ⵏⴻⵡ ⵢoⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⵏ ⵓⵎⵖⵉⵡⴰⵏ ⴰⵖⴻⵍⵏⴰⵡⵜ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ, ⴷ ⵢⵉⵡⴻⵥⵍⴰ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⴰⵜⵜⴰⴼ, ⵉⵡⴻⴽⴽⴻⴷ-ⴷ ⴰⵙⵙ- ⵏ ⵓⵢⵏⴰⵙ ⴷⴻⴳ ⵏⴻⵡ ⵢoⵔⴽ ⴷⴰⴽⴽⴻⵏ ⴰⵎⴰⴹⴰⵍ ⵉⴱⴻⴷⴷ ⴷⴻⴳ ⵓⴳⴻⵔⴱⵔⵉⴷ ⵉⴷⴻⴳ ⵜⵜⵏⴻⵔⵏⵉⵏⵜ ⵜⴻⵣⵖⴰⵏ, ⵜⵜⵏⴻⵔⵏⵉⵏ ⵢⵉⵎⴻⵏⵏⵓⵖⴻⵏ, ⵢⴻⵔⵏⴰ ⵜⵓⴽⴻⵎ ⵜⴻⴼⵍⴻⵙⵜ ⵏ ⵜⵙⵓⴷⴰ ⴷⴻⴳ ⵜⵎⵓⵔⴰ ⵜⵉⴳⵔⴰⵖⵍⴰⵏⵉⵏⵏ ⵉⵃⴻⵜⵜⴻⵜ-ⴷ ⵖⴻⴼ ⵡⴰⵣⴰⵍ ⵏ ⵓⵙⵎⴻⵙⴽⴻⵍ ⵏ ⵓⵏⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵓⵙⵙⴻǧⵀⴻⴷ ⵏ ⵓⵎⴰⵀⵉⵍ ⴰⴳⴻⴷⴷⵉⵙⴰⵏ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴹⵎⴰⵏ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⴷ ⵓⵖⴷⵉⵎ ⵓⴳⴰⵔ.
ⴷⴻⴳ ⵢⵉⵏⴰⵡ-ⵏⵏⴻⵙ ⵉⵍⵎⴻⵏⴷ ⵏ ⵓⵙⴽⴰⵙⵉ ⴰⵎⴰⵜⵓ ⵏ ⵜⵖⴻⵎⵍⵉⵍⵜ ⵜⵉⵙ 81 ⵏ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵡⴻⴽⴽⴻⴷ-ⴷ ⵎⴰⵙⵙ ⴰⵜⵜⴰⴼ ⴷⴰⴽⴽⴻⵏ ⴰⵙⵎⴻⵙⴽⴻⵍ ⵏ ⵓⵏⴰⴳⵔⴰⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵔ ⵢⴻⵍⵍⵉ ⴰⵔⴰ ⴷ « ⴰⵙⴼⵓⵔⵀⴻⵜ ⴰⵙⵓⴷⴰⵏ » ⵏⴻⵖ ⴷ « ⴰⴼⵔⴰⵏ ⵉ ⵉⵣⴻⵎⵔⴻⵏ ⴰⴷ ⵢⴻⵜⵜⵓⵙⵓⵔⴻⴼ », ⵡⴰⵏⴰⴳ ⴷ « ⵜⴰⴹⵓⵍⵍⵉⵜ ⵉ ⴷ-ⵃⴻⵜⵜⵎⴻⵏ ⵢⵉⵍⴽⴰⵜⴻⵏ ⵉⵍⵇⴰⵢⵏⴻⵏ ⵢⴻⵍⵍⴰⵏ ⴷⴻⴳ ⵓⵎⴰⴹⴰⵍ, ⵢⴻⵔⵏⵉ ⵢⴻⵙⵙⴻⴼⴽ ⵢⵉⵡⴻⵏ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⴷ ⵓⵖⴷⵉⵎ ⵓⴳⴰⵔ”.
ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⴳⴻⵔ-ⴷ ⵜⵉⵖⵔⵉ ⵉ « ⵓⵙⵙⴻǧⵀⴻⴷ ⵏ ⵓⵏⴰⴳⵔⴰⵡ ⴰⵎⴰⵜⵓ ⴷ ⵓⴷⴰⴱⵓ-ⵏⵏⴻⵙ ⴷ ⵓⵙⵎⴻⵙⴽⴻⵍ ⴰⵍⵇⴰⵢⴰⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵢⵉⵍⵉ ⴷ ⵡⵉⵏ ⵉ ⴷ-ⵢⴻⵜⵜⴳⴻⵏⵙⵉⵙⴻⵏ ⵓⴳⴰⵔ, ⴷ ⵓⵖⴷⵉⵎ ⴷ ⴰⵎⴻⵍⵍⵉⵍ ⵓⴳⴰⵔ, ⴰⵎ ⵢⴻⵔⵏⵉ ⴰⴷ ⵢⴻⵙⵙⴻⵃⴱⴻⵙ ⴰⴼⵔⴰⵏ ⴷ ⵜⵙⴻⵔⵙⵉⵜ ⵏ ⵙⵉⵏ ⵏ ⵡⴰⴽⴰⵜⴻⵏ ⴷⴻⴳ ⵓⵙⵏⴰⵙ ⵏ ⵓⵙⴰⴹⵓⴼ ⴰⴳⵔⴰⵖⵍⴰⵏ ».
ⴷⴻⴳ ⵓⴽⴰⵜⴰⵔ-ⴰ, ⵢⵓⵍⴻⵙ ⵉⵡⴻⴽⴽⴻⴷ-ⴷ ⴰⴷⵀⴰⵍ ⵓⵙⴱⵉⴹ ⵏ ⴷⵣⴰⵢⴻⵔ ⵉ ⵡⴰⴷⴷⵓⴷ ⴰⴼⵔⵉⵇⵉ ⵓⴱⵍⵉⴳ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵙⴻⵖⵜⵉⵢ ⵏ ⵍⴱⴰⵟⴻⵍ ⴰⵎⴻⵣⵔⵓⵢⴰⵏ ⵢⴻⵔⵙⵉⵏ ⵖⴻⴼ ⵜⴻⴼⵔⵉⵇⵜ ⵢⴻⵙⵙⴻⴼⴽ-ⴷ ⴰⴳⴻⵏⵙⴰⵙ ⴰⴼⵔⵉⵇⵉ ⵓⵎⵎⵉⴷ ⴷ ⵓⵖⴷⵉⵎ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵙ ⵢⵉⵎⴻⵥⵍⴰ ⵓⵎⵎⵉⴷⴻⵏ ».
ⵎⴰⵙⵙ ⴰⵜⵜⴰⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⵇⵇⵍⴰ ⵏ ⵜⴻⴼⵍⴻⵙⵜ ⴷⴻⴳ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵢⴻⵙⵙⴻⴼⴽ ⴰⵣⵔⴰⴽ ⵏ ⵓⵙⴰⴹⵓⴼ ⴰⴳⵔⴰⵖⵍⴰⵏ ⴷ ⵓⵙⵏⴰⵙ-ⵏⵏⴻⵙ ⵖⴻⴼ ⵢⴰⵍ ⵢⵉⵡⴻⵏ, ⴰⵎ ⵡⴰⴽⴽⴻⵏ ⵉ ⴷ-ⵉⵛⴰⵖⵍⵉ ⵖⴻⴼ ⵢⵉⵎⵉⵀⵉⵜⴻⵏ ⵏ ⵓⵏⵇⴰⵙ ⵏ ⵜⵉⴳⴰⵡⵜ ⵜⴰⴳⴻⴷⴷⵉⵙⴰⵏⵜ ⴷ ⵜⵓⵇⵇⵍⴰ ⵏ ⵜⴰⵔⵔⴰⵢⵜ ⵏ ⵜⴷⵓⵙⵉ ⴷ ⵜⵙⴻⵔⵜⵉⵜ ⵏ ⵙⵉⵏ ⵏ ⵡⴰⴽⴰⵜⴻⵏ ⴷⴻⴳ ⵓⵙⵙⴻⵇⴷⴻⵛ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ.
ⴰⵔⵏⵓ ⵖⴻⵔ
