ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵏ ⵓⵡⴰⵏⴰⴽ ⵏ ⴱⵓⵙⵏⵢⴰ ⴷ ⵀⵉⵔⵣⵉⴳ, ⵎⴰⵙⵙ ⴻⵍⵎⴻⴷⵉⵏ ⴽⵓⵏⴰⴽⵓⵠⵉⵞ, ⵉ ⴷ-ⵢⵓⵙⴰⵏ ⴷⴻⴳ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴰⵍⵍⵉⵜ-ⴰⴳⵉ, "ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵅⴷⴻⵎ ⵜⵉⵎⵍⵉⵍⵉⵜ ⵏ ⵙⵉⵏ ⴷ ⵓⵏⵉⵍⵖⴰⴼ-ⵉⵙ ⵏ ⴱⵓⵙⵏⵢⴰ, ⵙⴻⵍⴷ ⴰⵏⵏⴻⵛⵜ-ⴰ ⵜⴻⵍⵍⴰ-ⴷ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵢⴻⴷⴷⵓⴽⴽⵍⴻⵏ ⵙ ⵓⵜⴻⴽⴽⵉ ⵏ ⵙⵏⴰⵜ ⵏ ⵜⴻⴳⵔⵓⵎⵎⴰⵡⵉⵏ ⵏ ⵜⵎⵓⵔⴰ-ⴰⴳⵉ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⵉⵎⴻⵙⵍⴰⵢⴻⵏ ⴳⴰⵔ ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⴶⴶⴰⵏ-ⵜⴻⵏ "ⴰⴷ ⵡⴰⵍⵉⵏ ⴰⴷⴷⴰⴷ ⵏ ⵡⴰⵙⵙⴰⵖⴻⵏ ⵏ ⵙⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⵓⵙⵏⵢⴰ ⴷ ⵀⵉⵔⵣⵉⴳ, ⵓ ⴰⴷ ⵏⴰⴷⵉⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴹⴻⵏ ⵉ ⵜⵣⴻⵎⵎⴰⵔ ⵏ ⵓⵙⵉⴷⵔⴻⵡ ⵉ ⵙⵄⴰⵏⵜ ⵙⵏⴰⵜ ⵏ ⵜⵎⵓⵔⴰ, ⴰⵎⴰ ⴷⴻⴳ ⵢⵉⵏⵏⴰⵔⴻⵏ ⵏ ⵜⴷⴰⵎⵙⴰ ⴰⵎ ⵜⵎⴻⵔⵔⵉ, ⵉⵖⴰⵍⴰⴷⴻⵏ, ⵜⴰⵎⴳⵓⵔⵉ, ⵜⴰⵙⴰⴼⴰⵔⴰⵏⵜ ⴷ ⵜⴼⴻⵔⴽⵉ, ⵏⴻⵖ ⴷⴻⴳ ⵢⵉⵏⵏⴰⵔⴻⵏ ⵏ ⵜⴰⵍⵙⴰ ⴰⵎ ⵓⵙⴻⵍⵎⴻⴷ ⵓⵏⵉⴳ, ⵜⴻⵎⵎⴻⵔⵔⵉⵜ ⴷ ⵓⵙⴰⵍⴰⵏ".
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⵙⵏⴰⵜ ⵏ ⵜⴰⵎⵉⵡⵉⵏ ⵎⵜⴰⵡⴰⵏⵜ ⵉⵡⴰⴽⴽⴻⵏ "ⴰⴷ ⴷ-ⵢⵉⵍⵉ ⵓⵙⴻⴶⵀⴻⴷ ⵏ ⵓⵣⴻⵏⵣⵉⵖ ⵏ ⵜⵎⵓⵙⵏⵉⵡⵉⵏ ⵉ ⵡⴰⵙⵙⴰⵖⴻⵏ ⵏ ⵙⵉⵏ ⵙ ⵓⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⴻⵙⵇⴰⵎⵓⵜ ⵜⴰⵏⴰⴱⴰⴹⵜ ⵜⴰⵎⴻⵣⴷⴰⵢⵜ ⴷ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ ⵉⵎⴻⵣⴷⴰⵢⴻⵏ".
ⴷⴻⴳ ⵓⵏⵏⴰⵔ ⵏ ⵜⴻⵎⵙⴰⵍ ⵏ ⵡⴰⵟⴰⵙ ⵏ ⵜⴰⵎⵉⵡⵉⵏ, "ⵙⵉⵏⴻ ⵢⵉⵏⴻⵖⵍⴰⴼⴻⵏ ⵇⴻⵔⴷⵛⴻⵏ ⵜⴻⵎⵙⴰⵍ ⵜⵉⴳⵔⴻⵖⵍⴰⵏⵉⵏ ⴷ ⵜⵉⴷ ⵏ ⵜⵎⴻⵏⵏⴰⵟ ⵉⵕⴻⵙⵙⴰⵏ, ⴷⴻⴳ ⵓⵇⴻⵔⵔⵓ-ⵏⵙⴻⵏ ⴰⵙⴰⵍⵉ ⵏ ⵓⵎⴻⵏⵏⵓⵖ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ ⴷ ⵢⵉⴱⴻⴷⴷⵉⵍⴻⵏ ⵏ ⵜⵔⴰⴹ ⴷⴻⴳ ⵓⴽⵔⴰⵏⵢⴰ, ⵎⴻⴱⵍⴰ ⵎⴰ ⵜⴻⵜⵜⵓⴹ ⴰⵢⴻⵏ ⵉ ⴷ-ⵉⵜⵜⴻⴷⴷⵓⵏ ⴷⴻⴳ ⵢⵉⵎⵓⴽⴰⵏ ⵏ ⵓⵏⴻⴽⵛⵓⵎ ⵏ ⵙⵏⴰⵜ ⵏ ⵜⵎⵓⵔⴰ, ⴷⴻⴳ ⴱⴻⵍⴽⴰⵏ ⴷ ⵜⴻⵎⵏⴰⵟ ⵏ ⵙⴰⵀⴻⵍ ⴷ ⵓⵏⴻⵥⵔⵓⴼ".
ⴷⴻⴳ ⵜⴰⴳⴳⴰⵔⴰ ⵏ ⵢⵉⵎⴻⵙⵍⴰⵢⴻⵏ, ⵙⵜⴻⵏⵢⴰⵏ ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵖⴻⴼ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵙⵉⵏ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴰⴷⵉⵒⵍⵓⵎⴰⵙⵉ.
ⴰⵔⵏⵓ ⵖⴻⵔ
