ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ ⵢⴻⵏⵏⴰⴷ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ, ⴰⵙⴻⵏⴼⴰⵔ ⵏ ⵓⴽⴰⵍⴰ ⵏ ⵢⵉⴽⴰⵢⴰⴷⴻⵏ ⵏ ⵜⵓⵊⵊⵢⴰ ⵉ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵙⵙⴻⴹⵔⵓ ⵏ ⵍⵃⴻⵇⵇ ⵏ ⵍⵃⴻⵊⵊ ⵉ ⵜⴰⵍⵍⵉⵜ ⵏ 1448 ⵀ/2027 ⵙⴷⴻⴼⴼⵉⵔ ⵜⴰⵍⴰⵍⵉⵜ ⵏ ⵍⵎⴰⵙⵉⵃ, ⴰⴷ ⵢⴻⴱⴷⵓ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ, ⵙ ⵓⵙⵙⴻⵎⵢⵓⴷⴷⴻⵙ ⴷ ⵓⵖⵍⵉⴼ ⵏ ⵜⴷⴰⵡⵙⴰ, ⵙ ⵜⵜⴰⵡⵉⵍ ⵏ ⵢⵉⵎⵓⴹⵉⵏⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴷⴰⵡⵙⴰ ⵢⴻⵜⵜⵡⴰⵙⵏⴻⴼⵍⴻⵏ.
ⴷⴻⴳ ⵓⴽⴰⵜⴰⵔⴰ, ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⴽⴰⵢⴰⴷ ⴰⵙⵏⴰⵊⵢⴰⵏ ⵣⴻⵎⵔⴻⵏ ⴰⴷ ⵙⴱⴻⴷⴷⴻⵏ ⵜⵉⵎⵍⵉⵍⵉⵜ ⵓⵇⴱⴻⵍ ⵍⴰⵡⴰⵏ ⵙ ⵜⴻⵡⵡⵓⵔⵜ ⵜⴰⵣⵣⴰⵢⵔⵉⵜ ⵉ ⵍⵃⵉⴵⴵ ⵙ ⵓⵍⴷⴰⵢ ⵏ ⵓⵎⵉⴹⴰⵏ ⴷⴻⴳ ⵜⴻⵡⵡⵓⵔⵜ ⵜⴰⵖⴻⵍⵏⴰⵡⵜ ⵏ ⵢⵉⵡⴻⵥⵍⴰ ⵉⵎⴰⴹⵍⴰⵏⴻⵏ ⵏ ⵓⵏⴰⴱⴰⴹ, ⵉⵎⵉ ⴷ ⵜⴰⵡⵡⵓⵔⵜ ⵜⴰⵖⴻⵍⵏⴰⵡⵜ ⴰⵢ ⵢⴻⵜⵜⵓⵏⴻⴼⴽⴻⵏ ⴰⵣⵔⴻⴼ ⴰⴷ ⵜⴻⵙⴼⴰⵢⴷⵉ ⵙⴻⴳ ⵢⵉⵎⴻⵥⵍⴰ ⵉⵎⴰⴹⵍⴰⵏⴻⵏ ⵙ ⵡⴻⴱⵔⵉⴷ ⵏ ⵓⵙⵎⴻⵍ https://dzds.dz
ⴰⴷ ⵜⴻⴱⴷⵓ ⵙⴻⴳ ⵓⵃⵔⵉⵛ ⵢⴻⵍⴷⵉⵏ ⵙ ⵓⴱⵔⵉⴷ ⵏ ⵜⴻⵡⵡⵓⵔⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⵥⵍⴰ ⵉⵎⴰⴹⵍⴰⵏⴻⵏ, ⵜⵣⴻⵎⵔⴻⴹ ⴰⴷ ⵜⴽⴻⵛⵎⴻⴹ ⵖⴻⵔ ⵜⴻⵡⵡⵓⵔⵜ ⵜⴰⵣⵣⴰⵢⵔⵉⵜ ⵉ ⵍⵃⵉⴵⴵ ⵙ ⵓⵙⴻⵖⵡⴻⵏ https://bawabetelhadj.dz
‘’ⴰⵖⵍⵉⴼ ⵏ ⵜⴷⴰⵡⵙⴰ ⴷ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵍⵃⴻⴵⴵ ⴷ ⵍⵄⵓⵎⵔⴰ ⵙⵎⴻⴽⵜⵉⵏⴷ ⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵙ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵜⴷⴰⵡⵙⴰ ⵢⴻⵜⵜⵡⴰⵇⴻⴱⵍⴻⵏ, ⴰⵃⵔⴰⵣ ⵏ ⵜⴷⴰⵡⵙⴰ ⴷ ⵜⵖⴻⵍⵍⵉⵙⵜⵏⵙⴻⵏ, ⴷ ⵓⴹⵎⴰⵏ ⵏ ⵓⵙⵙⴻⴹⵔⵓ ⵏ ⵜⵎⴻⵖⵔⵉⵡⵉⵏⵏⵙⴻⵏ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ⴰⴽⴽ’’, ⵉ ⴷⵢⴻⵏⵏⴰ ⵓⵍⵖⵓ.
ⴰⵔⵏⵓ ⵖⴻⵔ
