ⵍⴱⴰⵏⴽⴰ ⵜⴰⵣⵣⴰⵢⵔⵉⵜ ⴷⴻⴳ ⵙⵉⵏⵉⴳⴰⵍ ⵜⴻⴱⵖⴰ ⴰⴷ ⵜⴻⵙⵙⴻⵡⵙⴰⵄ ⴰⵎⴰⵀⵉⵍ-ⵉⵙ ⴷⴻⴳ ⵏⵏⵉⴶⴻⵔ ⴷ ⴽⴰⵡⵜ ⴷⵉⵠⵡⴰⵔ

ⵜⴻⵙⵙⵓⵎⴻⵔ ⵍⴱⴰⵏⴽⴰ ⵜⴰⵣⵣⴰⵢⵔⵉⵜ ⴷⴻⴳ ⵙⵉⵏⵉⴳⴰⵍ (ABS), ⵉ ⵉⵅⴻⴷⴷⵎⴻⵏ ⴷⴻⴳ ⵜⵎⵓⵔⵜ-ⴰⴳⵉ ⵙⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ 2023, ⴰⴷ ⵜⴻⵍⴷⵉ ⵢⵉⵡⴻⵏ ⵏ ⵓⴼⵓⵔⴽ ⴷⴻⴳ ⵜⴰⵎⴰⵏⴰⵖⵜ ⵏ ⵏⵏⵉⴶⴻⵔ, ⵏⵢⴰⵎⴻⵢ. ⴰⵢⴰⴳⵉ ⵉ ⴷ-ⵢⴻⵏⵏⴰ ⵡⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⵎⴹⴻⴱⴱⴻⵔ ⴰⵎⴰⵜⵓ ⵏ ⵍⴱⴰⵏⴽⴰ, ⵎⴰⵙⵙ ⴰⴱⴷⴻⵍⵀⴰⴼⵉⴹ ⵀⴰⵏⴷ. ⵢⴻⵔⵏⴰ-ⴷ ⴱⴻⵍⵍⵉ ⴰⴷ ⴷ-ⵢⵉⵍⵉ ⵓⴼⵓⵔⴽ ⵏⵏⵉⴹⴻⵏ ⴷⴻⴳ ⴽⴰⵡⵜ ⴷⵉⵠⵡⴰⵔ (Côte d'Ivoire) ⵉⵡⴰⴽⴽⴻⵏ ⴰⴷ ⵢⴻⵔⵡⵓ ⵓⵣⴻⵟⵟⴰ ⵏ ⵍⴱⴰⵏⴽⴰ ⵜⴰⴳⴷⵓⴷⴰⵏⵜ.

ⴰⵎⴹⴻⴱⴱⴻⵔ-ⴰⴳⵉ ⵉⵙⵙⴻⴼⵀⴻⵎ-ⴷ, ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⴷⴻⴳ ⵔⵔⵉⴼ ⵏ ⵡⴰⵙⵙ ⵡⵉⵙ ⵙⵉⵏ ⵓ ⴷ ⴰⵏⴻⴳⴳⴰⵔⵓ ⵏ ⵜⵙⴻⵎⵎⵓⵏⵜ ⵜⵉⵙ 12 ⵏ ⵡⴻⴳⵔⴰⵡ ⵏ ⵓⵙⵙⴻⵜⵎⴻⵔ ⴷ ⵜⵏⴻⵣⵣⵓⵜ ⵉ ⴷ-ⵢⴻⵙⵙⵓⴷⴷⴻⵙ ⵡⴰⵎⵎⴰⵙ ⴰⵄⵔⴰⴱ-ⴰⴼⵔⵉⴽⴰⵏ ⵏ ⵓⵙⵙⴻⵜⵎⴻⵔ ⴷ ⵓⵙⵏⴻⴼⵍⵉ, ⴱⴻⵍⵍⵉ "ⵙⴻⵔⵙⴻⵏ ⵓⵇⴱⴻⵍ 10 ⵏ ⵡⵓⵙⵙⴰⵏ ⴰⵙⵓⵜⵜⴻⵔ ⵏ ⵜⵣⴰⴽⴰⵏⵜ (ⴰⴳⵔéⵎⴻⵏⵜ) ⵏ ⵓⴼⵓⵔⴽ ⴰⵎⴰⵢⵏⵓⵜ ⵏ ⵍⴱⴰⵏⴽⴰ ⴷⴻⴳ ⵏⵏⵉⴶⴻⵔ ⵣⴷⴰⵜ ⵏ ⵜⵎⵓⵙⵏⵉⵡⵉⵏ ⵏ ⵜⴻⴷⵔⵉⵎⵜ. ⵉⵜⵜⵡⴰⵕⴶⴰ ⴰⴷ ⴷ-ⵢⴻⵍⴷⵉ ⵜⵉⵡⵡⵓⵔⴰ-ⵙ ⴷⴻⴳ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ-ⴰⴳⵉ ⵏⴻⵖ ⴷⴻⴳ ⵜⴰⵣⵡⴰⵔⴰ ⵏ 2027. ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵜⵎⵓⵖⵍⵉ ⵜⴰⵣⵣⴰⵢⵔⵉⵜ ⵉ ⵓⵙⴻⴶⵀⴻⴷ ⵏ ⵜⵉⵍⵉⵜ ⵏ ⵍⴱⴰⵏⴽⴰⵜ ⴷⴻⴳ ⵜⴻⴼⵔⵉⵇⵜ ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⴷ ⴰⵙⴼⵓⵍⴻⵍ ⵉ ⵜⵎⵓⵙⵏⵉⵡⵉⵏ ⵜⴰⵣⵣⴰⵢⵔⵉⵜⵉⵏ ⴷ ⵢⵉⵎⵉⴳⴰⵡⴻⵏ ⴷⴻⴳ ⵜⵎⴻⵏⵏⴰⵟ".

ⴷⴻⴳ ⵓⵏⵏⴰⵔ-ⴰⴳⵉ, ⵎⴰⵙⵙ ⵀⴰⵏⴷ ⵉⵙⵙⴻⴽⵏⴻⴷ ⴱⴻⵍⵍⵉ ⴰⴼⵓⵔⴽ-ⴰⴳⵉ ⵏ ⵏⵏⵉⴶⴻⵔ ⴰⴷ ⵢⵉⵍⵉ ⴷ "ⴰⵙⵏⴻⵔⵏⵉ ⵓⴼⵔⵉⵏ ⴷ ⵓⵙⵓⵔⵉⴼ ⵉⵕⴻⵙⵙⴰⵏ" ⵉ ⵍⴱⴰⵏⴽⴰ "ABS" ⴷⴻⴳ ⵜⴻⴼⵔⵉⵇⵜ. ⴰⵢⴰⴳⵉ ⵙ ⵜⵎⵓⵖⵍⵉ ⵖⴻⵔ ⵜⵣⴻⵎⵎⴰⵔ ⵜⵉⴷⴰⵎⵙⴰⵏⵉⵏ ⵏ ⵜⵎⵓⵔⵜ-ⴰⴳⵉ, ⴷ ⵢⵉⵎⵜⴰⵡⴰⵏ ⵉ ⵜⵜⵓⵙⵜⴻⵏⵢⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⵓⵙⵙⴰⵏ-ⴰⴳⵉ, ⴰⵎ ⵡⵉⴷ ⵏ "ⵙⵓⵏⴻⵍⴳⴰⵣ", "ⵙⵓⵏⴰⵜⵔⴰⵛⵀ" ⴷ "ⵉⵜⴻⵚⵚⴰⵍⴰⵜ ⵍⴻⵣⵣⴰⵢⴻⵔ".

ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵉⵍⵉⵜ ⵏ ⵍⴱⴰⵏⴽⴰⵜ ⵜⴰⵣⵣⴰⵢⵔⵉⵜⵉⵏ ⴷⴻⴳ ⴱⴻⵕⵕⴰ ⴰⴷ ⵉⵄⴰⵡⴻⵏ ⴷⴻⴳ ⵓⵙⴼⵓⵍⴻⵍ ⵏ ⵜⵉⴷⴷⵢ ⵏ ⵡⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ. ⴰⵍⴷⴰⵢ ⵏ ⵢⵉⴼⵓⵔⴽⴰⵏ ⴷⴻⴳ ⵏⵏⵉⴶⴻⵔ ⴷ ⴽⴰⵡⵜ ⴷⵉⵠⵡⴰⵔ ⴰⴷ ⵢⴻⵔⵔ ⵍⴱⴰⵏⴽⴰ ⵏ ⵙⵉⵏⵉⴳⴰⵍ ⴷ "ⴰⵎⵎⴰⵙ ⵏ ⵍⴱⴰⵏⴽⴰⵜ ⵏ ⵜⴻⵎⵏⴰⵟ" ⴷⴻⴳ ⵓⵎⴰⵍⵓ ⵏ ⵜⴻⴼⵔⵉⵇⵜ, ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⴷⵓⴽⵍⵉ ⵏ ⵜⴻⵎⵏⴰⵟ ⴷ ⵡⴰⵙⵙⴰⵖⴻⵏ ⵏ ⵜⴻⴷⵔⵉⵎⵜ ⴳⴰⵔ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵏ ⵜⴻⴼⵔⵉⵇⵜ.

ⵍⴱⴰⵏⴽⴰ ⵜⴰⵣⵣⴰⵢⵔⵉⵜ ⴷⴻⴳ ⵙⵉⵏⵉⴳⴰⵍ ⵜⴻⵜⵜⵡⴰⵙⴱⴻⴷⴷ ⵙ ⵍⵍⵙⴰⵙ ⵏ ⵜⴻⴷⵔⵉⵎⵜ (capital) ⵏ 100 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⴷⵓⵍⴰⵕⴻⵏ, ⵙ ⵜⴷⵓⴽⵍⵉ ⴳⴰⵔ ⵍⴱⴰⵏⴽⴰ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ (BNA - 40%), ⵍⴻⵛⵕⴰⴽ ⴰⵎⴻⵙⵙⴰⵏⴻⵏ ⴰⵣⵣⴰⵢⵔⵉ (CPA - 20%), ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ ⵏ ⴱⴻⵕⵕⴰ (BEA - 20%) ⴷ ⵍⴱⴰⵏⴽⴰ ⵏ ⵜⴼⴻⵔⴽⵉ ⴷ ⵓⵙⵏⴻⴼⵍⵉ ⵏ ⵜⴰⴷⴷⴰⵔⵜ (BADR - 20%).

ⵙⴻⴳ ⵜⴰⵎⴰ-ⵙ, ⵎⴰⵙⵙ ⴰⴱⵓⵓⴱⴰⵛⴰⵔ ⴷⵉⴰⵍⵍⵓ, ⴰⵎⴹⴻⴱⴱⴻⵔ ⵏ ⵍⴱⴰⵏⴽⴰ ⵏ ⵜⴷⵓⴽⵍⵉ ⵜⴰⵣⵣⴰⵢⵔⵉⵜ ⴷⴻⴳ ⵎⵓⵔⵉⵟⴰⵏⵢⴰ (AUB), ⵉⵙⵙⴻⴽⵏⴻⴷ ⵜⵉⴷⴷⵢ ⵉ ⵉⵜⴻⴷⴷⵓⵏ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ, ⵍⴰⴷⵖⴰ ⵙⴻⵍⴷ ⵓⵍⴷⴰⵢ ⵏ ⴽⵔⴰⴷⴻⵜ ⵏ ⵜⵙⵏⵓⵔⴻⴼⵉⵏ ⵏ ⵍⴱⴰⵏⴽⴰ-ⴰⴳⵉ ⴷⴻⴳ ⵎⵓⵔⵉⵟⴰⵏⵢⴰ. ⵉⵙⵙⴻⴽⵏⴻⴷ ⴱⴻⵍⵍⵉ ⵍⵇⴻⴷⴷ ⵏ ⵢⵉⵎⵓⴱⴱⴰⴷⴷⴻⵍⴻⵏ ⵏ ⵜⵏⴻⵣⵣⵓⵜ ⵢⴰⵡⴻⴹ ⴰⵣⴰⵍ ⵏ 500 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵓⵙⴻⴳⴳⴰⵙ ⵢⴻⵣⵔⵉⵏ.

ⴷⴻⴳ ⵢⵉⵎⴰⵀⵉⵍⴻⵏ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵡⴻⴳⵔⴰⵡ, ⵢⵉⵎⴰⵙⵍⴰⴷⴻⵏ ⵏ ⵜⴻⴼⵔⵉⵇⵜ ⴷ ⵢⵉⵎⵓⵣⵣⴰⴳⴻⵏ ⵙⴻⵃⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⴷⵓⴽⴽⴻⵍ ⵏ ⵍⵎⴻⴶⵀⵓⴷⴰⵜ ⴷ ⵓⵙⵙⴻⵜⵎⴻⵔ ⴷⴻⴳ ⵓⵎⴷⴰⵏ  ⵉ ⵓⵡⴻⵣⵣⵉ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ, ⵉⵡⴰⴽⴽ ⴰⴷ ⴷ-ⵢⵉⵍⵉ ⵓⵙⴻⵎⵔⴻⵙ ⵢⴻⵍⵀⴰⵏ ⵏ ⵢⵉⵙⴰⴼⴰⵔⴻⵏ. ⴷⴰⵖⴻⵏ ⵙⵙⵓⵜⵜⵔⴻⵏ ⴰⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⴻⵙⴰⵍⵜ ⵜⴰⵇⵎⵉⵜ (ⵒⵍⴰⵜⴻⴼⵓⵔⵎⴻ ⴷⵉⴳⵉⵜⴰⵍⴻ) ⵜⴰⵎⴻⵣⴷⴰⵢⵜ ⵉ ⵓⵏⵉⴳ ⵏ ⵢⵉⵙⴰⵍⴰⵏ ⴷ ⵜⵎⵓⵙⵏⵉⵡⵉⵏ, ⴷ ⵓⴼⵙⵉⵙ ⵏ ⵜⴻⵢⵡⴰⵍⵜ ⴳⴰⵔ ⵢⵉⴼⵔⵉⴽⴰⵏⴻⵏ.