ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⵓⵜⵓⵔ ⵡⴰⵙⵉⵔⴰ ⴰⵖⴻⵍⵏⴰⵡ ⵏ ⵍⵃⴻⵊⵊ ⴷ ⵍⵄⵓⵎⵔⴰ, ⴰⵙⵙ-ⴰ ⵏ ⵍⵃⴻⴷ, ⵙⴻⴳ ⵢⵉⵎⴻⵣⴷⴰⵖ ⵉ ⵢⴻⵔⵣⴰ ⵍⵃⴻⵊⵊ ⵏ ⵓⵙⴻⴳⴳⴰⵙ-ⴰⴳⵉ, ⴰⴷ ⵣⵣⴻⵔⴱⴻⵏ ⴷⴻⴳ ⵓⴼⵔⴰⵢ ⵏ ⵡⴻⴷⵔⵉⵎ ⵏ ⵍⵃⴻⵊⵊ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵓⵄⵟⴻⵍ ⵉ ⵢⴻⵣⵎⴻⵔ ⴰⴷ ⵢⴻⴳ ⵛⵛⵡⴰⵍ ⵉ ⵍⴻⵇⴷⵉⵛ ⵏ ⵓⵃⴻⴳⴳⵉ ⴷ ⵓⵙⴻⴳⴳⴻⵎ ⵏ ⵢⵉⴹⵔⵉⵙⴻⵏ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵡⴰⵙⵉⵔⴰ, ⴰⴼⵔⴰⵢ ⵏ ⵡⴻⴷⵔⵉⵎ ⵏ ⵍⵃⴻⵊⵊ, ⵉ ⵢⴻⵜⵜⵓⵙⴻⴳⴳⵎⴻⵏ ⴷ ⵜⴰⵎⵔⴰⵡⵉⵏ ⴷ ⵙⵏⴰⵜ ⵏ ⵢⵉⵎⵍຍⵓⵏⴻⵏ ⵏ ⵙⴻⵏⵜⵉⵎ (82), ⵢⴻⴱⴷⴰ ⵢⴰⴽⴰ ⵙⴻⴳ ⵡⴰⵙⵙ ⵏ ⵍⴰⵔⴱⵄⴰ 28 ⵢⴻⵏⵏⴰⵢⴻⵔ 2026.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵢⴻⵍⴷⴰ ⵓⴱⵔⵉⴷ ⵉ ⵢⵉⵎⴷⴰⵏⴻⵏ ⴰⴷ ⴼⵔⴰⵢⴻⵏ ⵙ ⵡⴰⵟⴰⵙ ⵏ ⵢⵉⴱⵔⵉⴷⴻⵏ: ⵙ ⵡⴰⵍⴰⵜⴻⵏ ⵏ ⵓⵎⴹⴰⵏ (digital) ⵙ ⵜⴽⴰⵔⵟⴰ ⵏ ⵍⴱⴰⵏⴽ (CIB ⵏⴻⵖ ⵜⴰⴷⴻⵀⴰⴱⵉⵢⵜ) ⴷⴻⴳ ⵜⴱⵓⵔⵜ ⵜⴰⵣⵣⴰⵢⵜ ⵏ ⵍⵃⴻⵊⵊ, ⵏⴻⵖ ⴷⴻⴳ ⵡⴰⵍⴰⵜⴻⵏ ⵏ ⵓⴼⵔⴰⵢ ⵢⴻⵍⵍⴰⵏ ⴷⴻⴳ ⵜⴼⵓⵔⴽⵉⵏ ⵏ ⵍⴱⴰⵏⴽ ⵏ ⵍⵣⵣⴰⵢⴻⵔ. ⵢⴻⵣⵎⴻⵔ ⴷⴰⵖⴻⵏ ⵓⵎⴷⴰⵏ ⴰⴷ ⵢⴻⴼⵔⴰⵢ ⵙ ⵓⵚⴻⴽ ⵏ ⵍⴱⴰⵏⴽ ⵏⴻⵖ ⵙ ⵡⴻⴷⵔⵉⵎ ⵓⵏⵚⵉⴱ (cash) ⴷⴻⴳ ⵍⴱⴰⵏⴽ ⵉⵎⵉⵔⴻⵏ ⴽⴰⵏ.
ⴷⴻⴳ ⵜⴰⴳⴳⴰⵔⴰ, ⴰⵙⵉⵔⴰ ⵏ ⵍⵃⴻⵊⵊ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⴰⵙⵙ ⵏ 19 ⴼⵓⵔⴰⵔ 2026 ⴷ ⴰⵣⵎⴻⵣ ⴰⵏⴻⴳⴳⴰⵔⵓ . ⵢⴻⵍⵀⴰ ⴰⴷ ⵣⵣⴻⵔⴱⴻⵏ ⵢⵉⵎⴷⴰⵏⴻⵏ ⵉ ⵡⴰⴽⴽⴻⵏ ⴰⴷ ⴽⴼⵓⵏ ⴰⴼⵔⴰⵢ-ⴰⴳⵉ ⵢⴻⵔⵏⴰ ⴰⴷ ⴹⵎⴻⵏⵏ ⴰⵣⵎⴻⵣ-ⵏⵙⴻⵏ ⵉ ⵡⴰⴽⴽⴻⵏ ⴰⴷ ⵔⵣⵓⵏ ⵖⴻⵔ ⵜⵎⵓⵔⵜ ⵜⵓⵇⴷⵉⵙⵜ ⴱⵍⴰ ⵉⵖⵉⵍⵉⴼⴻⵏ.
ⴰⵔⵏⵓ ⵖⴻⵔ
