ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵔⵎⴻⵙ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ, ⴼⴰⵔⵉⴷ ⴽⵧⵓⵔⵜⴻⵍ, ⴷⴻⴳ ⵜⴻⵙⵖⵉⵎⵜ ⵏ ⵓⵖⵍⵉⴼ, ⴰⵏⵎⴰⵀⴰⵍ ⵏ ⵜⴻⴳⴷⵓⴷⴰ ⵜⴰⴼⵉⴷⵉⵕⴰⵍⵉⵜ ⵏ ⴱⵔⴰⵣⵉⵍ ⴷⴻⴳ ⵍⴷⵣⴰⵢⴻⵔ, ⵎⴰⵔⵛⵧⵙ ⵠⵉⵏⵉⵛⵉⵓⵙ ⵒⵉⵏⵜⴰ ⴳⴰⵎⴰ. ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵓⴽⵔⴰⵙ (ⵍⴰⵕⴻⴱⵄⴰ), ⵙⵉⵏ-ⴰ ⵏ ⵜⵎⵓⵔⴰ ⵙⵙⴰⵡⵍⴻⵏ ⵖⴻⴼ ⵜⵎⵓⵖⵍⵉⵡⵉⵏ ⵏ ⵡⴻⵙⵏⴻⵔⵏⵉ ⵏ ⵡⴻⵎⵄⴰⵡⴻⵏ ⴰⵎⴳⵓⵔⴰⵏ ⴷ ⵜⴷⴰⵎⵙⴰⵏⵜ ⴳⴰⵔ ⵜⵎⵓⵔⴰ-ⵏⵙⴻⵏ. ⵜⴰⵖⴱⴰⵍⵓⵜ-ⴰ ⵢⴻⵔⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⵜⴻⴼⴽⴰ ⵜⴰⴳⵏⵉⵜ ⵉ ⵓⵏⴰⴷⵉ ⵖⴻⴼ ⵢⵉⴱⴻⵔⴷⴰⵏ ⵏ ⵓⵙⴻⴽⵛⴻⵎ ⵏ ⵜⵙⴻⵇⵇⴰⵎⵓⵜⵉⵏ ⵜⵓⵛⵔⵉⴽⵉⵏ ⴷ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⵉⴷⵣⴰⵢⵔⵉⴰⴱⵔⵉⵣⵉⵍⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⵊⵀⴻⴷ ⵜⴰⵖⵡⴰⵍⵜ ⴷ ⵜⵉⵛⵛⵓⵔⴽⴰ ⴳⴰⵔ ⵜⵙⵓⴷⴰ ⵜⵉⴷⴰⵎⵙⴰⵏⵉⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ. ⵍⴻⵎⵛⴰⵡⵕⴰⵜ-ⴰ ⵔⵣⴰⵏ-ⴷ ⴷⴰⵖ ⵜⵉⵍⴻⵎⵎⵉⵥⵉⵏ ⵏ ⵓⵙⵙⴻⴼⵜⵉ ⴰⵎⴰⵢⵏⵓ ⴷ ⵓⵙⵙⴻⴱⴷⴻⴷ ⵏ ⵢⵉⵙⴻⵏⴼⴰⵔⴻⵏ ⵉⵎⴳⵓⵔⴰⵏⴻⵏ ⵓⵛⵔⵉⴽⴻⵏ ⴰⵔⴰ ⵢⴻⵙⵏⴻⵔⵏⵉⵏ ⵓⴳⴰⵔ ⴰⵎⵄⴰⵡⴻⵏ ⴰⴷⴰⵎⵙⴰⵏ ⴳⴰⵔ ⵍⴷⵣⴰⵢⴻⵔ ⴷ ⴱⵔⵉⵣⵉⵍ.

