ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⴷ ⵢⵉⵖⴰⵍⴰⴷⴻⵏ, ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ, ⵉⵙⵇⴻⵔⴷⴻⵛ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴷ ⵓⵏⵉⵍⵖⴰⴼ ⴰⵙⴻⵔⴱⵉ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴰⴷⴰⵎⵙⴰⵏ ⴰⴳⵔⴻⵖⵍⴰⵏ ⵢⴻⵔⵏⴰ ⴷ ⴰⵎⵙⴻⵍⵡⴰⵢ ⵡⵉⵙ ⵙⵉⵏ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵏ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ, ⵎⴰⵙⵙ ⵏⴻⵏⴰⴷ ⵒⵓⵒⵓⵠⵉⵞ. ⵙⵉⵏ ⵏ ⵢⵉⴽⵓⴱⴰⵔ-ⴰⴳⵉ ⵇⴻⵔⴷⵛⴻⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵢⵉⵏⵏⴰⵔⴻⵏ ⵏ ⵢⵉⵎⴻⵔⵢⴰⵏ, ⵉⵖⴰⵍⴰⴷⴻⵏ ⴷ ⵓⵙⵙⴻⵜⵎⴻⵔ ⴰⵎⴳⵓⵔⵉⵢⴰⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵙ ⵜⵉⵍⵉⵜ ⵏ ⵜⵏⴻⵖⵍⴰⴼⵜ ⵏ ⵓⵡⴰⵏⴰⴽ ⵢⴻⵄⵏⴰⵏ ⵉⵖⴰⵍⴰⴷⴻⵏ, ⵎⴰⵙⵙⴰ ⴽⴰⵔⵉⵎⴰ ⴱⴻⴽⵉⵔ ⵜⴰⴼⴻⵔ, ⴷ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⴷⴻⴳ ⵓⵏⵏⴰⵔ ⵏ ⵜⵉⵔⵣⵉ ⵜⵓⵏⵚⵉⴱⵜ ⵉ ⵢⴻⵅⴷⴻⵎ ⵓⵎⴹⴻⴱⴱⴻⵔ ⴰⵙⴻⵔⴱⵉ ⵉ ⴷ-ⵢⵓⵙⴰⵏ ⴷ ⵜⴰⵔⴱⴰⵄⵜ ⵉ ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵙⴻⵔⴱⵉⵢⴰ, ⵎⴰⵙⵙ ⵎⴰⵜⵙⵓⵜ ⴶⵓⵔⵓ.
ⴷⴻⴳ ⵜⴰⵍⵍⵉⵜ ⵏ ⵢⵉⵎⴻⵙⵍⴰⵢⴻⵏ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⵇⴻⴷⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵏ ⵣⵉⴽ ⵉ ⵢⴻⵙⴷⵓⴽⴽⵍⴻⵏ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ, ⴱⴻⴳⴳⵏⴻⵏ-ⴷ ⵍⴻⴱⵖⵉ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵓⵙⵡⵉⵔ ⵉⴼⴰⵣⴻⵏ ⵏ ⵡⴰⵙⵙⴰⵖⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⵙ ⵜⵉⴷⴷⵉ ⵏ ⵜⵉⵔⵣⵉⵡⵉⵏ ⵉ ⴷ-ⵢⴻⵍⵍⴰⵏ ⴳⴰⵔ-ⴰⵙⴻⵏⵜ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵜⵣⴻⵎⵎⴰⵔ ⵏ ⵓⵙⵏⴻⴼⵍⵉ ⵏ ⵜⴷⵓⴽⵍⵉ ⴷⴻⴳ ⵓⵏⵏⴰⵔ ⵏ ⵍⵒⴻⵜⵔⵓⵍ ⴷ ⵍⴳⴰⵣ ⴷ ⵜⴻⵎⴳⵓⵔⵉ ⵏ ⵓⴱⴻⴷⴷⴻⵍ (ⵜⵔⴰⵏⵙⴼⵓⵔⵎⴰⵜⵉⵓⵏ), ⴰⵎ ⴰⴽⴽⴻⵏ ⵉ ⴷ-ⵎⵎⴻⵙⵍⴰⵢⴻⵏ ⵖⴻⴼ ⵜⴰⵔⵇⵎⵉⵜ, ⵜⵀⴰⵏⴷⴻⵙⵜ ⴷ ⵜⴻⵎⴳⵓⵔⵉ ⵏ ⵡⴰⵍⵍⴰⵍⴻⵏ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⵏⴻⵣⵣⵓⵜ ⴳⴰⵔ ⵜⵎⵓⵙⵏⵉⵡⵉⵏ ⵏ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵜⵏⴻⵣⵣⵓⵜ ⵏ ⵍⴳⴰⵣ ⴰⴳⴰⵎⴰⵏ.
ⴷⴰⵖⴻⵏ, ⵡⴰⵍⴰⵏ ⵜⴰⵔⵔⴰⵢⵉⵏ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⴻⵎⵔⴻⵙ ⴷ ⵓⴱⴻⴷⴷⴻⵍ ⵏ ⵢⵉⵙⴰⴼⴰⵔⴻⵏ ⵏ ⵢⵉⵖⴰⵍⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ, ⴷ ⵜⴻⵣⵔⴰⵡⵉⵏ ⵜⵉⵊⵉⵢⵓⵍⵓⵊⵉⵢⵉⵏ, ⵙ ⵓⵟⵎⴰⵏ ⵏ ⵓⵏⴼⴰⵄ ⵙⴻⴳ ⵜⵎⵓⵖⵍⵉ ⵏ ⵙⴻⵔⴱⵉⵢⴰ ⴷⴻⴳ ⵢⵉⵏⵏⴰⵔⴻⵏ-ⴰⴳⵉ, ⵍⴰⴷⵖⴰ ⴷⴻⴳ ⵜⴻⵎⴳⵓⵔⵉ ⵏ ⵢⵉⴱⴻⵕⵕⴰⵏⴻⵏ (ⴻⵏⴳⵔⴰⵉⵙ), ⴷ ⵓⵎⵓⴱⴱⴰⴷⴷⴻⵍ ⵏ ⵜⵣⴻⵎⵎⴰⵔ ⴷ ⵓⵏⵉⴳ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ ⵏ ⵜⴻⵎⴳⵓⵔⵉ ⵏ ⵢⵉⵖⴰⵍⴰⴷⴻⵏ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⴼⴽⴻⵏ ⴰⴼⵓⴷ ⴰⵎⴰⵢⵏⵓⵜ ⵉ ⵜⴷⵓⴽⵍⵉ ⴳⴰⵔ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ ⴷⴻⴳ ⵢⵉⵏⵏⴰⵔⴻⵏ ⵏ ⵜⴷⴰⵎⵙⴰ ⵉⵕⴻⵙⵙⴰⵏ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ.
ⴰⵔⵏⵓ ⵖⴻⵔ
