ⵉⵡⴻⴽⴽⴻⴷ-ⴷ ⵎⴰⵙⵙ ⵔⴻⵣⵉⴳ ⵙⴻⴳ ⴳⴻⵏⴻⵯⴻ ⴰⵎⵉⵔⴻⵡ ⵏ ⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⴷⵀⴻⵍ ⵓⵙⵙⵉⵙⴻⵏ ⵏ « ⵓⵏⵛⵜⴰⴷ » ⵉⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵓⵙⵏⴻⴳⵎⵓ ⴷ ⵓⵙⵎⴰⵍ ⵏ ⵜⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ

ⵢⴻⵙⵙⴻⴳⵣⴰ-ⴷ ⵎⴰⵙⵙ ⵔⴻⵣⵉⴳ ⴷⴻⴳ ⵏ ⵡⴰⵡⴰⵍ-ⵏⵏⴻⵙ ⵉⵍⵎⴻⵏⴷ ⵏ ⵜⵖⵉⵎⵉⵜ ⵜⴰⵎⴰⵜⵓⵜ ⵏ ⵜⴻⴷⵡⵉⵍⵜ ⵜⵉⵙ 16 ⵏ ⵓⵏⵛⵜⴰⴷ, ⴷⴰⴽⴽⴻⵏ ⴷⵣⴰⵢⴻⵔ « ⵓⵔ ⵜⴻⵍⵍⵉ ⴰⵔⴰ ⴽⴰⵏ ⴷ ⵜⴰⵡⵡⵓⵔⵜ ⵏ ⵜⴻⴼⵔⵉⵇⵜ, ⵡⴰⵏⴰⴳ ⴷ ⵜⵉⵍⴻⴳⴳⵉⵜ ⵜⴰⴷⴰⵎⵙⴰⵏⵜ ⵉ ⵢⴻⵇⵇⵏⴻⵏ ⴰⵎⴻⵏⵥⴰⵡ-ⴰ ⵖⴻⵔ ⵓⵎⴰⴹⴰⵍ », ⴰⵎ ⵡⴰⴽⴽⴻⵏ ⵉ ⴷ-ⵢⵓⵍⴻⵙ ⴰⵎⵉⵔⴻⵡ-ⵏⵏⴻⵙ ⵉ « ⵓⴷⵀⴰⵍ ⵏ ⵡⵓⵙⵙⵉⵙⴻⵏ ⵏ ⵓⵏⵛⵜⴰⴷ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵎⵓⵔⴻⵙ ⵏ ⵓⵙⵏⴻⴳⵎⵓ ⴰⴷⴰⵎⵙⴰⵏ ⵓⵏⵣⵉⴳ ⴷ ⵓⵙⵎⴰⵍ ⵏ ⵜⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵍⵙⴰⵙⴰ ⵏ ⵓⵎⴻⵏⵣⴰⵢ ⵏ ⵓⵎⴻⵣⵍⴰⵖ-ⴰⵎⴻⵣⵍⴰⵖ ».
ⵢⴻⴱⴷⴻⵔ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴷⵣⴰⵢⴻⵔ ⵜⴻⵜⵜⵜⵎⴰⵀⴰⵍ ⴰⴽⴽⴻⵏ « ⴰⴷ ⵜⴻⵙⵉⵏⴻⴹ ⵜⴰⴷⴰⵎⵙⴰ-ⵏⵏⴻⵙ ⴰⴽⴽⴻⴷ ⵓⵙⵍⴻⵍⵍⵉ-ⵏⵏⴻⵙ ⵙⴻⴳ ⵓⴹⴼⴰⵔ ⵏ ⵢⵉⵎⴻⵔⵖⴰ, ⵙ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵙⵏⵓⴷⴷⵙⴰⵏⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ », ⵙ « ⵓⵙⵙⴻⵍⵀⵓ ⵏ ⵓⵏⴻⵣⵡⵉ ⵏ ⵓⵙⴼⵓⴽⵜⵉ, ⴰⴷⵀⴰⵍ ⵏ ⵓⴼⴰⵔⴻⵙ ⴰⴷⵉⴳⴰⵏ, ⴷ ⵓⵙⵏⴻⴳⵎⵓ ⵏ ⵜⴻⵎⴳⵓⵔⵉⵡⵉⵏ ⵜⵉⵖⴻⵍⵏⴰⵡⵉⵏ », ⵙ ⵢⵉⵙⵡⵉ ⵏ « ⴰⴷ ⵏⴰⵡⴻⴹ ⵖⴻⵔ 300 ⵏ ⵢⵉⵎⴻⵍⵢⴰⵕⴻⵏ ⵉⴷⵓⵍⴰⵕⴻⵏ ⵏ ⵓⵙⵉǧⴻⵡ ⵢⴻⵅⴹⴰⵏ ⵉⵎⴻⵔⵖⴰ ⴷⴻⴳ ⵓⵙⴻⴳⴳⴰⵙ ⵏ 2030, ⵣⴷⴰⵜ ⵏ ⵎⴰ ⵙⵙⵓⵔⴼⴻⵏ 7 ⵉⵎⴻⵍⵢⴰⵔⴻⵏ ⵉⴷⵓⵍⴰⵕⴻⵏ ⵉⵍⵎⴻⵏⴷ ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ».
ⵎⴰⵙⵙ ⵔⴻⵣⵉⴳ ⵉⴱⴻⵢⵢⴻⵏ-ⴷ ⴷⴰⵖ ⵜⵉⵅⵅⵓⵜⴻⵔⵜ ⵏ ⵓⵙⵙⴻǧⵀⴻⴷ ⵏ ⵜⵉⵍⵉⵏ ⵜⴰⴷⴰⵎⵙⴰⵏⵜ ⵏ ⴷⵣⴰⵢⴻⵔ ⴷⴻⴳ ⵓⵎⴻⵏⵥⴰⵡ ⴰⴼⵔⵉⵇⵉ, ⵖⴻⵔ ⵜⵎⵓⵖⵍⵉ ⵏ ⵡⴰⴷⴻⴳ-ⵏⵏⴻⵙ ⴰⴽⴰⵍⴰⵏ ⴰⵙⵏⵓⴷⴷⵙⴰⵏ ⴷ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ, ⴰⵎ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⴰⴱⵔⵉⴷ ⵏ ⵢⵉⴳⵏⴰⵏ ⵓⵏⵏⵉⴳⴻⵏ, ⴰⴱⵔⵉⴷ ⵢⴻⵙⵙⴰⵖⴰⵔⴻⵏ ⵜⵉⵏⵉⵔⵉ, ⴷ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵎⵖⴻⵔ ⵏ ⵓⵥⴻⴹⵡⵓ ⵏ ⵓⴱⵔⵓⵣⵣⴰⵍ, ⵔⵏⵓ-ⴰⵙ ⴰⵔⵥⴰⵎ ⵏ ⵢⵉⵣⵉⵔⵉⴳⴻⵏ ⵉⵎⴰⵢⵏⵓⵜⴻⵏ ⵏ ⵢⵉⵍⴻⵍ ⵖⴻⵔ ⵜⴻⴼⵔⵉⵇⵜ ⴷ ⵓⵎⴰⴹⴰⵍ ⴰɛⵕⴰⴱ.
ⴷⴻⴳ ⵡⴰⵜⵜⴰⵍ-ⴰ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ « ⴰⵎⵓⵔⴻⵙ ⴰⵎⴻⵇⵔⴰⵏ ⵉⵖⴻⵔ ⵜⵡⵡⴻⴹ ⵜⴻⵥⵔⵉⴳⵜ ⵜⵉⵙ 4 ⵏ ⵜⵎⵓⴳⴻⵔⵜ ⵜⴰⵏⴻⵣⵣⴰⵏⵜ ⵜⴳⴻⵏⵙⴻⴼⵉⵇⵉⵜ, ⵉ ⵜⴻⵙⵙⵓⴷⴷⴻⵙ ⴷⵣⴰⵢⴻⵔ ⴷⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ, ⵎⴰⵏⵉ ⵉ ⵣⴻⵎⵍⴻⵏ  ⵉⴳⵓⵜⴰ ⵙ ⵡⴰⵣⴰⵍ ⵏ 48,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⵢⴻⵔⵏⵓ ⴷ ⴰⵢⴰ ⵉ ⴷ-ⵢⴻⵙⵙⴽⴰⵏⴰⵢⴻⵏ ⴰⴷⴻⴳ-ⵏⵏⴻⵙ ⴰⴷⴰⵎⵙⴰⵏ ⵉ ⵍⴰ ⵢⴻⵜⵜⵏⴻⵔⵏⵉⵏ ⴷⴻⴳ ⵓⵎⴻⵏⵥⴰⵡ-ⴰ ».
ⵜⴰⴷⵡⵉⵍⵜ ⵜⵉⵙ 16 ⵏ ⵓⵙⴰⵔⴰⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵏⴻⵣⵣⵓⵜ ⴷ ⵓⵙⵏⴻⴳⵎⵓ (ⵓⵏⵛⵜⴰⴷ) ⴰⴷ ⵜⴻⵜⵜⵡⴰⵙⵓⴷⴷⴻⵙ ⵙⴻⴳ 20 ⴰⵔ 23 ⵜⵓⴱⴻⵕ ⴷⴻⴳ ⵓⴳⴻⵎⵎⵉⵡ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵯⴻ, ⵙ ⵓⵙⴻⵏⵜⴻⵍ ⵏ « ⴰⵖⵜⴰⵙ ⵏ ⵢⵉⵎⴰⵍ: ⴰⵎⴰⵀⵉⵍ ⵉ ⵓⵍⴽⴰⵜ ⴰⴷⴰⵎⵙⴰⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⵏⴻⴳⵎⵓ ⵓⵖⴷⵉⵎ, ⵓⵎⵎⵉⴷ, ⴷ ⵓⵏⵣⵉⴳ ».