ⴱⴻⵔⵉⴷ ⵍⵣⵣⴰⵢⴻⵔ (Algérie Poste) ⵢⴻⴱⴱⴻⵔⵔⴻⵃ-ⴷ ⵖⴻⴼ ⵢⵉⵡⴻⵏ ⵏ ⵡⴰⵀⵉⵍ ⴷ ⴰⵎⴻⵇⵇⵔⴰⵏ ⵉ ⵡⴰⴽⴽⴻⵏ ⴰⴷ ⴷ-ⵢⴻⴹⵎⴻⵏ ⵍⴻⵇⴷⵉⵛ ⵢⴻⵍⵀⴰⵏ ⵏ ⵍⴱⵓⵙⵟⴰ ⴷ ⵓⴼⵔⴰⵢ ⵏ ⵡⴻⴷⵔⵉⵎ ⴷⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴰⵢⴰ ⵉ ⵡⴰⴽⴽⴻⵏ ⴰⴷ ⴷ-ⵎⵎⴰⴳⵔⴻⵏ ⴰⴳⴳⵓⵔ ⵏ ⵔⴻⵎⴹⴰⵏ ⴰⵎⴻⴳⴳⴰⵣ.
ⴷⴻⴳ ⵡⴰⵍⵖⵓ-ⵢⴰⴳⵉ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ, ⴱⴻⵔⵉⴷ ⵍⵣⵣⴰⵢⴻⵔ ⵢⴻⵏⵏⴰ-ⴷ ⴱⴻⵍⵍⵉ ⴱⴷⴰⵏ ⵍⴻⵇⴷⵉⵛ ⵏ ⵓⵙⵉⵣⴷⴻⴳ ⴷ ⵓⵙⴻⴳⴳⴻⵎ ⵏ 4407 ⵏ ⵍⴱⵉⵕⵓⵡⴰⵜ ⵏ ⵍⴱⵓⵙⵟⴰ ⵉ ⵡⴰⴽⴽⴻⵏ ⴰⴷ ⵙⵜⴻⵎⴱⴻⵔⵍⴻⵏ ⵍⴽⵉⵍⴰⵏⴰⵜ ⴷⴻⴳ ⵍⵃⴰⵍⴰ ⵢⴻⵍⵀⴰⵏ.
ⴰⴽⴽⴻⵏ ⴷⴰⵖⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ, ⴹⴻⵎⵎⵏ-ⴷ ⴰⴷⵔⵉⵎ (ⵍⵉⵇⵉⴷⵉⵜⵉ) ⵓⵇⴱⴻⵍ, ⴷⴻⴳ ⵜⵍⴻⵎⵎⴰⵙ ⴷ ⵜⴰⴳⴳⴰⵔⴰ ⵏ ⵡⴰⴳⴳⵓⵔ ⵏ ⵔⴻⵎⴹⴰⵏ, ⵉⵎⵉ ⴷⴻⴳ ⵍⵡⴻⵇⵜ-ⴰⴳⵉ ⵉⵎⴷⴰⵏⴻⵏ ⵙⵙⵓⵜⵓⵔⴻⵏ ⴰⵟⴰⵙ ⵏ ⵡⴻⴷⵔⵉⵎ.
ⴱⴻⵔⵉⴷ ⵍⵣⵣⴰⵢⴻⵔ ⵢⴻⵔⵔⴰ ⴷⴰⵖⴻⵏ 2595 ⵏ ⵢⵉⵎⵓⵣⵣⴰⵄⴻⵏ ⵏ ⵡⴻⴷⵔⵉⵎ (GAB) ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵢⴻⵔⵏⴰ ⴰⴷ ⵢⵉⵍⵉ ⵓⵄⴰⵙⵙ ⴷ ⵓⵙⵉⴷⴷⴻⵔ ⵏ ⵜⵜⴻⴽⵏⵉⴽ ⵉ ⵡⴰⴽⴽⴻⵏ ⴰⴷ ⵅⴻⴷⴷⵎⴻⵏ ⴷⴰⵢⵎⴻⵏ ⵡⴰⵍⴰⵜⴻⵏ-ⴰⴳⵉ.
Seg ⵍⵊⵉⵀⴰ ⵏⵏⵉⴹⴻⵏ, ⵜⴰⵏⴻⴱⴷⴰⴷⵜ ⵜⴰⵎⴰⵜⵓⵜ ⵜⴻⴼⴽⴰ ⵜⵉⵏⴻⴹⴰⴼ (instructions) ⵉ ⵢⵉⵅⴻⴷⴷⴰⵎⴻⵏ ⵉ ⵡⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵍⴻⵇⴷⵉⵛ-ⵏⵙⴻⵏ ⴷ ⵓⵇⴻⵔⵔⴻⴱ ⵖⴻⵔ ⵍⴽⵉⵍⴰⵏⴰⵜ ⴰⴽⴽⴻⵏ ⴰⴷ ⵔⵡⵉⵏ ⵍⴻⴱⵖⵉ-ⵏⵙⴻⵏ ⴷⴻⴳ ⵡⴰⴳⴳⵓⵔ-ⴰⴳⵉ ⴰⵎⴻⴳⴳⴰⵣ.
ⴰⵔⵏⵓ ⵖⴻⵔ
