⵢⴻⵍⵀⴰⵏ ⵉⵡⴰⴽⴽⴻⵏ ⵜⴰⵎⵓⵙⵏⵉ ⴰⴷ ⵜⴻⴽⵛⴻⵎ ⴰⵔ ⵓⵇⴻⴷⴷⵉⵛ ⵏ ⵢⴰⵍ ⴰⵙⵙ ⵉ ⵍⴼⴰⵢⴷⴰ ⵏ ⵡⵉⴷ ⵢⴻⵍⵎⴻⴷⴻⵏ.
ⴷⴳ ⵜⴰⴳⴰⵔⴰ, ⵎⴰⵙⵙⴰ ⵉⵔⵃⴰⴱ ⵜⴻⵙⵍⴰ ⵉ ⵡⵓⴳⵓⵔⴻⵏ ⵏ ⵢⵉⵙⴻⵍⵎⴰⴹⴻⵏ ⴷ ⵢⵉⵇⴻⴷⴷⴰⵛⴻⵏ. ⵜⴻⴽⴽⴻⴷ ⴱⴻⵍⵍⵉ ⴰⴷ ⵜⴻⴳ ⵜⵉⵣⵔⴰⵡⵉⵏ ⵉⵍⵎⴻⵏⴷ ⵏ ⵍⵇⴰⵏⵓⵏ ⵉⵡⴰⴽⴽⴻⵏ ⴰⴷ ⵢⴻⵍⵀⵓ ⵡⴰⴽⵓⴷ-ⵏⵙⴻⵏ ⵏ ⵓⵇⴻⴷⴷⵉⵛ. ⵜⴻⵏⵏⴰ-ⴷ ⴱⴻⵍⵍⵉ ⴰⵙⴻⵏⴼⴻⵔ ⴷⴳ ⵢⵉⵔⴳⴰⵣⴻⵏⴷ ⴰⵍⵍⴰⵍ ⴰⵎⴻⵇⵇⵔⴰⵏ ⵉ ⵓⵙⵎⵓⵔⵙⴻⵙ ⵏ ⵜⵎⵓⵔⵜ.
ⵜⴰⴳⵏⵉⵜ-ⴰ ⵜⴻⵔⵣⴰ ⵚⴹⵉⵚ (6) ⵏ ⵢⵉⵅⵅⴰⵎⴻⵏ ⵏ ⵓⵙⵍⴻⵖⵎⵓ, ⵢⴻⵔⵏⴰ ⵜⴻⴱⴷⴰ-ⴷ ⵙ ⵓⵎⵢⴰⵡⴰⴹ ⵙⵉ ⵜⵓⴳⵏⴰ ⴷⴳ ⵢⵉⵡⴻⵏ ⵓⴳⵔⴰⵡ ⴰⵖⴻⵍⵏⴰⵡ. 383 ⵏ ⵢⵉⵇⴻⴷⴷⴰⵛⴻⵏ ⵙⴻⴳ ⵢⴰⵍ ⴰⵎⴽⴰⵏ ⴰⵔⴰ ⵢⴻⵙⵜⴻⴼⵄⴻⵏ ⵙⴻⴳ ⵓⵙⵍⴻⵖⵎⵓ-ⴰⴳⵉ ⵉⵍⵎⴻⵏⴷ ⵏ ⵓⴷⵓⵙ ⵏ ⵜⵎⴰⵡⴰⵙⵜ ⵓⵟⵟⵓⵏ 203 ⵏ ⵡⴰⵎⵎⵓ 12 ⵡⴰⵎⴱⴻⵔ 2025.
ⴰⵔⵏⵓ ⵖⴻⵔ
