ⵜⴻⵣⵎⴻⵔ ⵜⵏⴰⴹⵉⵏ ⵏ ⵓⴳⵔⵓⵎ ⵏ ⵍⴰⴷⵔا ⴰⵖⴻⵍⵏⴰⵡ ⴷⵉ ⵓⵎ ⵍⴱⴻⵡⴰⵇⵉ ⴰⴷ ⴼⵔⴰⵢⴻⵏⵜ ⵢⵉⵡⴻⵜ ⵏ ⵜⵖⴻⵔⴼⵜ ⵜⴰⵎⴻⴳⵍⴰⵢⵜ ⵏ ⵙⴰ (07) ⵏ ⵢⴻⵎⴷⴰⵏⴻⵏ, ⵟⵟⴼⴻⵏ ⴽⴽⵓⵣ (04) ⴷⴻⴳ-ⵙⴻⵏ, ⵢⴻⵔⵏⴰ ⵟⵟⴼⴻⵏ 117.000 ⵏ ⵜⴽⴰⴱⵙⵉⵏ ⵏ ⵢⵉⵙⴰⴼⴰⵔⴻⵏ ⵉⵏⴻⴼⵙⴰⵏⴻⵏ (ⵍⵎⵓⴻⵜⵜⵉⵔⴰⵜ ⵍⵄⴰⵇⵍⵉⵢⴰ), ⴰⴽⴽⴻⵏ ⵉ ⴷ-ⵢⴻⵍⵍⴰ ⴷⴻⴳ ⵓⵍⵖⵓ ⵏ ⵍⴰⴷⵔⴰⴽ ⴰⵖⴻⵍⵏⴰⵡ ⴰⵙⵙ-ⴰ ⵏ ⵍⵃⴻⴷ.
ⵢⴻⵙⵙⴻⴼⵔⴻⵔ-ⴷ ⵓⵍⵖⵓ-ⵏⵏⵉ ⴱⴻⵍⵍⵉ "ⴷⴻⴳ ⵓⴽⵎⴻⵍ ⵏ ⵢⵉⵎⴰⵀⵉⵍⴻⵏ ⵉ ⵜⴻⴳⴳⴰⵏⵜ ⵜⵏⴰⴹⵉⵏ ⵏ ⵍⴰⴷⵔⴰⴽ ⴰⵖⴻⵍⵏⴰⵡ ⴷⵉ ⵓⵎ ⵍⴱⴻⵡⴰⵇⵉ ⵉⵡⴰⴽⴽⴻⵏ ⴰⴷ ⴽⴽⵙⴻⵏⵜ ⴰⵙⴼⴰⵔ ⵏ ⵍⵎⵓⵅⴰⴷⵉⵔⴰⵜ, ⵢⴻⵔⵏⴰ ⵙ ⵢⵉⵙⴰⵍⴻⵏ ⵉ ⴷ-ⵢⴻⴼⴽⴰ ⵓⴳⵔⵓⵎ ⵏ ⵄⵉⵏ ⵎⵍⵉⵍⴰ ⵖⴻⴼ ⵢⵉⵡⴻⵜ ⵏ ⵜⵖⴻⵔⴼⵜ ⵉ ⵢⴻⵜⵜⴰⵡⵉⵏ ⵉⵙⴰⴼⴰⵔⴻⵏ-ⴰ ⵙⴳ ⵜⵎⴻⵏⵏⴰⴹⵉⵏ ⵏ ⵡⴻⵏⵥⵓⵍ (ⵙⵙⵓⴷ), ⴳⴰⵏ-ⴷ ⵢⵉⵡⴻⵏ ⵓⵎⵓⵎⵓ ⵏ ⵓⵎⴰⵀⵉⵍ ⵉⵡⴰⴽⴽⴻⵏ ⴰⴷ ⵃⴻⴱⵙⴻⵏ ⵜⵉⵍⵉⵍⵉ ⵏ ⵜⵖⴻⵔⴼⵜ-ⴰ".
ⵢⴻⵔⵏⴰ-ⴷ ⵓⵍⵖⵓ ⴱⴻⵍⵍⵉ "ⵙⴷⴻⴼⴼⵉⵔ ⵓⵄⴰⵙ ⴷ ⵓⵃⴰⴷⴻⵔ ⵏ ⵜⵎⵏⴰⴹⵜ, ⵃⴱⴻⵙⵏ ⵢⵉⵡⴻⵜ ⵏ ⵜⴽⴰⵎⵢⵓⵏⵜ ⵢⴻⵊⵊⵓⵔⵏ ⴰⵍⵉⵎ. ⵙⴷⴻⴼⴼⵉⵔ ⵓⵙⴻⵇⴷⴻⵛ ⵏ ⵓⴼⵔⴰⵙ ⵢⴻⵊⵀⴻⴷⵏ, ⵓⴼⴰⵏ-ⴷ ⴰⵟⴰⵙ ⵏ ⵢⵉⵙⴰⴼⴰⵔⴻⵏ ⵉⵏⴻⴼⵙⴰⵏⴻⵏ ⴷⴻⴳ ⵢⵉⵛⴽⴰⵔⴻⵏ ⵏ ⵓⴱⵍⴰⵙⵜⵉⴽ ⵢⴻⴼⴼⵔⴻⵏ ⴷⴰⵅⴻⵍ ⵏ ⵓⵍⵉⵎ ⵉⵡⴰⴽⴽⴻⵏ ⴰⴷ ⵅⴻⴷⵄⴻⵏ ⵢⵉⵖⴰⵍⵍⴻⵏ ⵏ ⵍⴰⵎⴰⵏ. ⵟⵟⴼⴻⵏ ⵓⵎⴻⵙⵙⵓⴷⴻⵔ (ⵛⵛⵉⴼⵓⵔ) ⵢⴻⵔⵏⴰ ⵟⵟⴼⴻⵏ ⵜⴰⴽⴰⵎⵢⵓⵏⵜ-ⵏⵏⵉ".
"ⴷⴻⴳ ⵓⴽⵎⴻⵍ ⵏ ⵓⴼⵔⴰⵙ ⵖⴻⴼ ⵜⵎⴻⵙⵍⴰⵢⵜ-ⴰ ⴷ ⵓⵙⴻⵅⴷⴻⵎ ⵏ ⵡⵉⵏ ⵟⵟⴼⴻⵏ, ⵙ ⵜⵜⴻⵡⵉⵍⴰⵜ ⵜⵉⵎⴰⵢⵏⵓⵜⵉⵏ ⵏ ⵓⴼⵔⴰⵙ, ⵙⵙⵉⴼⵔⴻⵏ-ⴷ ⴰⵟⴰⵙ ⵏ ⵜⵎⵏⴰⴹⵉⵏ ⵏⵏⵉⴹⴻⵏ ⵉ ⵙⴻⵅⴷⴻⵎⴻⵏ ⵡⵉⴷ ⵏ ⵜⵖⴻⵔⴼⵜ-ⴰ ⵉⵡⴰⴽⴽⴻⵏ ⴰⴷ ⴼⴼⵔⴻⵏ, ⵢⴻⵔⵏⴰ ⴼⵔⴰⵢⵏ-ⴷ ⵡⵉⴷ ⵢⴻⵜⵜⴻⴽⴽⵉⵏ ⴷⴻⴳ-ⵙ ⵉⵡⴰⴽⴽⴻⵏ ⴰⴷ ⵜⴻⵏ-ⵟⵟⴼⴻⵏ ⴰⴽⴽ".
ⵢⴻⵏⵏⴰ-ⴷ ⵓⵍⵖⵓ-ⵏⵏⵉ ⴷⴰⵢⴻⵏ ⴱⴻⵍⵍⵉ "ⵙⴷⴻⴼⴼⵉⵔ ⵓⴽⵎⴻⵍ ⵏ ⵍⴻⵛⵖⴰⵍ ⵏ ⵜⵣⵔⴻⴼⵜ ⴰⴽⴽⴻⴷ ⵡⵓⴽⵉⵍ ⵏ ⵜⴳⴷⵓⴷⴰ, ⵔⵏⴰⵏ ⴽⴻⵛⵎⴻⵏ ⵖⴻⵔ ⵍⵡⵉⵍⴰⵢⴰⵜ ⵏⵏⵉⴹⴻⵏ ⵏ ⵜⵎⵓⵔⵜ. ⵃⴻⵊⵎⴻⵏ (ⴷⴰⵡⵎⴻⵏ) ⵖⴻⴼ ⵜⵎⵏⴰⴹⵉⵏ-ⵏⵏⵉ, ⵟⵟⴼⴻⵏ ⴽⵔⴰⴹ (03) ⵏ ⵢⴻⵎⴷⴰⵏⴻⵏ ⵢⴻⵔⵏⴰ ⵟⵟⴼⴻⵏ ⵢⵉⵡⴻⵜ ⵏ ⵜⵎⵓⵜⵓⵜ ⴷ ⵙⵏⴰⵜ ⵏ ⵜⴽⴰⵔⵔⵓⵙⵉⵏ ⵉ ⵙⴻⵅⴷⴻⵎⴻⵏ".
ⴰⵎⴰⵀⵉⵍ-ⴰ ⵢⴻⴵⴵⴰ-ⴷ "ⴰⴼⵔⴰⵢ ⵏ ⵜⵖⴻⵔⴼⵜ ⵜⴰⵎⴻⴳⵍⴰⵢⵜ ⵏ ⵙⴰ (07) ⵏ ⵢⴻⵎⴷⴰⵏⴻⵏ, ⴽⴽⵓⵣ (04) ⵟⵟⴼⴻⵏ-ⵜⴻⵏ ⵢⴻⵔⵏⴰ ⴽⵔⴰⴹ (03) ⵔⴻⵡⵍⴻⵏ. ⵟⵟⴼⴻⵏ 117.000 ⵏ ⵜⴽⴰⴱⵙⵓⵍⵉⵏ ⵏ ⴱⵔⵉⴳⴰⴱⴰⵍⵉⵏ (300 ⵎⵍⴳ), ⵜⴰⴽⴰⵎⵢⵓⵏⵜ, ⵙⵏⴰⵜ ⵏ ⵜⴽⴰⵔⵔⵓⵙⵉⵏ, ⵜⴰⵎⵓⵜⵓⵜ, ⴽⵔⴰ ⵏ ⵍ ⴷ ⵡⵓⵟⵟⵓⵏⴻⵏ ⵏ ⵜⵉⵍⵉⴼⵓⵏ".
"ⵙⴷⴻⴼⴼⵉⵔ ⵓⴽⵎⴻⵍ ⵏ ⵢⴰⵍ ⴰⵎⴰⵀⵉⵍ ⵏ ⵜⵣⵔⴻⴼⵜ, ⴰⴷ ⵡⵉⵏ ⵡⵉⴷ ⵟⵟⴼⴻⵏ ⵖⴻⵔ ⵜⵏⴰⴹⵉⵏ ⵏ ⵜⵣⵔⴻⴼⵜ ⵢⴻⵄⵏⴰ ⵡⵓⵎⵓⵔ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ.
ⴰⵔⵏⵓ ⵖⴻⵔ
