ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⴰⵙⵉⵏⴰⵙ (ⵜⵜⵍⴰⵜⴰ), ⴷⴰⴽⴽⴻⵏ ⴷⵣⴰⵢⴻⵔ ⵡⴻⵔɛⴰⴷ ⴰⴷ ⵜⴽⴻⵎⵎⴻⵍ ⴰⴷ ⵜⵓⵔⴰⵔ ⵜⴰⵎⵍⵉⵍⵜ-ⵏⵏⴻⵙ ⴷ ⵜⴰⵏⴻⴱⵍⴰⴳⵜ ⵜⴰⵎⴻⴳⴳⵉⵜ ⴷⴻⴳ ⵡⵓⵙⵙⵉⵙⴻⵏ ⵉⴳⵔⴰⵖⵍⴰⵏⴻⵏ ⵢⴻⵍⵍⴰⵏ ⵉⵙⵡⵉ ⵏ ⵓⵙⵙⵉⵡⴻⴹ ⵏ ⵓⵙⵏⴻⴳⵎⵓ ⵓⵏⵣⵉⴳ ⴷ ⵓⵎⵙⴰⵍ ⵏ ⵓⵎⴰⴹⴰⵍ ⴰⵖⴻⴷⵎⴰⵏ, ⴰⵎⵙⴻⵜⵍⴰⵍ, ⴷ ⵓⵎⴷⴰⵏⴰⵏ ⵓⴳⴰⵔ.
ⴷⴻⴳ ⵢⵉⵡⵜ ⵏ ⵜⴳⴻⵔⵎⴰⵏⵜ ⵉ ⴷ-ⵢⴻⵖⵔⴰ ⵙ ⵢⵉⵙⴻⵎ-ⵏⵏⴻⵙ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⵣoⵓⵣ ⵏⴰⵙⵔⵉ, ⴷⴻⴳ ⵜⵇⴰⵛⵓⵛⵜ ⵜⴰⵏⵎⴰⴹⴰⵍⵜ ⵜⵉⵙ ⵙⵏⴰⵜ ⵏ ⵓⵙⵏⴻⴳⵎⵓ ⴰⵏⵎⴻⵜⵜⵉ ⵉ ⴷ-ⵢⴻⴹⵔⴰⵏ ⴷⴻⴳ ⴷⵓⵃⴰ, ⴷⴻⴳ ⵇⴰⵟⴰⵔ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ: « ⵜⴰⵎⵓⵔⵜ-ⵉⵏⵓ, ⴷⵣⴰⵢⴻⵔ, ⴰⴷ ⵜⴽⴻⵎⵎⴻⵍ ⴰⴷ ⵜⵓⵔⴰⵔ ⵜⴰⵎⵍⵉⵍⵜ-ⵏⵏⴻⵙ ⴷ ⵜⴰⵏⴻⴱⵍⴰⴳⵜ ⵜⴰⵎⴻⴳⴳⵉⵜ ⵢⴻⵔⵏⴰ ⴷⴻⴳ ⵡⵓⵙⵙⵉⵙⴻⵏ ⵉⴳⵔⴰⵖⵍⴰⵏⴻⵏ ⵢⴻⵍⵍⴰⵏ ⵉⵙⵡⵉ ⵏ ⵓⵙⵉⵡⴻⴹ ⵏ ⵓⵙⵏⴻⴳⵎⵓ ⵓⵏⵣⵉⴳ ⴷ ⵓⵎⵙⴰⵍ ⵏ ⵢⵉⵡⴻⵏ ⵏ ⵓⵎⴰⴹⴰⵍ ⵓⵖⴷⵉⵎ, ⴰⵎⵙⴻⵜⵍⴰⵍ ⴷ ⴰⵎⴷⴰⵏⴰⵏ ⵓⴳⴰⵔ, ⴰⵢⴰ ⴷⴻⴳ ⵓⴽⴰⵜⴰⵔ ⵏ ⵓⵔⵣⴰⴽ ⵏ ⵜⵏⴰⵢⴰ ⵜⴰⵖⴻⵍⵏⴰⵡⵜ ⴷ ⵓⵙⴷⵓⵙⵓ ⵏ ⵓⵏⵎⵉⵔⴻⴳ ⴰⴳⵔⴰⵖⵍⴰⵏ ⵉ ⴱⴻⴷⴷⴻⵏ ⵖⴻⴼ ⵓⵎⵢⴻⵣⵔⴰⴽ”.
ⵢⴻⵙⵙⴻⴳⵣⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴷⵣⴰⵢⴻⵔ, ⵙ ⵓⴷⵔⴰⵡ-ⵏⵏⴻⵙ ⴷⴻⴳ ⵜⵇⴰⵛⵓⵛⵜ-ⴰ, ⵜⴻⵜⵜⵏⴰⴷⵉ ⴰⴷ ‘’ⵜⴻⵙⴱⴻⴳⴳⴻⵏ ⴰⴽⴰⵍⴰ-ⵉⵙ ⴷⴻⴳ ⵜⵖⵓⵍⵜ ⵏ ⵓⵙⵏⴻⴳⵎⵓ ⴰⵏⵎⴻⵜⵜⵉ , ⴷ ⴰⴽⴰⵍⴰ ⵢⴻⴱⵏⴰⵏ ⵖⴻⴼ ⵜⵎⵓⵖⵍⵉ ⵜⴰⵖⴻⵍⵏⴰⵡⵜ ⵉ ⵢⴻⵔⵔⴰⵏ ⵜⴰⵖⴷⴻⵎⵜ ⵜⴰⵏⵎⴻⵜⵜⵉⵜ, ⴰⵎⴻⵙⵜⴻⵏ ⵏ ⵜⴰⴳⴳⴰⵢⵉⵏ ⵜⵓⵔⵀⵉⴼⵉⵏ ⴷ ⵓⵙⴷⵓⵙⵓ ⵏ ⵓⵏⵓⵎⵎⴻⴷ ⵏ ⵢⵉⴳⴻⵍⵍⵓⵙⴻⵏ ⵉⴳⴻⵊⴷⴰⵏⴻⵏ ⵏ ⵜⵙⴻⵔⵜⵉⵜ-ⵏⵏⴻⵙ ⵜⴰⵏⴰⴳⴷⵓⴷⵜ, ⵙ ⵎⴰⵜⵜⴰ ⵉⵡⴰⵜⴰⵏ ⵉⵎⵉⵔⵡⴻⵏ ⵏ ⵓⵙⴻⵍⵖⵓ ⴽⵓⵒⴻⵏⵀⴰⴳⴻⵏ ⴷⴻⴳ ⵓⵙⴻⴳⴳⴰⵙ ⵏ 1995, ⴷ ⵢⵉⵙⵡⴰⵏ ⵏ ⵓⵙⵏⴻⴳⵎⵓ ⵓⵏⵣⵉⴳ”.
ⵢⴻⵔⵏⴰ-ⴷ ⴷⴻⴳ ⵓⴽⴰⵜⴰⵔ-ⴰ ⴷⴰⴽⴽⴻⵏ ⴷⵣⴰⵢⴻⵔ « ⵜⵓⵛⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵙⵙⴻⵍⵀⵓ ⵏ ⵜⵓⴷⴻⵔⵜ , ⴰⵎⴻⵏⵏⵓⵖ ⵎⴳⴰⵍ ⵜⵉⴳⵓⵍⵍⴻⵍⵜ ⴷ ⵓⵙⴷⵓⵙⵓ ⵏ ⵜⴻⵣⵎⴻⵔⵜ ⵏ ⵜⵎⴻⵙⵖⵉⵡⵜ, ⵜⴻⵔⵏⵉ ⵉ ⵓⵅⴻⵍⵍⴻⵚ ⴰⵖⴻⵍⵍⵏⴰⵡ ⴰⴷⴷⴰⵢⴰⵏ, ⵜⴻⵙⵙⴻⵖⴻⵏⵡⴻ-ⴷ ⵜⵉⴽⴽⵉ ⵏ ⵜⵔⴻⴱⴱⴰⵡⵜ ⵉ ⵍⴼⴰⵢⴷⴰ ⵏ ⵍⴻⵖⵔⵓⵣ ⵢⴻⵔⵏⵉ ⵜⵓⵛⴰ ⵜⵉⴽⴽⵉ ⵏ ⵜⴻⵎⵙⴻⵜⵍⴻⵍⵜ ⴰⴽⴽⴻⵏ ⴰⴷ ⵜⴻⵟⵟⴻⴼ ⵜⴰⴳⴳⴰⵢⵉⵏ ⵜⵓⵔⵀⵉⴼⵉⵏ ⴷ ⵢⵉⵎⴻɛⴷⴰⵔ”.
ⴰⵔⵏⵓ ⵖⴻⵔ
