ⴰⵙⵙ ⵏ ⵍⴶⴻⵎⵄⴰ ⵉ ⴷ-ⵉⵜⵜⴻⴷⴷⵓⵏ (1 ⵎⴰⵢⵓ) ⴰⴷ ⵢⵉⵍⵉ ⴷ ⵉⵎⵓⵔⴰⵙ ⵢⴻⵜⵜⵡⴰⵞⴻⵍⵍⵚⴻⵏ (congé payé) ⵉ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵜⵎⵓⵙⵏⵉⵡⵉⵏ ⴷ ⵜⵏⴻⵀⵎⴰⵍⵉⵏ ⵜⵉⴳⴷⵓⴷⴰⵏⵉⵏ, ⵜⵓⴷⴷⵙⵉⵡⵉⵏ ⴷ ⵢⵉⵙⵉⵔⴻⵎⴻⵏ ⵉⴳⴷⵓⴷⴰⵏⴻⵏ ⴷ ⵡⵉⴷ ⵉⵅⵓⵚⵚⴻⵏ. ⴰⵢⴰⴳⵉ ⴷ ⴰⵙⴼⴻⴳⴳⴻⵔ ⵏ ⵍⵄⵉⴷ ⵏ ⵢⵉⵎⴰⵀⵍⴰⵏⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵎⴻⵣⴷⴰⵢ ⴳⴰⵔ ⵜⵏⴻⵖⵍⴰⴼⵜ ⵏ ⵓⵎⴰⵀⵉⵍ, ⵓⵙⴻⵍⵍⴻⴽ ⴷ ⵓⵎⴹⴰⵎⴰⵏ ⵏ ⵜⵎⴻⵜⵜⵉ ⴷ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⴰⵏⵎⴻⵥⵍⴰ ⵜⴰⴳⴷⵓⴷⴰⵏⵜ ⴷ ⵓⵙⵏⴻⴼⵍⵉ ⵓⴷⴱⴻⵍ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ "ⵙ ⵜⵎⵓⵖⵍⵉ ⵖⴻⵔ ⵍⵄⵉⴷ ⵏ ⵢⵉⵎⴰⵀⵍⴰⵏⴻⵏ, ⵓ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵙⴰⴷⵓⴼ ⵡⵓⵟⵟⵓⵏ 63-278 ⵏ 26 ⵢⵓⵍⵢⵓ 1963 ⵉ ⴷ-ⵢⴻⵡⵡⵉⵏ ⵡⵓⵎⵓⵖ ⵏ ⵢⵉⴼⴰⵙⴽⵉⵡⴻⵏ ⵓⵏⵚⵉⴱⴻⵏ, ⴰⵙⵙ ⵏ ⵍⴶⴻⵎⵄⴰ 1 ⵎⴰⵢⵓ 2026, ⵢⴻⵜⵜⵡⴰⵃⵙⴻⴱ ⴷ ⵉⵎⵓⵔⴰⵙ ⵢⴻⵜⵜⵡⴰⵅⴻⵍⵍⵚⴻⵏ ⵉ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵜⵎⵓⵙⵏⵉⵡⵉⵏ ⴷ ⵜⵏⴻⵀⵎⴰⵍⵉⵏ ⵜⵉⴳⴷⵓⴷⴰⵏⵉⵏ, ⵜⵓⴷⴷⵙⵉⵡⵉⵏ ⴷ ⵢⵉⵙⵉⵔⴻⵎⴻⵏ ⵉⴳⴷⵓⴷⴰⵏ ⴷ ⵡⵉⴷ ⵉⵅⵓⵚⵚⴻⵏ, ⴰⵎ ⴰⴽⴽⴻⵏ ⵢⴻⵄⵏⴰ ⵢⴰⴽⴽ ⵢⵉⵎⴰⵀⵍⴰⵏⴻⵏ ⵏ ⵢⵉⵏⵏⴰⵔⴻⵏ ⵎⴻⵕⵕⴰ, ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵓⵍⵓⴳⴻⵏ-ⵏⵙⴻⵏ ⴰⵎⴻⵣⵣⵓⵍⴰⵏ , ⵓⵍⴰ ⴷ ⵡⵉⴷ ⵉⵅⴻⴷⴷⵎⴻⵏ ⵙ ⵡⴰⵙⵙ ⵏⴻⵖ ⵙ ⵜⵙⴰⵄⴻⵜ".
ⵓⵖⴱⴰⵍⵓ-ⵏⵏⵉ ⵉⵙⵙⴻⴽⵏⴻⴷ-ⴷ ⴷⴰⵖⴻⵏ ⴱⴻⵍⵍⵉ "ⵜⵉⵎⵓⵙⵏⵉⵡⵉⵏ, ⵜⴰⵏⴻⵀⵎⴰⵍⵜ ⴷ ⵢⵉⵙⵉⵔⴻⵎⴻⵏ ⵉ ⴷ-ⵢⴻⵜⵜⵡⴰⴱⴻⴷⵔⴻⵏ ⵓⵇⴱⴻⵍ, ⵉⵍⴰⵇ ⴰⴷ ⴷ-ⵀⴻⴳⴳⵉⵏⵜ ⵜⴰⵔⵔⴰⵢⵉⵏ ⵉ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⴻⵥⵍⵓ (continuité du service) ⴷⴻⴳ ⵢⵉⵎⴻⵥⵍⴰ ⵉⵅⴻⴷⴷⵎⴻⵏ ⵙ ⵜⴰⵔⵔⴰⵢⵜ ⵏ ⵜⵏⵓⴱⴰⵜ
ⴰⵔⵏⵓ ⵖⴻⵔ
