ⵢⴻⵙⵙⴻⵡⵡⴻⴹ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⴷⵉⴳⴷⵓⴷⴰⵏ, ⴷⴳ ⵓⵙⴻⴳⴳⴰⵙ ⵏ 2025, ⴰⴷ ⵢⴻⴽⴽⴻⵙ 67 ⵏ ⵉⵜⴻⵔⵔⵓⵔⵉⵢⴻⵏ ⵢⴻⵔⵏⴰ ⵢⴻⵟⵟⴻⴼ 369 ⵏ ⵢⵉⵔⴳⴰⵣⴻⵏ ⵉ ⵢⴻⵜⵜⴰⴽⴻⵏ ⴰⵎⵍⴻⵍ ⵉ ⵜⵔⵓⴱⴱⴰ ⵏ ⵜⴽⵔⴻⵔⵍⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⴰⵙⴻⴳⴳⴰⵙ ⵏ ⵍⵄⴻⵙⴽⴻⵔ ⴰⵙⵙ ⵏ ⵡⴰⵢⵏⴰⵙ.
ⵢⴻⵏⵏⴰ-ⴷ ⵡⵓⵍⵖⵓ-ⴰⴳⵉ ⴱⴻⵍⵍⵉ ⵜⵉⴳⵉⵏⵉⵏ ⵏ ⵍⵄⴻⵙⴽⴻⵔ ⵉⵡⴰⴽⴽⵏ ⴰⴷ ⵃⴻⵔⵣⴻⵏ ⵜⴰⵍⵡⵉⵜ ⴷ ⵜⵎⵓⵏⵜ ⵏ ⵜⵎⵓⵔⵜ-ⵏⵏⴻⵖ, ⵡⵡⵉⵏⵜ-ⴷ ⵉⴳⴻⵎⵎⵓⴹⴻⵏ ⵢⴻⵍⵀⴰⵏ ⴷⴳ ⵓⵇⴰⴱⴻⵍ ⵏ ⵜⴽⵔⴻⵔⵍⴰ ⴷ ⵜⵓⴽⴽⴹⴰ ⵢⴻⵜⵜⵡⴰⵙⵙⵓⴷⴷⵙⴻⵏ. ⴰⵢⴰ ⵢⴻⵙⴽⴻⵏ-ⴷ ⵜⵓⴳⴷⴰ ⴷ ⵜⵎⵓⵙⵏⵉ ⵜⴰⵎⴻⵇⵇⵔⴰⵏⵜ ⵏ ⵢⵉⵄⴻⵙⴽⵡⴻⵏ-ⵏⵏⴻⵖ.
ⴷⴳ ⵓⵃⵛ ⵏ ⵓⵇⴰⴱⴻⵍ ⵏ ⵜⴽⵔⴻⵔⵍⴰ:
ⵜⵜⵡⴰⴽⴽⵙⴻⵏ (67) ⵏ ⵉⵜⴻⵔⵔⵓⵔⵉⵢⴻⵏ, ⵜⵜⵡⴰⵟⵟⴼⴻⵏ (369) ⵏ ⵉⵎⴰⵍⵍⴰⵍⴻⵏ, ⵢⴻⵔⵏⴰ ⵜⵜⵡⴰⵀⵓⴷⴷⴻⵏ (12) ⵏ ⵢⵉⵎⴽⴰⵏⴻⵏ ⵏ ⵜⵓⴼⵔⴰ ⵉ ⵙⴻⵇⴷⴻⵛⴻⵏⵜ ⵜⵔⵓⴱⴱⴰ-ⴰⴳⵉ. ⴷⴰⵖⴻⵏ ⵡⵡⵉⵏ-ⴷ (104) ⵏ ⵡⴰⵍⵍⴰⵍⴻⵏ ⵏ ⵙⵙⵍⴰⵃ ⴷ (13) ⵏ ⵜⵎⵉⵏⵉⵏ ⵏ ⵜⵛⴻⵇⴼⵉⵏ, ⴷ ⵓⵟⵟⵓⵏ ⴰⵎⴻⵇⵇⵔⴰⵏ ⵏ ⵜⵛⴻⵇⴼⵉⵏ ⵏⵏⵉⴹⴻⵏ.
ⴷⴳ ⵓⵇⴰⴱⴻⵍ ⵏ ⵜⵓⴽⴽⴹⴰ ⵢⴻⵜⵜⵡⴰⵙⵙⵓⴷⴷⵙⴻⵏ:
ⵍⵄⴻⵙⴽⴻⵔ ⵢⴻⵊⵀⴻⴷ ⵉⵡⴰⴽⴽⵏ ⴰⴷ ⵢⴻⵃⴱⴻⵙ ⴰⵙⴻⵏⵣⴰ ⵏ ⵢⵉⵙⴻⴽⵔⴰⵏⴻⵏ. ⵜⵜⵡⴰⵟⵟⴼⴻⵏ (2.354) ⵏ ⵢⵉⵎⵙⴻⵏⵣⴰ ⵏ ⵢⵉⵙⴻⴽⵔⴰⵏⴻⵏ, ⵢⴻⵔⵏⴰ ⵢⴻⵙⵙⴻⴼⵛⴻⵍ ⴰⵙⴻⴽⵛⴻⵎ ⵏ (35) ⵏ ⵢⵉⵇⴻⵏⵟⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵍⴽⵉⴼ ⵙⴻⴳ ⵢⵉⵍⵉⵔⴻⵏ ⵏ ⵍⵎⴰⵔⵓⴽ, ⴷ (934) ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵓⴽⴰⵢⵉⵏ ⴷ (40) ⵏ ⵢⵉⵎⴻⵍⵢⵓⵏⴻⵏ ⵏ ⵜⵉⵣⵏⵉⵏ ⵏ ⵙⵙⴽⴻⵔ .
ⵜⵉⴳⵉⵏⵉⵏ ⵏⵏⵉⴹⴻⵏ:
ⵜⵜⵡⴰⵟⵟⴼⴻⵏ (18.744) ⵏ ⵢⵉⵔⴳⴰⵣⴻⵏ ⵢⴻⵔⵏⴰ ⵡⵡⵉⵏ-ⴷ (498) ⵏ ⵙⵙⵍⴰⵃ, (1.747) ⵏ ⵜⴽⴰⵔⵔⵓⵙⵉⵏ, (7.633) ⵏ ⵡⴰⵍⵍⴰⵍⴻⵏ ⵏ ⵓⵀⵓⴷⴷⵓ, ⴷ (12.574) ⵏ ⵢⵉⵎⵙⵉⴷⴷⵉⵜⴻⵏ ⵏ ⵜⴽⵓ. ⴷⴰⵖⴻⵏ ⵜⵜⵡⴰⵟⵟⴼⴻⵏ ⵓⴳⴰⵔ ⵏ ⵙⵉⵏ ⵏ ⵢⵉⵎⴻⵍⵢⵓⵏⴻⵏ ⵏ ⵍⵉⵜⵔⴰⵜ ⵏ ⵍⵎⴰⵣⵓⵟ ⴷ ⵍⴱⴰⵏⵣⵉⵏ, ⴷ (1.298) ⵏ ⵢⵉⵇⴻⵏⵟⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵡⵓⵜⵛⵉ ⵉ ⵢⴻⵍⵍⴰⵏ ⵉ ⵜⴽⴻⵔⴽⴰⵙ.
ⵉⵏⵉⴳⴰⵏ ⵡⵉⵔⴰⴷ ⵍⵇⴰⵏⵓⵏ:
ⴷⴳ ⵜⴰⴳⴰⵔⴰ, ⵍⵄⴻⵙⴽⴻⵔ ⵢⴻⵟⵟⴻⴼ (24.071) ⵏ ⵢⵉⵏⵉⴳⴰⵏ ⵡⵉⵔⴰⴷ ⵍⵇⴰⵏⵓⵏ ⵙⴻⴳ ⵡⴰⵟⴰⵙ ⵏ ⵜⵎⵓⵔⴰ ⴷⴳ ⵢⴰⵍ ⴰⵎⴽⴰⵏ ⵏ ⵜⵎⵓⵔⵜ ⵏ ⵍⴷⵣⴰⵢⵔ.
ⴰⵔⵏⵓ ⵖⴻⵔ
