ⵜⴻⵖⵔⴰ-ⴷ ⵜⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵎⴻⵣⵣⴰⵏⴻⵏ ⴷ ⵢⵉⵃⴻⵔⴼⵉⵢⴻⵏ ⵉⵣⵣⴰⵢⵔⵉⵢⴻⵏ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ-ⵉⵏⴻⵙ, ⵉⵎⴻⵣⵣⴰⵏⴻⵏ, ⵉⵃⴻⵔⴼⵉⵢⴻⵏ ⴷ ⵢⵉⵎⵙⵓⴷⴷⴻⵏ ⵏ ⵜⵏⴻⴼⴼⵓⵜⵉⵏ ⴰⵎ ⵢⵉⵏⴻⵇⵇⴰⵍⴻⵏ ⴷ ⵢⵉⵎⵙⵓⴷⴰⵏ ⵏ ⵢⵉⵜⴰⴽⵙⵉⵢⴻⵏ ⵖⴻⴼ ⵜⴻⵖⵣⵉ ⵏ ⵍⵡⵉⵍⴰⵢⴰⵜ ⵢⴻⵎⵅⴰⵍⵍⴰⴼⴻⵏ ⵏ ⵜⵎⵓⵔⵜ, ⵖⴻⵔ ⵓⵇⴰⴷⴻⵔ ⵇⴻⵙⵙⵉⵃⴻⵏ ⵏ ⵓⵏⴰⴳⵔⴰⵡ ⵏ ⵓⴱⴻⴷⴷⵉ ⵢⴻⵜⵜⵡⴰⵙⴻⵔⵙⴻⵏ ⴷⴻⴳ ⵢⵉⵎⵓⵔⴰⵙ ⵏ ⵡⵓⵙⵙⴰⵏ ⵏ ⵍⵄⵉⴷ ⵏ ⵍⴼⴻⵟⵔ ⵉ ⵓⴹⵎⴰⵏ ⵏ ⵜⴽⴻⵎⵎⵉⵍⵜ ⵏ ⵡⵓⵔⵎⵓⴷ ⴰⵏⴻⵣⵣⴰⵏ ⴷ ⵡⴰⵢⴻⵏ ⵢⴻⵄⵏⴰⵏ ⵜⵉⵏⴻⴼⴼⵓⵜⵉⵏ.
ⵜⴻⵙⵙⴻⴷⵀⴰ-ⴷ ⵜⴷⵓⴽⵍⴰ, ⴷⴻⴳ ⵓⵙⴰⵜⴰⵍ-ⴰ, ⵖⴻⴼ ⵜⵎⴰⵔⴰ ⵏ ⵜⵓⵖⴰⵍⵉⵏ ⵖⴻⵔ ⵡⵓⵔⵎⵓⴷ ⵙⵔⵉⴷ ⴷⴻⴼⴼⵉⵔ ⵜⴰⴳⴰⵔⴰ ⵏ ⵢⵉⵎⵓⵔⴰⵙ ⵏ ⵍⵄⵉⴷ, ⵉ ⵓⵃⴰⴷⴻⵔ ⵖⴻⴼ ⵜⵉⴽⵍⵉ ⵜⴰⵎⴰⴳⵏⵓⵜ ⵏ ⵡⵎⵓⵙⵙⵓ ⴰⵏⴻⵣⵣⴰⵏ ⴷ ⵡⴰⵢⴻⵏ ⵢⴻⵄⵏⴰⵏ ⵜⵉⵏⴻⴼⴼⵓⵜⵉⵏ, ⴰⴽⴽⴻⴷ ⵓⵙⴻⴱⵄⴻⴷ ⵏ ⵢⴰⵍ ⴰⴳⵓⵍ ⴷⴻⴳ ⵓⵙⴻⵞⵞⴻⵡ ⵏ ⵙⵙⵓⵇ, ⵙ ⵡⴰⵢⴻⵏ ⵢⴻⵙⵙⴻⴵⵀⴰⴷⴻⵏ ⵕⵕⵓⵃ ⵏ ⵜⵎⴰⵙⵉⵜ ⵜⴰⵣⵣⵓⵍⴰⵏⵜ.
ⵜⴻⵙⵙⴻⴱⵖⴻⵙ ⴷⴰⵖⴻⵏ ⵜⴷⵓⴽⵍⴰ, ⵉ ⴷ-ⵢⴻⵔⵏⴰ ⵡⵓⵍⵖⵓ, ⵉⵎⴻⵣⵣⴰⵏⴻⵏ ⵓⵔ ⴷ-ⵢⴻⵄⵏⵉ ⴰⵔⴰ ⵓⵏⴰⴳⵔⴰⵡ ⵏ ⵓⴱⴻⴷⴷⵉ ⵉ ⵡⴰⴽⴽⴻⵏ ⴰⴷ ⴼⴽⴻⵏ ⴰⴼⵓⵙ ⵏ ⵍⴻⵎⵄⴰⵡⵏⴰ ⵢⴻⵔⵏⴰ ⴰⴷ ⵍⴷⵉⴻⵏ ⵜⵉⵃⵓⵏⴰ-ⵏⵙⴻⵏ, ⴷ ⵜⵜⴻⴽⴽⵉ ⵙⴻⴳ-ⵙⴻⵏ ⴷⴻⴳ ⵓⵙⴻⴵⵀⴻⴷ ⵏ ⵜⵏⴻⴼⴼⵓⵜ ⵜⴰⵣⴰⵢⴻⵣⵜ ⴷ ⵓⵙⵉⵙⵀⵉⵍ ⵖⴻⴼ ⵢⵉⵖⵉⵡⴰⵏⴻⵏ ⵉ ⵡⴰⴽⴽⴻⵏ ⴰⴷ ⴰⵡⵉⵏ ⴰⵢⴻⵏ ⵙⵔⴰⵏ ⴷ ⴰⴳⴻⵊⴷⴰⵏ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⵛⴻⴽⴽⴻⵔ ⵜⴷⵓⴽⵍⴰ "ⵕⵕⵓⵃ ⵏ ⵜⵖⵉⵡⴰⵏⵜ ⵏ ⵜⵉⴷⴻⵜ, ⴰⵃⵓⵍⴼⵓ ⴰⵖⵉⵡⴰⵏ ⴷ ⵡⴻⴼⵔⴰⵢ ⴰⵣⵣⵓⵍⴰⵏ ⴰⵎⴰⵙⵙⴰⵢ ⵉ ⴷ-ⵙⴱⴻⴳⵏⴻⵏ ⵢⵉⵎⴻⵣⵣⴰⵏⴻⵏ, ⵉⵃⴻⵔⴼⵉⵢⴻⵏ ⴷ ⵢⵉⵎⵙⴻⴹⵔⵓⵢⴻⵏ ⵉⴷⴰⵎⵙⴰⵏⴻⵏ ⵉⵃⴻⵇⵇⵉⵢⴻⵏ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ ⵢⴻⴱⴱⵓⵔⴽⴻⵏ", ⵜⴻⴼⴽⴰ ⴰⵣⴰⵍ ⵉ ⵓⵇⴰⴷⴻⵔ ⴷ ⵜⵏⴻⵖⵔⵉⵜ-ⵏⵙⴻⵏ ⴷⴻⴳ ⵓⵙⴻⵞⵞⴻⵡ ⵏ ⵢⵉⵙⵡⴰⵇⴻⵏ ⴰⴽⴽⴻⴷ ⵡⴰⵢⴻⵏ ⴷ-ⵙⴱⴻⴳⵏⴻⵏ ⴷ ⵉⵏⵓⵎⴰⴽ ⵏ ⵜⴻⴳⵎⴰⵜ, ⵍⴰⴷⵖⴰ ⵙ ⵍⴻⵇⴷⵉⵛⴰⵜ ⵏ ⵍⵅⵉⵕ.
ⵜⴻⵙⵎⴰⵢⵏⵓⵜ ⵜⵓⴷⴷⵙⴰ ⴰⵎⵜⴰⵡⵉ-ⵉⵏⴻⵙ ⵉ ⵜⴽⴻⵎⵎⵉⵍⵜ ⵏ ⵓⵅⴻⴷⴷⵉⵎ ⴷ ⵓⵙⴻⵎⵙⴰⵙⴰ ⴰⴽⴽⴻⴷ ⵢⵉⴷⵓⴱⴰⵜⴻⵏ ⵉⵣⴰⵢⴻⵣⴻⵏ ⴷ ⵢⵉⵎⴻⵏⴷⵉⵢⴻⵏ (partenaires) ⵎⴻⵕⵕⴰ, ⵙ ⵡⴰⵢⴻⵏ ⴰⵔⴰ ⵢⴻⵙⴵⵀⴷⴻⵏ ⵜⵓⵣⵣⵏⴰ ⵏ ⵙⵙⵓⵇ ⴰⵖⴻⵍⵏⴰⵡ ⵉ ⵍⵅⵉⵕ ⵏ ⵓⵖⵉⵡⴰⵏ ⴷ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰ ⵙ ⵜⵉⵎⵎⴰⴷ-ⵉⵙ.
ⴰⵔⵏⵓ ⵖⴻⵔ
