ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵓⵎⴰⵀⵉⵍ, ⵏ ⵓⵙⵙⴻⵎⵔⴻⵙ, ⴷ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ, ⵄⴱⴷⴻⵍⵀⴰⴽ ⵚⴰⵉⵀⵉ, ⵖⴻⴼ ⵜⴹⵓⵍⵍⵉⵜ ⵏ ⵓⵙⴻⵍⵀⵓ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ ⴷⴻⴳ ⵓⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵏ ⵓⴳⵣⵓⵎ ⵉ ⵍⴼⴰⵢⴷⴰ ⵏ ⵢⵉⵖⴻⵔⵎⴰⵏⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵍⵀⵓ ⴷ ⵓⵙⵙⵉⴼⵙⴻⵙ ⵏ ⵜⵙⴻⴽⴽⵔⵉⵏ ⵜⵉⴷⴻⴱⵍⴰⵏⵉⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ ⵏ ⵓⵙⵉⵏⴰⵙ (ⵜⵜⵍⴰⵜⴰ), ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⵢⴻⵙⵙⴻⴳⵣⴰ-ⴷ ⵓⵖⴱⴰⵍⵓ-ⴰ ⴷⴰⴽⴽⴻⵏ, Mⴰⵙⵙ ⵚⴰⵉⵀⵉ, ⵢⴻⵙⵙⴻⵍⵡⵉ ⴰⵙⵙ ⵏ ⵓⵙⴰⵎⴰⵙ (ⵍⵃⴻⴷⴷ) ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵎⴰⵀⵉⵍ ⴷⴻⴳ ⵜⴻⵙⵖⵉⵎⵜ ⵏ ⵓⵖⵍⵉⴼ, ⴷ ⵜⵉⵏ ⵉ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⴽⵜⴰⵣⴻⵍ ⴷ ⵓⴹⴼⴰⵔ ⵏ ⵓⵙⴻⵍⴽⴻⵎ ⵏ ⵢⴻⵔⵎⵓⴷⴻⵏ ⵉⵅⴰⵜⴰⵔⴻⵏ ⵏ ⵓⴳⵣⵓⵎ-ⴰ, ⴷ ⵡⴻⵙⵡⵉⵔ ⵏ ⵡⴰⴷⴷⴰⴷ ⵏ ⵜⵉⴷⴷⵉⵜ ⵏ ⵡⴰⵀⵉⵍⴻⵏ ⵢⴻⵜⵜⵡⴰⵖⴷⴻⵏ ⵉ ⵓⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉⵏⴰⴳⴷⵓⴷⴻⵏ, ⵍⴰⴷⵖⴰ ⵡⵉⴷ ⵢⴻⵔⵣⴰⵏ « ⴰⵙⴻⵍⵀⵓ ⵏ ⵓⵎⵍⴰⵣⵎⴰⵔ ⴷ ⵓⵙⵉⴼⵙⴻⵙ ⵏ ⵜⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ ».
ⴷⴻⴼⴼⵉⵔ ⵎⴰ ⵢⴻⵙⵍⴰ ⵉ ⵢⵉⵏⴻⵙⴽⵉⵏⴻⵏ ⵖⴻⴼ ⵡⴰⴷⴷⴰⴷ ⵏ ⵜⵉⴷⴷⵉⵜ ⵏ ⵓⵙⴻⴹⵔⵓ ⵏ ⵡⴰⵀⵉⵍⴻⵏ ⴷ ⵢⵉⵙⴻⵏⴼⴰⵔⴻⵏ ⵏ ⵓⴳⵣⵓⵎ-ⴰ, ⴷ ⵡⴰⴽⴰⵜⴻⵏ ⵉ ⵢⴻⵜⵜⵡⴰⴷⴷⵎⴻⵏ ⵉ ⵍⵎⴻⵏⴷ ⵏ ⵓⵙⵎⵓⴽⴻⵏ ⵏ ⵢⵉⴽⴰⵔⴰⵎⴻⵏ ⵢⴻⵇⵇⵏⴻⵏ ⵖⴻⵔ ⵜⵓⵖⴷⴰⴹⵉⵏ ⵏ ⵓⵖⵍⵉⴼ ⴷ ⵜⵓⴷⴷⵙⵉⵡⵉⵏ ⵉ ⵢⴻⵇⵇⵏⴻⵏ ⵖⴻⵔ-ⵙ, ⵢⴻⵙⵙⵓⴼⴼⴻⵖ-ⴷ ⵓⵏⴻⵖⵍⴰⴼ ⵢⵉⵡⴻⵜ ⵉⵙⴻⵏⴷⴰⵀ ⵢⴻⵍⵍⴰⵏ ⵉⵙⵡⵉ ⵏ « ⵓⵡⴻⴽⴽⴻⴷ ⵖⴻⴼ ⵜⴹⵓⵍⵍⵉⵜ ⵏ ⵓⵙⴻⵖⴷⵉ ⵖⴻⵔ ⵢⵉⵖⴻⴱⵍⴰⵏ ⵏ ⵢⵉⵖⴻⵔⵎⴰⵏⴻⵏ ⴷ ⵓⵙⵎⵓⴽⴻⵏ-ⵏⵙⴻⵏ ⵙ ⵜⵖⴰⵡⵍⴰ ⵙ ⵎⴰⵜⵜⴰ ⴰⵔⴰ ⴰⴷ ⵉⴹⴻⵎⵏⴻⵏ ⵜⴰⵎⵍⵉⵍⵜ ⴷ ⵜⴰⵖⴰⵔⴰ ⵏ ⵢⵉⵡⴻⵥⵍⴰ ⵉ ⴷⵢⴻⵜⵜⵓⵏⴻⴽⴼⴻⵏ ».
ⵉⵙⴻⵏⴷⴰⵀ-ⴰ ⵇⵇⵏⴻⵏ ⴷⴰⵖⴻⵏ ⵖⴻⵔ « ⵓⵙⵏⴻⵔⵏⵉ ⵏ ⵡⵓⵙⵙⵉⵙⴻⵏ ⴷ ⵓⵙⵙⴻǧⵀⴻⴷ ⵏ ⵓⵎⴰⵀⵉⵍ ⴷⴻⴳ ⵡⴻⵏⵔⴰⵔ ⴰⴽⴽⴻⵏ ⵉⵍⵎⴻⵏⴷ ⵏ ⵓⵙⴻⴽⵎⴻⵎ ⵏ ⵢⵉⵙⵡⴰⵏ ⴷ-ⵢⴻⵜⵜⵡⴰⵙⵖⴻⵏⵡⴻⵏ, ⴷ ⵜⵉⵍⵉⵏ ⵏ ⵓⵎⴻⵥⵍⵓ ⴰⵏⴰⴳⴷⵓⴷ ⴰⵜⵔⴰⵔ ⴷ ⵓⵎⴻⵍⵍⵉⵍ ⴰⵔⴰ ⴰⴷ ⵢⴻǧǧⴻⵏ ⴰⵖⴻⵔⵎⴰⵏ ⴷⴻⴳ ⵓⵍ ⵏ ⵜⵓⵣⵡⵉⵔⵉⵏ-ⵏⵙⴻⵏ, ⴰⵛⴽⴰⴹ ⵏ ⵓⵏⵢⴰ ⵏ ⵓⵙⴻⵎⴹⴻⵏ ⴷⴻⴳ ⵡⴰⴽⴽ ⵉⵎⴻⵥⵍⴰ ⴷ-ⵢⴻⵜⵜⴰⴽⴻⴼ ⵓⴳⵣⵓⵎ ⴷⴻⴳ ⵡⴰⴽⴽ ⵜⵓⴷⴷⵙⵉⵡⵉⵏ-ⵏⵏⴻⵙ, ⵉⵎⵉ ⵢⴻⵍⵍⴰ ⵓⵙⴻⵎⴹⴻⵏ ⴷ ⴰⴼⵔⴰⵏ ⴰⵙⵏⵓⴷⴷⵙⴰⵏ ⵢⴻⵍⵀⴰⵏ ⵉ ⵜⴰⵎⵍⵉⵍⵜ ⴷ ⵓⵙⵉⴼⵙⴻⵙ ⵏ ⵜⵙⴻⴽⴽⵉⵔⵉⵏ ⵜⵉⴷⴻⴱⵍⴰⵏⵉⵏ, ⵙ ⵎⴰⵜⵜⴰ ⴰⵔⴰ ⵢⴻⵊⴻⵏ ⴰⵖⴻⵔⵎⴰⵏ ⴰⴷ ⵢⴰⵡⵡⴻⴹ ⵖⴻⵔ ⵢⵉⵣⴻⵔⴼⴰⵏ-ⵏⵏⴻⵙ ⵡⴰⵔ ⴰⵄⵜⴰⴱ ⵡⴰⵔ ⴰⵎⴰⵜⵜⵉ ».
ⴰⵔⵏⵓ ⵖⴻⵔ
