ⵢⴻⴽⴽⴻⴷ ⵓⵇⴻⵔⵔⵓ ⵏ ⵜⵔⴱⴰⵄⵜ ⵏ ⵢⵉⵎⵙⵏⴻⵊⵊⵉⵜⴻⵏ ⵏ ⵍⴷⵣⴰⵢⵔ ⵉ ⵍⵃⴰⵊⵊ, ⴰⵙⴻⴳⴳⴰⵙ (1447-2026), ⴰⵎⵙⵏⴻⵊⵊⵉ ⵎⴰⵃⵎⵓⴷ ⴷⴰⵃⵎⴰⵏ, ⵖⴻⴼ ⵡⴰⵣⴰⵍ ⵏ ⵓⵙⵍⵓⵖⵓ ⵏ ⵜⴷⴻⵡⵙⴰ ⵏ ⵢⵉⵎⵣⵡⴰⵔⴰ ⵢⴻⵔⵏⴰ ⴰⴷ ⵥⵔⴻⵏ ⴱⴻⵍⵍⵉ ⵓⵔ ⵙⵄⵉⵏ ⴰⵔⴰ ⴰⵟⵟⴰⵏⴻⵏ ⵢⴻⵡⵄⴻⵔⴻⵏ, ⵉⵍⵎⴻⵏⴷ ⵏ ⵢⵉⵍⵓⴳⴰⵏ ⵏ ⵜⴷⴻⵡⵙⴰ ⵉⵎⴰⵢⵏⵓⵜⴻⵏ ⵉ ⵜⴻⴳⴳⴰ ⵜⵎⴰⵡⴰⵙⵜ ⵏ ⵍⵃⴰⵊⵊ ⴷⴳ ⵜⴳⴻⵍⴷⴰ ⵏ ⵙⵙⵄⵓⴷⵉⵢⴰ.
ⴷⴳ ⵢⵉⵡⴻⵏ ⵓⵙⴼⴻⵔⴷ ⵉ ⵢⴻⴳⴳⴰ ⵡⴰⵎⵙⵉⵣⴻⴳ ⴰⵖⴻⵍⵏⴰⵡ ⵏ ⵍⵃⴰⵊⵊ ⴷ ⵜⵄⵓⵎⵔⵉⵜ, ⴷⴳ ⵢⵉⵅⵅⴰⵎ ⵏ ⵜⵓⵊⵊⵢⴰ "ⵙⵉⴷⵉ ⵎⵃⴰⵎⵎⴻⴷ ⴱⵓⵛⵏⴰⴼⴰ" ⴷⴳ ⵎⵓⵃⴰⵎⵎⴻⴷ ⴱⴻⵍⵓⵉⵣⴷⴰⴷ (ⵍⴷⵣⴰⵢⵔ ⵜⴰⵎⴰⵏⴰⵖⵜ), ⵢⴻⵖⵔⴰ ⵓⵇⴻⵔⵔⵓ ⵏ ⵜⵔⴱⴰⵄⵜ ⵉ ⵡⵉⴷ ⵢⴻⴱⵖⴰⵏ ⴰⴷ ⴰⵍⵉⵏ ⴰⵔ ⵍⵃⴰⵊⵊ ⴰⴷ ⴳⴻⵏ ⴰⵙⴼⴻⵔⴷ ⵏ ⵓⵎⵙⵏⴻⵊⵊⵉ ⵢⴻⵔⵏⴰ ⴰⴷ ⵙⵍⵓⵖⵓⵏ ⴰⵟⵟⴰⵏⴻⵏ ⵏ ⵜⴼⴻⴽⴽⴰ ⴷ ⵡⵉⵏ ⵏ ⵜⵏⴻⴼⵙⵉⵜ ⵉ ⵙⵄⴰⵏ, ⵙ ⵜⵉⴽ ⴰⵔ ⵜⵉⵙⵇⵓⵎⴰ ⵏ ⵜⵓⵊⵊⵢⴰ ⴷⴳ 58 ⵏ ⵜⵡⵉⵍⴰⵢⵉⵏ.
ⵢⴻⵎⵎⴻⵙⵍⴰⵢ-ⴷ ⴷⴰⵖⴻⵏ ⵖⴻⴼ ⵜⴳⵣⵣⴰⵢⵉⵏ (ⵜⵉⵛⵔⴰⴹ) ⵉ ⵢⴻⵙⵙⴻⴼⴽ ⴰⴷ ⵜⵜⵡⴰⴳⴻⵏⵜ, ⴰⵎ ⵜⵉⴳⵣⵣⴰⵢⵜ ⵎⴳⴰⵍ ⴰⵟⵟⴰⵏ ⵏ ⵓⵇⴻⵔⵔⵓ ⵉ ⵢⵓⵖⴰⵍⴻⵏ ⴷ ⵜⴰⵎⴰⵙⵉⵜ ⴰⵙⴻⴳⴳⴰⵙ-ⴰ, ⵢⴻⵅⵚⴰ ⴽⴰⵏ ⵡⵉⴷ ⵢⴻⴳⴳⴰⵏ ⵍⵄⵓⵎⵔⴰ ⴷⴳ ⵙⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ.
ⵢⴻⵔⵏⴰ-ⴷ ⵢⴻⵏⵏⴰ ⴱⴻⵍⵍⵉ ⵜⴰⴼⴻⴳⴳⴰ ⵏ ⵜⴳⵣⵣⴰⵢⵜ ⵎⴳⴰⵍ "ⴽⵓⴼⵉⴷ-19" ⵜⴻⵍⵍⴰ ⴷⴰⵖⴻⵏ ⴷⴳ ⵢⵉⵍⵓⴳⴰⵏ ⵏ ⵙⵙⵄⵓⴷⵉⵢⴰ ⵉ ⵍⵃⵓⵊⵊⴰⵊ ⵢⴻⵙⵄⴰⵏ ⵓⴳⴰⵔ ⵏ 65 ⵏ ⵢⵉⵙⴻⴳⴳⴰⵙⴻⵏ.
ⴰⵟⵟⴰⵏⴻⵏ ⵉ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵍⵓⵖⵓⵏ ⴷ: "ⵍⵄⴻⵢⵢⵓⴱ ⵏ ⵜⴳⵣⵣⴰⵍ , ⵍⵄⴻⵢⵢⵓⴱ ⵏ ⵡⵓⵍ, ⴰⵟⵟⴰⵏⴻⵏ ⵏ ⵜⵓⵔⵉⵏ ⵉ ⵢⴻⵃⵡⴰⵊⴻⵏ ⵍⵓⴽⵙⵉⵊⵉⵏ, ⴰⵟⵟⴰⵏⴻⵏ ⵏ ⵍⵄⴻⵚⴱⴰ ⴷ ⵡⵉⵏ ⵏ ⵜⵏⴻⴼⵙⵉⵜ ⵢⴻⵊⵀⴷⴻⵏ."
ⴷⴰⵖⴻⵏ ⵍⵍⴰⵏ ⵡⵉⴷ ⵢⴻⵡⵙⴻⵔⴻⵏ ⴰⵟⴰⵙ ⵢⴻⵔⵏⴰ ⵜⴻⵜⵜⵓⵏ , ⵜⴰⵔⴱⵉⵜ ⴷⴳ ⵜⵍⴰⵜⴰ ⵏ ⵢⵉⴳⵓⵔⴰⵏ ⵉⵏⴻⴳⴳⵓⵔⴰ, ⴰⵟⵟⴰⵏⴻⵏ ⵢⴻⵜⵜⵎⴰⵢⴰⵣⴻⵏ , ⴷ ⵡⴰⵟⵟⴰⵏ ⴰⵎⵛⵓⵎ ⵢⴻⵊⵀⴷⴻⵏ. ⵎⴰ ⵢⴻⵍⵍⴰ ⵢⵉⵡⴻⵏ ⵓⵔ ⵢⴻⵙⵍⵓⵖⵓ ⴰⵔⴰ ⵢⵉⵡⴻⵏ ⵙⴻⴳ ⵡⴰⵟⵟⴰⵏⴻⵏ-ⴰ, ⵢⴻⵣⵎⴻⵔ ⴰⴷ ⵢⴻⵜⵜⵡⴰⵃⵔⴻⵎ ⵙⵉ ⵍⵃⴰⵊⵊ.
ⴰⵔⵏⵓ ⵖⴻⵔ
