ⵢⴻⵙⵙⴻⴽⵏ-ⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⵙⵉⴼⵉ ⵖⴰⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⵉ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵣⴰⵍ ⵏ ⵓⵙⴻⵊⵀⴻⴷ ⵏ ⵓⵎⵢⴰⵡⴰⴹ ⴰⴷⴰⵎⵙⴰⵏ ⴷ ⵜⵏⴻⵣⵣⵓⵜ ⴳⴰⵔ ⵍⴻⵣⵣاⵢⴻⵔ ⴷ ⵚⴻⵔⴱⵢⴰ, ⴷ ⵓⵙⴻⴽⴼⴻⵍ ⵏ ⵜⴻⵣⵎⴻⵔⵜ ⵏ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⴱⵏⵓⵏ ⴰⵎⵢⴰⵍⵍⴻⵍⴻⴷ ⵢⴻⵍⵀⴰⵏ ⵉ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵢⴰⵜ ⵜⵏⴼⴰⵍⵉⵜ ⴷⵉ ⵜⵉⵎⵉⵙⵉⵡⵍⵉⵏ ⵉ ⵢⴻⴳⴳⴰ ⴰⴽⴽⴻⴷ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵚⴻⵔⴱⵉ ⴷ ⵜⴻⴳⵔⵓⵎⵎⴰ-ⵉⵙ ⴷⵉ ⵍⵇⵚⴻⵔ ⵏ ⵜⵏⴻⴱⴱⴰⴹⵜ, ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⴻⵏⵏⴰ-ⴷ ⵡⴰⴽⴽⴻⵏ ⴰⵎⴹⴰⵏ ⵏ ⵜⵏⴻⵣⵣⵓⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ "ⵎⴰⵣⴰⵍ-ⵉⵜ ⴷ ⴰⵎⴻⵥⵢⴰⵏ ⵉⵍⵎⴻⵏⴷ ⵏ ⵜⴻⵣⵎⴻⵔⵜ ⵏ ⵙⵏⴰⵜ ⵏ ⵜⵎⵓⵔⴰ ⴷ ⵜⴻⴳⵏⵉⵜⵉⵏ ⵏ ⵓⵎⵢⴰⵍⵍⴻⵍⴻⴷ ⵉ ⵢⴻⵍⵍⴰⵏ".
ⵢⴻⵙⵙⴻⴽⵏ-ⴷ ⵡⴰⴽⴽⴻⵏ ⵢⴻⵙⵙⴻⴼⴽ ⴰⵙⴻⴽⴼⴻⵍ ⵏ ⵜⴻⵣⵎⴻⵔⵜ ⵏ ⵙⵏⴰⵜ ⵏ ⵜⵎⵓⵔⴰ ⵙ ⵓⴱⵔⵉⴷ ⵢⴻⵍⵀⴰⵏ, "ⵉⵡⴰⴽⴽⴻⵏ ⴰⴷ ⵏⴻⵙⵏⴻⵔⵏⵉ ⵜⴰⵏⴻⵣⵣⵓⵜ ⴷ ⵓⵎⵢⴰⵍⵍⴻⵍⴻⴷ, ⵍⴰⴷⵖⴰ ⵉⵍⵎⴻⵏⴷ ⵏ ⵢⵉⵙⴻⴳⴳⴻⵎⵏ ⵉⴷⴰⵎⵙⴰⵏⴻⵏ ⵉ ⴷ-ⵢⴻⴼⴽⴰ ⵓⵙⴻⵍⵡⴰⵢ ⵏ ⵜⴻⵇⴷⵓⴷⴰ ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵉ ⵢⴻⵙⵙⴻⵍⵀⴰⵏ ⵜⴻⴳⵏⵉⵜ ⵏ ⵓⵎⴰⵀⵉⵍ ⴷ ⵡⴰⵙⵙⴻⵎⵔⴻⴹ".
ⵢⴻⵙⵙⴻⴽⵜⴰⵢ-ⴷ ⴷⴰⵖⴻⵏ ⵡⴰⴽⴽⴻⵏ ⴰⵙⴰⴷⵓⴼ ⵏ ⵡⴰⵙⵙⴻⵎⵔⴻⴹ ⵏ ⵓⵙⴻⴳⴳⴰⵙ 2022 ⵢⴻⴼⴽⴰ-ⴷ ⴰⵟⴰⵙ ⵏ ⵜⴻⴳⵏⵉⵜⵉⵏ ⴷ ⵡⴻⵍⴷⴰⵢ ⵏ ⵜⵉⵡⵡⵓⵔⴰ ⵉ ⵢⵉⵎⵙⴻⵎⵔⴻⴹⴻⵏ, ⴰⴽⴽⴻⴷ ⵢⵉⴼⴻⵔⴷⵉⵙⴻⵏ ⵏ ⴷⴷⵓⵍⴰ ⵉⵎⴰⵢⵏⵓⵜⴻⵏ ⵉ ⵢⴻⵜⵜⴻⴹⴼⴰⵔⴻⵏ ⵉⵎⵙⴻⵎⵔⴻⴹⴻⵏ ⴷⴻⴳ ⵡⴰⴽⴽ ⵜⵉⵎⴰⴽⵉⵏ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ.
ⵎⴰⵙⵙ ⵙⵉⴼⵉ ⵖⴰⵔⵉⴱ ⵢⴻⵎⵎⴻⵙⵍⴰⵢ-ⴷ ⵖⴻⴼ ⵜⵇⴻⵔⵔⴰⵛⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵡⴰⵙⵙⴻⵎⵔⴻⴹ (AAPI) ⴷ ⵓⴷⵓⵔ-ⵉⵙ ⴷ ⵓⵛⵓⴱⴰⴽ ⴰⵢⵓⵏ ⵉ ⵢⵉⵙⴻⵏⴼⴰⵔⴻⵏ ⵉⴱⴻⵕⵕⴰⵏⵉⵢⴻⵏ ⵉ ⵢⴻⵙⵙⴻⵎⵖⴻⵔⴻⵏ ⴰⴽⵓⴷ ⴷ ⵢⵉⴷⵔⵉⵎⴻⵏ. ⵢⴻⵙⵙⵓⵜⴻⵔ ⵙⵖⵓⵔ ⵢⵉⵔⴳⴰⵣⴻⵏ ⵏ ⵓⴼⴰⵔⴻⵙ (businessmen) ⵉⴽⴻⵔⵡⴰⵜⵉⵢⴻⵏ ⴰⴷ ⵙⴻⴽⴼⴻⵍⵏ ⵜⴻⴳⵏⵉⵜ ⵢⴻⵍⵀⴰⵏ ⵏ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⴷⵔⵓⵏ ⴷⴻⴳ ⵓⵇⴻⵜⵜⵓⵏ
ⵢⴻⵎⵎⴻⵙⵍⴰⵢ-ⴷ ⴷⴰⵖⴻⵏ ⵖⴻⴼ ⵓⵎⴽⴰⵏ ⵏ ⵍⴻⵣⵣⴰⵢⴻⵔ ⴷ ⵢⵉⴼⴻⵔⴷⵉⵙⴻⵏ-ⵉⵙ ⵏ ⵓⴷⴷⵓⵙ ⴷ ⵓⴷⵔⴰⵡ-ⵉⵙ ⴷⵉ ⵡⴰⵟⴰⵙ ⵏ ⵢⵉⵎⵓⴽⴰⵏ ⵏ ⵜⵏⴻⵣⵣⵓⵜ ⵜⴰⵍⴻⵍⵍⵉⵜ (free trade zones), ⴰⵢⴻⵏ ⵉ ⵢⴻⵍⴷⴰⵢⴻⵏ ⵜⵉⵡⵡⵓⵔⴰ ⵖⴻⵔ ⵜⴻⴼⵔⵉⵇⵜ.
ⵖⴻⴼ ⵓⵔⵣⴰⴼ ⵏ ⵓⵎⴰⵀⵉⵍ ⵏ ⵎⴰⵙⵙ ⵊⵓⵔⵓ ⵎⴰⵜⵙⵓⵜ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵏⵏⴰ-ⴷ ⵡⴰⴽⴽⴻⵏ ⵡⴰⴳⵉ ⵢⴻⵙⵙⴻⴽⵏⴰⵢ-ⴷ ⵍⴻⴱⵖⵉ ⵏ ⵓⵙⴻⵎⵖⴻⵔ ⵏ ⵡⴰⵙⵙⴰⵖⴻⵏ ⴷ ⵓⵎⵛⴰⵡⴰⵕ ⵖⴻⴼ ⵜⵎⴰⵙⴰⵢⵉⵏ ⵉ ⴷ-ⵢⴻⵙⵙⴻⵇⵓⴷⴷⵓⵏ ⵙⵏⴰⵜ ⵏ ⵜⵎⵓⵔⴰ. ⵢⴻⵙⵙⴻⴽⵏ-ⴷ ⵜⴰⴼⵍⴻⵙⵜ ⴷ ⵡⴰⴷⴰⵔ ⴳⴰⵔ ⵍⴻⵣⵣⴰⵢⴻⵔ ⴷ ⵚⴻⵔⴱⵢⴰ ⵙⴻⴳ ⵡⴰⴽⵓⴷ ⵏ ⵓⵙⴻⴷⵍⴻⵍ ⵏ ⵢⵓⴳⵓⵙⵍⴰⴼⵢⴰ ⵉ ⵜⴳⵔⴰⵡⵍⴰ ⵏ ⵓⵙⵍⴻⵍⵍⵉ, ⵉⵎⵉ ⵜⴻⵍⵍⴰ ⴷ ⵜⴰⵎⵓⵔⵜ ⵜⴰⵎⴻⵣⵡⴰⵔⵓⵜ ⴷⵉ ⵜⵓⵔⵓⴼⵜ ⵉ ⵢⴻⵙⵜⴻⵎⵢⴰⵏ (recognized) ⵜⴰⵏⴻⴱⴱⴰⴹⵜ ⵜⴰⵣⵣⴰⵢⵔⵉⵜ ⵜⴰⵎⴰⴷⴷⴰⵙⵜ (GPRA).
ⴷⴻⴳ ⵜⴻⵎⵙⴰⵍ ⵜⵉⴳⵔⴰⵖⵍⴰⵏⵉⵏ, ⴰⵏⴻⵖⵍⴰⴼ ⴰⵎⴻⵣⵡاⵔⵓ ⵢⴻⵛⴽⵓⵏⵜ ⵜⴰⵎⵢⴰⵡⴰⴹⵜ ⴳⴰⵔ ⵍⴻⵣⵣⴰⵢⴻⵔ ⴷ ⵚⴻⵔⴱⵢⴰ ⵖⴻⴼ ⵡⴰⴷⴰⵔ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴷ ⵓⵙⴻⵊⵀⴻⴷ ⵏ ⵓⴼⵔⴰ ⴷ ⵜⴻⵏⴻⴼⵍⵉⵜ.
ⵎⴰⵙⵙ ⵊⵓⵔⵓ ⵎⴰⵜⵙⵓⵜ ⵢⴻⵏⵏⴰ-ⴷ ⵡⴰⴽⴽⴻⵏ ⵜⴰⵎⵓⵔⵜ-ⵉⵙ ⵜⴻⵒⵃⴻⵢⵢⴰ ⵉ ⵓⴽⵎⴻⵍ ⵏ ⵓⵎⵢⴰⵍⵍⴻⵍ ⴰⵎⵣⵔⵓⵢⴰⵏ ⴰⴽⴽⴻⴷ ⵍⴻⵣⵣⴰⵢⴻⵔ, ⴷ ⵓⵙⴻⵊⵀⴻⴷ ⵏ ⵡⴰⴷⵉⵡⴻⵏⵏⵉ ⴰⵙⴻⵔⵜⴰⵏ ⴷ ⵓⴷⴰⵎⵙⴰⵏ. ⵢⴻⵙⵙⴻⴷⴷⴻⴷ ⵖⴻⴼ ⵡⴰⵣⴰⵍ ⵏ ⵓⵙⵙⵉⴷⴷⴻⵔ ⵏ ⵜⴻⵙⵇⴰⵎⵓⵜ ⵜⴰⵎⵢⴰⴳⵜ ⵏ ⵓⵎⵢⴰⵍⵍⴻⵍ ⵉⵡⴰⴽⴽⴻⵏ ⴰⴷ ⵙⴻⴽⴼⴻⵍⵏ ⵉⴱⵔⵉⴷⴻⵏ ⵉⵎⴰⵢⵏⵓⵜⴻⵏ ⵏ ⵓⵎⵢⴰⵍⵍⴻⵍ, ⵍⴰⴷⵖⴰ ⴷⵉ ⵜⵏⴻⵣⵣⵓⵜ ⴷ ⵜⴷⴰⵎⵙⴰ.
ⴰⵔⵏⵓ ⵖⴻⵔ
