ⵜⵜⵡⴰⴽⴽⵙⴻⵏ 46 ⵏ ⵢⵉⵎⴷⴰⵏⴻⵏ ⴷ ⵓⵙⵙⵉⴷⴻⵔ ⵏ 1735 ⵏⵏⵉⴹⴻⵏ, ⴷⴻⴼⴼⵉⵔ ⵏ ⵓⵙⵙⴻⵀⵙⴰⵔ ⵏ 1458 ⵏ ⵢⵉⵙⵙⴻⵀⵙⴰⵔⴻⵏ ⵏ ⵓⵙⵔⵉⴷ ⴷⴻⴳ ⵡⴰⵟⴰⵙ ⵏ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, ⴷⴻⴳ ⵜⴰⵍⵍⵉⵜ ⴳⴰⵔ 20 ⴷ 26 ⵛⵜⴻⵎⴱⴻⵕ, ⴰⴽⴽⴻⵏ ⵉ ⵜ-ⵉⴷ-ⵉⵙⵙⴻⴳⵣⴰ ⴰⵙⵙ-ⴰ ⵏ ⵓⵙⵉⵏⴰⵙ, ⵓⵙⵉⵡⴻⵍ ⵏ ⵜⵉⵡⵓⵖⴰ ⵏ ⵓⵃⵔⴰⵣ ⴰⵖⴰⵔⵉⵎ.
ⵉⵙⵙⴻⴽⵜⴰⴷ-ⴷ ⵓⵖⴱⴰⵍⵓ-ⵢⴰ ⵙ ⵡⴰⴽⴽⴻⵏ ⴰⵣⴰⴳⵓⵔ ⴰⵅⴰⵜⴰⵔ ⵢⴻⵜⵜⵡⴰⵙⴻⵊⵊⴻⵍ ⴷⴻⴳ ⵜⵡⵉⵍⴰⵢⵜ ⵏ ⵜⵉⵒⴰⵣⴰ ⵙ ⵓⵜⵡⴰⴽⴽⴻⵙ ⵏ 4 ⵏ ⵢⵉⵎⴷⴰⵏⴻⵏ ⴷⴻⴳ ⵢⵉⵎⵓⴽⴰⵏ ⵏ ⵢⵉⵙⵙⴻⵀⵙⴰⵔⴻⵏ ⴷ ⵓⵙⵙⵉⴷⴻⵔ ⵏ 51 ⵏⵏⵉⴹⴻⵏ ⴷⴻⴼⴼⵉⵔ ⵏ ⵓⵙⵙⴻⵀⵙⴰⵔ ⵏ 45 ⵏ ⵢⵉⵙⵙⴻⵀⵙⴰⵔⴻⵏ ⵏ ⵓⵙⵔⵉⴷ.
ⵙⴻⴳ ⵓⵎⵓⵔ ⵏⵏⵉⴹⴻⵏ, ⴽⴽⵛⵎⴻⵏⵜ ⵜⵉⵡⵓⵖⴰ ⵏ ⵓⵃⵔⴰⵣ ⴰⵖⴰⵔⵉⵎ ⵉ ⵓⵙⵙⴻⵎⵙⵉ ⵏ 1361 ⵏ ⵢⵉⵎⴻⵙⵍⴰⵏ ⴳⴰⵔ-ⴰⵙⴻⵏⵜ ⵜⵉⵅⵅⴰⵎⵉⵏ, ⵜⵉⵎⴳⵓⵔⴰ ⴷ ⵢⴻⵎⴳⴰⵔⴰⴷⴻⵏ, ⵜⵉⵅⴰⵜⴰⵔⵉⵏ ⴷⴻⴳ-ⵙⴻⵏⵜ ⵜⵜⵡⴰⵙⴻⵊⵊⵍⴻⵏⵜ ⴷⴻⴳ ⵜⵡⵉⵍⴰⵢⵜ ⵏ ⴷⵣⴰⵢⴻⵔ ⵙ 137 ⵏ ⵢⵉⵎⴻⵙⵍⴰⵏ, ⵛⵀⵍⴻⴼ ⵙ 62 ⵏ ⵢⵉⵎⴻⵙⵍⴰⵏ ⴷ ⵙⴽⵉⴽⴷⴰ ⵙ 61 ⵏ ⵢⵉⵎⴻⵙⵍⴰⵏ.
ⴷⴻⴳ ⵜⴰⵍⵍⵉⵜ-ⴰ ⴷⴰⵖⴻⵏ, ⵉⵙⵙⴻⵊⵊⴻⵍ ⵓⵏⴰⴳⵔⴰⵡ ⵏ ⵓⵃⵔⴰⵣ ⵏ ⵢⵉⴼⵜⵉⵙⴻⵏ ⴷ ⵓⵙⴳⵓⵏⴼⵓ ⵢⴻⵇⵇⵏⴻⵏ ⵖⴻⵔ ⵓⵃⵔⴰⵣ ⴰⵖⴰⵔⵉⵎ, ⵢⵉⵡⴻⵜ ⵏ ⵜⵎⴻⵜⵜⴰⵏⵜ ⵙ ⵓⴳⵔⴰⵡ ⴷⴻⴳ ⵢⵉⵍⵍ, ⴷ ⵜⵎⴻⵜⵜⴰⵏⵜ ⵏⵏⵉⴹⴻⵏ ⵙ ⵓⴳⵔⴰⵡ ⴷⴻⴳ ⵢⵉⵎⵓⴽⴰⵏ ⵏ ⵡⴰⵎⴰⵏ, ⴷⴻⴳ ⵜⵎⴰⵔⴰ ⵏ ⵓⵙⵙⴻⵍⵍⴻⴽ ⵏ 396 ⵏ ⵢⵉⵎⴷⴰⵏⴻⵏ ⵙⴻⴳ ⵓⴳⵔⴰⵡ ⴷ ⵓⴼⴽⴰ ⵏ ⵜⵏⴻⴼⵍⵉⵜⵉⵏ ⵜⵉⵅⴰⵜⴰⵔⵉⵏ ⵉ 389 ⵏ ⵢⵉⵎⴷⴰⵏⴻⵏ.
ⵉⴽⴼ-ⴷ ⴷⴰⵖⴻⵏ ⵓⵏⴰⴳⵔⴰⵡ ⵏ ⵓⵎⴻⵏⵏⵓⵖ ⴷ ⵢⵉⵎⴻⵙⵍⴰⵏ ⵏ ⵜⵥⴻⴳⵡⴰ ⴷ ⵢⵉⵎⵔⴰⵙⴻⵏ ⵏ ⵓⴼⴻⵍⵍⴰⵃ ⵉ ⵓⵙⵙⴻⵎⵙⵉ ⵏ 91 ⵏ ⵢⵉⵎⴻⵙⵍⴰⵏ ⵉ ⴷ-ⵢⴻⵡⵡⵉⵏ ⴰⵎⵓⵔ ⵏ ⵢⵉⵎⵖⴰⵏ ⴷⴻⴳ ⵡⴰⵟⴰⵙ ⵏ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⴻⵡⵡⵉ ⵓⵙⵉⵡⴻⵍ.
ⴰⵔⵏⵓ ⵖⴻⵔ
