ⵜⴻⵄⵍⴻⵏ-ⴷ ⵜⵓⵣⵣⵢⴰ ⵜⴰⵣⵣⴰⵢⵔⵉⵜ ⵏ ⵡⴰⵎⴰⵏ , ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ, ⵖⴻⴼ ⵢⵉⵡⴻⵏ ⵏ ⵡⴰⵀⵉⵍ ⵓⴼⵔⵉⵏ ⵉ ⵓⵡⴻⵣⵣⵉ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ ⵏ ⵜⵎⴻⵖⵔⴰ (ⵍⵄⵉⴷ ⵏ ⵜⴹⵃⵉⵢⴰ). ⴰⵀⵉⵍ-ⴰⴳⵉ ⴷⴻⴳ-ⵙ ⵢⵉⵡⴻⵏ ⵏ ⵓⴼⴻⵔⴷⵉⵙ ⵏ ⵜⴰⵔⵔⴰⵢⵉⵏ ⵏ ⵓⵙⵓⴷⴷⴻⵙ, ⵜⴰⵜⵉⴽⵏⵉⴽⵜ ⴷ ⵜⴻⵢⵡⴰⵍⵜ ⴷⴻⴳ ⵜⵎⵓⵔⵜ ⵎⴻⵕⵕⴰ.
ⵉⵙⵡⵉ ⵏ ⵡⴰⵀⵉⵍ-ⴰⴳⵉ, ⵉ ⴷ-ⵢⵓⵙⴰⵏ ⵙ ⵓⵇⴰⴷⴻⵔ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⵓⵙⵙⴻⵡⵡⵉ (Irrigation) ⵉ ⵓⴹⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵓⵙⴻⴶⵀⴻⴷ ⵏ ⵜⴻⴳⵏⴰⵜⵉⵏ ⵏ ⵓⵡⴻⵣⵣⵉ ⵏ ⵡⴰⵎⴰⵏ ⴷⴻⴳ ⵜⴻⴳⵏⵉⵜ-ⴰⴳⵉ ⵏ ⴷⴷⵉⵏ ⵉ ⴷⴻⴳ ⵉⵟⵟⴰⵍⵉ ⵓⵙⵓⵜⵜⵓⵔ ⵙ ⵍⵇⴻⴷⴷ ⴰⵎⴻⵇⵇⵔⴰⵏ, ⴷ ⵓⵡⴻⵣⵣⵉ "ⵉⵕⴻⵙⵙⴰⵏ ⵓ ⵉ ⵉⵜⴻⴷⴷⵓⵏ" ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵓⵇⴱⴻⵍ ⴷ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ, ⵙ ⵢⵉⵙⵓⵔⵉⴼⴻⵏ ⵉ ⴷ-ⵉⵀⴻⵢⵢⴰⵏ ⵙ ⵣⵉⴽ.
ⴳⴰⵔ ⵜⴰⵔⵔⴰⵢⵉⵏ-ⴰⴳⵉ, ⴰⵙⴱⴻⴷⴷⵉ ⵏ ⵢⴰⴽⴽ ⵜⵓⴷⴷⵙⵉⵡⵉⵏ ⵏ ⵓⴼⴰⵔⵉⵙ ⴷ ⵓⴼⵔⴰⵇ ⴷⴻⴳ ⵓⵙⵡⵉⵔ ⵉⵄⵍⴰⵢⴻⵏ ⵏ ⵜⵓⵞⵞⵉⵜ ⵉ ⵓⴹⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴻⵥⵍⵓ. ⴰⵢⴰⴳⵉ ⵙ ⵓⵞⵞⴰⵔ ⵏ ⵢⵉⵣⴻⵇⵇⴰⵢⴻⵏ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵉⵏ, ⵉ ⵉⵡⴻⵣⵏⴻⵏ ⴰⵣⴰⵍ ⵏ 8 ⵏ ⵢⵉⵎⴻⵍⵢⴰⵢⴻⵏ ⵏ ⵢⵉⵎⵉⵜⵔⴻⵏ ⵉⵎⴰⵔⴽⴰⵢⴻⵏ. ⴷⴰⵖⴻⵏ, ⵍⵍⴰⵏ-ⴷ ⵢⵉⵎⴰⵀⵉⵍⴻⵏ ⵉ ⵓⵊⵊⴻⵢ ⵏ ⵜⴻⵙⵓⴼⴼⵜ ⵏ ⵡⴰⵎⴰⵏ ⴷⴻⴳ ⵢⵉⵢⴻⵙⴽⵉⵔⴻⵏ ⵏ ⵓⵣⴻⵟⵟⴰ ⵉⵡⴰⴽⴽⴻⵏ ⴰⴷ ⴷ-ⵓⵖⴰⵍⴻⵏ ⵡⴰⵎⴰⵏ ⵉ ⵉⵕⵓⵃⴻⵏ, ⴷ ⵓⵙⴻⴶⵀⴻⴷ ⵏ ⵡⴰⵀⵉⵍⴻⵏ ⵏ ⵓⵙⵉⵣⵣⴻⴷ ⴷ ⵓⵣⴻⵟⵟⴻⴹ ⵏ ⵜⵉⵃⵉⵛⴰⵢ ⵏ ⵓⵙⴰⵍⵉ ⵏ ⵡⴰⵎⴰⵏ ⴷ ⵡⴰⵍⵍⴰⵍⴻⵏ ⵏ ⵜⵔⵉⵙⵉⵜⵉ ⵏ ⵓⵃⵔⴰⵣ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⴰⴷ ⴷ-ⵉⵍⵍⵉⵏⵜ ⵜⵙⴻⴷⴷⴰⵔⵉⵏ ⵏ ⵓⵎⴰⵀⵉⵍ ⵉⵅⴻⴷⴷⵎⴻⵏ ⵢⵉⴹ ⴷ ⵡⴰⵙⵙ (24ⵀ/24) ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ, ⵙ ⵓⵟⵎⴰⵏ ⵏ ⵜⵉⴳⴳⴰⵡⵜ ⵙ ⵜⴰⵣⵣⵍⴰ ⵙ ⵡⴰⵍⵍⴰⵍⴻⵏ ⵏ ⵓⵜⵉⴽⵏⵉⴽ ⴷ ⵜⴽⴰⵎⵢⵓⵏⵉⵏ ⵏ ⵓⵚⴰⵀⵔⵉⴶ ⵎⴰ ⵢⴻⵍⵍⴰ-ⴷ ⴽⵔⴰ ⵏ ⵓⵖⵍⴰⴹ ⵏⴻⵖ ⵓⵅⵓⵚⵚⵓ ⵏ ⵡⴰⵎⴰⵏ.
ⵜⴰⴷⴱⴻⵍⵜ ⵜⴻⵙⵙⴻⴽⵏⴰ-ⴷ ⴷⴰⵖⴻⵏ ⵢⵉⵡⴻⵜ ⵏ ⵜⴰⵅⴻⵍⵡⵉⵜ ⵏ ⵓⵙⴼⵓⵍⴻⵍ ⴷ ⵓⵃⵔⴰⵣ ⴷⴻⴳ ⵓⵙⵡⵉⵔ ⴰⵍⴻⵎⵎⴰⵙ ⵉⵡⴰⴽⴽⴻⵏ ⴰⴷ ⴷ-ⴹⴼⵔⴻⵏ ⴰⴷⴷⴰⴷ ⵏ ⵓⵡⴻⵣⵣⵉ ⴷⴻⴳ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ. ⵙ ⵓⵣⴻⵏⵣⵉⵖ "ⵅⴷⴻⵎ ⵜⵉⴳⴳⴰⵡⵜ ⵏ ⵍⵄⵉⴷ ... ⵓ ⵙⴻⵢⵢⴻⵎ ⴰⵎⴰⵏ ⵙ ⵜⵎⵓⵖⵍⵉ", ⵜⴻⵙⵙⵉⵡⴻⵍ ⵜⵓⵣⵣⵢⴰ ⵜⴰⵣⵣⴰⵢⵔⵉⵜ ⵏ ⵡⴰⵎⴰⵏ ⵉ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⵙⵄⵓⵏ ⵍⵃⵉⵙ ⵏ ⵜⵎⴰⵙⵉⵜ ⵜⴰⵎⴻⵣⴷⴰⵢⵜ ⵙ ⵓⵙⴰⴷⴻⵔ ⵏ ⵓⵙⴻⵎⵔⴻⵙ ⵏ ⵡⴰⵎⴰⵏ ⴷ ⵓⵃⵔⴰⵣ ⵏ ⵜⵎⴰⵜⴰⵢⵉⵏ-ⴰⴳⵉ ⵉⵕⴻⵙⵙⴰⵏⴻⵏ ⵉ ⵜⵓⴷⴻⵔⵜ.
ⵉⵍⴰⵇ ⵉ ⵓⵖⵔⵉⵎ ⴰⴷ ⵉⵃⴰⴷⴻⵔ ⵖⴻⴼ ⵓⵙⴻⵎⵔⴻⵙ ⵏ ⵡⴰⵎⴰⵏ ⵙ ⵜⴰⵔⵔⴰⵢⵜ ⵉⵡⴻⵣⵏⴻⵏ ⴷⴻⴳ ⵢⴰⴽⴽ ⵢⵉⵙⵡⵉⵔⴻⵏ ⵏ ⵓⵀⴻⴳⴳⵉ ⵏ ⵍⵄⵉⴷ ⴷ ⵓⵙⵉⵣⴷⴻⴳ, ⵓ ⴰⴷ ⴷ-ⵢⴻⴱⵄⴻⴷ ⵖⴻⴼ ⵓⵙⴻⵎⵔⴻⵙ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵢⵉⵎⴰⵀⵉⵍⴻⵏ ⵓⵔ ⵏⵍⴰⵇ ⴰⵔⴰ ⴰⵎ ⵓⵙⵉⵔⴻⴷ ⵏ ⵢⵉⵔⵉ ⵏ ⵡⴻⴱⵔⵉⴷ, ⵙ ⵓⵣⴻⵟⵟⴻⴹ ⵏ ⵡⴰⵍⵍⴰⵍⴻⵏ ⵏ ⵓⵅⵅⴰⵎ ⵉⵡⴰⴽⴽⴻⵏ ⵓⵔ ⵜⵜⴻⴼⴼⵖⴻⵏ ⴰⵔⴰ ⵡⴰⵎⴰⵏ ⴱⴰⵟⴻⵍ.
ⴰⵔⵏⵓ ⵖⴻⵔ
