ⵏⵖⴰⵏ 4 ⵏ ⵢⴻⵎⴷⴰⵏⴻⵏ ⵓ ⵊⴻⵔⵔⵃⴻⵏ 134 ⵏⵏⵉⴹⴻⵏ ⴷⴻⴳ ⵜⵉⵙⵡⴰⵍ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴻⴳ 24 ⵏ ⵙⵙⵡⴰⵢⴻⵄ ⵉⵏⴻⴳⴳⵓⵔⴰ, ⴰⴽⴽⴻⵏ ⵉ ⴷ-ⵜⴻⵏⵏⴰ ⵍⵃⵉⵙⴰⴱⵉⵢⵉⵜ ⵏ ⵜⵎⴻⵀⵉⵍⵍⵉⵏ ⵏ ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ ⴰⵙⵙ-ⴰ ⵏ ⵍⵃⴻⴷ.
ⵉⵙⴰⵍⵉ-ⴰⴳⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵎⵓⵜ ⵉⵚⴻⵄⴱⴻⵏ ⵢⴻⵍⵍⴰ ⴷⴻⴳ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ, ⴰⵏⴷⴰ ⵏⵖⴰⵏ ⵙⵉⵏ (2) ⵏ ⵢⴻⵎⴷⴰⵏⴻⵏ ⵎⴱⴻⵄⴷ ⴰⵎⵢⴻⵊⵊⴻⵔ ⴳⴰⵔ ⵜⵎⴰⵛⵉⵏⵜ ⵏ ⵍⵀⴻⵎ (ⵛⴰⵎⵉⵓⵏ à ⵔⴻⵎⵓⵔⵇⵓⴻ) ⴷ ⵜⴽⴻⵔⵔⵓⵙⵜ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 18, ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⴻⵍ ⵄⴰⵍⵡⵉ, ⴷⴷⴰïⵔⴰ ⵏ ⵄⵉⵏ ⴱⴻⵙⵙⴰⵎ.
ⴷⴻⴳ ⵡⴰⵏⵏⴰⵔ ⵏⵏⵉⴹⴻⵏ, ⵜⵙⴻⵍⵍⴻⴽ ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ 29 ⵏ ⵢⴻⵎⴷⴰⵏⴻⵏ ⵉ ⴳⴻⵙⵙⴻⵏⴼⵙⴻⵏ ⵍⴳⴰⵣ ⵏ ⵓⴽⵙⵉⴷ ⵏ ⵍⴽⴰⵕⴱⵓⵏ (ⵛⵓ) ⵉ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵉⵙⵎⵉⵖⴻⵏ ⵏ ⵢⵉⴹⵓ ⴷ ⵉⵙⵎⵉⵖⴻⵏ ⵏ ⵡⴰⵎⴰⵏ ⴷⴻⴳ ⵙⵔⴰⴱⴰⵜ-ⵏⵙⴻⵏ, ⴷⴻⴳ ⵜⵡⵉⵍⴰⵢⵉⵏ ⵏ: ⵇⵙⴻⵏⵟⵉⵏⴰ, ⵍⴻⵎⴷⵉⵢⴰ, ⴱⵓⵔⵊ ⴱⵓⵄⵔⵉⵔⵉⵊ, ⵡⴻⵀⵔⴰⵏ, ⵍⴻⵣⵣⴰⵢⴻⵔ, ⵊⵉⵊⴻⵍ, ⴱⴰⵜⵏⴰ, ⵏⴰⵄⴰⵎⴰ ⴷ ⵍⴱⴻⵢⵢⴻⴹ.
ⵎⴰ ⴷ ⵜⵉⵎⴻⵙ (ⵍⵃⴰⵔⵉⵇ), ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ ⵜⴻⵙⵙⴻⵏ 4 ⵏ ⵜⵎⴻⵙ ⴷⴻⴳ ⵜⵎⴷⵉⵏⵉⵏ ⵏ ⵜⵎⴻⵏⵖⴰⵙⵜ, ⵙⵉⴷⵉ ⴱⴻⵍⵄⴻⴱⴱⴰⵙ, ⵍⴻⴱⵍⵉⴷⴰ ⴷ ⴱⴰⵜⵏⴰ. ⴷⴻⴳ ⵜⵎⴻⵏⵖⴰⵙⵜ, ⵢⴻⵎⵎⵓⵜ ⵢⵉⵡⴻⵏ (1) ⵓ ⵢⴻⵊⵔⴻⵃ ⵡⴰⵢⴻⴹ ⵙ ⵜⵎⴻⵙ ⴷⴻⴳ ⵓⵅⵅⴰⵎ, ⵓ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ ⵊⴻⵔⵔⵃⴻⵏ ⵙⵉⵏ (2) ⵏ ⵢⴻⵎⴷⴰⵏⴻⵏ ⴷⴻⴳ ⵓⵅⵅⴰⵎ ⴷⴻⴳ ⵜⵖⵉⵡⴰⵏⵜ ⵏ ⵜⵙⴰⵍⴰ.
ⵖⴻⴼ ⴷⴷⴻⵎⵎⴰ ⵏ ⵓⴱⴻⴷⴷⴻⵍ ⵏ ⵍⵃⴰⵍ (ⵜⵉⴳⵏⴻⵡⵜ) ⵉ ⴳⵃⵓⵣⴰⵏ ⴰⵟⴰⵙ ⵏ ⵜⵡⵉⵍⴰⵢⵉⵏ, ⵍⵃⵉⵎⴰⵢⴰ ⵍⵎⴰⴷⴰⵏⵉⵢⴰ ⵜⴻⵅⴷⴻⵎ 963 ⵏ ⵜⵉⴽⴽⴰⵍ ⵙⵙⴻⴱⴱⴰ ⵏ ⵓⵖⴻⵍⵍⵓⵢ ⵏ 580 ⵏ ⵜⵜⴻⵊⵔⴰ, 216 ⵏ ⵢⵉⵙⴰⵍⴰⵔⴻⵏ ⴷ ⵢⵉⵙⴻⴳⴳⵓⵔⴻⵏ ⵏ ⵜⵔⵉⵙⵉⵜ, ⴷ 139 ⵏ ⵢⵉⵖⵓⵔⴰⴱ ⵏⴻⵖ ⵙⵙⵇⵓⴼⴰⵜ ⵉ ⵉⵀⵓⴷⴷⴻⵏ. ⴷⴻⴳ ⵓⵃⵔⵉⵛ-ⴰⴳⵉ, ⵢⴻⵎⵎⵓⵜ ⵢⵉⵡⴻⵏ ⵓⵇⵛⵉⵛ (1) ⴷⴻⴳ ⵡⴻⵀⵔⴰⵏ ⵓ ⵊⴻⵔⵔⵃⴻⵏ 29 ⵏ ⵢⴻⵎⴷⴰⵏⴻⵏ ⵏⵏⵉⴹⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⴰⵎ ⵍⴻⵣⵣⴰⵢⴻⵔ, ⵊⵉⵊⴻⵍ, ⵛⵍⴻⴼ, ⵎⴻⵙⵜⵖⴰⵏⴻⵎ ⴷ ⵜⵉⵢⴰⴹ.
ⴰⵔⵏⵓ ⵖⴻⵔ
