ⵎⵎⵓⵜⴻⵏ 3 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵜⵜⵡⴰⵊⵔⴻⵃⴻⵏ 4 ⵏⵏⵉⴹⴻⵏ, ⵉⴹⴻⵍⵍⵉ ⵏ ⵙⵙⴻⴱⵜ, ⴷⴻⴳ ⵔⵔⵜⵢⴻⵍ ⵏ ⵜⵇⴻⵔⵄⴻⵜ ⵏ ⵍⴳⴰⵣ (ⴱⵓⵜⴰⵏⴻ) ⴷⵉ ⵜⵔⴻⴳⵡⴰ ⵏ ⴱⵓⵖⵣⵓⵍ, ⵜⴰⵎⵏⴰⴹⵜ ⵏ ⵜⵇⴻⵙⵕⵜ ⵏ ⵍⴱⵓⵅⴰⵔⵉ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵜⵃⵓⴷⴷⵉⵜ ⵜⴰⴱⴰⵖⵔⵉⵜ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴻⵅⴱⴰⵔ-ⴰⴳⵉ, ⵉⵙⴰⵔⵡⴰⵢⴻⵏ ⵏ ⵜⵃⵓⴷⴷⵉⵜ ⵜⴰⴱⴰⵖⵔⵉⵜ ⴽⴼⴻⵏⵜ-ⴷ ⵉⴹⴻⵍⵍⵉ ⵖⴻⴼ ⵜⵎⴻⵏⵢⴰ ⵏ ⵢⵉⴹ ⴷ 22 ⵏ ⴷⵇⵉⵇⴰ (20:22) ⵉⵍⵎⴻⵏⴷ ⵏ ⵏⵏⴻⵇⵍⴰ ⵏ ⵍⴳⴰⵣ ⵏ ⵜⵇⴻⵔⵄⴻⵜ ⵉ ⴷ-ⵢⴻⴹⴼⴻⵔ ⵔⵔⵜⵢⴻⵍ, ⴷⴰⵅⴻⵍ ⵏ ⵢⵉⵡⴻⵜ ⵏ ⵜⵏⴻⵣⴷⵓⵖⵜ ⵏ ⵍⵇⴰⵄ, ⴷⴻⴳ ⵓⵎⴽⴰⵏ ⵉ ⴷ-ⵢⴻⵣⴳⴰⵏ ⴷⵉ ⴱⴻⵍⵖⵡⴰⵟⵉ, ⵜⴰⵖⵉⵡⴰⵏⵜ ⵏ ⴱⵓⵖⵣⵓⵍ, ⴷⴰⵢⵔⴰ ⵏ ⵛⵛⴰⵀⴱⵓⵏⵢⴰ.
ⴰⵏⴻⵣⴳⵓ-ⴰⴳⵉ ⵢⴻⵊⵊⴰ 3 ⵏ ⵜⵙⴻⴷⵏⴰⵏ (ⵜⵉⵍⴰⵡⵉⵏ) ⵎⵎⵓⵜⴻⵏⵜ, ⵍⴻⵄⵎⴻⵔ-ⵏⵙⴻⵏⵜ ⴳⴰⵔ 6, 50 ⴷ 90 ⵏ ⵢⵉⵙⴻⴳⴳⴰⵙⴻⵏ. ⵡⵡⵉⵏ-ⵜⴻⵏⵜ ⵖⴻⵔ ⵎⵎⴰⵙ ⵏ ⵜⵜⴻⵕⴱⵉⵄ ⵏ ⵍⵎⴻⴳⵜⵉⵏ ⴷⴻⴳ ⵙⴱⵉⵜⴰⵔ ⵏ ⵍⵊⴻⵀⵜ-ⵏⵏⵉ.
ⴰⵎ ⵡⴰⴽⴽⴻⵏ ⵉ ⵜⵜⵡⴰⵊⵔⴻⵃⴻⵏ 4 ⵏ ⵢⵉⵎⴷⴰⵏⴻⵏ ⵏⵏⵉⴹⴻⵏ ⵙ ⵔⵔⴳⴰⵢ ⵢⴻⵎⵅⴰⵍⴰⴼⴻⵏ, ⵍⴻⵄⵎⴻⵔ-ⵏⵙⴻⵏ ⴳⴰⵔ 30 ⵏ ⵡⴰⴳⴳⵓⵔⴻⵏ ⴷ 57 ⵏ ⵢⵉⵙⴻⴳⴳⴰⵙⴻⵏ, ⵡⵡⵉⵏ-ⵜⴻⵏ ⴽⵔⴰ ⵏ ⵢⵉⵎⴷⴰⵏⴻⵏ ⵖⴻⵔ ⵙⴱⵉⵜⴰⵔ.
ⴰⵔⵏⵓ ⵖⴻⵔ
