ⵍⴻⵣⵣⴰⵢⴻⵔ - ⵜⵛⴰⴷ: ⵓⵙⵜⴻⵏⵢⵉ ⵏ ⵙⵉⵏ ⵏ ⵢⵉⵎⵜⴰⵡⴰⵏ ⵏ ⵓⵣⴻⵏⵣⵉⵖ ⴷⴻⴳ ⵢⵉⵏⵏⴰⵔⴻⵏ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ

ⵙⵜⴰⵏⵢⴰⵏ ⵍⴻⵣⵣⴰⵢⴻⵔ ⴷ ⵜⵛⴰⴷ, ⴰⵙⵙ-ⴰ ⵏ ⵍⵀⴻⴷ, ⵙⵉⵏ ⵏ ⵢⵉⵎⵜⴰⵡⴰⵏ ⵏ ⵓⵣⴻⵏⵣⵉⵖ (accords-cadres) ⴷⴻⴳ ⵢⵉⵏⵏⴰⵔⴻⵏ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ. ⴰⵢⴰⴳⵉ ⴷ ⴰⵙⵓⵔⵉⴼ ⵉ ⴷ-ⵢⴻⵎⵎⴰⵍⴻⵏ ⵍⴻⴱⵖⵉ ⴰⵎⴻⵣⴷⴰⵢ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⴷ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⴳⴰⵔ-ⴰⵙⴻⵏⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ.

ⵓⵙⵜⴻⵏⵢⵉ-ⴰⴳⵉ ⵢⴻⵍⵍⴰ-ⴷ ⵙ ⵓⴼⵓⵙ ⵏ ⵜⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ, ⵎⴰⵙⵙⴰ ⵀⵓⵓⵔⵉⴰ ⵎⴰⴷⴷⴰⵃⵉ, ⴷ ⵓⵏⴻⵖⵍⴰⴼ ⵏ ⵓⵙⵏⴻⴼⵍⵉ ⵏ ⵜⴻⵎⵎⴻⵔⵔⵉⵜ, ⵉⴷⵍⴻⵙ ⴷ ⵜⴻⵎⴳⵓⵔⵉ ⵏ ⵓⴼⵓⵙ ⵏ ⵜⴻⴳⴷⵓⴷⴰ ⵏ ⵜⵛⴰⴷ, ⵎⴰⵙⵙ ⴰⴱⴰⴽⴰⵔ ⵔⵓⵣⵣⵉ ⵜⴻⴳⵓⵉⵍ.

ⵓⵇⴱⴻⵍ ⴰⵏⵏⴻⵛⵜ-ⴰ, ⵎⴰⵙⵙⴰ ⵎⴰⴷⴷⴰⵃⵉ ⵜⴻⵡⵡⵉ-ⴷ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⴰⵏⵉⴷⴰ ⵜⴻⵙⵙⴻⴽⵏⴻⴷ ⴱⴻⵍⵍⵉ ⴰⵙⵓⵔⵉⴼ-ⴰⴳⵉ "ⵢⴻⵎⵎⴰⵍ-ⴷ ⵍⴻⴱⵖⵉ ⴰⵎⴻⵣⴷⴰⵢ ⵏ ⵙⵏⴰⵜ ⵏ ⵜⵎⵓⵔⴰ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⵓ ⴰⴷ ⵢⴰⵡⴻⴹ ⵖⴻⵔ ⵓⵙⵡⵉⵔ ⵏ ⵜⴷⵓⴽⵍⵉ ⵜⴰⵙⵔⴰⵜⵉⴷⵊⵉⵜ, ⵙ ⵓⵇⴰⴷⴻⵔ ⵏ ⵜⵎⵓⵖⵍⵉ ⵜⴰⵙⴻⵔⵜⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⵍⴰⴷⵖⴰ ⵙⴻⵍⴷ ⵜⵉⵔⵣⵉ ⵜⵓⵏⵚⵉⴱⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵜⵛⴰⴷ ⵖⴻⵔ ⵍⴻⵣⵣⴰⵢⴻⵔ".

ⵜⴻⵙⵙⴻⵃⵔⴻⵙ, ⴷⴻⴳ ⵜⴰⵍⵍⵉⵜ-ⴰⴳⵉ, ⵖⴻⴼ ⵡⴰⵣⴰⵍ ⵏ ⵓⵙⴻⵎⵔⴻⵙ ⵏ ⵜⵣⴻⵎⵎⴰⵔ ⵏ ⵜⴻⵎⵎⴻⵔⵔⵉⵜ ⴷ ⵓⵙⴻⵎⵎⵓⵣⵣⴻⴳ ⴰⴷⴻⵍⵙⴰⵏ ⴷ ⵡⵉⵏ ⵏ ⵜⴰⵡⵏⵏⴰⴹⵜ ⵉ ⵙⵄⴰⵏⵜ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⴼⵍⵉ ⵏ ⵜⴻⵎⵎⴻⵔⵔⵉⵜ ⵉ ⵉⵜⴻⴷⴷⵓⵏ (durable). ⵜⴻⵙⵙⴻⴽⵜⵉ-ⴷ ⴷⴰⵖⴻⵏ ⴰⵣⴰⵍ ⵉⵕⴻⵙⵙⴰⵏ ⵏ ⵜⴻⵎⴳⵓⵔⵉ ⵏ ⵓⴼⵓⵙ ⵉⵎⵉ ⴷ ⵜⵉⵏ ⵉ "ⵢⴻⴷⵎⴻⵏ ⵜⴰⵎⴰⴳⵉⵜ ⵏ ⵜⴻⴼⵔⵉⵇⵜ ⵢⴻⵔⵏⴰ ⴷ ⵍⵍⵙⴰⵙ ⵉⵕⴻⵙⵙⴰⵏ ⵉ ⵓⵙⴻⴷⴷⴻⵔ ⵏ ⵜⴻⵎⵎⴻⵔⵔⵉⵜ". ⵜⴻⵙⵙⵉⵡⴻⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵢⵉⵎⴹⴻⴱⴱⵔⴻⵏ ⴷ ⵢⵉⵎⵓⵣⵣⴰⴳⴻⵏ (experts) ⵏ ⵙⵉⵏ ⵏ ⵢⵉⵏⵏⴰⵔⴻⵏ-ⴰⴳⵉ ⵓ ⴰⴷ ⴷ-ⵍⴹⵉⵏⵜ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⴻⵏ ⵏ ⵜⴷⵓⴽⵍⵉ, ⵍⴰⴷⵖⴰ ⴷⴻⴳ ⵓⵏⵏⴰⵔ ⵏ ⵓⵙⴻⵏⵎⴻⵔ (promotion) ⵏ ⵜⴻⵎⵎⴻⵔⵔⵉⵜ, ⴰⵙⵉⵍⴻⵖ ⴷ ⵓⵙⴰⵜⵉⴳ ⵏ ⵓⴳⴻⵔⵔⵓⵊ ⵏ ⵜⵎⵓⵀⴻⵍ ⵏ ⵓⴼⵓⵙ, ⵉⵡⴰⴽⴽⴻⵏ ⴰⴷ ⴷ-ⵏⴻⵔⵏⵉ ⵓⵙⵉⴷⵔⴻⵡ (intégration) ⴰⴼⵔⵉⴽⴰⵏ.

ⵙⴻⴳ ⵜⴰⵎⴰ-ⵙ, ⴰⵏⴻⵖⵍⴰف ⵏ ⵜⵛⴰⴷ ⵉⵙⵍⴻⵎ-ⴷ ⵙ ⵡⴰⵣⴰⵍ ⵏ ⵓⵙⴰⵢⴻⵙ ⴰⴳⵔⴻⵖⵍⴰⵏ ⵏ ⵜⴻⵎⵎⴻⵔⵔⵉⵜ ⴷ ⵢⵉⵏⵉⴳⴻⵏ (Salon International du Tourisme) ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰﻧⴰⵖⵜ ⵙⴻⴳ ⴰⵣⴻⴽⴽⴰ ⵏ ⵍⴻⵜⵏⵉⵢⴻⵏ, ⵉⵎⵉ ⴷ "ⴰⵎⵔⴰⵃ ⴰⵙⵔⴰⵜⵉⴷⵊⵉ ⵉ ⵓⵎⵓⴱⴱⴰⴷⴷⴻⵍ ⴷ ⵓⵎⵢⴻⵛⵛⴻⵔ". ⵉⵙⵍⴻⵎ-ⴷ ⴷⴰⵖⴻⵏ ⵙ "ⵓⵎⴰⵀⵉⵍ ⵏ ⵓⵇⴻⵔⵔⵓ" ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⵔⵏⵉ ⵏ ⵜⴻⵎⵎⴻⵔⵔⵉⵜ ⴷⴻⴳ ⵜⴻⴼⵔⵉⵇⵜ, ⵉⵙⵙⴻⴽⵏⴻⴷ ⴱⴻⵍⵍⵉ "ⵜⴰⵎⵓⵔⵜ-ⵉⵙ ⵜⴻⵡⵊⴻⴷ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴷ ⵍⴻⵣⵣⴰⵢⴻⵔ ⴷⴻⴳ ⵢⵉⵏⵏⴰⵔⴻⵏ ⵏ ⵜⴻⵎⵎⴻⵔⵔⵉⵜ, ⵉⴷⵍⴻⵙ ⴷ ⵜⴻⵎⴳⵓⵔⵉ ⵏ ⵓⴼⵓⵙ".

ⵉⵙⵡⵉ ⵏ ⵙⵉⵏ ⵏ ⵢⵉⵎⵜⴰⵡⴰⵏ-ⴰⴳⵉ ⴷ "ⵓⵙⴱⴻⴷⴷⵉ ⵏ ⵍⵍⵙⴰⵙⴻⵏ ⵏ ⵓⵎⵢⴻⵛⵛⴻⵔ ⵏ ⵡⴰⵏⵏⴰⵔ ⵉ ⵉⵜⴻⴷⴷⵓⵏ ⴰⵔⴰ ⵉⵖⵓⵎⵎⴻⵏ ⴰⵙⵏⴻⴼⵍⵉ ⵏ ⵓⴼⴰⵔⵉⵙ ⵏ ⵜⴻⵎⵎⴻⵔⵔⵉⵜ, ⴰⵙⴻⴶⵀⴻⴷ ⵏ ⵓⵙⵙⴻⵜⵎⴻⵔ, ⴰⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ ⴷ ⵓⵙⵉⵍⴻⵖ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⴰⵙⴰⵜⵉⴳ ⵏ ⵜⴻⵎⴳⵓⵔⵉⵡⵉⵏ ⵏ ⵓⴼⵓⵙ ⴰⵎ ⵍⵍⵙⴰⵙ ⵏ ⵜⵎⴰⴳⵉⵜ ⵜⴰⴷⴻⵍⵙⴰⵏⵜ ⴷ ⵓⴼⵓⵕ ⵉ ⵓⵙⵏⴻⴼⵍⵉ ⴰⴷⵉⴳⴰⵏ".

ⴰⵙⵓⵔⵉⴼ-ⴰⴳⵉ ⴷ "ⵍⵙⴰⵙ ⴰⵎⴰⵢⵏⵓⵜ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴰⴼⵔⵉⴽⴰⵏ-ⴰⴼⵔⵉⴽⴰⵏ, ⴷ ⴰⵙⵏⴻⵙ ⵏ ⵜⵉⴷⴻⵜ ⵏ ⵜⵎⵓⵖⵍⵉ ⵏ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⵙⴷⵓⴽⴽⵍⴻⵏ ⵍⵎⴻⴶⵀⵓⴷⴰⵜ ⵉ ⵏⴼⴰⵄ ⵏ ⵜⴷⴰⵎⵙⴰ ⴷ ⵓⵙⵉⴷⵔⴻⵡ ⵏ ⵜⵎⴻⵏⵏⴰⵟ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.